ᱥᱨᱤᱱᱣᱟᱱᱛᱤ ᱪᱚᱠᱨᱚᱵᱚᱨᱛᱤ
ᱥᱨᱤᱱᱣᱟᱱᱛᱤ ᱪᱚᱠᱨᱚᱵᱚᱨᱛᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱰᱮᱱᱥᱚᱨ ᱟᱨ ᱳᱰᱤᱥᱤ ᱮᱱᱮᱡ ᱠᱳᱨᱤᱭᱚᱜᱨᱟᱯᱷᱚᱨ ᱠᱟᱱᱟᱭ ᱾ ᱦᱟᱨᱟᱛᱚᱨᱟ ᱩᱢᱮᱨ ᱠᱷᱚᱱ ᱜᱮ ᱯᱮᱥᱟᱫᱟᱨ ᱰᱮᱱᱥᱚᱨ ᱠᱟᱹᱢᱤ ᱠᱟᱱᱟᱭ ᱾ ᱤᱝᱞᱚᱸᱰ ᱨᱮ ᱛᱤᱢᱤᱱ ᱥᱮᱨᱢᱟ ᱜᱟᱱ ᱮᱱᱮᱡ ᱢᱟᱪᱮᱛ,ᱠᱳᱨᱤᱭᱚᱜᱨᱟᱯᱷᱚᱨ ᱟᱨ ᱥᱴᱮᱡᱽ ᱨᱮᱦᱚᱸ ᱩᱫᱩᱜᱼᱥᱚᱫᱚᱨ ᱟᱠᱟᱫᱟᱭ ᱾ ᱟᱡ ᱫᱚ ᱠᱚᱞᱠᱟᱛᱟ ᱨᱮ ᱢᱤᱫ ᱰᱮᱱᱥ ᱟᱥᱲᱟ ᱥᱨᱤᱱᱡᱚᱛᱤ (Srijati) ᱦᱚᱸᱭ ᱵᱮᱨᱮᱫ ᱟᱠᱟᱫᱟ,ᱱᱚᱸᱰᱮ ᱟᱡᱜᱮ ᱢᱩᱬ ᱴᱨᱮᱱᱤᱝ ᱠᱟᱹᱢᱤ ᱥᱟᱶᱛᱮ ᱪᱟᱪᱞᱟᱣᱤᱭᱟᱹ ᱦᱚᱸ ᱠᱟᱹᱢᱤ ᱠᱟᱱᱟᱭ ᱾ ᱱᱚᱸᱰᱮᱱ ᱰᱮᱱᱥᱚᱨ ᱠᱚᱨ ᱠᱚ ᱴᱨᱮᱱᱤᱝ ᱠᱟᱛᱮ ᱟᱡᱟᱜ ᱢᱤᱫ ᱮᱱᱮᱡ ᱫᱚᱞ ᱦᱚᱸᱭ ᱵᱮᱨᱮᱫ ᱟᱠᱟᱫᱟ ᱾ ᱟᱡᱟᱜ ᱯᱚᱡᱤᱴᱤᱵᱷ ᱠᱳᱨᱤᱭᱚᱜᱨᱟᱯᱷᱤ ᱠᱟᱹᱢᱤ ᱫᱤᱥᱚᱢ ᱟᱨ ᱵᱤᱫᱮᱥ ᱠᱚᱨᱮ ᱥᱟᱨᱦᱟᱣ ᱧᱟᱢ ᱟᱠᱟᱫᱟᱭ ᱾ ᱟᱭᱢᱟ ᱴᱷᱟᱶ ᱯᱷᱨᱟᱱᱥ,ᱯᱭᱟᱨᱤᱥ,ᱵᱮᱞᱡᱤᱭᱚᱢ,ᱥᱣᱤᱡᱚᱨᱞᱟᱸᱰ,ᱤᱴᱟᱞᱤ, ᱥᱣᱤᱰᱮᱱ,ᱨᱳᱢᱟᱱᱤᱭᱟ ᱮᱢᱟᱱ ᱫᱤᱥᱚᱢ ᱠᱚᱨᱮ ᱟᱡᱟᱜ ᱦᱩᱱᱟᱹᱨ ᱩᱫᱩᱜᱼᱥᱚᱫᱚᱨ ᱥᱟᱶᱛᱮ ᱠᱟᱹᱢᱤᱥᱟᱲᱟ ᱠᱚᱦᱚᱸᱭ ᱠᱚᱨᱟᱣ ᱟᱠᱟᱫᱟ ᱾
| ᱥᱨᱤᱱᱣᱟᱱᱛᱤ ᱪᱚᱠᱨᱚᱵᱚᱨᱛᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱔ ᱥᱮᱯᱴᱮᱢᱵᱚᱨ ᱑᱙᱘᱓ Bardhaman, West Bengal, India |
| ᱠᱟᱹᱢᱤ | Indian classical dancer, choreographer |
ᱟᱬᱜᱟᱛ ᱡᱤᱭᱚᱱ ᱟᱨ ᱥᱤᱠᱷᱱᱟ.ᱛ ᱥᱟᱯᱲᱟᱣ
ᱥᱨᱤᱱᱣᱟᱱᱛᱤ ᱫᱚ ᱵᱚᱨᱫᱷᱚᱢᱟᱱ,ᱯᱚᱪᱷᱤᱢ ᱵᱟᱝᱞᱟ ᱨᱮ ᱡᱟᱱᱟᱢ ᱞᱮᱱᱟᱭ ᱛᱟᱭᱚᱢ ᱜᱷᱟᱨᱚᱸᱡᱽ ᱥᱟᱶ ᱠᱚᱞᱠᱟᱛᱟ ᱛᱮᱠᱚ ᱦᱮᱡ ᱞᱮᱱᱟ ᱾ ᱟᱡ ᱫᱚ ᱵᱚᱨᱫᱷᱚᱢᱟᱱ ᱨᱮᱭᱟᱜ ᱮᱥᱴᱤ. ᱡᱟᱵᱷᱤᱭᱚᱨ ᱥᱠᱩᱞ (St. Xavier's school) ᱟᱨ ᱠᱚᱞᱠᱟᱛᱟ ᱨᱮᱭᱟᱜ ᱟᱠᱥᱤᱞᱤᱭᱚᱢ ᱠᱚᱱᱵᱷᱮᱸᱴ (Auxilium Convent) ᱟᱥᱲᱟ ᱨᱮ ᱯᱚᱲᱦᱚᱱ ᱟᱠᱟᱱᱟᱭ ᱾ ᱟᱡᱟᱜ ᱥᱚᱱᱮᱨ(BA) ᱰᱤᱜᱽᱨᱤ ᱫᱚ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ,ᱠᱚᱞᱠᱟᱛᱟ (Presidency College, Kolkata) ᱠᱷᱚᱱ ᱥᱟᱶᱛᱟ ᱥᱟᱬᱮᱥ (sociology) ᱨᱮ ᱠᱚᱨᱟᱣ ᱟᱠᱟᱫᱟᱭ ᱟᱨ ᱟᱹᱠᱤᱞᱢᱟᱞ ᱫᱚ ᱠᱚᱞᱠᱟᱛᱟ ᱡᱮᱜᱮᱛᱼᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱹᱛ ᱟᱠᱟᱫᱟᱭ ᱾ ᱟᱡᱟᱜ ᱫᱚ ᱜᱤᱫᱟᱹᱨ ᱠᱷᱚᱱ ᱜᱮ ᱮᱱᱮᱡ ᱨᱮ ᱟᱹᱰᱤ ᱡᱷᱩᱸᱠ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱚᱱᱟᱛᱮ ᱟᱡ ᱟᱭᱚ ᱣᱟᱜ ᱛᱟᱹᱨᱤᱨᱮ ᱕ ᱵᱚᱪᱷᱚᱨ ᱩᱢᱮᱨ ᱨᱮ ᱳᱰᱤᱥᱤ ᱮᱱᱮᱡ ᱴᱨᱮᱱᱤᱝ ᱧᱟᱢ ᱞᱮᱫᱟᱭ ᱾ ᱮᱛᱚᱦᱚᱵ ᱫᱚ ᱥᱩᱛᱟᱯᱟ ᱛᱟᱞᱩᱠᱫᱟᱨ (Sutapa Talukdar) ᱱᱚᱱᱫᱤᱱᱤ ᱜᱷᱳᱥᱟᱞ (Nandini Ghosal) ᱛᱤᱠᱤᱱᱟᱜ ᱛᱟᱹᱨᱤᱨᱮ ᱮᱱᱮᱡ ᱥᱮᱬᱟ ᱤᱫᱤ ᱠᱮᱫᱼᱟᱭ ᱾ ᱛᱟᱭᱚᱢ ᱜᱩᱨᱩ ᱠᱮᱲᱩᱪᱚᱨᱚᱱ ᱢᱚᱦᱟᱯᱟᱛᱨᱚ (Kelucharan Mohapatra) ᱮᱱᱮᱡ ᱯᱨᱚᱛᱤᱵᱷᱟ ᱛᱟᱭᱮ ᱩᱥᱠᱟᱹᱣ ᱚᱰᱚᱠ ᱞᱮᱫ ᱛᱟᱭᱟ ᱾ ᱟᱡᱟᱜ ᱮᱱᱮᱡ ᱠᱮᱨᱤᱭᱚᱨ ᱵᱟᱪᱷᱚᱱᱨᱮ ᱟᱡ ᱵᱟᱵᱟ ᱦᱟᱜ ᱟᱹᱰᱤᱜᱮ ᱜᱚᱲᱚ ᱥᱚᱦᱚᱫ ᱟᱨ ᱩᱥᱠᱟᱹᱣ ᱛᱟᱦᱮᱸ ᱠᱟᱱᱟ ᱾
ᱰᱮᱱᱥ ᱠᱮᱨᱤᱭᱚᱨ ᱥᱟᱯᱲᱟᱣ
ᱥᱨᱤᱱᱣᱟᱱᱛᱤ,ᱟᱡᱟᱜ ᱡᱤᱭᱚᱱ ᱳᱰᱤᱥᱤ ᱮᱱᱮᱡ ᱨᱮ ᱧᱟᱢ ᱠᱮᱫ ᱛᱟᱭᱚᱢ ᱚᱱᱟ ᱮᱱᱮᱡ ᱢᱟᱬᱟᱝ ᱥᱮᱫ ᱞᱟᱦᱟ ᱤᱫᱤ ᱞᱮᱫ ᱛᱟᱭᱟ ᱾ ᱦᱟᱨᱟᱛᱚᱨᱟ ᱨᱮᱜᱮ ᱪᱮᱛᱟᱱ ᱫᱷᱟᱯ ᱨᱮᱭᱟᱝ ᱮᱱᱮᱡ ᱥᱮᱬᱟ ᱞᱮᱫᱟᱭ ᱟᱨ ᱑᱕ ᱵᱚᱪᱚᱨ ᱩᱢᱮᱨ ᱛᱮᱜᱮ ᱢᱤᱫ ᱯᱮᱥᱟᱫᱟᱨ ᱰᱮᱱᱥᱚᱨ ᱵᱮᱱᱟᱣ ᱞᱮᱱ ᱛᱟᱦᱮᱸᱱ ᱥᱟᱶᱛᱮ ᱠᱳᱨᱤᱭᱚᱜᱨᱟᱯᱷᱤ ᱦᱚᱸ ᱛᱚᱝᱜᱮ ᱫᱚᱦᱚ ᱞᱮᱫᱟᱭ ᱾ ᱒᱐᱐᱐ ᱥᱟᱞ ᱨᱮ,ᱠᱚᱞᱠᱟᱛᱟ ᱨᱮ ᱥᱨᱤᱱᱡᱚᱛᱤ (Srijati) ᱮᱱᱮᱡ ᱮᱠᱟᱰᱮᱢᱤ ᱵᱮᱨᱮᱫ ᱟᱠᱟᱫᱼᱟᱭ ᱥᱟᱶᱛᱮ ᱟᱡᱟᱜ ᱰᱮᱱᱥ ᱜᱟᱫᱮᱞ ᱦᱚᱸᱭ ᱵᱮᱨᱮᱫ ᱟᱠᱟᱫᱟ ᱾ ᱥᱤᱧᱚᱛ ᱨᱮ ᱟᱡᱟᱜ ᱥᱳᱞᱳ ᱯᱚᱨᱯᱷᱚᱢᱟᱱᱥ ᱥᱟᱶᱛᱮ ᱟᱡᱟᱜ ᱜᱟᱫᱮᱞ ᱦᱚᱛᱮᱛᱮ ᱟᱭᱢᱟ ᱥᱴᱮᱡᱽ ᱩᱫᱩᱜᱼᱥᱚᱫᱚᱨ ᱠᱚᱨᱟᱣ ᱟᱠᱟᱫᱟᱭ ᱾ ᱒᱐᱐᱖ ᱥᱟᱞ ᱨᱮ ᱛᱤᱢᱤᱱ ᱫᱤᱱ ᱫᱚ ᱤᱝᱞᱚᱸᱰ ᱨᱮᱭᱟᱜ ᱠᱚᱞᱟ ᱫᱤ ᱟᱨᱴᱥ (Kala The Arts) ᱠᱚᱢᱯᱟᱱᱤ ᱞᱟᱹᱜᱤᱫ ᱠᱟᱹᱢᱤ ᱞᱮᱜᱼᱟᱭ ᱾ ᱟᱭᱢᱟ ᱟᱥᱲᱟ ᱠᱚᱨᱮ ᱥᱤᱠᱷᱱᱟᱹᱛ ᱠᱟᱹᱢᱤᱥᱟᱲᱟ,ᱠᱳᱨᱤᱭᱚᱜᱨᱟᱯᱷᱤ ᱟᱨ ᱜᱟᱞᱚᱪ ᱰᱮᱢᱚᱱᱥᱴᱨᱮᱥᱚᱱ ᱦᱚᱸᱭ ᱮᱢ ᱟᱠᱟᱫᱟ ᱾ ᱚᱱᱟᱛᱮ ᱟᱱᱵᱷᱤᱞ ᱟᱨᱴᱥ (Anvil Arts) ᱯᱟᱦᱴᱟ ᱠᱷᱚᱱ ᱠᱟᱹᱣᱰᱤ ᱜᱚᱲᱚ ᱥᱚᱦᱚᱫ ᱦᱚᱸᱭ ᱧᱟᱢ ᱛᱟᱦᱮᱸᱱ ᱾ ᱒᱐᱑᱐ ᱥᱟᱞ ᱨᱮ, ᱥᱨᱤᱱᱡᱚᱛᱤ ᱨᱮᱭᱟᱜ ᱢᱤᱫ ᱥᱟᱠᱷᱟ ᱯᱭᱟᱨᱤᱥ ᱨᱮ ᱵᱮᱨᱮᱫ ᱞᱮᱫᱟᱭ ᱟᱨ ᱟᱭᱢᱟ ᱜᱟᱱ ᱰᱮᱱᱥᱚᱨ ᱴᱨᱮᱱᱤᱝᱠᱚ ᱧᱟᱢ ᱫᱟᱲᱮᱭᱟᱜ ᱛᱟᱦᱮᱸᱱ ᱾