ᱥᱩᱫᱷᱚᱱᱚᱛᱤ ᱦᱚᱱᱚᱛ
ᱥᱩᱫᱷᱚᱱᱚᱛᱤ ᱵᱟᱝᱢᱟ ᱥᱩᱫᱷᱱᱚᱛᱤ (ᱩᱨᱫᱩ: ضلع سدھنوتی ) ᱫᱚ ᱟᱡᱟᱫᱽ ᱠᱟᱥᱢᱤᱨ (ᱯᱟᱠᱤᱥᱛᱟᱱ) ᱨᱮᱱᱟᱜ ᱤᱨᱟᱹᱞ ᱟᱱᱟᱜ ᱦᱚᱱᱚᱛ ᱠᱟᱱᱟ ᱾[᱑] ᱱᱚᱶᱟ ᱧᱩᱛᱩᱢ ᱨᱮᱱᱟᱜ ᱢᱮᱱᱮᱛ ᱫᱚ "ᱥᱩᱫᱷᱚᱱ ᱡᱟᱹᱛ ᱠᱚᱣᱟᱜ ᱨᱤᱫᱟᱹᱭᱛᱷᱟᱱ" ᱢᱮᱱᱛᱮ ᱵᱩᱡᱷᱟᱹᱣᱼᱟ, ᱡᱟᱦᱟᱸ ᱫᱚ ᱥᱩᱫᱷᱚᱱ (ᱥᱩᱫᱷᱟᱱ ᱟᱹᱫᱤᱵᱟᱹᱥᱤ ᱡᱟᱹᱛ) ᱟᱨ ᱱᱚᱛᱤ (ᱨᱤᱫᱟᱹᱭᱛᱷᱟᱱ -Heartland) ᱟᱹᱲᱟᱹ ᱢᱮᱥᱟ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱥᱩᱫᱷᱚᱱᱚᱛᱤ ᱫᱚ ᱞᱟᱴᱤᱪᱩᱰ (Latitude) 33° 42′ 54″ N, ᱞᱚᱝᱜᱤᱪᱩᱰ (Longitude) 73° 41′ 9″ E ᱨᱮ ᱢᱮᱱᱟᱜᱼᱟ ᱾[᱒] ᱱᱚᱶᱟ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱩᱠᱷᱭᱟᱹ ᱱᱟᱜᱽᱨᱟᱦᱟ ᱤᱥᱞᱟᱢᱟᱵᱟᱫᱽ ᱠᱷᱚᱱ ᱙᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱨᱟᱣᱟᱞᱯᱤᱱᱰᱤ ᱟᱨ ᱤᱥᱞᱟᱢᱟᱵᱟᱫᱽ ᱥᱟᱶ ᱟᱡᱟᱫᱽ ᱯᱟᱴᱴᱟᱱ ᱰᱟᱦᱟᱨ (Azad Pattan road) ᱛᱮ ᱡᱩᱲᱟᱹᱣ ᱟᱠᱟᱱᱟ ᱾
| ᱥᱩᱫᱷᱚᱱᱚᱛᱤ | |
|---|---|
| ᱦᱚᱱᱚᱛ | |
 A view of Cadet College Pallandri in Sudhanoti District | |
 ᱟᱡᱟᱫᱽ ᱠᱟᱥᱢᱤᱨ ᱱᱚᱠᱥᱟ ᱨᱮ ᱥᱩᱫᱷᱚᱱᱚᱛᱤ ᱢᱟᱨᱠᱷᱟ ᱦᱟᱠᱟᱱ | |
| ᱫᱤᱥᱚᱢ |  ᱯᱟᱠᱤᱥᱛᱟᱱ |
| ᱴᱮᱨᱤᱴᱚᱨᱤ |  ᱟᱡᱟᱫᱽ ᱠᱟᱥᱢᱤᱨ |
| ᱦᱮᱰᱠᱩᱣᱟᱴᱚᱨ | ᱯᱟᱞᱞᱟᱱᱫᱽᱨᱤ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 569 ᱠᱤᱢᱤ২ (220 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱗) |
| • ᱞᱮᱠᱷᱟᱜᱩᱴ | ᱒᱙᱗,᱕᱘᱔ |
| • ᱰᱮᱱᱥᱤᱴᱤ | 523/ᱠᱤᱢᱤ2 (1350/ᱜᱟᱺᱴ ᱢᱟᱹᱭᱤᱞ) |
| PST (ᱭᱩᱴᱤᱥᱤ+5) | |
| ᱛᱚᱦᱥᱤᱞ ᱮᱞᱮᱞ | 4 |
ᱥᱩᱫᱷᱚᱱᱚᱛᱤ ᱦᱚᱱᱚᱛ ᱫᱚ ᱯᱩᱱᱭᱟᱹ ᱛᱚᱦᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱯᱟᱞᱞᱟᱱᱫᱽᱨᱤ (Pallandri), ᱵᱟᱞᱚᱪ (Balouch), ᱢᱚᱝ (Mong) ᱟᱨ ᱛᱟᱨᱟᱨ ᱠᱷᱮᱞ (Tararkhel) ᱾[᱒] ᱯᱟᱞᱞᱟᱱᱫᱽᱨᱤ ᱱᱟᱜᱽᱨᱟᱦᱟ ᱫᱚ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱶᱟ ᱫᱚ ᱥᱟᱹᱢᱩᱫᱽ ᱞᱮᱵᱷᱮᱞ ᱠᱷᱚᱱ ᱑᱓᱗᱒ ᱢᱤᱴᱚᱨ ᱩᱥᱩᱞ ᱨᱮᱢᱮᱱᱟᱜᱼᱟ ᱟᱨ ᱨᱟᱣᱟᱞᱯᱤᱱᱰᱤ ᱠᱷᱚᱱ ᱙᱗ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱨᱟᱣᱟᱞᱟᱠᱚᱴ ᱠᱷᱚᱱ ᱖᱔ ᱠᱤᱞᱚᱢᱤᱴᱚᱨ ᱢᱮᱴᱟᱞ ᱰᱟᱦᱟᱨ (metaled road) ᱛᱮ ᱛᱚᱯᱚᱞ ᱟᱠᱟᱱᱟ ᱾
ᱪᱟᱪᱞᱟᱣ ᱠᱷᱚᱸᱰ
ᱥᱟᱯᱲᱟᱣᱥᱩᱫᱷᱚᱱᱚᱛᱤ ᱦᱚᱱᱚᱛ ᱫᱚ ᱯᱩᱱᱭᱟᱹ ᱛᱚᱦᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾[᱓] ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱯᱟᱞᱞᱟᱱᱫᱽᱨᱤ ᱛᱚᱦᱥᱤᱞ(Pallandri), ᱵᱟᱞᱚᱪ ᱛᱚᱦᱥᱤᱞ (Balouch), ᱢᱚᱝ ᱛᱚᱦᱥᱤᱞ (Mong) ᱟᱨ ᱛᱟᱨᱟᱨ ᱠᱷᱮᱞ ᱛᱚᱦᱥᱤᱞ(Tararkhel) ᱾
ᱦᱚᱲ ᱮᱞ
ᱥᱟᱯᱲᱟᱣ᱒᱐᱑᱗ ᱥᱟᱹᱦᱤᱛ ᱯᱟᱠᱤᱥᱛᱟᱱ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱒᱙᱗,᱕᱘᱔ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱔].
ᱥᱮᱪᱮᱫ
ᱥᱟᱯᱲᱟᱣ᱒᱐᱑᱗ ᱨᱮᱱᱟᱜ ᱟᱞᱤᱯᱷ ᱮᱭᱞᱟᱱ ᱯᱟᱠᱤᱥᱛᱟᱱ ᱦᱚᱱᱚᱛ ᱥᱮᱪᱮᱫ ᱨᱮᱝᱠᱤᱝ (Alif Ailaan Pakistan District Education Rankings) ᱞᱮᱠᱟᱛᱮ ᱑᱕᱕ ᱦᱚᱱᱚᱛ ᱢᱟᱹᱫᱽ ᱠᱷᱚᱱ ᱓᱔ ᱟᱱᱟᱜ ᱨᱮᱸᱠ ᱨᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱥᱮᱪᱮᱫ ᱛᱷᱚᱠ ᱨᱮ ᱥᱠᱚᱨ (score) ᱫᱚ ᱖᱘ᱹ᱘᱕ ᱛᱟᱦᱮᱸ ᱠᱟᱱᱟ ᱾ ᱥᱩᱵᱤᱫᱷᱟ ᱟᱨ ᱤᱱᱯᱷᱨᱟᱥᱴᱨᱚᱠᱪᱚᱨ (infrastructure) ᱛᱷᱚᱠ ᱨᱮ ᱢᱩᱪᱟᱹᱫ ᱩᱛᱟᱹᱨ ᱨᱮᱸᱠ ᱨᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱥᱠᱚᱨ (score) ᱫᱚ ᱖ᱹ᱗᱖ ᱛᱟᱦᱮᱸ ᱠᱟᱱᱟ ᱾[᱕]
ᱧᱩᱛᱩᱢᱟᱱᱟᱜ ᱥᱮᱪᱮᱫ ᱟᱥᱲᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ ᱢᱚᱦᱤ-ᱩᱫᱽ-ᱫᱤᱱ ᱤᱥᱞᱟᱢᱤᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ (Mohi-ud-Din Islamic University), ᱱᱮᱨᱤᱭᱟᱱ ᱥᱟᱨᱤᱯᱷ (Nerian Sharif) ᱫᱚ ᱪᱟᱮᱨᱴᱟᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ (chartered university) ᱠᱟᱱᱟ, ᱡᱟᱦᱟᱸ ᱫᱚ ᱤᱥᱞᱟᱢᱟᱵᱟᱫᱽ ᱠᱷᱚᱱ ᱑᱒᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱠᱟᱰᱮᱴ ᱠᱚᱞᱮᱡᱽ ᱯᱟᱞᱟᱱᱫᱽᱨᱤ (Cadet College Palandri) ᱫᱚ ᱤᱥᱞᱟᱢᱟᱵᱟᱫᱽ ᱠᱷᱚᱱ ᱑᱐᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "AJ&K Portal". www.ajk.gov.pk.
- ↑ ᱒.᱐ ᱒.᱑ "Subdivisions of AJK". Archived from the original on 2017-04-05. Retrieved 2019-12-05.
- ↑ "Tehsils of Sudhnoti District on AJK map". ajk.gov.pk. AJK Official Portal. Retrieved 19 November 2019.
- ↑ "Census 2017: AJK population rises to over 4m". The Nation (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2017-09-01.
- ↑ "Pakistan District Education Rankings 2017" (PDF). elections.alifailaan.pk. Alif Ailaan. Archived from the original (PDF) on 30 July 2018. Retrieved 19 November 2019.
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- ᱟᱡᱟᱫᱽ ᱡᱟᱹᱢᱩ ᱟᱨ ᱠᱟᱹᱥᱢᱤᱨ ᱥᱚᱨᱠᱟᱨ ᱣᱮᱵᱽᱥᱟᱭᱤᱴ
ᱟᱡᱟᱫᱽ ᱡᱟᱢᱩ ᱟᱨ ᱠᱟᱥᱢᱤᱨ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
