ᱦᱟᱡᱚᱝ ᱡᱟᱹᱛᱤ
ᱦᱟᱹᱡᱚᱝ ᱡᱟᱛᱤ (ᱟᱥᱟᱢᱤᱥᱺ হাজং জনগোষ্ঠী) ᱥᱤᱧᱚᱛ ᱦᱩᱰᱤᱧ ᱢᱟᱨᱟᱝᱫᱤᱥᱚᱢ ᱨᱮᱱ ᱢᱤᱫ ᱡᱟᱹᱛᱤ ᱠᱟᱱᱟ ᱠᱚ|ᱱᱩᱠᱩ ᱡᱟᱹᱛ ᱫᱚ ᱟᱥᱚᱠᱟᱭ ᱛᱮ ᱠᱚᱸᱭᱮᱸ ᱥᱟᱢᱟᱝ ᱥᱤᱧᱚᱛ ᱟᱨ ᱵᱟᱝᱞᱟᱫᱮᱥ ᱨᱮᱱᱟᱜ ᱠᱚᱸᱭᱮᱸ ᱦᱤᱸᱥ ᱨᱮ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ[᱑]| ᱦᱟᱡᱚᱝ ᱡᱟᱹᱛᱤ ᱨᱮᱱ ᱵᱟᱹᱲᱛᱤ ᱦᱚᱲ ᱜᱮ ᱥᱤᱻᱚᱛ ᱨᱮ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ|ᱦᱟᱡᱚᱝ ᱠᱚ ᱟᱥᱚᱠᱟᱭ ᱛᱮ ᱦᱩᱲᱩ ᱠᱚ ᱪᱟᱥᱟ| ᱞᱟᱹᱭ ᱪᱟᱞ ᱟᱹᱜᱩ ᱠᱟᱛᱷᱟ ᱞᱮᱠᱟᱛᱮ ᱵᱟᱝᱢᱟ ᱩᱱᱠᱩ ᱫᱚ ᱜᱟᱨᱚ ᱵᱩᱨᱩ ᱠᱚᱨᱮ ᱠᱷᱚᱱ ᱯᱟᱹᱦᱤᱞ ᱫᱚ ᱦᱩᱲᱩ ᱪᱟᱥ ᱠᱚ ᱮᱛᱚᱦᱚᱵ ᱞᱮᱫᱟ| ᱦᱟᱡᱚᱤᱝ ᱠᱚ ᱫᱚ ᱥᱤᱧᱚᱛ ᱨᱮᱭᱟᱜ ᱥᱚᱝᱵᱤᱫᱷᱟᱱ ᱞᱮᱠᱟ ᱛᱮ ᱧᱩᱢ ᱵᱮᱜᱟᱨ ᱡᱟᱹᱛᱤ ᱨᱮᱭᱟᱜ ᱦᱩᱫᱟᱹ ᱦᱚᱸ ᱠᱚ ᱦᱟᱢᱮᱴ ᱟᱠᱟᱫᱟ|[᱒][᱓]
ᱚᱢᱚᱱ ᱥᱟᱯᱲᱟᱣ
ᱦᱟᱡᱚᱝ ᱡᱟᱹᱛᱤ ᱫᱚ ᱥᱤᱧᱚᱛ-ᱛᱤᱵᱽᱵᱚᱛᱤ ᱜᱩᱥᱴᱤ ᱨᱮᱱ ᱦᱚᱲ ᱠᱟᱱᱟ ᱠᱚ|ᱦᱟᱡᱚᱝ ᱠᱚᱣᱟᱜ ᱚᱢᱚᱱ,ᱧᱩᱛᱩᱢ, ᱟᱨ ᱥᱤᱧᱚᱛ ᱫᱤᱥᱚᱢ ᱛᱮ ᱟᱹᱛᱤᱧ ᱟᱜᱩ ᱨᱮ ᱟᱭᱢᱟ ᱜᱟᱹᱠᱷᱩᱲᱤᱭᱟᱹ ᱠᱚ ᱟᱭᱢᱟ ᱞᱮᱠᱟᱱ ᱠᱟᱛᱷᱟ ᱠᱚ ᱞᱟᱹᱭ ᱟᱜᱩ ᱟᱠᱟᱫᱟ|ᱟᱫᱚᱢ ᱠᱚᱠᱚ ᱞᱟᱹᱭᱟ ᱵᱟᱝᱢᱟ ᱦᱟᱡᱚᱝ ᱫᱚ ᱵᱚᱲᱚ ᱠᱟᱥᱟᱨᱤ ᱡᱟᱹᱛᱤ ᱨᱮᱱ ᱢᱤᱫ ᱪᱟᱝᱜᱷᱟ ᱠᱟᱱᱟ ᱠᱚ।ᱩᱱᱠᱩ ᱫᱚ ᱛᱤᱵᱽᱵᱚᱛ ᱴᱚᱴᱷᱟ ᱠᱚ ᱨᱮ ᱠᱷᱚᱱ ᱵᱨᱚᱦᱢᱚᱯᱩᱛᱨᱚ ᱟᱨ ᱛᱤᱥᱛᱟ ᱜᱟᱰᱟ ᱯᱟᱨᱚᱢ ᱠᱟᱛᱮ ᱠᱚᱸᱭᱮᱸ ᱥᱟᱢᱟᱝ ᱥᱤᱧᱚᱛ ᱨᱮ ᱠᱚ ᱟᱹᱛᱤᱧ ᱦᱮᱡ ᱞᱮᱱᱟ ᱥᱚᱱᱠᱚᱥ ᱵᱮᱰᱟ ᱨᱮᱠᱚ ᱛᱷᱟᱢᱜᱟᱹᱫᱤ ᱞᱮᱱᱟ । ᱦᱟᱡᱚᱝ ᱠᱚ ᱫᱚ ᱱᱟᱦᱟᱜ ᱱᱚᱞᱵᱟᱲᱤ ᱦᱚᱱᱚᱛ ᱨᱮᱱᱟᱜ ᱥᱮᱫᱟᱭ ᱦᱟᱡᱳ ᱜᱮ ᱟᱠᱚᱣᱟ ᱮᱴᱚᱦᱚᱵ ᱟᱣᱛᱟᱱ ᱜᱟᱲ ᱢᱮᱱ ᱛᱮ ᱠᱚ ᱢᱮᱱᱮᱭᱮᱫ ᱠᱟᱱᱟ। ᱦᱟᱡᱚᱝ ᱧᱩᱛᱩᱢ ᱠᱷᱚᱱ ᱜᱮ ᱦᱟᱡᱳ ᱧᱩᱛᱩᱢ ᱫᱚ ᱦᱮᱡ ᱟᱠᱟᱱᱟ।ᱞᱟᱹᱭ ᱪᱟᱞ ᱟᱹᱜᱩ ᱠᱟᱛᱷᱟ ᱞᱮᱠᱟ ᱛᱮ ᱦᱟᱡᱚᱝ ᱠᱚ ᱫᱚ ᱥᱩᱨᱡᱚ ᱵᱚᱝᱥᱤ ᱠᱷᱚᱛᱨᱤᱭᱚ ᱟᱨ ᱥᱤᱧ ᱪᱟᱱᱫᱚ ᱨᱮᱱ ᱵᱚᱸᱥ ᱵᱩᱫᱟᱹ ᱠᱟᱱᱟ ᱵᱚᱞᱮ|
ᱫᱷᱚᱨᱚᱢ ᱥᱟᱯᱲᱟᱣ
ᱦᱟᱡᱚᱝ ᱡᱟᱹᱛ ᱫᱚ ᱱᱟᱦᱟᱜ ᱦᱤᱱᱫᱩ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱮᱫᱟ| ᱩᱱᱠᱩ ᱣᱟᱜ ᱫᱷᱚᱨᱚᱢ ᱨᱮ ᱫᱳ ᱦᱤᱱᱫᱩ ᱰᱮᱵᱽ ᱫᱮᱵᱤ ᱥᱟᱶ ᱥᱟᱶ ᱛᱮ ᱟᱠᱚ ᱨᱮᱱ ᱮᱴᱟᱜ ᱫᱮᱵᱽ ᱫᱮᱵᱤ ᱦᱚᱸ ᱠᱚ ᱯᱩᱡᱟᱹᱣ ᱟᱠᱟᱚᱣᱟ|ᱱᱚᱣᱟ ᱟᱠᱚᱣᱟ ᱱᱤᱡᱽ ᱟᱜ ᱫᱚ ᱫᱟᱭ ᱫᱷᱚᱨᱚᱢ ᱠᱚ ᱢᱮᱛᱟᱣᱟᱜ ᱠᱟᱱᱟ| ᱩᱱᱠᱩ ᱛᱟᱞᱟ ᱨᱮ ᱱᱤᱛ ᱦᱚᱸ ;ᱡᱤᱱᱤᱥ ᱯᱩᱡᱟᱹ ᱱᱤᱛ ᱷᱳᱱ ᱥᱮᱱᱚᱜ ᱠᱟᱱ ᱜᱮᱭᱟ| ᱩᱱᱠᱩ ᱟᱠᱚᱣᱟᱜ ᱫᱷᱚᱨᱚᱢ ᱨᱮ ᱛᱤᱥ ᱠᱚ ᱨᱮ ᱦᱤᱱᱫᱩ ᱫᱷᱚᱨᱚᱢ ᱨᱮᱭᱟᱜ ᱮᱞᱟᱝ ᱚᱨᱥᱚᱝ ᱯᱟᱲᱟᱣ ᱟᱜ ᱠᱚᱣᱟ , ᱚᱱᱟ ᱠᱟᱛᱦᱟ ᱞᱟᱹᱞᱟᱹᱭ ᱫᱚ ᱦᱟᱨᱚᱱ ᱜᱮᱭᱟ| ᱩᱱᱠᱩ ᱣᱟᱜ ᱯᱟᱹᱛᱤᱭᱟᱟᱹᱣ ᱟᱨ ᱟᱫᱚᱢ ᱞᱟᱭ-ᱞᱟᱹᱠᱪᱟᱨ ᱫᱚ ᱦᱤᱱᱫᱩ ᱠᱚ ᱠᱷᱚᱱ ᱟᱹᱰᱤ ᱢᱟᱨᱮ ᱜᱮᱭᱟ|
ᱯᱟᱹᱨᱥᱤ ᱥᱟᱯᱲᱟᱣ
ᱦᱟᱡᱚᱝ ᱯᱟᱹᱨᱥᱤ ᱫᱚ ᱥᱤᱧᱚᱛ ᱟᱨᱡᱚ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱢᱤᱫᱴᱮᱱ ᱯᱟᱹᱨᱥᱤ ᱠᱟᱱᱟ, ᱚᱠᱟ ᱯᱟᱹᱨᱥᱤ ᱫᱚ ᱛᱤᱵᱽᱵᱚᱛᱚ-ᱵᱚᱨᱢᱤ ᱯᱟᱹᱨᱥᱤ ᱥᱟᱶ ᱟᱹᱰᱤ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜ ᱟᱠᱟᱫ| ᱦᱟᱡᱚᱝ ᱯᱟᱹᱨᱥᱤ ᱫᱚ ᱥᱤᱧᱚᱛ ᱨᱮᱭᱟᱜ ᱟᱥᱟᱢ,ᱚᱨᱩᱱᱟᱪᱚᱞ ᱯᱨᱚᱫᱮᱥ,ᱢᱮᱜᱷᱟᱞᱚᱭ, ᱯᱟᱹᱪᱦᱤᱢ ᱵᱟᱝᱜᱽᱞᱟ ᱟᱨ ᱵᱟᱝᱞᱟᱫᱮᱥ ᱨᱮᱭᱟᱦ ᱢᱚᱭᱱᱚᱱᱥᱤᱝ ᱮᱢᱟᱱ ᱴᱚᱴᱷᱟ ᱠᱚ ᱨᱮ ᱑᱙᱕,᱐᱐᱐ ᱦᱚᱲ ᱠᱚ ᱨᱚᱲ ᱮᱫᱟ|ᱦᱟᱡᱚᱝ ᱯᱟᱹᱨᱥᱤ ᱫᱚ ᱟᱥᱟᱢᱤᱥ ᱞᱤᱯᱤ ᱛᱮ ᱜᱮ ᱠᱚ ᱚᱞ ᱮᱫᱟ| ᱮᱱ ᱨᱮ ᱦᱚᱸ ᱦᱟᱡᱚᱸ ᱯᱟᱹᱨᱥᱤ ᱢᱟᱲᱟᱝ ᱫᱚ ᱛᱤᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱯᱟᱹᱨᱥᱤ ᱛᱟᱸᱦᱮᱸ ᱠᱟᱱᱟ, ᱚᱱᱟ ᱜᱮ ᱵᱟᱹᱭ ᱵᱟᱹᱭ ᱛᱮ ᱟᱥᱟᱢᱤᱥ ᱟᱨ ᱵᱟᱝᱞᱟ ᱯᱟᱹᱨᱥᱤ ᱛᱮ ᱞᱮᱣᱞᱟ ᱢᱤᱫ ᱮᱱᱟ|ᱦᱟᱡᱚᱝ ᱯᱟᱹᱨᱥᱤ ᱫᱚ ᱟᱥᱟᱢᱤᱥ ᱥᱟᱶ ᱴᱮ ᱞᱮᱴᱤᱱ ᱞᱤᱯᱤ ᱴᱜᱮ ᱦᱚᱸ ᱠᱚ ᱚᱞ ᱜᱮᱭᱟ|ᱢᱮᱱᱠᱦᱟᱱ ᱵᱟᱝᱞᱟᱫᱮᱥ ᱨᱮ ᱫᱚ ᱟᱭᱢᱟ ᱦᱟᱡᱚᱝ ᱦᱚᱲ ᱜᱮ ᱵᱟᱝᱞᱟ ᱞᱤᱯᱤ ᱠᱚ ᱵᱮᱵᱷᱟᱨᱮᱫ ᱠᱟᱱᱟ|
- ↑ "The Hajong". The Independent (Bangladesh newspaper). 27 March 2008. Retrieved 1 May 2011.
- ↑ List of notified Scheduled Tribes
- ↑ Research paper by Dr. Khema Sonowal (2014). Tribes of North-East India: A Study on ‘Hajongs’ http://theglobaljournals.com/gra/file.php?val=February_2014_1393595039_2cd81_83.pdf