ᱥᱟᱱᱛᱟᱲ ᱦᱩᱞ

ᱥᱟᱱᱛᱟᱲ ᱦᱩᱞ
ᱥᱟᱱᱛᱟᱲ ᱦᱩᱞ
Part of ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱞᱟᱹᱰᱷᱟᱹᱭ
	ᱥᱟᱱᱛᱟᱲ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱢᱤᱫᱴᱟᱝ ᱠᱟᱹᱢᱤᱦᱚᱨᱟ ᱨᱮᱱᱟᱜ ᱪᱤᱛᱟᱹᱨ "The Illustrated London News"
ᱴᱷᱟᱶ	ᱥᱟᱱᱛᱟᱞ ᱯᱟᱨᱜᱟᱱᱟ; 24°46′N 87°36′E / 24.767°N 87.600°ECoordinates: 24°46′N 87°36′E / 24.767°N 87.600°E
ᱟᱹᱭᱩᱨ ᱨᱮ	ᱥᱤᱫᱚ ᱟᱨ ᱠᱟᱹᱱᱦᱩ ᱢᱩᱨᱢᱩ
ᱩᱭᱦᱟᱹᱨ	ᱡᱚᱢᱤᱫᱟᱨ ᱚᱪᱚᱜ ᱪᱮᱛᱟᱱ ᱨᱮ
ᱢᱟᱹᱦᱤᱛ	᱓᱐ ᱡᱩᱱ ᱑᱘᱕᱕ - ᱓ ᱡᱟᱱᱩᱣᱟᱨᱤ ᱑᱘᱕᱖ (᱖ ᱪᱟᱸᱫᱚ ᱟᱨ ᱔ ᱫᱤᱱ)
Outcome	Santhal Parganas Tenancy Act, 1876
Casualties	᱑᱕,᱐᱐᱐ ᱜᱟᱱ ᱦᱚᱲ ᱠᱚ ᱜᱚᱡ ᱮᱱᱟ, ᱟᱭᱢᱟ ᱦᱚᱲ ᱠᱚ ᱚᱲᱟᱜ ᱠᱷᱚᱱ ᱥᱟᱦᱟ ᱮᱱᱟ
	ᱥᱟᱱᱛᱟᱲ ᱯᱟᱨᱜᱟᱱᱟ ᱵᱤᱨ ᱵᱟᱱᱜᱟ ᱠᱚᱣᱟᱜ ᱴᱷᱟᱶ

ᱥᱟᱱᱛᱟᱲ ᱦᱩᱞ ᱫᱚ ᱮᱦᱚᱵ ᱞᱮᱱᱟ ᱑᱘᱕᱕ ᱥᱟᱞ ᱨᱮ ᱾ ᱤᱝᱨᱮᱡᱽ ᱟᱢᱚᱞ ᱨᱮ ᱡᱚᱢᱤᱫᱟᱨ, ᱢᱚᱦᱟᱡᱚᱱ ᱟᱨ ᱤᱝᱨᱮᱡᱽ ᱠᱚᱨᱢᱚᱪᱟᱹᱨᱤ ᱠᱚ ᱦᱚᱲ ᱪᱮᱛᱟᱱ ᱱᱟᱦᱟᱪᱟᱨ ᱠᱚ ᱮᱦᱚᱵ ᱞᱮᱫᱛᱮ ᱩᱱᱠᱩ ᱵᱤᱨᱩᱫᱷ ᱥᱟᱱᱛᱟᱲ ᱠᱚ ᱦᱩᱞ ᱞᱮᱫᱼᱟ ᱾ ᱤᱝᱨᱮᱡᱽ ᱵᱤᱨᱩᱫᱷ ᱨᱮ ᱱᱤᱭᱟᱹ ᱜᱮ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱠᱟᱱᱟ ᱜᱚᱴᱟ ᱵᱷᱟᱨᱚᱛ ᱫᱤᱥᱚᱢ ᱨᱮ᱾ ᱱᱤᱭᱟᱹ ᱞᱟᱹᱲᱦᱟᱹᱭ ᱨᱮ ᱥᱤᱫᱚ ᱟᱨ ᱠᱟᱹᱱᱦᱩ ᱢᱩᱨᱢᱩ, ᱪᱟᱸᱫᱽ ᱢᱩᱨᱢᱩ, ᱵᱷᱟᱭᱨᱚ ᱢᱩᱨᱢᱩ ᱱᱩᱠᱩ ᱯᱩᱱ ᱵᱚᱭᱦᱟ ᱟᱨ ᱵᱟᱨ ᱠᱩᱲᱤ ᱵᱚᱭᱦᱟ ᱯᱷᱩᱞᱳ ᱟᱨ ᱡᱷᱟᱱᱚ ᱢᱩᱨᱢᱩ ᱛᱮᱠᱚ ᱫᱚ ᱟᱹᱜᱩᱣᱟᱹᱱ ᱞᱮᱠᱟ ᱛᱮᱠᱚ ᱛᱟᱦᱮᱸ ᱠᱟᱱᱟ ᱾^[᱒] ᱥᱤᱯᱟᱹᱦᱤ ᱦᱩᱞ ᱨᱮᱱᱟᱜ ᱮᱦᱚᱵ ᱦᱚᱸ ᱥᱟᱱᱛᱟᱲ ᱦᱩᱞ ᱠᱷᱚᱱ ᱜᱮᱠᱚ ᱧᱟᱢ ᱞᱮᱫᱼᱟ ᱾

ᱱᱟᱜᱟᱢ

Attack by 600 Santals upon a party of 50 sepoys, 40th regiment native infantry

᱑᱘᱕᱕-᱕᱖ ᱥᱟᱞ ᱨᱮ ᱥᱟᱱᱛᱟᱲ ᱠᱚ ᱤᱝᱨᱮᱡᱽ ᱥᱚᱨᱠᱟᱨᱟᱜ ᱨᱚᱸᱡᱚᱱ ᱠᱷᱚᱱ ᱵᱟᱧᱪᱟᱣᱜ ᱞᱟᱹᱜᱤᱫ ᱠᱚ ᱞᱟᱹᱰᱦᱟᱹᱭ ᱞᱮᱫᱼᱟ᱾ ᱚᱱᱟ ᱥᱟᱶᱛᱮ ᱥᱩᱫᱽᱠᱷᱚᱨ, ᱢᱚᱦᱟᱡᱚᱱ ᱟᱨ ᱵᱮᱵᱽᱥᱟᱭᱤᱠ ᱵᱤᱨᱩᱫᱷ ᱨᱮᱦᱚᱸ ᱠᱚ ᱞᱟᱹᱲᱦᱟᱹᱭ ᱞᱮᱫᱼᱟ ᱾ ᱟᱞᱟᱫᱟ ᱥᱟᱱᱛᱟᱲ ᱫᱤᱥᱚᱢ ᱵᱮᱱᱟᱣ ᱞᱟᱹᱜᱤᱫ ᱱᱤᱭᱟᱹ ᱦᱩᱞ ᱫᱚ ᱦᱩᱭ ᱞᱮᱱᱟ ᱾ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱫᱟᱹᱢᱤᱱ-ᱤ-ᱠᱚᱦᱚ ᱨᱮ ᱥᱟᱱᱛᱟᱲ ᱦᱚᱲ ᱠᱚ ᱡᱟᱹᱥᱛᱤ ᱜᱮᱠᱚ ᱛᱟᱦᱮᱸ ᱞᱮᱱᱟ ᱟᱨ ᱱᱤᱛᱚᱜᱟᱜ ᱵᱤᱨᱵᱷᱩᱢ ᱡᱮᱞᱟ ᱨᱮᱱᱟᱜ ᱵᱷᱚᱜᱽᱱᱟᱰᱤᱦᱤ ᱟᱹᱛᱩ ᱠᱷᱚᱱ ᱜᱮ ᱦᱩᱞ ᱫᱚ ᱮᱦᱚᱵ ᱞᱮᱱᱟ ᱾^[᱓]

ᱥᱤᱫᱩ ᱟᱨ ᱠᱟᱹᱱᱦᱩ ᱛᱟᱹᱠᱤᱱ

ᱥᱤᱫᱩ ᱟᱜ ᱡᱟᱱᱟᱢ ᱫᱚ ᱑᱘᱒᱕ ᱥᱟᱞ ᱨᱮ ᱦᱩᱭ ᱞᱮᱱᱟ ᱟᱨ ᱠᱟᱹᱱᱦᱩ ᱟᱜ ᱡᱟᱱᱟᱢ ᱫᱚ ᱑᱘᱒᱘ ᱥᱟᱞ ᱨᱮ ᱦᱩᱭ ᱞᱮᱱᱟ ᱾ ^[᱔]

ᱮᱛᱚᱦᱚᱵ

ᱥᱟᱱᱛᱟᱲ ᱠᱚ ᱪᱮᱛᱟᱱ ᱨᱮ ᱡᱚᱢᱤᱫᱟᱨ ᱢᱟᱦᱟᱡᱚᱱ ᱠᱚ ᱟᱜ ᱱᱟᱦᱟᱪᱟᱨ ᱵᱟᱹᱲᱛᱤ ᱞᱮᱱᱠᱷᱟᱱ ᱥᱤᱫᱚ ᱟᱨ ᱠᱟᱹᱱᱦᱩ ᱩᱱᱠᱩ ᱮᱨᱟᱲ ᱨᱮ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱠᱤᱱ ᱴᱷᱟᱹᱣᱠᱟᱹ ᱠᱮᱫ ᱟ ᱾ ᱚᱱᱟ ᱞᱟᱹᱜᱤᱫ ᱑᱘᱕᱕ ᱥᱟᱞ ᱨᱮ ᱵᱷᱚᱜᱽᱱᱟᱰᱤᱦᱤ ᱡᱟᱦᱮᱨ ᱨᱮ ᱑᱐,᱐᱐᱐ ᱦᱚᱲ ᱠᱚ ᱡᱟᱣᱨᱟ ᱞᱮᱱᱟ ᱾ ᱯᱤᱯᱲᱟ ᱟᱹᱛᱩ ᱨᱤᱱᱤᱡ ᱫᱮᱥ ᱢᱟᱹᱡᱷᱤ ᱦᱟᱲᱢᱟ ᱢᱟᱹᱡᱷᱤ ᱟᱨ ᱟᱨ ᱪᱟᱱᱫᱽᱨᱟᱭ ᱢᱟᱹᱡᱷᱤ, ᱟᱢᱜᱟᱹᱪᱷᱤᱭᱟᱹ ᱨᱤᱱᱤᱡ ᱜᱟᱹᱨᱵᱷᱩ ᱢᱟᱹᱡᱷᱤ, ᱥᱤᱢᱩᱛᱚᱞᱤ ᱟᱹᱛᱩ ᱨᱤᱱᱤᱡ ᱫᱷᱚᱱᱨᱟᱭ ᱦᱮᱢᱵᱽᱨᱚᱢ ᱞᱤᱴᱤᱯᱟᱲᱟ ᱟᱹᱛᱩ ᱨᱤᱱᱤᱡ ᱞᱟᱞ ᱢᱟᱹᱡᱷᱤ ᱟᱨ ᱵᱷᱩᱜᱽᱞᱩ ᱯᱟᱨᱜᱟᱱᱟ, ᱯᱟᱰᱮᱨᱠᱚᱞᱟᱨ ᱟᱹᱛᱩ ᱨᱤᱱᱤᱡ ᱥᱟᱹᱢᱩ ᱯᱟᱨᱜᱟᱱᱟ ᱮᱢᱟᱱ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾ ^[᱕]

ᱚᱠᱛᱚ

᱑᱘᱕᱕-᱕᱖ ᱥᱟᱞᱨᱮ ᱦᱩᱭ ᱟᱠᱟᱱ ᱦᱩᱞᱨᱮ ᱤᱝᱨᱮᱡᱽ ᱥᱚᱨᱠᱟᱨ ᱦᱟᱹᱛᱤ, ᱥᱟᱫᱚᱢ ᱟᱨ ᱵᱟᱹᱱᱫᱩᱠ ᱠᱚᱭ ᱵᱮᱵᱷᱟᱨ ᱞᱮᱫᱼᱟ᱾ ᱦᱚᱲ ᱦᱚᱯᱚᱱ ᱠᱚᱫᱚ ᱟᱜ ᱥᱟᱨ ᱱᱤᱭᱟᱹ ᱛᱮᱜᱮ ᱠᱚ ᱞᱟᱹᱲᱦᱟᱹᱭ ᱞᱮᱫᱼᱟ᱾ᱦᱩᱞ ᱚᱠᱛᱮ ᱜᱮᱞᱥᱟᱭ ᱜᱮᱞ ᱤᱝᱨᱮᱡᱽ ᱟᱨ ᱦᱚᱲ ᱠᱚ ᱵᱚᱸᱜᱟ ᱛᱟᱞᱟ ᱞᱮᱱᱟ ᱾ ᱦᱚᱲ ᱦᱚᱯᱚᱱᱟᱜ ᱦᱩᱞ ᱧᱮᱞᱛᱮ ᱤᱝᱨᱮᱡᱽ ᱥᱚᱨᱠᱟᱨ ᱮ ᱵᱚᱛᱚᱨ ᱩᱛᱟᱹᱨ ᱞᱮᱱᱟ ᱾ ᱞᱟᱹᱲᱦᱟᱹᱭ ᱨᱮ ᱥᱤᱫᱚ, ᱠᱟᱹᱱᱦᱩ, ᱪᱟᱸᱫᱽ, ᱵᱷᱟᱭᱨᱚ ᱠᱚ ᱵᱚᱸᱜᱟ ᱛᱟᱞᱟ ᱮᱱᱠᱷᱟᱱ ᱑᱘᱕᱖ ᱥᱟᱞ ᱨᱮᱱᱟᱜ ᱤᱝᱨᱮᱡᱤ ᱱᱚᱵᱷᱮᱢᱵᱚᱨ ᱪᱟᱸᱫᱚ ᱨᱮ ᱦᱩᱞ ᱫᱚ ᱢᱩᱪᱟᱹᱫ ᱞᱮᱱᱟ ᱾

ᱦᱩᱞ ᱨᱮᱱᱟᱜ ᱡᱟᱹᱨᱩᱲ ᱠᱟᱛᱷᱟ ᱠᱚ

᱑ᱹ ᱑᱘᱕᱕ ᱥᱟᱞ ᱨᱮᱱᱟᱜ ᱓᱐ ᱡᱩᱱ ᱵᱤᱨᱵᱷᱩᱢ ᱡᱮᱞᱟ ᱨᱮᱱᱟᱜ ᱵᱷᱚᱜᱽᱱᱟᱰᱤᱦ ᱟᱹᱛᱩ ᱨᱮ ᱜᱮᱞᱥᱟᱭ ᱯᱮᱜᱮᱞ ᱦᱚᱲ ᱠᱚ ᱡᱟᱣᱨᱟ ᱞᱮᱱᱟ ᱾ ᱚᱱᱟ ᱡᱟᱣᱨᱟ ᱠᱷᱚᱱ ᱜᱮ ᱥᱤᱫᱚ - ᱠᱟᱹᱱᱦᱩ ᱦᱩᱞ ᱠᱤᱱ ᱦᱚᱦᱚ ᱞᱮᱫᱼᱟ ᱾ ᱚᱸᱰᱮ ᱠᱷᱚᱱ ᱜᱮ ᱦᱚᱲ ᱦᱚᱯᱚᱱ ᱠᱚ ᱠᱚᱞᱠᱟᱛᱟ ᱨᱮ ᱵᱚᱰᱚ ᱞᱟᱴᱷ ᱴᱷᱮᱱ ᱟᱹᱭᱫᱟᱹᱨᱤ ᱵᱟᱰᱟᱭ ᱚᱪᱚ ᱞᱟᱹᱜᱤᱫ ᱛᱮ ᱛᱟᱲᱟᱢ ᱠᱚ ᱮᱦᱚᱵ ᱞᱮᱫᱼᱟ (The first Long March has organised during the Santal rebellion in the history of Indian sub-continent)᱾

᱒ᱹᱥᱤᱫᱚ ᱠᱟᱹᱱᱦᱩᱣᱟᱜ ᱦᱩᱞ ᱰᱟᱦᱟᱨ ᱯᱟᱸᱡᱟ ᱠᱟᱛᱮᱫ ᱡᱩᱞᱟᱹᱭ ᱪᱟᱸᱫᱚ ᱨᱮᱱᱟᱜ ᱗ ᱛᱟᱹᱨᱤᱠᱷ ᱫᱤᱜᱷᱤ ᱛᱷᱟᱱᱟ ᱨᱮᱱ ᱫᱟᱨᱳᱜᱟ ᱢᱚᱦᱮᱥᱞᱟᱞ ᱥᱟᱶᱛᱮ ᱜᱮᱞ ᱟᱨᱮ ᱦᱚᱲ ᱠᱚ ᱜᱚᱡ ᱠᱮᱫ ᱠᱚᱣᱟ ᱾

᱓ᱹ ᱤᱝᱨᱮᱡᱽ ᱠᱚ ᱵᱤᱨᱩᱫᱷ ᱱᱤᱭᱟᱹ ᱦᱩᱞᱨᱮ ᱦᱚᱲ ᱦᱚᱯᱚᱱ ᱥᱟᱶᱛᱮ ᱠᱩᱢᱟᱨ, ᱛᱮᱞᱤ, ᱠᱚᱨᱢᱚᱠᱟᱨ, ᱪᱟᱢᱟᱨ, ᱰᱳᱢ ᱟᱨ ᱨᱮᱸᱜᱮᱡ ᱦᱤᱱᱫᱩ, ᱢᱩᱥᱞᱟᱹ ᱦᱚᱸᱠᱚ ᱛᱟᱦᱮᱸ ᱠᱟᱱᱟ᱾

᱔ᱹ ᱥᱟᱱᱛᱟᱲ ᱦᱩᱞ ᱫᱚ ᱵᱷᱟᱨᱚᱛ ᱫᱤᱥᱚᱢ ᱯᱷᱩᱨᱜᱟᱹᱞ ᱨᱮᱱᱟᱜ ᱠᱷᱟᱹᱞᱤ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱥᱩᱢᱩᱝ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱫᱚ ᱨᱮᱸᱜᱮᱡ ᱟᱨ ᱠᱤᱥᱟᱹᱬ ᱦᱚᱲᱟᱜ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱦᱚᱸ ᱛᱟᱦᱮᱸ ᱠᱟᱱᱟ ᱾^[᱖]

ᱥᱟᱹᱠᱷᱭᱟᱹᱛ

↑ "Santhal Hul Wasn't Just the First Anti-British Revolt, It Was Against All Exploitation". The Wire. Retrieved 2023-07-12.
↑ https://web.archive.org/web/20111026053131/http://www.historytution.com/early-resistance-british_rule/santhal_rebellion_%281855-1856%29.html
↑ "Archive copy". Archived from the original on 2017-05-21. Retrieved 2017-05-21.{{cite web}}: CS1 maint: archived copy as title (link)
↑ ᱥᱟᱱᱛᱟᱲ ᱵᱤᱫᱽᱨᱚᱦ, ᱥᱤᱫᱚ ᱠᱟᱹᱱᱦᱩ (᱐᱑-᱐᱕-᱑᱙᱙᱑). (᱐᱑-᱐᱕-᱑᱙᱙᱑ ed.). ᱚᱠᱷᱭᱚᱨ ᱥᱚᱡᱟ. p. ᱥᱤᱫᱚ ᱠᱟᱹᱱᱦᱩ ᱥᱟᱱᱛᱟᱲ ᱵᱤᱫᱽᱨᱚᱦ. {{cite book}}: Check date values in: |date= (help); Missing or empty |title= (help); More than one of |pages= and |page= specified (help)
↑ ᱴᱩᱰᱩ, ᱵᱤᱨᱤᱭᱟ ᱪᱚᱨᱚᱱ. ᱥᱤᱫᱩ ᱠᱟᱱᱦᱩ ᱥᱟᱱᱛᱟᱲ ᱵᱤᱫᱽᱨᱚᱦᱚᱨᱚ ᱥᱚᱝᱠᱷᱤᱯᱛᱚ ᱤᱛᱤᱦᱟᱥ. ᱚᱠᱷᱭᱚᱨᱥᱚᱡᱽᱟ. p. ᱔᱑. {{cite book}}: More than one of |pages= and |page= specified (help)
↑ ᱯᱟᱹᱦᱤᱞ ᱟᱨ ᱯᱤᱲᱦᱤ,ᱢᱟᱹᱱᱤ ᱯᱟᱨᱚᱢᱤᱛᱟ ᱨᱟᱭ, ᱵᱷᱟᱹᱨᱤᱭᱟᱹ ᱧᱟᱢᱟᱱ-ᱥᱩᱛᱨᱮᱛ, ᱯᱩᱪᱷᱤᱢ ᱵᱟᱝᱞᱟ ᱛᱟᱱᱟᱞᱟ ᱥᱮᱪᱮᱫ ᱢᱟᱸᱰᱮᱨ, ᱗᱗/᱒, ᱯᱟᱨᱠ ᱥᱴᱨᱤᱴ, ᱠᱚᱞᱠᱟᱛᱟ - ᱒᱐᱐ ᱐᱑᱖. ᱥᱟᱦᱴᱟ ᱮᱞ.᱑᱐᱙

ᱵᱟᱦᱨᱮ ᱡᱚᱱᱚᱲ

http://www.thehindu.com/todays-paper/tp-national/Tribals-celebrate-Hool-Maha-festival/article16544527.ece

[1] "Santhal Hul Wasn't Just the First Anti-British Revolt, It Was Against All Exploitation". The Wire. Retrieved 2023-07-12.

[2] ttps://web.archive.org/web/20111026053131/http://www.historytution.com/early-resistance-british_rule/santhal_rebellion_%281855-1856%29.html

[3] "Archive copy". Archived from the original on 2017-05-21. Retrieved 2017-05-21.{{cite web}}: CS1 maint: archived copy as title (link)

[ᱥᱤᱫᱩ_ᱠᱟᱹᱱᱦᱩ_ᱟᱜ_ᱡᱟᱱᱟᱢ-4] ᱥᱟᱱᱛᱟᱲ ᱵᱤᱫᱽᱨᱚᱦ, ᱥᱤᱫᱚ ᱠᱟᱹᱱᱦᱩ (᱐᱑-᱐᱕-᱑᱙᱙᱑). (᱐᱑-᱐᱕-᱑᱙᱙᱑ ed.). ᱚᱠᱷᱭᱚᱨ ᱥᱚᱡᱟ. p. ᱥᱤᱫᱚ ᱠᱟᱹᱱᱦᱩ ᱥᱟᱱᱛᱟᱲ ᱵᱤᱫᱽᱨᱚᱦ. {{cite book}}: Check date values in: |date= (help); Missing or empty |title= (help); More than one of |pages= and |page= specified (help)

[ᱦᱩᱞ-5] ᱴᱩᱰᱩ, ᱵᱤᱨᱤᱭᱟ ᱪᱚᱨᱚᱱ. ᱥᱤᱫᱩ ᱠᱟᱱᱦᱩ ᱥᱟᱱᱛᱟᱲ ᱵᱤᱫᱽᱨᱚᱦᱚᱨᱚ ᱥᱚᱝᱠᱷᱤᱯᱛᱚ ᱤᱛᱤᱦᱟᱥ. ᱚᱠᱷᱭᱚᱨᱥᱚᱡᱽᱟ. p. ᱔᱑. {{cite book}}: More than one of |pages= and |page= specified (help)

[6] ᱯᱟᱹᱦᱤᱞ ᱟᱨ ᱯᱤᱲᱦᱤ,ᱢᱟᱹᱱᱤ ᱯᱟᱨᱚᱢᱤᱛᱟ ᱨᱟᱭ, ᱵᱷᱟᱹᱨᱤᱭᱟᱹ ᱧᱟᱢᱟᱱ-ᱥᱩᱛᱨᱮᱛ, ᱯᱩᱪᱷᱤᱢ ᱵᱟᱝᱞᱟ ᱛᱟᱱᱟᱞᱟ ᱥᱮᱪᱮᱫ ᱢᱟᱸᱰᱮᱨ, ᱗᱗/᱒, ᱯᱟᱨᱠ ᱥᱴᱨᱤᱴ, ᱠᱚᱞᱠᱟᱛᱟ - ᱒᱐᱐ ᱐᱑᱖. ᱥᱟᱦᱴᱟ ᱮᱞ.᱑᱐᱙

[᱒]

[᱑]

[᱓]

[᱔]

[᱕]

[᱖]