ᱥᱳᱨᱟᱱᱩᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱥᱳᱨᱟᱱᱩᱨ ᱡᱚᱸᱠᱥᱚᱱ (ᱥᱴᱮᱥᱚᱱ ᱠᱳᱰ: SRR[᱓]) ᱫᱚ ᱮᱛᱚᱢ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱢᱤᱫᱴᱟᱹᱝ ᱮᱱ.ᱮᱥ.ᱡᱤ. -᱓ ᱛᱷᱚᱠ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾[᱔] ᱱᱚᱣᱟ ᱫᱚ ᱠᱮᱨᱟᱞ ᱨᱮᱱᱟᱜ ᱯᱚᱞᱚᱠᱠᱚᱲ ᱦᱚᱱᱚᱛ ᱨᱮᱱᱟᱜ ᱥᱳᱨᱟᱱᱩᱨ ᱨᱮ ᱢᱮᱱᱟᱜ ᱢᱤᱫ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱫᱚ ᱢᱤᱫ ᱢᱩᱬ ᱡᱚᱸᱠᱥᱚᱱ ᱠᱟᱱᱟ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱚᱱᱟ ᱴᱷᱟᱶ ᱠᱟᱱᱟ ᱡᱟᱦᱟᱸ ᱨᱮ ᱪᱮᱱᱱᱟᱭ ᱠᱷᱚᱱ ᱡᱳᱞᱟᱨᱯᱮᱴᱴᱴᱟᱭ, ᱤᱨᱳᱰ ᱟᱨ ᱯᱚᱞᱚᱠᱠᱚᱲ ᱦᱚᱛᱮᱛᱮ ᱞᱟᱭᱤᱱ ᱢᱟᱝᱜᱽᱞᱳᱨ ᱠᱷᱚᱱ ᱠᱚᱱᱭᱟᱠᱩᱢᱟᱨᱤ ᱫᱷᱟᱹᱨᱤᱡ ᱫᱚᱨᱭᱟ ᱥᱤᱢᱟᱹ ᱨᱮ ᱥᱮᱞᱮᱫᱚᱜᱼᱟ ᱾ ᱱᱚᱣᱟ ᱵᱮᱜᱚᱨ, ᱥᱳᱨᱟᱱᱩᱨ ᱡᱚᱸᱠᱥᱚᱱ ᱫᱚ ᱱᱚᱣᱟ ᱱᱚᱰ ᱠᱟᱱᱟ ᱡᱟᱦᱟᱸ ᱠᱷᱚᱱ ᱢᱤᱫᱴᱟᱹᱝ ᱵᱷᱮᱜᱟᱨ ᱪᱟᱸᱜᱟ ᱞᱟᱭᱤᱱ ᱠᱚᱧᱮ ᱨᱮ ᱖᱖ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱱᱤᱞᱟᱱᱵᱩᱨ ᱥᱚᱦᱚᱨ ᱫᱷᱟᱹᱨᱤᱡ ᱥᱮᱱᱚᱜᱼᱟ ᱾ ᱱᱤᱞᱟᱱᱵᱩᱨ-ᱥᱳᱨᱟᱱᱩᱨ ᱞᱟᱭᱤᱱ, ᱡᱟᱦᱟᱸ ᱫᱚ ᱵᱟᱨᱭᱟ ᱦᱩᱰᱤᱧ ᱵᱩᱨᱩ ᱥᱚᱦᱚᱨ ᱠᱚ ᱡᱚᱲᱟᱣ ᱟᱠᱟᱱᱟ, ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱞᱟᱭᱤᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾
ᱥᱳᱨᱟᱱᱩᱨ ᱡᱚᱸᱠᱥᱚᱱ | |||||
|---|---|---|---|---|---|
 ᱥᱤᱧᱚᱛᱤᱭᱟᱹ ᱨᱮᱞ ᱥᱴᱮᱥᱚᱱ | |||||
 ᱥᱳᱨᱟᱱᱩᱨ ᱡᱚᱸᱠᱥᱚᱱ | |||||
| ᱢᱮᱱᱮᱞᱟ ᱠᱟᱛᱷᱟ | |||||
| ᱴᱷᱟᱶ | ᱥᱳᱨᱟᱱᱩᱨ, ᱠᱮᱨᱟᱞᱟ ᱥᱤᱧᱚᱛ | ||||
| ᱚᱛᱱᱚᱜ ᱴᱷᱟᱶ | 10°45′32″N 76°16′16″E / 10.759°N 76.271°E | ||||
| ᱩᱥᱩᱞ | ᱢᱤᱴᱚᱨ | ||||
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ | ||||
| ᱪᱟᱪᱟᱣ | ᱮᱛᱚᱢ ᱨᱮᱞᱣᱮ ᱴᱚᱴᱷᱟ | ||||
| ᱞᱟᱭᱤᱱ (ᱠᱚ) | ᱯᱚᱞᱚᱠᱠᱚᱲ–ᱥᱳᱨᱟᱱᱩᱨ ᱞᱟᱭᱤᱱ ᱥᱳᱨᱟᱱᱩᱨ–ᱠᱚᱪᱤᱱ ᱦᱟᱨᱵᱚᱨ ᱦᱟᱹᱴᱤᱧ ᱱᱤᱞᱟᱢᱵᱩᱨ–ᱥᱳᱨᱟᱱᱩᱨ ᱨᱮᱞᱣᱮ ᱞᱟᱭᱤᱱ ᱥᱳᱨᱟᱱᱩᱨ–ᱢᱟᱝᱜᱽᱞᱳᱨ ᱦᱟᱹᱴᱤᱧ ᱡᱳᱞᱟᱨᱯᱮᱴᱴᱟᱭ–ᱥᱳᱨᱟᱱᱩᱨ ᱞᱟᱭᱤᱱ | ||||
| ᱯᱞᱮᱴᱯᱷᱚᱨᱢ | ᱗ | ||||
| ᱴᱨᱮᱠ | ᱑᱔ | ||||
| ᱡᱚᱲᱟᱣ | ᱴᱮᱠᱥᱤ ᱥᱴᱮᱸᱰ, ᱚᱴᱳ ᱥᱮᱵᱟ, ᱥᱳᱨᱟᱱᱩᱨ ᱵᱟᱥ ᱥᱴᱮᱸᱰ | ||||
| ᱵᱮᱱᱟᱣ | |||||
| ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | ᱥᱴᱟᱱᱰᱟᱨᱰ (ᱚᱛ ᱨᱮ ᱥᱴᱮᱥᱚᱱ) | ||||
| ᱯᱟᱨᱠᱤᱝ | ᱢᱮᱱᱟᱜᱼᱟ | ||||
| ᱮᱴᱟᱜ ᱠᱟᱛᱷᱟ ᱠᱚ | |||||
| ᱦᱟᱞᱚᱛ | ᱠᱟᱹᱢᱤᱦᱚᱨᱟ | ||||
| ᱥᱴᱮᱥᱚᱱ ᱠᱳᱰ | SRR | ||||
| ᱴᱚᱴᱷᱟ (ᱠᱚ) | ᱮᱛᱚᱢ ᱨᱮᱞᱣᱮ ᱴᱚᱴᱷᱟ | ||||
| ᱦᱟᱹᱴᱤᱧ(ᱠᱚ) | ᱯᱚᱞᱚᱠᱠᱚᱲ[᱑] | ||||
| ᱦᱟᱹᱯᱟᱹᱴᱤᱧ | NSG – ᱓; ᱛᱷᱚᱠ 'ᱮ' | ||||
| ᱱᱟᱜᱟᱢ | |||||
| ᱪᱟᱹᱞᱩ | ᱮᱯᱨᱤᱞ 14, 1862 | ||||
| ᱵᱚᱱᱫᱚ | ᱒ ᱥᱮᱯᱴᱮᱢᱵᱚᱨ ᱒᱐᱒᱒ | ||||
| ᱵᱮᱱᱟᱣ ᱨᱩᱣᱟᱹᱲ | ᱪᱟᱞᱟᱜ ᱠᱟᱱᱟ (᱒᱐᱒᱔ ᱚᱜᱚᱥᱴ ᱓᱑ ᱢᱟᱹᱦᱤᱛ ᱨᱮ ᱯᱩᱨᱟᱹᱣ ᱦᱩᱭᱩᱜᱼᱟ) | ||||
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱢᱮᱱᱟᱜᱼᱟ | ||||
| ᱯᱟᱥᱮᱱᱡᱚᱨ | |||||
| ᱒᱐᱑᱘-᱑᱙ | ᱑᱑,᱑᱓᱒ ᱫᱤᱱᱟᱹᱢ ᱦᱤᱞᱚᱜ[᱒] | ||||
| ᱨᱮᱸᱠ | ᱕ (ᱯᱚᱞᱚᱠᱠᱚᱲ ᱰᱤᱵᱤᱡᱚᱱ ᱨᱮ) | ||||
| |||||
| ᱴᱷᱟᱶ | |||||
  ᱥᱳᱨᱟᱱᱩᱨ ᱡᱚᱸᱠᱥᱚᱱ Location within India | |||||
ᱚᱱᱩᱯᱩᱨᱩᱢ
ᱥᱟᱯᱲᱟᱣᱱᱚᱶᱟ ᱥᱴᱮᱥᱚᱱ ᱫᱚ ᱯᱩᱱᱭᱟᱹ ᱢᱩᱬ ᱨᱮᱞᱣᱮ ᱞᱟᱭᱤᱱ ᱨᱮᱱᱟᱜ ᱡᱚᱸᱠᱥᱚᱱ ᱨᱮ ᱢᱮᱱᱟᱜᱼᱟ - ᱠᱚᱧᱮ ᱠᱷᱚᱱ ᱱᱤᱞᱟᱱᱵᱩᱨ ᱞᱟᱭᱤᱱ, ᱥᱟᱢᱟᱝ ᱠᱷᱚᱱ ᱯᱚᱞᱚᱠᱠᱚᱲ ᱞᱟᱭᱤᱱ, ᱮᱛᱚᱢ ᱠᱷᱚᱱ ᱠᱚᱱᱭᱟᱠᱩᱢᱟᱨᱤ ᱞᱟᱭᱤᱱ ᱟᱨ ᱠᱚᱧᱮ-ᱯᱟᱪᱮ ᱠᱷᱚᱱ ᱢᱟᱝᱜᱽᱞᱳᱨ ᱞᱟᱭᱤᱱ ᱾ ᱯᱚᱱᱚᱛ ᱨᱮᱱᱟᱜ ᱛᱟᱨᱟ ᱴᱷᱟᱶ ᱠᱷᱚᱱ ᱢᱟᱞᱟᱵᱟᱨ ᱴᱚᱴᱷᱟ ᱨᱮ ᱵᱚᱞᱚᱱ ᱫᱷᱟᱯ ᱤᱫᱤ ᱛᱮ, ᱥᱳᱨᱟᱱᱩᱨ ᱫᱚ ᱢᱟᱞᱟᱵᱟᱨ ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱫᱚ ᱮᱛᱚᱢ ᱨᱮᱞᱣᱮ ᱨᱮᱱᱟᱜ ᱯᱚᱞᱚᱠᱠᱚᱲ ᱨᱮᱞᱣᱮ ᱰᱤᱵᱤᱡᱚᱱ ᱨᱮ ᱦᱤᱡᱩᱜᱼᱟ ᱾ ᱛᱨᱤᱵᱮᱱᱫᱨᱚᱢ ᱥᱮᱱᱴᱨᱟᱞ ᱨᱮᱞᱣᱮ ᱥᱴᱮᱥᱚᱱ ᱛᱟᱭᱚᱢ, ᱥᱳᱨᱟᱱᱩᱨ ᱫᱚ ᱠᱮᱨᱟᱞᱟ ᱨᱮᱱᱟᱜ ᱫᱚᱥᱟᱨ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱡᱟᱦᱟᱸ ᱫᱚ ᱯᱷᱩᱨᱪᱟᱹ ᱨᱮᱞ ᱥᱴᱮᱥᱚᱱ ᱠᱟᱹᱢᱤᱦᱚᱨᱟ ᱮᱛᱚᱦᱚᱵ ᱟᱠᱟᱫᱼᱟ, ᱡᱟᱦᱟᱸ ᱫᱚ ᱑᱕ ᱴᱤᱯᱤᱡ ᱠᱷᱚᱱ ᱰᱷᱮᱨ ᱚᱠᱛᱚ ᱨᱮ ᱥᱴᱮᱥᱚᱱ ᱨᱮ ᱛᱤᱸᱜᱩᱭ ᱴᱨᱮᱱ ᱠᱚ ᱢᱮᱠᱟᱱᱤᱠᱟᱞ ᱯᱷᱩᱨᱪᱟᱹ ᱟᱨ ᱚᱡᱽᱨᱟ ᱥᱟᱦᱟ ᱜᱤᱰᱤ ᱨᱮ ᱦᱟᱛᱟᱣ ᱦᱩᱭᱩᱜᱼᱟ ᱾[᱕] ᱯᱞᱮᱴᱯᱷᱚᱨᱢ ᱠᱷᱚᱱ ᱞᱤᱯᱷᱴ ᱠᱚᱦᱚᱸ ᱯᱨᱚᱡᱮᱠᱴ ᱟᱠᱟᱱᱟ ᱾ ᱪᱤ ᱴᱚᱭᱞᱮᱴ ᱦᱚᱸ ᱯᱟᱭᱞᱚᱴ ᱯᱨᱚᱡᱮᱠᱴ ᱞᱮᱠᱟᱛᱮ ᱮᱛᱚᱦᱚᱵ ᱟᱠᱟᱱᱟ ᱾ ᱒/᱓ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱛᱷᱚᱠ ᱨᱮ ᱢᱤᱫᱴᱟᱹᱝ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱠᱟᱹᱢᱤ ᱦᱚᱨᱟ ᱮᱦᱚᱵ ᱞᱮᱱᱟ ᱾
ᱱᱟᱜᱟᱢ
ᱥᱟᱯᱲᱟᱣᱥᱳᱨᱟᱱᱩᱨ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱱᱟᱜᱟᱢ ᱫᱚ ᱑᱙ ᱥᱟᱭ ᱥᱮᱨᱢᱟ ᱨᱮᱱᱟᱜ ᱠᱟᱱᱟ, ᱡᱚᱠᱷᱚᱱ ᱨᱮᱞᱣᱮ ᱫᱚ ᱯᱩᱭᱞᱩ ᱫᱷᱟᱣ ᱢᱟᱞᱟᱵᱟᱨ ᱨᱮ ᱵᱚᱞᱚ ᱞᱮᱱᱟ ᱛᱟᱦᱮᱸᱫ ᱾ ᱛᱤᱨᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾[᱖] ᱛᱟᱱᱩᱨ, ᱯᱚᱨᱚᱯᱯᱚᱱᱚᱱᱜᱚᱰᱤ ᱟᱨ ᱵᱚᱞᱞᱤᱠᱩᱱᱱᱩ ᱥᱴᱮᱥᱚᱱ ᱦᱚ ᱛᱤᱨᱩᱨ ᱠᱷᱚᱱ ᱵᱮᱯᱚᱨ (ᱠᱚᱡᱷᱤᱠᱳᱰ) ᱫᱷᱟᱹᱨᱤᱡ ᱵᱟᱹᱭᱥᱟᱹᱣ ᱟᱠᱟᱱᱟ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱨᱮᱞᱣᱮ ᱞᱟᱭᱤᱱ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾[᱖] ᱱᱚᱣᱟ ᱞᱟᱭᱤᱱ ᱫᱚ ᱑᱒ ᱢᱟᱨᱪ ᱑᱘᱖᱑ ᱨᱮ ᱠᱟᱹᱢᱤ ᱮᱛᱚᱦᱚᱵ ᱠᱮᱫᱼᱟ ᱾[᱗] ᱚᱱᱟ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱛᱤᱨᱩᱨ ᱠᱷᱚᱱ ᱛᱤᱨᱩᱱᱟᱣᱟᱭᱟ ᱫᱷᱟᱹᱨᱤᱡ ᱵᱟᱲᱦᱟᱣ ᱞᱮᱱᱟ ᱾[᱖] ᱛᱟᱭᱚᱢ ᱛᱮ ᱱᱚᱣᱟ ᱫᱚ ᱑᱘᱖᱒ ᱥᱮᱨᱢᱟ ᱨᱮ ᱠᱩᱴᱴᱤᱯᱩᱨᱚᱢ ᱠᱷᱚᱱ ᱯᱚᱴᱴᱟᱢᱵᱤ ᱫᱷᱟᱹᱨᱤᱡ ᱵᱟᱲᱦᱟᱣ ᱞᱮᱱᱟ, ᱟᱨ ᱚᱱᱟ ᱥᱮᱨᱢᱟ ᱜᱮ ᱯᱚᱴᱴᱟᱢᱵᱤ ᱠᱷᱚᱱ ᱯᱳᱫᱽᱱᱩᱨ ᱫᱷᱟᱹᱨᱤᱡ ᱵᱟᱲᱦᱟᱣ ᱞᱮᱱᱟ ᱾[᱖] ᱱᱤᱛᱚᱜᱟᱜ ᱪᱮᱱᱱᱟᱭ-ᱢᱟᱝᱜᱽᱞᱳᱨ ᱨᱮᱞᱣᱮ ᱞᱟᱭᱤᱱ ᱫᱚ ᱵᱮᱯᱳᱨ-ᱯᱳᱫᱽᱱᱳᱨ ᱞᱟᱭᱤᱱ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾[᱖] ᱥᱳᱨᱟᱱᱩᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱫᱚ ᱑᱔ ᱮᱯᱨᱤᱞ ᱑᱘᱖᱒ ᱨᱮ ᱯᱚᱴᱴᱟᱢᱵᱤ-ᱯᱚᱫᱽᱱᱩᱨ ᱞᱟᱭᱤᱱ ᱨᱮᱱᱟᱜ ᱡᱷᱤᱡ ᱥᱟᱹᱜᱩᱱ ᱥᱟᱶᱛᱮ ᱠᱟᱹᱢᱤ ᱮᱦᱚᱵ ᱮᱱᱟ ᱾[᱘] ᱑᱙᱐᱒ ᱥᱮᱨᱢᱟ ᱨᱮ ᱥᱳᱨᱟᱱᱩᱨ-ᱮᱨᱟᱱᱚᱠᱩᱞᱚᱢ ᱞᱟᱭᱤᱱ ᱨᱮᱱᱟᱜ ᱮᱛᱚᱦᱚᱵ ᱦᱩᱭ ᱞᱮᱱ ᱠᱷᱟᱱ ᱱᱚᱣᱟ ᱥᱴᱮᱥᱚᱱ ᱨᱮᱱᱟᱜ ᱢᱩᱬᱩᱛ ᱠᱟᱛᱷᱟ ᱠᱚ ᱩᱫᱩᱜ ᱮᱱᱟ ᱾ ᱑᱙᱒᱗ ᱥᱮᱨᱢᱟ ᱨᱮ ᱱᱤᱞᱟᱱᱵᱩᱨ ᱨᱳᱰ ᱞᱟᱭᱤᱱ ᱵᱮᱨᱮᱫ ᱠᱟᱛᱮ ᱥᱳᱨᱟᱱᱩᱨ ᱨᱮ ᱨᱮᱞᱣᱮ ᱤᱱᱯᱷᱨᱟᱥᱴᱨᱠᱪᱚᱨ ᱨᱮ ᱢᱩᱪᱟᱹᱫ ᱩᱛᱷᱱᱟᱹᱣ ᱦᱩᱭ ᱞᱮᱱᱟ ᱾[᱙] ᱯᱚᱞᱚᱠᱠᱚᱲ ᱜᱮᱯ ᱨᱮᱱᱟᱜ ᱵᱷᱤᱛᱤᱨ ᱛᱮ ᱥᱤᱧᱚᱛ ᱨᱮᱱᱟᱜ ᱮᱛᱚᱢ-ᱯᱟᱪᱮ ᱫᱷᱟᱨᱮ (ᱢᱟᱸᱜᱟᱞᱩᱨᱩ) ᱠᱷᱚᱱ ᱮᱛᱚᱢ-ᱥᱟᱢᱟᱝ ᱫᱷᱟᱨᱮ (ᱪᱮᱱᱱᱟᱭ) ᱫᱷᱟᱹᱨᱤᱡ ᱥᱮᱱᱚᱜᱼᱟ ᱾[᱑᱐]
ᱞᱚᱠᱥᱟ
ᱥᱟᱯᱲᱟᱣ
ᱡᱤᱞᱤᱧ ᱟᱨ ᱠᱟᱹᱡ ᱥᱟᱺᱜᱤᱧ ᱫᱷᱟᱹᱨᱤᱡ ᱨᱮᱞ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱞᱟᱹᱜᱤᱫ ᱥᱴᱮᱥᱚᱱ ᱨᱮ ᱗ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱢᱮᱱᱟᱜᱼᱟ ᱾[᱑᱑] ᱯᱞᱮᱴᱯᱷᱚᱨᱢ ᱑, ᱒ ᱟᱨ ᱓ ᱫᱚ ᱥᱴᱮᱥᱚᱱ ᱠᱷᱚᱱ ᱦᱤᱡᱩᱜ ᱠᱟᱱ ᱯᱟᱥᱮᱱᱡᱚᱨ ᱴᱨᱮᱱ ᱠᱚ ᱦᱟᱛᱟᱣ ᱮᱫᱟ, ᱡᱚᱠᱷᱚᱱ ᱯᱞᱮᱴᱯᱷᱚᱨᱢ ᱔, ᱕, ᱖ ᱟᱨ ᱗ ᱫᱚ ᱟᱹᱰᱤ ᱥᱩᱨ ᱥᱩᱯᱩᱨ ᱮᱠᱥᱯᱨᱮᱥ ᱴᱨᱮᱱ ᱠᱚ ᱦᱟᱛᱟᱣ ᱮᱫᱟ ᱾ ᱥᱴᱮᱥᱚᱱ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱨᱮ ᱢᱤᱫᱴᱟᱹᱝ ᱴᱟᱨᱢᱤᱱᱟᱞ ᱢᱮᱱᱟᱜᱼᱟ ᱾ ᱮᱨᱱᱟᱠᱩᱞᱚᱢ ᱟᱨ ᱥᱳᱨᱟᱱᱩᱨ ᱨᱮᱞᱣᱮ ᱥᱴᱮᱥᱚᱱ ᱛᱟᱞᱟ ᱨᱮ ᱚᱴᱚᱢᱮᱴᱤᱠ ᱥᱤᱜᱽᱱᱟᱞᱤᱝ ᱥᱤᱥᱴᱮᱢ ᱨᱮᱱᱟᱜ ᱛᱷᱟᱯᱚᱱ ᱞᱮᱠᱟᱛᱮ, ᱥᱴᱮᱥᱚᱱ ᱨᱮᱱᱟᱜ ᱭᱟᱨᱰ ᱫᱚ ᱱᱚᱝᱠᱟᱱ ᱞᱮᱠᱟᱛᱮ ᱵᱮᱱᱟᱣ ᱦᱩᱭᱩᱜᱼᱟ ᱡᱮ ᱡᱚᱛᱚ ᱗ ᱯᱞᱮᱴᱯᱷᱚᱨᱢ ᱨᱮ ᱢᱤᱫ ᱥᱟᱶ ᱨᱮᱞᱣᱮ ᱠᱚ ᱥᱮᱱᱚᱜᱼᱟ ᱟᱨ ᱧᱟᱢ ᱫᱟᱲᱮᱭᱟᱜᱼᱟ ᱾ ᱯᱚᱞᱚᱠᱠᱚᱲ-ᱥᱳᱨᱟᱱᱩᱨ ᱟᱨ ᱛᱨᱤᱥᱩᱨ-ᱥᱳᱨᱟᱱᱩᱨ ᱫᱚ ᱞᱚᱜᱚᱱ ᱜᱮ ᱰᱚᱵᱚᱞ ᱴᱨᱮᱠ ᱦᱩᱭᱩᱜᱼᱟ ᱾
ᱴᱷᱟᱶ
ᱥᱟᱯᱲᱟᱣᱱᱚᱣᱟ ᱥᱴᱮᱥᱚᱱ ᱫᱚ ᱥᱳᱨᱟᱱᱩᱨ ᱨᱤᱝ ᱨᱳᱰ ᱨᱮ ᱢᱮᱱᱟᱜᱼᱟ ᱾ ᱕᱐ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱥᱳᱨᱟᱱᱩᱨ ᱱᱚᱜᱚᱨ ᱵᱟᱥ ᱥᱴᱮᱱᱰ, ᱚᱴᱴᱟᱯᱚᱞᱚᱢ, ᱛᱨᱤᱥᱩᱨ, ᱯᱚᱴᱴᱟᱵᱤ, ᱪᱮᱨᱯᱩᱞᱚᱥᱥᱮᱨᱤ, ᱪᱮᱞᱟᱠᱠᱠᱟᱨᱟ, ᱢᱚᱱᱱᱟᱨᱠᱚᱲ, ᱯᱮᱨᱤᱱᱛᱷᱚᱞᱢᱚᱱᱱᱟ ᱟᱨ ᱠᱩᱱᱟᱢᱠᱩᱞᱚᱢ ᱞᱟᱹᱜᱤᱫ ᱵᱟᱥ ᱥᱮᱵᱟ ᱮᱢᱚᱜᱼᱟ ᱾ ᱠᱩᱞᱯᱩᱞᱞᱤ ᱨᱮ ᱫᱚᱥᱟᱨ ᱢᱩᱱᱥᱤᱯᱟᱞᱤᱴᱤ ᱥᱴᱮᱱᱰ, ᱥᱴᱮᱥᱚᱱ ᱠᱷᱚᱱ ᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱚᱞᱚᱠᱠᱚᱲ, ᱜᱩᱨᱩᱵᱚᱭᱩᱨ, ᱯᱳᱱᱱᱟᱱᱤ ᱟᱨ ᱵᱚᱞᱚᱸᱪᱮᱨᱤ ᱞᱟᱹᱜᱤᱫ ᱵᱟᱥ ᱥᱮᱵᱟ ᱪᱟᱪᱞᱟᱣᱼᱟ ᱾
ᱥᱳᱨᱟᱱᱩᱨ ᱡᱚᱸᱠᱥᱚᱱ ᱨᱮ ᱢᱩᱬᱩᱛ ᱨᱮᱞᱣᱮ ᱥᱴᱚᱯ
ᱥᱟᱯᱲᱟᱣᱯᱮ ᱠᱳᱬ ᱥᱴᱮᱥᱚᱱ
ᱥᱟᱯᱲᱟᱣᱞᱤᱝᱠ ᱞᱟᱭᱤᱱ ᱥᱟᱶᱛᱮ ᱢᱤᱫ ᱫᱤᱯ ᱥᱴᱮᱥᱚᱱ ᱨᱮᱱᱟᱜ ᱟᱹᱰᱤ ᱫᱤᱱ ᱠᱷᱚᱱ ᱞᱟᱹᱠᱛᱤ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱳᱨᱟᱱᱩᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱑ ᱠᱤᱞᱚᱢᱤᱴᱚᱨ ᱥᱟᱢᱟᱝ ᱨᱮ ᱪᱟᱞᱟᱜ ᱠᱟᱱᱟ ᱾ ᱱᱚᱝᱠᱟᱱ ᱥᱴᱮᱥᱚᱱ ᱵᱮᱱᱟᱣ ᱠᱷᱟᱹᱛᱤᱨ ᱢᱟᱞᱟᱵᱟᱨ ᱨᱤᱱ ᱦᱮᱡ ᱥᱮᱱ ᱠᱟᱱ ᱦᱚᱲ ᱠᱚ ᱞᱟᱹᱜᱤᱫ ᱟᱹᱰᱤᱜᱟᱱ ᱥᱩᱨ ᱥᱩᱯᱩᱨ ᱨᱮᱞ ᱠᱚ ᱥᱮᱱᱚᱜ ᱨᱮ ᱜᱚᱲᱚ ᱮᱢᱚᱜ ᱦᱩᱭ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱫᱚ ᱱᱤᱛᱚᱜ ᱥᱴᱮᱥᱚᱱ ᱨᱮᱱᱟᱜ ᱵᱟᱦᱨᱮ ᱴᱚᱴᱷᱟ ᱞᱮᱠᱟᱛᱮ ᱪᱟᱞᱟᱜ ᱠᱟᱱᱟ ᱾[᱑᱒][᱑᱓]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ station code index
- ↑ "Annual originating passengers & earnings for the year 2017-18 (Palakkad Division)" (PDF). Southern Railway. Retrieved 2019-06-14.
- ↑ "Station Code Index" (PDF). Portal of Indian Railways. Centre For Railway Information Systems. 2023–24. p. 8. Archived from the original (PDF) on 16 February 2024. Retrieved 25 March 2024.
- ↑ "SOUTHERN RAILWAY LIST OF STATIONS AS ON 01.04.2023 (CATEGORY- WISE)" (PDF). Portal of Indian Railways. Centre For Railway Information Systems. 1 April 2023. p. 2. Archived from the original (PDF) on 23 March 2024. Retrieved 23 March 2024.
- ↑ "Southern Railway introduces clean train station activity at Shoranur junction". Times of India.
- ↑ ᱖.᱐ ᱖.᱑ ᱖.᱒ ᱖.᱓ ᱖.᱔ "ആ ചൂളംവിളി പിന്നെയും പിന്നെയും..." Mathrubhumi. 17 June 2019. Archived from the original on 7 May 2021. Retrieved 19 December 2020.
- ↑ "'Lifeline' of Malabar turns 125". www.thehindu.com. 29 December 2012. Retrieved 19 December 2020.
- ↑ "Salient Features of Palghat Division" (PDF).
- ↑ "Railways cross a milestone". The Hindu. 12 April 2010.
- ↑ Subramanian, T. S (28 January 2007). "Roman connection in Tamil Nadu". The Hindu. Archived from the original on 19 September 2013. Retrieved 28 October 2011.
- ↑ "SRR/Shoranur Junction (7 PFs) Railway Station – Train Arrival Timings". India Rail Info.
- ↑ "MP urges Railways to improve facilities". The Hindu. 27 June 2016.
- ↑ "Kerala News : 'No plan for triangular or bulb station at Shoranur'". The Hindu. 2005-04-17.[dead link]ᱪᱷᱟᱸᱪ:Cbignore
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱥᱳᱨᱟᱱᱩᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |