ᱦᱩᱫᱩᱲ ᱫᱩᱨᱜᱟᱹ

ᱦᱩᱫᱩᱲ ᱫᱩᱨᱜᱟᱹ ᱫᱚ ᱢᱤᱫ ᱡᱚᱠᱷᱚᱡ ᱨᱮᱱ ᱟᱹᱰᱤ ᱫᱟᱲᱮᱣᱟᱱ ᱟᱹᱫᱤᱵᱟᱹᱥᱤ ᱨᱟᱡᱟᱭ ᱛᱟᱸᱦᱮᱸᱠᱟᱱᱟ ᱾ ᱦᱩᱫᱩᱲ ᱢᱮᱱᱛᱮ ᱫᱚ ᱴᱷᱮᱨ ᱞᱮᱠᱟᱱ ᱫᱟᱲᱮ ᱵᱩᱡᱷᱟᱜᱼᱟ ᱟᱨ ᱫᱩᱨᱜᱟᱹ ᱢᱮᱱᱛᱮ ᱫᱚ ᱡᱟᱸᱦᱟᱸᱭ ᱜᱟᱲᱮ ᱨᱩᱠᱷᱤᱭᱟᱹ ᱫᱚᱦᱚᱭᱟ ᱾ ᱦᱩᱫᱩᱲ ᱫᱩᱨᱜᱟᱹ ᱟᱜ ᱟᱨ ᱢᱤᱫ ᱧᱩᱛᱩᱢ ᱢᱚᱦᱤᱥᱟᱥᱩᱨ ᱾ ᱡᱟᱸᱦᱟᱸᱭ ᱟᱨᱡᱚ ᱡᱟᱹᱛᱤ ᱠᱚᱫᱚ ᱢᱚᱦᱤᱥᱟᱥᱩᱨ ᱥᱮ ᱦᱩᱫᱩᱲ ᱫᱩᱨᱜᱟᱹ ᱫᱚ ᱪᱷᱚᱞᱚᱱᱟ ᱛᱮᱠᱚ ᱜᱚᱪ ᱚᱪᱚᱣᱠᱟᱫᱤᱭᱟ ᱾ ᱡᱟᱸᱦᱟᱸᱭ ᱟᱭᱳ ᱦᱚᱲ ᱴᱷᱮᱱᱮ ᱜᱚᱪ ᱚᱪᱚ ᱞᱮᱱᱟ ᱩᱱᱤᱜᱮ ᱛᱟᱭᱚᱢᱛᱮ ᱫᱤᱵᱤ ᱫᱩᱨᱜᱟᱹ ᱧᱩᱛᱩᱢ ᱱᱟᱭ᱾

ᱠᱟᱹᱦᱱᱤ

ᱥᱟᱱᱛᱟᱞ ᱡᱟᱛᱤ ᱟᱜ ᱫᱷᱚᱨᱚᱢ ᱟᱨ ᱟᱹᱨᱤᱪᱟᱹᱞᱤ ᱯᱚᱛᱚᱵ ᱨᱮ ᱚᱱᱚᱞᱤᱭᱟᱹ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ ᱟᱜ ᱚᱞ ᱞᱮᱠᱟᱛᱮ ᱦᱩᱫᱩᱲ ᱫᱩᱨᱜᱟᱹ ᱫᱚ ᱢᱤᱫ ᱚᱱᱟᱨᱡᱚ ᱞᱟᱹᱲᱦᱟᱹᱭᱤᱡ ᱮ ᱛᱟᱸᱦᱮᱸᱠᱟᱱᱟ ᱾ ᱟᱨᱡᱚ ᱠᱩ ᱥᱟᱶᱛᱮ ᱞᱟᱹᱲᱦᱟᱹᱭ ᱨᱮ ᱱᱩᱭ ᱵᱤᱨ ᱡᱳᱫᱫᱷᱟ ᱫᱚᱭ ᱜᱚᱪ ᱚᱪᱚ ᱞᱮᱱᱟ ᱾ ᱚᱱᱟ ᱯᱚᱛᱚᱵ ᱨᱮ ᱱᱚᱝᱠᱟᱱ ᱠᱟᱹᱦᱱᱤ ᱚᱞ ᱢᱮᱱᱟᱜᱼᱟ: ᱥᱟᱱᱛᱟᱲ ᱠᱚ ᱫᱚ ᱵᱚᱞᱮ ᱞᱚᱝᱠᱟ ᱨᱟᱡ ᱨᱟᱵᱚᱱ ᱨᱮᱱ ᱵᱚᱝᱥᱚ ᱠᱟᱱᱟᱠᱩ᱾