ᱥᱩᱱᱮᱭᱤ ᱰᱮᱢ

ᱥᱩᱱᱮᱭᱤ ᱰᱮᱢ -: ᱥᱩᱱᱮᱭᱤ ᱰᱮᱢ ᱫᱚ ᱥᱳᱱ ᱜᱟᱰᱟ ᱨᱮᱠᱚ ᱛᱚᱞ ᱟᱠᱟᱫᱼᱟ᱾ ᱢᱚᱭᱩᱨ ᱵᱷᱚᱸᱡᱽ ᱡᱤᱞᱞᱟ ᱠᱚᱯᱫᱤᱯᱚᱫᱟ ᱵᱞᱚᱠ ᱥᱟᱲᱚᱪᱩᱣᱟ ᱨᱮ ᱢᱮᱱᱟᱜᱼᱟ᱾ ᱩᱫᱲᱟ ᱠᱷᱚᱱ ᱫᱚ ᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱦᱩᱭᱩᱜᱼᱟ᱾ ᱑᱙᱗᱔ ᱥᱟᱞᱮ ᱨᱮ ᱥᱤᱨᱟᱹᱢᱚᱱᱛᱨᱤ ᱱᱚᱸᱫᱤᱱᱤ ᱥᱚᱛᱯᱚᱛᱷᱤ ᱮ ᱩᱰᱷᱟᱹᱣ ᱥᱟᱹᱜᱩᱱ ᱞᱮᱜᱼᱟ ᱟᱨ ᱑᱙᱗᱖ ᱥᱟᱞ ᱨᱮ ᱰᱮᱢ ᱠᱟᱹᱢᱤ ᱮᱦᱚᱵ ᱠᱟᱛᱮ ᱑᱙᱙᱒ ᱥᱟᱞ ᱨᱮ ᱠᱟᱹᱢᱤ ᱯᱤᱨᱟᱹᱣ ᱞᱮᱱᱟ᱾ ᱰᱮᱢ ᱨᱮᱱᱟᱜ ᱡᱤᱞᱤᱧ ᱒᱑᱓᱔ ᱢᱤᱴᱚᱨ ᱟᱨ ᱩᱥᱩᱞ ᱫᱚ ᱓᱐ ᱢᱤᱴᱚᱨ ᱢᱮᱱᱟᱜᱼᱟ᱾ ᱱᱚᱶᱟ ᱰᱮᱢ ᱫᱟᱨᱟᱭ ᱛᱮ ᱢᱚᱭᱩᱨ ᱵᱷᱚᱸᱡᱽ ᱟᱨ ᱵᱟᱞᱮᱥᱭᱚᱨ ᱡᱤᱞᱞᱟ ᱨᱮᱱᱟᱜ ᱑᱕᱒ ᱜᱚᱴᱟᱜ ᱟᱹᱛᱩ ᱦᱚᱲ ᱪᱟᱥ ᱵᱟᱥ ᱫᱟᱜ ᱯᱟᱴᱟᱱ ᱠᱟᱹᱢᱤ ᱥᱟᱶᱛᱮ ᱡᱚᱛᱚᱣᱟᱜ ᱠᱚ ᱩᱯᱠᱟᱹᱨᱚᱜ ᱠᱟᱱᱟ᱾