ᱥᱩᱱᱟᱢᱤ

ᱥᱩᱱᱟᱢᱤ (Tsunami) ᱫᱚ ᱡᱟᱯᱟᱱᱤ ᱟᱹᱲᱟᱹᱠᱷᱚᱱ ᱦᱮᱡ ᱟᱠᱟᱱᱟ", ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱫᱚᱨᱭᱟ ᱰᱷᱤᱯ ᱠᱷᱚᱱ ᱨᱟᱠᱟᱵ ᱠᱟᱱ ᱰᱷᱮᱶ (harbor wave) ᱾ ᱚᱛ ᱞᱟᱲᱟᱶ, ᱞᱟᱵᱷᱟ ᱯᱷᱩᱨ ᱛᱩᱫ, ᱫᱟᱜ ᱵᱷᱤᱛᱨᱤ ᱨᱮ ᱦᱩᱭᱩᱜ ᱠᱟᱱ ᱰᱷᱟᱹᱶ, ᱚᱛ ᱠᱷᱚᱥᱨᱟᱶ, ᱩᱞᱠᱟᱹ ᱧᱩᱨ ᱮᱢᱟᱱ ᱠᱚᱛᱮ ᱥᱩᱱᱟᱢᱤ ᱫᱚ ᱛᱮᱭᱟᱨᱚᱜᱼᱟ ᱾ ᱥᱩᱱᱟᱢᱤ ᱫᱚ ᱥᱟᱫᱷᱟᱨᱚᱱ ᱫᱚᱨᱭᱟ ᱨᱮᱭᱟᱜ ᱰᱷᱮᱶ ᱫᱚ ᱵᱟᱝ ᱠᱟᱱᱟ ᱠᱟᱨᱚᱱ ᱱᱚᱶᱟ ᱨᱮᱭᱟᱜ ᱡᱷᱟᱹᱱᱟᱹᱞ (length) ᱫᱚ ᱟᱹᱰᱤ ᱡᱤᱞᱤᱧᱟ ᱾ ᱱᱚᱶᱟ ᱫᱚ ᱥᱟᱫᱷᱟᱨᱚᱱ ᱰᱷᱮᱶ ᱞᱮᱠᱟ ᱵᱟᱝ ᱧᱮᱞᱚᱜᱼᱟ ᱵᱚᱨᱚᱢ ᱡᱩᱨ ᱛᱮ ᱦᱤᱡᱩᱜ ᱠᱟᱱ ᱡᱩᱶᱟᱨ ᱞᱮᱠᱟ ᱧᱮᱞᱤᱜᱼᱟ ᱾ ᱤᱝᱞᱤᱥ ᱛᱮ ᱱᱚᱶᱟ ᱫᱚ Tidal wave ᱠᱚ ᱢᱮᱛᱟᱜᱼᱟ ᱾ ᱥᱩᱱᱟᱢᱤ ᱟᱹᱰᱤ ᱜᱟᱱ ᱪᱷᱤᱠᱟᱹᱶ ᱫᱤᱜ ᱢᱮᱥᱟ ᱠᱟᱛᱮ ᱛᱮᱭᱟᱨᱚᱜᱼᱟ ᱟᱨ ᱱᱚᱶᱟ ᱨᱮᱭᱜ ᱟᱹᱟᱱᱟᱹᱪᱩᱨ ᱚᱠᱛᱚ ᱫᱚ ᱢᱤᱫ ᱢᱤᱱᱤᱴ ᱠᱷᱚᱱ ᱢᱤᱫ ᱜᱷᱚᱱᱴᱟ ᱦᱟᱹᱵᱤᱡ ᱦᱩᱭᱩᱜᱼᱟ ᱾ ᱤᱝᱞᱤᱥ ᱛᱮ ᱱᱚᱶᱟ ᱫᱚ wave train ᱠᱚ ᱢᱮᱛᱟᱜᱼᱟ ᱾ ᱫᱚᱨᱭᱟ ᱫᱷᱟᱨᱮ ᱦᱚᱲ ᱡᱤᱵᱽ ᱡᱤᱭᱟᱹᱞᱤ ᱥᱩᱱᱟᱹᱢᱤ ᱛᱮᱫᱚ ᱵᱤᱥᱛᱤ ᱠᱚ ᱠᱷᱤᱛᱤᱜᱼᱟ ᱾ ᱒᱐᱐᱔ ᱥᱟᱞ ᱨᱮ ᱵᱷᱟᱨᱚᱛ ᱢᱟᱦᱟᱫᱚᱨᱭᱟ ᱨᱮ ᱦᱩᱭ ᱞᱮᱱ ᱥᱩᱱᱟᱢᱤ ᱡᱚᱛᱚ ᱠᱷᱚᱱ ᱵᱚᱛᱚᱨᱟᱱᱟᱜ ᱫᱚ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱨᱮᱫᱚ ᱵᱷᱟᱨᱚᱛ ᱢᱟᱦᱟᱫᱚᱨᱭᱟ ᱥᱩᱨ ᱨᱮ ᱢᱮᱱᱟᱜ ᱑᱔ ᱜᱚᱴᱟᱝ ᱫᱤᱥᱚᱢ ᱨᱮᱱ ᱒,᱓᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱜᱚᱡ ᱞᱮᱱᱟ ᱾ ᱡᱤᱥᱩ ᱡᱟᱱᱟᱢᱚᱜ ᱨᱮᱭᱟᱜ ᱔᱒᱖ ᱥᱟᱞ ᱢᱟᱬᱟᱝ ᱨᱮ ᱜᱨᱤᱥ ᱨᱮᱱᱤᱡ ᱱᱟᱜᱟᱢᱤᱭᱟᱹᱭ ᱞᱟᱹᱭ ᱞᱮᱜᱼᱟ ᱫᱚᱨᱭᱟ ᱵᱷᱤᱛᱨᱤ ᱨᱮ ᱚᱛ ᱞᱟᱲᱟᱶ ᱞᱮᱱᱠᱷᱟᱱ ᱥᱩᱱᱟᱢᱤ ᱛᱮᱭᱟᱨᱚᱜᱼᱟ ᱾ ᱵᱟᱨᱜᱮᱞ ᱥᱟᱭᱟᱝ ᱫᱷᱟᱹᱵᱤᱡ ᱱᱮᱛᱟᱨ ᱫᱷᱟᱹᱵᱤᱡ ᱦᱚᱸ ᱥᱩᱱᱟᱢᱤ ᱪᱮᱫ ᱞᱮᱠᱟ ᱛᱮ ᱡᱥᱥᱢᱚᱜ ᱠᱟᱱᱟ ᱚᱱᱟ ᱫᱚ ᱵᱟᱭ ᱴᱷᱟᱶᱠᱟᱹ ᱦᱟ ᱾ ᱱᱤᱛᱚᱜ ᱠᱷᱚᱸᱫᱽᱨᱚᱫᱽ ᱨᱮᱭᱟᱜ ᱥᱟᱛᱟᱢ ᱦᱩᱭᱩᱜ ᱠᱟᱱᱟ - ᱟᱹᱰᱤ ᱢᱟᱨᱟᱝ ᱚᱛ ᱞᱟᱲᱟᱶ ᱥᱩᱱᱟᱢᱤ ᱵᱟᱭ ᱛᱮᱭᱟᱨᱮᱫ ᱡᱷᱚᱜ ᱦᱩᱰᱤᱧ ᱚᱛ ᱞᱟᱲᱟᱶ ᱚᱠᱟ ᱞᱮᱠᱟ ᱛᱮ ᱥᱩᱱᱟᱢᱤᱭ ᱛᱮᱟᱨᱮᱜᱼᱟ? ᱥᱩᱱᱟᱢᱤ ᱵᱟᱵᱚᱛ ᱠᱷᱚᱵᱚᱨ ᱪᱮᱫ ᱞᱮᱠᱟᱛᱮ ᱢᱟᱬᱟᱝ ᱨᱮ ᱧᱟᱢᱚᱜᱼᱟ ᱚᱱᱟ ᱛᱮᱴᱮᱡ ᱱᱤᱛ ᱦᱚᱸ ᱪᱟᱹᱞᱩ ᱟᱠᱟᱱᱟ ᱾

᱒᱐᱐᱔ ᱥᱟᱞᱮ ᱨᱮᱱᱟᱜ ᱥᱩᱱᱟᱢᱤ ᱪᱤᱛᱟᱹᱨ

2004 ᱥᱟᱞ ᱨᱮ ᱵᱷᱟᱨᱚᱛ ᱢᱟᱦᱟᱫᱚᱨᱭᱟ ᱨᱮ ᱦᱩᱭ ᱞᱮᱱ ᱥᱩᱱᱟᱢᱤ ᱡᱷᱚᱜ ᱛᱷᱟᱭᱞᱟᱸᱰ ᱨᱮᱭᱮᱜ ᱯᱷᱚᱴᱚ

ᱡᱟᱱᱟᱢᱚᱜ ᱠᱟᱨᱚᱱ

ᱫᱚᱨᱭᱟ ᱨᱮ ᱢᱤᱫ ᱫᱷᱟᱶ ᱛᱮ ᱟᱹᱰᱤ ᱜᱟᱱ ᱫᱟᱜ ᱪᱷᱤᱞᱠᱟᱹᱜ ᱥᱩᱱᱟᱢᱤ ᱛᱮᱭᱟᱨᱚᱜ ᱨᱮᱭᱥᱟᱜ ᱢᱩᱬ ᱠᱟᱨᱚᱱ ᱠᱟᱱᱟ ᱾ ᱱᱚᱝᱠᱟ ᱟᱹᱰᱤ ᱜᱟᱱ ᱫᱟᱜ ᱪᱷᱤᱞᱠᱟᱹᱜ ᱫᱚ ᱚᱛ ᱞᱟᱲᱟᱶ, ᱚᱛ ᱠᱷᱚᱥᱟᱶ, ᱞᱟᱵᱷᱟ ᱯᱷᱩᱨ ᱛᱩᱫ, ᱜᱞᱮᱥᱤᱭᱚᱨ ᱠᱮᱪᱟᱜ ᱟᱨ ᱢᱤᱢᱤᱫ ᱫᱷᱟᱶ ᱫᱚ ᱩᱞᱠᱟᱹ ᱧᱩᱨᱩᱜ ᱛᱮᱦᱸ ᱦᱩᱭᱩᱜᱼᱟ ᱾ ᱱᱚᱶᱟ ᱪᱷᱤᱞᱠᱟᱹᱶ ᱫᱟᱜ ᱫᱷᱟᱹᱨᱛᱤ ᱨᱮᱭᱟᱜ ᱚᱱᱚᱨ ᱫᱟᱲᱮ ᱛᱮ ᱛᱟᱦᱩᱸ ᱫᱟᱲᱮᱭᱟᱱᱟᱜ ᱛᱮ ᱟᱹᱨᱩᱜᱼᱟ ᱾ ᱡᱩᱶᱟᱹᱨ ᱛᱮᱫᱚ ᱥᱩᱱᱟᱢᱤ ᱵᱟᱭ ᱛᱮᱭᱟᱨᱚᱜᱼᱟ ᱾

ᱯᱷᱮᱰᱟᱛ

• https://or.wikipedia.org/wiki/%E0%AC%B8%E0%AD%81%E0%AC%A8%E0%AC%BE%E0%AC%AE%E0%AC%BF

ᱵᱟᱦᱨᱮ ᱡᱚᱱᱚᱲ

• World's Tallest Tsunami – geology.com
• Tsunami Data and Information – National Geophysical Data Center
• IOC Tsunami Glossary – International Tsunami Information Center (UNESCO)
• Tsunami & Earthquake Research at the USGS – United States Geological Survey
• Intergovernmental Oceanographic Commission – Intergovernmental Oceanographic Commission
• Tsunami – National Oceanic and Atmospheric Administration
• Wave That Shook The World – Nova (TV series)
• Recent and Historical Tsunami Events and Relevant Data – Pacific Marine Environmental Laboratory
• Raw Video: Tsunami Slams Northeast Japan – Associated Press