ᱥᱳᱢᱫᱟᱛᱛᱟ ᱥᱤᱱᱦᱟ

ᱥᱳᱢᱫᱟᱛᱛ ᱥᱤᱱᱦᱟ (ᱡᱟᱱᱟᱢ ᱑᱙᱕᱑) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱨᱚᱥᱤᱠᱪᱷᱟᱱᱤᱭᱟᱹ ᱟᱨ ᱡᱤᱣᱤ ᱥᱟᱬᱮᱥ ᱨᱤᱱᱤᱡ ᱯᱨᱚᱯᱷᱮᱥᱟᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱤᱧᱚᱛ ᱨᱮ ᱥᱤᱫᱷᱟᱱᱛ ᱡᱤᱣᱤ ᱥᱟᱬᱮᱥ ᱨᱮᱱᱟᱜ ᱮᱛᱚᱦᱚᱵ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱡᱤᱣᱤ ᱥᱟᱬᱮᱥ ᱨᱮᱱᱟᱜ ᱦᱚᱨᱚᱯ ᱟᱨ ᱰᱤᱡᱟᱭᱤᱱ ᱵᱟᱰᱟᱭ ᱞᱟᱹᱜᱤᱫ ᱩᱱᱤᱭᱟᱜ ᱥᱟᱬᱮᱥ ᱫᱚ ᱦᱤᱥᱟᱵᱽ ᱛᱮᱭᱟᱨ ᱟᱨ ᱠᱚᱢᱯᱭᱩᱴᱮᱥᱚᱱᱟᱞ ᱡᱤᱣᱤ ᱥᱟᱬᱮᱥ, ᱱᱚᱱᱞᱟᱭᱤᱱᱤᱭᱚᱨ ᱰᱟᱭᱱᱟᱢᱤᱠᱥ ᱟᱨ ᱠᱚᱢᱯᱞᱮᱠᱥ ᱥᱤᱥᱴᱚᱢ ᱨᱮᱱᱟᱜ ᱤᱱᱴᱟᱨ ᱰᱤᱥᱯᱞᱤᱢᱮᱱᱴ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱮᱞᱠᱷᱟ ᱟᱨ ᱠᱚᱢᱯᱭᱩᱴᱮᱥᱱᱟᱞ ᱦᱚᱨᱟ ᱠᱚ ᱵᱮᱣᱦᱟᱨ ᱠᱟᱛᱮ ᱡᱤᱣᱤ ᱥᱟᱬᱮᱥ ᱨᱮ ᱟᱱᱩᱯᱟᱛ-ᱞᱳᱠᱤᱠ ᱚᱨᱜᱟᱱᱟᱭᱡᱮᱥᱟᱱ ᱨᱮᱭᱟᱜ ᱯᱟᱲᱦᱟᱣ ᱮᱫᱟᱭ ᱾ ᱡᱤᱣᱤ ᱥᱟᱬᱮᱥ ᱨᱮ ᱨᱟᱥᱴᱨᱤᱭᱚ ᱚᱨᱜᱟᱱᱟᱭᱡᱮᱥᱚᱱ ᱠᱷᱚᱱ ᱦᱚᱲ ᱠᱚ ᱛᱟᱞᱟ ᱨᱮ ᱥᱮᱨᱮᱧ ᱨᱮᱱᱟᱜ ᱯᱟᱥᱱᱟᱣ ᱦᱟᱹᱵᱤᱡ ᱟᱠᱟᱫᱟᱭ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱢᱤᱴᱤᱝ, ᱴᱨᱮᱱᱤᱝ ᱯᱨᱚᱜᱨᱟᱢ, ᱥᱚᱱᱢᱟᱱ ᱟᱨ ᱟᱱᱩᱥᱩᱪᱤᱛ ᱟᱨ ᱯᱚᱥᱴ ᱜᱽᱨᱮᱡᱩᱮᱴᱟᱨ ᱨᱮ ᱤᱱᱴᱟᱨ ᱰᱤᱥᱯᱤᱞᱤᱠᱟᱞ ᱠᱳᱨᱥᱳᱥ ᱮᱢᱟᱱ ᱛᱮᱭᱟᱨ ᱠᱟᱛᱮ ᱟᱡᱟᱜ ᱫᱤᱥᱚᱢ ᱨᱮ ᱢᱮᱪᱤᱴᱤᱠ ᱟᱨ ᱠᱚᱢᱯᱭᱩᱴᱮᱥᱱᱟᱞ ᱡᱤᱣᱤ ᱥᱟᱬᱮᱥ ᱨᱮᱭᱟᱜ ᱯᱨᱚᱥᱛᱟᱵᱽ ᱨᱮ ᱢᱩᱬᱩᱛ ᱮᱱᱮᱡ ᱮ ᱠᱷᱮᱞ ᱟᱠᱟᱫᱟ ᱾ ᱩᱱᱤᱭᱟᱜ ᱯᱨᱚᱥᱚᱸᱥᱠᱟᱨ ᱨᱮ ᱟᱹᱰᱤ ᱞᱮᱠᱟᱱ ᱡᱤᱣᱤᱵᱟᱹᱫᱤ ᱡᱤᱱᱤᱥ ᱠᱚ ᱵᱟᱰᱟᱭ ᱞᱟᱹᱜᱤᱫ ᱮᱞᱠᱷᱟ ᱟᱨ ᱯᱷᱤᱡᱤᱠᱚᱞ ᱦᱚᱨᱟ ᱠᱚ ᱵᱮᱵᱷᱟᱨ ᱠᱟᱛᱮ ᱡᱤᱣᱤᱵᱟᱹᱫᱤ ᱡᱤᱱᱤᱥ ᱠᱚ ᱨᱮᱱᱟᱜ ᱯᱮᱴᱨᱚᱱ, ᱤᱱᱴᱟᱨᱮᱠᱥᱚᱱ ᱟᱨ ᱰᱟᱭᱱᱟᱢᱮᱴᱤᱠᱟᱞ ᱠᱚ ᱥᱮᱞᱮᱫ ᱟᱠᱟᱱᱟ ᱾ ᱥᱤᱱᱦᱟ ᱟᱜ ᱥᱟᱬᱮᱥ ᱥᱮᱞᱮᱫ ᱫᱚ ᱡᱮᱜᱮᱫ ᱡᱟᱠᱟᱛ ᱡᱤᱣᱤ ᱥᱟᱬᱮᱥ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱛᱷᱚᱠ ᱨᱮ ᱢᱮᱱᱟᱜᱼᱟ, ᱡᱮᱞᱮᱠᱟ ᱥᱟᱨᱠᱟᱰᱤᱭᱟᱱ ᱞᱟᱭ, ᱯᱮᱴᱨᱚᱱ ᱵᱮᱱᱟᱣ, ᱡᱤᱣᱤ ᱪᱤᱠᱤ, ᱥᱤᱱᱛᱷᱮᱴᱤᱠ ᱡᱤᱣᱤ ᱥᱟᱬᱮᱥ, ᱥᱤᱝᱜᱚᱞ ᱟᱨ ᱢᱮᱴᱟ-ᱡᱟᱹᱛᱤ ᱡᱤᱣᱤ ᱥᱚᱢᱵᱚᱸᱫᱷᱟᱱ, ᱤᱯᱷᱮᱰᱮᱢᱤᱭᱚᱞᱚᱡᱤ, ᱟᱨ ᱥᱯᱮᱴᱤᱭᱳᱴᱮᱢᱯᱚᱨᱟᱞ ᱰᱟᱭᱱᱟᱢᱵᱤᱞᱤᱴᱤ ᱨᱮᱱᱟᱜ ᱠᱚᱱᱴᱨᱚᱞ ᱾ ᱩᱱᱤ ᱫᱚ Chaos Game Representation (CGR) ᱟᱨ Multi-fractal analysis, ᱜᱽᱨᱟᱯᱷ ᱛᱷᱤᱭᱚᱨᱤ ᱵᱮᱵᱷᱟᱨ ᱠᱟᱛᱮ ᱯᱨᱳᱴᱤᱱ ᱥᱴᱨᱟᱠᱪᱟᱨ ᱯᱷᱚᱱᱠᱥᱚᱱ ᱮᱱᱟᱞᱤᱥᱤᱥ ᱟᱨ ᱢᱟᱨᱟᱝ ᱡᱤᱣᱤ ᱨᱟᱥᱴᱨᱤᱭᱚ ᱠᱮᱢᱤᱠᱟᱞ ᱰᱟᱦᱟᱨ ᱨᱮᱱᱟᱜ ᱱᱮᱴᱣᱟᱨᱠ ᱮᱱᱟᱞᱤᱥ ᱵᱮᱵᱷᱟᱨ ᱠᱟᱛᱮ ᱡᱤᱣᱤᱵ ᱡᱟᱱᱣᱟᱨ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱞᱟᱹᱜᱤᱫ ᱛᱮ ᱡᱮᱱᱳᱢ ᱨᱮᱱᱟᱜ ᱠᱚᱢᱯᱩᱴᱮᱥᱚᱱᱟᱞ ᱮᱱᱟᱞᱤᱥᱤ (computational analysis) ᱮ ᱪᱟᱞ ᱟᱠᱟᱱ ᱛᱟᱦᱮᱱᱟ᱾ ᱩᱱᱤᱭᱟᱜ ᱯᱨᱚᱥᱛᱟᱵᱽ ᱠᱚ ᱫᱚ ᱚᱱᱟ ᱡᱟᱭᱜᱟ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜᱼᱟ ᱟᱨ ᱟᱹᱰᱤ ᱜᱮ ᱠᱚᱴᱤᱠᱟᱴ ᱟᱠᱟᱱᱟ ᱾ ᱒᱐᱑᱓ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱟᱜ ᱡᱤᱵᱚᱱ ᱟᱹᱨᱤ ᱥᱟᱬᱮᱥ ᱰᱤᱯᱟᱨᱴᱢᱮᱱᱴ ᱦᱚᱛᱮᱛᱮ ᱡᱮᱡᱟᱹᱛᱤᱭᱟᱹᱨᱤ ᱥᱤᱱᱤᱭᱚᱨ ᱠᱩᱲᱤ ᱡᱤᱵᱚᱱ ᱟᱹᱨᱤ ᱥᱟᱬᱮᱥᱤᱭᱟᱹ ᱥᱤᱨᱯᱷᱟᱹ (ᱡᱤᱭᱚᱱ ᱠᱷᱟᱛᱟ ᱞᱟᱹᱜᱤᱫ) ᱟᱨ ᱡᱮᱡᱟᱹᱛᱤᱭᱟᱹᱨᱤ ᱯᱷᱮᱞᱳᱥᱤᱯ ᱛᱮ ᱢᱟᱱᱚᱛ ᱮ ᱧᱟᱢ ᱞᱮᱫᱼᱟ ᱾ ᱡᱮᱥᱤ ᱵᱳᱥ ᱥᱤᱧᱚᱛ ᱥᱚᱨᱠᱟᱨ ᱨᱮᱭᱟᱜ ᱥᱟᱬᱮᱥ ᱟᱨ ᱴᱮᱠᱱᱚᱞᱚᱡᱤ ᱯᱟᱦᱴᱟ ᱠᱷᱚᱱ ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱤᱱᱤᱡ ᱡᱟᱹᱛᱤᱭᱟᱹᱨᱤ ᱥᱟᱬᱮᱥ ᱮᱠᱟᱰᱮᱢᱤ, ᱵᱷᱟᱨᱟᱛ ᱥᱟᱬᱮᱥ ᱮᱠᱟᱰᱮᱢᱤ ᱟᱨ ᱡᱟᱹᱛᱤᱭᱟᱹᱨᱤ ᱥᱟᱬᱮᱥ ᱮᱠᱟᱰᱮᱢᱤ, ᱵᱷᱟᱨᱚᱛ ᱨᱤᱱᱤᱡ ᱯᱷᱮᱞᱳ ᱠᱟᱱᱟᱭ ᱾ ᱒᱐᱐᱐-᱒᱐᱐᱑ ᱥᱮᱨᱢᱟ ᱞᱟᱹᱜᱤᱫ ᱩᱱᱤ ᱫᱚ ᱵᱷᱤᱥᱮᱱᱥᱪᱟᱯᱴᱥᱠᱳᱞᱮᱡᱽ ᱡᱩ ᱵᱚᱨᱞᱤᱱ (ᱵᱚᱨᱞᱤᱱ, ᱡᱟᱨᱢᱟᱱᱤ ᱨᱮ ᱮᱰᱵᱷᱟᱱᱥᱰ ᱥᱴᱮᱰᱤᱭᱚᱥ ᱤᱱᱥᱴᱤᱴᱭᱩᱴ) ᱨᱮ ᱯᱷᱮᱞᱳ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ᱾ ᱟᱨ ᱵᱽᱨᱤᱴᱤᱥ ᱠᱚᱞᱚᱢᱵᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱤᱴᱟᱨ ᱣᱚᱞ ᱤᱱᱥᱴᱤᱴᱭᱩᱴ ᱨᱮ ᱤᱱᱴᱟᱨᱱᱮᱥᱱᱟᱞ ᱵᱤᱡᱤᱴᱤᱝ ᱨᱤᱥᱟᱨᱪ ᱥᱠᱳᱞᱚᱨ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱒᱐᱑᱘ ᱥᱮᱨᱢᱟ ᱨᱮ ᱵᱷᱟᱱᱠᱩᱵᱚᱨ, ᱠᱮᱱᱟᱰᱟ ᱨᱮ ᱾ ᱱᱩᱭ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱟᱹᱰᱤ ᱜᱟᱱ ᱡᱟᱭᱜᱟ ᱨᱮᱭ ᱥᱮᱱ ᱟᱠᱟᱱᱟ ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚᱨᱮ ᱟᱭᱢᱟ ᱞᱮᱠᱟᱱ ᱜᱟᱞᱚᱪ ᱛᱮᱭ ᱨᱚᱲ ᱟᱠᱟᱫᱟ᱾

ᱩᱱᱤ ᱫᱚ ᱵᱷᱤᱥᱣᱚ ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱷᱤᱡᱤᱠᱥ ᱨᱮ ᱵᱤ. ᱯᱷᱤᱞ ᱟᱨ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱱᱟᱶᱟ ᱫᱤᱞᱞᱤ ᱠᱷᱚᱱ ᱥᱟᱬᱮᱥᱤᱭᱟᱹ ᱡᱤᱣᱤ ᱥᱟᱬᱮᱥ ᱨᱮ ᱯᱤ.ᱮᱪ.ᱰᱤ. (᱑᱙᱘᱒) ᱨᱮᱱᱟᱜ ᱥᱤᱨᱯᱟᱹᱭ ᱟᱢᱮᱴ ᱟᱠᱟᱫᱟ ᱾ ᱑᱙᱘᱓ ᱠᱷᱚᱱ ᱒᱐᱑᱑ ᱫᱷᱟᱹᱵᱤᱡ ᱩᱱᱤ ᱫᱚ ᱥᱮᱞᱭᱩᱞᱟᱨ ᱟᱨ ᱢᱚᱞᱤᱠᱩᱞᱟᱨ ᱵᱟᱭᱚᱞᱚᱡᱤ ᱛᱟᱞᱢᱟ ᱨᱮ ᱢᱤᱫ ᱥᱟᱬᱮᱥᱤᱭᱟᱹ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫ-ᱟ ᱾ ᱛᱟᱭᱚᱢ ᱩᱱᱤ ᱫᱚ ᱒᱐᱑᱑ ᱠᱷᱚᱱ ᱒᱐᱑᱖ ᱟᱨ ᱒᱐᱑᱖ ᱠᱷᱚᱱ ᱒᱐᱑᱙ ᱫᱷᱟᱹᱵᱤᱡ ᱵᱷᱟᱨᱚᱛᱤᱭᱚ ᱥᱟᱬᱮᱥ ᱥᱮᱪᱮᱫ ᱟᱨ ᱥᱟᱬᱮᱥ ᱤᱱᱥᱴᱤᱴᱭᱩᱴᱚᱱ ᱢᱳᱦᱟᱞᱤ ᱨᱮ ᱯᱩᱨᱟᱹ ᱯᱨᱚᱯᱷᱮᱥᱚᱨ ᱟᱨ ᱛᱟᱭᱚᱢ ᱛᱮ ᱵᱤᱡᱤᱴᱤᱝ ᱯᱨᱚᱯᱷᱮᱥᱚᱨ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱱᱤᱛᱚᱜ ᱫᱚ IISER ᱠᱚᱞᱠᱟᱛᱟ ᱨᱮ ᱵᱤᱡᱤᱴᱤᱝ ᱯᱨᱚᱯᱷᱮᱥᱟᱨ ᱠᱟᱱᱟᱭ ᱾ ᱟᱨ ᱚᱥᱳᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱥᱳᱱᱤᱯᱟᱛ ᱨᱮ ᱵᱤᱡᱤᱴᱤᱝ ᱯᱨᱚᱯᱷᱮᱥᱚᱨ ᱠᱟᱱᱟᱭ ᱾ ᱩᱱᱤ ᱫᱚ ᱤᱝᱨᱮᱡᱤ ᱟᱨ ᱵᱚᱝᱜᱚᱞᱤ ᱯᱟᱹᱨᱥᱤ ᱨᱮᱱᱟᱜ ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱟᱹᱰᱤ ᱜᱟᱱ ᱧᱩᱛᱩᱢᱟᱱ ᱥᱟᱬᱮᱥ ᱚᱱᱚᱞ ᱠᱚᱭ ᱚᱞ ᱟᱠᱟᱫᱟ ᱟᱨ NCERT ᱥᱟᱬᱮᱥ ᱯᱩᱛᱷᱤ ᱠᱚᱨᱮ ᱥᱟᱶ-ᱥᱟᱥᱚᱱᱮᱫ ᱮ ᱛᱟᱦᱮᱸ ᱠᱟᱱᱟ᱾