ᱦᱮᱞᱮᱱ ᱠᱮᱞᱟᱨ
ᱢᱟᱨᱠᱤᱱ ᱠᱩᱝᱠᱤ-ᱠᱟ.ᱬᱤ ᱚᱱᱚᱞᱤᱭᱟ. ᱟᱨ ᱨᱟᱡᱟᱨᱤ ᱞᱟᱲᱟᱣᱱᱟᱦᱤᱭᱟ
| ᱦᱮᱞᱮᱱ ᱠᱮᱞᱟᱨ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱱ ᱒᱗, ᱑᱘᱘᱐ ᱟᱞᱟᱵᱟᱢᱟ, ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ |
| ᱜᱩᱨ | ᱑ ᱡᱩᱱ ᱑᱙᱖᱘ (ᱩᱢᱮᱨ ᱘᱘) ᱟᱨᱠᱮᱱ ᱨᱮᱰᱡ, ᱠᱟᱱᱮᱴᱤᱠᱟᱴ, ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱾ |
| ᱫᱤᱥᱚᱢᱤᱭᱟᱹ | ᱟᱢᱮᱨᱤᱠᱟᱱ |
| ᱠᱟᱹᱢᱤ | ᱚᱱᱚᱞᱤᱭᱟ., ᱨᱟᱡᱟᱨᱤ ᱠᱟ.ᱢᱤᱭᱟ, ᱢᱟ.ᱱᱢᱤ ᱜᱚᱨᱚᱵᱽ ᱾ |
| ᱥᱩᱦᱤ | |
 | |
ᱦᱮᱞᱮᱱ ᱠᱮᱞᱟᱨ ᱟᱨᱵᱟᱝ ᱦᱮᱞᱮᱱ ᱮᱰᱟᱢᱥ ᱠᱮᱞᱟᱨ (ᱤᱸᱜᱽᱨᱟᱡᱤ - Helen Adams Keller :- ᱒᱗ ᱡᱩᱱ ᱑᱘᱘᱐ - ᱐᱑ ᱡᱩᱱ ᱑᱙᱖᱘) ᱠᱟ.ᱞᱤ, ᱠᱟ.ᱬᱤ ᱟᱨ ᱠᱩᱝᱠᱤ ᱟᱛᱮ ᱜᱮ ᱵᱟᱜᱮᱯᱩᱱ ᱥᱮᱨᱢᱟ ᱩᱢᱮᱨ ᱨᱮ ᱥᱱᱟᱛᱚᱠ ᱢᱟ.ᱱ ᱮ ᱦᱟᱢᱮᱴ ᱞᱮᱫᱟ, ᱚᱱᱟ ᱛᱟᱭᱚᱢ ᱰᱚᱠᱴᱚᱨᱮᱴ ᱢᱟ.ᱱ ᱮ ᱦᱟᱢᱮᱴ ᱟᱠᱟᱫᱟ ᱾ ᱱᱩᱠᱤᱱ ᱚᱪᱚᱞ ᱥᱤᱥᱩ ᱠᱚᱣᱟᱜ ᱟ.ᱭᱫᱟ.ᱨᱤ ᱞᱟ.ᱜᱤᱫ ᱯᱩᱨᱟ. ᱡᱤᱭᱚᱱ ᱠᱤᱱ ᱞᱟ.ᱲᱦᱟ.ᱭ ᱟᱠᱟᱫᱟ ᱾ ᱚᱱᱟ ᱥᱟᱶᱛᱮ ᱱᱩᱠᱤᱱ ᱫᱚ ᱢᱤᱫ ᱢᱟ.ᱱᱟᱱ, ᱫᱟᱢᱟᱱᱟᱱ ᱟᱨ ᱨᱟᱡᱟᱨᱤ ᱠᱟ.ᱢᱤᱭᱟ. ᱠᱤᱱ ᱛᱟᱦᱮ ᱠᱟᱱᱟ ᱾
ᱡᱤᱭᱚᱱ
ᱥᱟᱯᱲᱟᱣᱦᱮᱞᱮᱱ ᱠᱮᱞᱟᱨ ᱑᱘᱘᱐ ᱥᱟᱞ ᱒᱗ ᱡᱩᱱ ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱨᱮᱱᱟᱜ ᱟᱞᱟᱵᱟᱢᱟ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟᱣᱟᱜ ᱧᱩᱛᱩᱢ ᱟᱨᱛᱷᱟᱨ ᱠᱮᱞᱟᱨ ᱟᱨ ᱟᱡ ᱟᱭᱳᱣᱟᱜ ᱧᱩᱛᱩᱢ ᱠᱮᱤᱴ ᱟᱰᱟᱢᱥ ᱾ ᱩᱢᱮᱨ ᱑᱙ ᱪᱟᱸᱫᱚ ᱚᱠᱛᱚ ᱨᱮ ᱱᱩᱠᱤᱱ ᱟ.ᱰᱤ ᱟᱸᱴ ᱟᱡᱟᱨ ᱨᱮᱠᱤᱱ ᱯᱟᱲᱟᱣ ᱞᱮᱱᱟ ᱾ ᱟᱭᱳ-ᱵᱟᱵᱟ ᱢᱤᱫᱴᱟᱝ ᱜᱮ ᱜᱤᱫᱽᱨᱟ. ᱡᱤᱣᱤ ᱢᱤᱨᱩ ᱟᱜ ᱡᱤᱣᱤ ᱨᱮᱱᱟᱜ ᱟᱥᱟ-ᱵᱷᱚᱨᱥᱟ ᱟᱲᱟᱜ ᱞᱮᱫ ᱨᱮᱦᱚᱸ ᱠᱤᱱ ᱢᱚᱱᱮ ᱫᱚ ᱵᱟ.ᱠᱤᱱ ᱨᱟ.ᱯᱩᱫ ᱟᱠᱟᱫ ᱛᱟᱦᱮ ᱾ ᱨᱟᱱ-ᱢᱩᱨᱜᱟ.ᱱ ᱠᱤᱱ ᱮᱦᱚᱵ ᱠᱮᱫ-ᱟ ᱾ ᱟ.ᱰᱤ ᱟᱭᱢᱟ ᱨᱟᱱ ᱛᱟᱭᱚᱢ ᱦᱮᱞᱮᱱ ᱡᱤᱣᱤ ᱠᱟ.ᱛᱤᱭ ᱧᱟᱢ ᱨᱩᱣᱟ.ᱲ ᱠᱮᱫ-ᱟ ᱾ ᱢᱮᱱᱠᱷᱟᱱ ᱟᱡᱟᱜ ᱨᱚᱲ, ᱟᱸᱡᱚᱢ ᱟᱨ ᱧᱮᱞ ᱨᱮᱱᱟᱜ ᱫᱟᱲᱮ ᱪᱤᱨᱚᱫᱤᱱ ᱞᱮᱠᱟᱭ ᱟᱫ ᱠᱮᱫ-ᱟ ᱾ ᱥᱤᱥᱩ ᱩᱢᱮᱨ ᱠᱷᱚᱱ ᱜᱮ ᱦᱮᱞᱮᱱ ᱵᱟᱝ ᱨᱚᱲ, ᱵᱟᱝ ᱟᱸᱡᱚᱢ ᱟᱨ ᱵᱟᱝ ᱧᱮᱧᱮᱞ ᱛᱩᱞᱩᱡ ᱜᱮᱭ ᱦᱟᱨᱟᱭᱮᱱᱟ ᱾ ᱩᱢᱮᱨ ᱛᱩᱨᱩᱭ ᱚᱠᱛᱮ ᱟᱡᱨᱮᱱ ᱟᱭᱳ-ᱵᱟᱵᱟ ᱚᱣᱟᱥᱤᱝᱴᱚᱱ ᱨᱮᱱ ᱢᱟ.ᱱᱟᱱ ᱵᱤᱜᱽ-ᱜᱟᱱᱤ ᱴᱮᱞᱤᱯᱷᱳᱱ ᱡᱩᱡᱩᱛᱱ ᱢᱟ.ᱱ ᱟᱞᱮᱠᱡᱟᱱᱰᱟᱨ ᱜᱨᱟᱦᱟᱢ ᱵᱮᱞ ᱴᱷᱮᱱ ᱥᱤᱠᱷᱟ.ᱣ ᱦᱟᱛᱟᱣ ᱞᱟ.ᱜᱤᱫ ᱠᱤᱱ ᱤᱫᱤ ᱠᱮᱫᱮᱭᱟ ᱾ ᱱᱩᱠᱤᱱ ᱦᱮᱞᱮᱱ ᱠᱮᱞᱟᱨ ᱯᱚᱭᱞᱳ ᱢᱩᱨᱜᱟ.ᱱ ᱠᱟᱛᱮ ᱠᱤᱱ ᱞᱟ.ᱭ ᱠᱮᱫᱟ ᱦᱮᱞᱮᱱ ᱫᱚ ᱛᱤᱥ ᱦᱚᱸ ᱵᱟᱭ ᱧᱮᱞ ᱧᱟᱢᱟ ᱟᱨ ᱞᱩᱛᱩᱨ ᱛᱮᱦᱚᱸ ᱵᱟᱭ ᱟᱸᱡᱚᱢ ᱧᱟᱢᱟ ᱾ ᱛᱚᱵᱮ ᱜᱨᱟᱦᱟᱢ ᱵᱮᱞ ᱦᱮᱞᱮᱱᱟᱜ ᱞᱟᱥᱮᱨ ᱜᱤᱫᱷᱤ ᱧᱮᱞ ᱠᱟᱛᱮ ᱮ ᱟᱭᱩᱢᱟ.ᱱ ᱠᱮᱫ-ᱟ, ᱱᱟᱯᱟᱭ ᱥᱮᱪᱮᱫ ᱟᱨ ᱥᱤᱠᱷᱟ.ᱣ ᱮᱢᱟᱭ ᱠᱷᱟᱱ ᱱᱟᱯᱟᱭ ᱥᱟᱶᱛᱮ ᱜᱮ ᱟᱨ ᱢᱤᱫᱴᱟᱝ ᱱᱟᱯᱟᱭ ᱡᱤᱭᱚᱱ ᱨᱩᱣᱟ.ᱲ ᱧᱟᱢᱚᱜ-ᱟ ᱾
ᱥᱤᱠᱷᱱᱟ.ᱛ ᱡᱤᱭᱚᱱ
ᱥᱟᱯᱲᱟᱣ᱘ ᱥᱮᱨᱢᱟ ᱩᱢᱮᱨ ᱨᱮ ᱮᱱᱤ ᱥᱩᱞᱞᱤᱵᱷᱚᱱ ᱧᱩᱛᱩᱢᱟᱱ ᱢᱤᱫ ᱜᱷᱟᱨᱚᱡᱽ ᱢᱟᱪᱮᱛᱟ.ᱱᱤ ᱦᱮᱞᱮᱱᱟᱜ ᱚᱞᱚᱜ ᱯᱟᱲᱦᱟᱣ ᱨᱮᱱᱟᱜ ᱟ:ᱜᱤᱵᱷᱟᱨ ᱮ ᱦᱟᱛᱟᱣ ᱠᱮᱫ-ᱟ ᱾ ᱩᱱᱠᱷᱚᱱ ᱜᱮ ᱟ.ᱠᱤᱱᱟᱜ ᱔᱙ ᱥᱮᱨᱢᱟ ᱨᱮᱱᱟᱜ ᱥᱟ.ᱜᱟ.ᱭ ᱮᱦᱚᱵ ᱞᱮᱱᱟ ᱾ ᱱᱩᱠᱤᱱ ᱦᱚᱸ ᱠᱟ.ᱬᱤ ᱜᱮᱠᱤᱱ ᱛᱟᱦᱮ ᱠᱟᱱᱟ ᱾ ᱱᱩᱠᱤᱱ ᱯᱚᱭᱞᱳ ᱨᱮ ᱛᱤ ᱠᱟ.ᱴᱩᱵ ᱛᱮ ᱦᱮᱞᱮᱱᱟᱜ ᱛᱤ ᱨᱮ ᱱᱟᱱᱟ-ᱦᱩᱱᱟ.ᱨ ᱜᱟᱨ ᱮ ᱵᱮᱱᱟᱣ ᱛᱟᱦᱮ ᱟᱨ ᱚᱱᱟ ᱛᱟᱭᱚᱢ ᱪᱤᱠᱤᱢᱟᱞᱟ ᱥᱟᱠᱟᱢ ᱛᱮ ᱪᱤᱠᱤᱢᱟᱞᱟ ᱥᱮ ᱟᱠᱷᱚᱨ ᱠᱚᱭ ᱪᱮᱫ ᱟᱫᱮᱭᱟ ᱾ ᱚᱱᱟ ᱛᱟᱭᱚᱢ ᱵᱨᱮᱤᱞ ᱫᱷᱟᱨᱟ ᱛᱮ ᱚᱞᱚᱜ ᱯᱟᱲᱦᱟᱣ ᱟᱠᱟᱱᱟᱭ ᱾ ᱑᱐ ᱥᱮᱨᱢᱟ ᱩᱢᱮᱨ ᱨᱮ ᱱᱚᱨᱚᱣᱭᱮ ᱨᱮ ᱢᱤᱫ ᱩᱛᱱᱟ.ᱣ ᱫᱷᱟᱨᱟ ᱟᱸᱜᱚᱪ ᱠᱟᱛᱮ ᱨᱚᱲ ᱮ ᱪᱮᱫ ᱠᱮᱫ-ᱟ ᱾ ᱑᱙᱐᱐ ᱥᱟᱞᱨᱮ ᱨᱮᱰᱠᱞᱤᱯᱷ ᱠᱚᱞᱮᱡᱽ ᱨᱮᱠᱤᱱ ᱥᱮᱞᱮᱫ ᱮᱱᱟ, ᱚᱸᱰᱮ ᱡᱮᱜᱮᱫ ᱡᱟᱠᱟᱛ ᱢᱟ.ᱱᱟᱱ ᱚᱱᱚᱞᱤᱭᱟ. ᱢᱟᱨᱠ ᱴᱚᱭᱮᱱ ᱥᱟᱶᱛᱮ ᱩᱯᱨᱩᱢ ᱦᱩᱭᱮᱱ ᱛᱟ.ᱠᱤᱱᱟ ᱾ ᱑᱙᱐᱔ ᱥᱟᱞᱨᱮ ᱯᱚᱭᱞᱳ ᱠᱟ.ᱬᱤ ᱢᱟ.ᱱᱢᱤ ᱢᱮᱱᱛᱮ ᱥᱱᱟᱛᱚᱠ ᱰᱤᱜᱽᱨᱤᱭ ᱦᱟᱢᱮᱴ ᱟᱠᱟᱫᱟ ᱾ ᱱᱚᱣᱟ ᱰᱤᱜᱽᱨᱤ ᱦᱟᱢᱮᱴ ᱢᱟᱲᱟᱝ ᱟ.ᱠᱤᱱᱟᱜ ᱟᱛᱛᱟ ᱡᱤᱭᱚᱱ, "ᱫᱟ ᱥᱴᱳᱨᱤ ᱚᱯᱷ ᱢᱟᱭ ᱞᱟᱭᱤᱯᱷ" ᱩᱪᱷᱟ.ᱱ ᱟᱠᱟᱱᱟ ᱾
ᱥᱟᱶᱛᱟ ᱥᱩᱥᱟ.ᱨ
ᱥᱟᱯᱲᱟᱣᱥᱟᱶᱛᱟ ᱨᱮᱱ ᱵᱟᱝ ᱨᱚᱲ, ᱵᱟᱝ ᱟᱸᱡᱚᱢ ᱟᱨ ᱵᱟᱝ ᱧᱮᱧᱮᱞ ᱦᱚᱲ ᱠᱚ ᱞᱟ.ᱜᱤᱫ ᱥᱟᱶᱛᱟ.ᱨᱤ ᱪᱮᱛᱚᱱᱟ ᱵᱮᱱᱟᱣ ᱟᱨ ᱦᱚᱲ ᱠᱚ ᱜᱚᱲᱚ ᱮᱢᱟᱠᱚ ᱞᱟ.ᱜᱤᱫ ᱦᱮᱞᱮᱱ ᱟ.ᱰᱤᱭ ᱨᱤᱠᱟ. ᱟᱠᱟᱫᱟ ᱟᱨ ᱱᱚᱣᱟ ᱠᱚ ᱠᱟ.ᱢᱤ ᱦᱚᱸ ᱯᱩᱨᱟ.ᱣ ᱟᱠᱟᱱ ᱛᱟᱭᱟ ᱾ ᱟᱭᱟᱜ ᱡᱤᱭᱚᱱ ᱫᱚᱥᱟᱨᱮ ᱡᱩᱠᱛᱚᱨᱟᱥᱴᱨᱚ ᱨᱮᱱ ᱡᱚᱛᱚ ᱫᱤᱥᱚᱢ ᱜᱚᱢᱠᱮ (ᱨᱟᱥᱴᱨᱚᱯᱚᱛᱤ) ᱟᱨ ᱟᱞᱮᱠᱡᱟᱱᱰᱟᱨ ᱜᱨᱟᱦᱟᱢ ᱵᱮᱞ, ᱢᱟᱨᱠ ᱠᱚᱭᱮᱱ, ᱪᱟᱨᱞᱤ ᱪᱟᱯᱞᱤᱱ ᱞᱮᱠᱟᱱ ᱠᱚ ᱢᱟᱨᱟᱝ ᱢᱟᱨᱟᱝ ᱦᱚᱲ ᱠᱚᱴᱷᱮᱱ ᱜᱚᱲᱚᱭ ᱧᱟᱢ ᱟᱠᱟᱫᱟ ᱾ ᱦᱮᱞᱮᱱ ᱑᱙᱑᱕ ᱥᱟᱞᱨᱮ ᱡᱚᱨᱡ ᱠᱮᱥᱞᱟᱨ ᱥᱟᱶᱛᱮ ᱤᱫᱤ ᱠᱟᱛᱮ "ᱦᱮᱞᱮᱱ ᱠᱮᱞᱟᱨ ᱤᱱᱴᱟᱨᱱᱮᱥᱱᱟᱞ" ᱧᱩᱛᱩᱢᱟᱱ ᱢᱤᱫᱴᱟᱝ ᱡᱮᱜᱮᱫ ᱡᱟᱠᱟᱛ ᱥᱮᱢᱞᱮᱫ ᱮ ᱵᱮᱱᱟᱣ ᱟᱠᱟᱫᱟ ᱾ ᱥᱮᱢᱞᱮᱫ ᱱᱤᱛ ᱦᱚᱸ ᱵᱟᱝ ᱧᱮᱞ, ᱵᱟᱝ ᱨᱚᱲ ᱟᱨ ᱵᱟᱝ ᱟᱸᱡᱚᱢ ᱦᱚᱲ ᱞᱟ.ᱜᱤᱫ ᱠᱟ.ᱢᱤ ᱠᱟᱱ ᱜᱮᱭᱟᱭ ᱾
᱑᱙᱔᱑ ᱥᱟᱞᱨᱮ ᱫᱚᱥᱟᱨ ᱡᱮᱜᱮᱫ ᱞᱟ.ᱲᱦᱟ.ᱭ ᱮᱦᱮᱵ ᱮᱱᱨᱮ ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱨᱮᱱ ᱫᱤᱥᱚᱢ ᱜᱚᱢᱠᱮ ᱨᱩᱡᱽᱵᱷᱮᱞᱴᱮᱨ ᱟᱜ ᱱᱮᱦᱚᱨ ᱛᱮ ᱮᱴᱟᱜ ᱮᱴᱟᱜ ᱦᱟᱥᱯᱟᱛᱟᱞ ᱠᱚᱨᱮ ᱞᱟ.ᱲᱦᱟ.ᱭᱨᱮ ᱵᱟᱡᱟᱣ ᱟᱠᱟᱱ ᱵᱟᱝ ᱧᱮᱧᱮᱞ ᱱᱟᱵᱤᱠ ᱟᱨ ᱥᱚᱭᱱᱤᱠ ᱠᱚ ᱧᱮᱧᱮᱞᱮ ᱪᱟᱞᱟᱜ ᱛᱟᱦᱮ ᱟᱨ ᱥᱟᱱᱛᱤ ᱟᱨ ᱟᱥ ᱨᱮᱱᱟᱜ ᱵᱤᱱᱛᱤᱭ ᱟᱸᱡᱚᱢᱟᱠᱚ ᱛᱟᱦᱮ ᱾ ᱞᱟ.ᱲᱦᱟ.ᱭ ᱢᱩᱪᱟ.ᱫ ᱮᱱᱠᱷᱟᱱ ᱵᱟᱝ ᱨᱚᱲ, ᱵᱟᱝ ᱟᱸᱡᱚᱢ ᱟᱨ ᱵᱟᱝ ᱧᱮᱞ ᱦᱚᱲ ᱞᱟ.ᱜᱤᱫ ᱫᱷᱟ.ᱨᱛᱤ ᱡᱟᱠᱟᱛ ᱞᱟᱲᱟᱣᱱᱟ ᱛᱮᱭᱟᱨ ᱨᱮᱱᱟᱜ ᱜᱚᱯᱚᱲᱚᱭ ᱧᱟᱢ ᱞᱮᱫ-ᱟ ᱾
ᱨᱟᱡᱟᱨᱤ
ᱥᱟᱯᱲᱟᱣᱦᱮᱞᱮᱱ ᱨᱟᱡᱟᱨᱤ ᱥᱟᱛᱟᱢ ᱟᱛᱮ ᱦᱚᱸᱭ ᱚᱞ-ᱵᱮᱞ ᱟᱠᱟᱫᱟ ᱾ ᱦᱮᱞᱮᱱ ᱫᱚ ᱟᱢᱮᱨᱤᱠᱟᱱ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ ᱨᱮᱱ ᱥᱚᱦᱮᱫᱤᱭᱟ.ᱭ ᱛᱟᱦᱮ ᱠᱟᱱᱟ ᱾ ᱱᱩᱠᱤᱱ ᱚᱸᱰᱮ ᱑᱙᱐᱙ ᱥᱟᱞ ᱨᱮᱠᱤᱱ ᱥᱮᱞᱮᱫ ᱞᱮᱱᱟ ᱾ ᱱᱩᱠᱤᱱ ᱫᱚ ᱟᱨᱡᱟᱣ ᱨᱮᱱᱟᱜ ᱵᱟᱨᱟᱵᱟ.ᱨᱤ ᱦᱟ.ᱴᱤᱧ ᱠᱤᱱ ᱢᱚᱱᱮ ᱞᱮᱫ-ᱟ ᱾ ᱫᱷᱚᱱᱛᱚᱱ ᱥᱟᱶᱛᱟ ᱟ.ᱨᱤ ᱵᱮᱵᱟᱨᱟᱵᱟᱨᱤ ᱧᱮᱞ ᱜᱮ ᱟ.ᱠᱤᱱᱟᱜ ᱥᱟᱱᱟ ᱛᱟᱦᱮ ᱠᱟᱱᱟ ᱾ ᱟ.ᱠᱤᱱᱟᱜ ᱯᱚᱛᱚᱵ "ᱟᱩᱴ ᱚᱯᱷ ᱫᱟ ᱰᱟᱨᱠ" ᱨᱮ ᱱᱚᱣᱟ ᱥᱟᱛᱟᱢ ᱞᱟ.ᱭᱛᱮ ᱮᱴᱟᱜ ᱮᱴᱟᱜ ᱨᱚᱪᱚᱱᱟᱭ ᱚᱞ ᱟᱠᱟᱫᱟ ᱾ ᱡᱚᱛᱚ ᱨᱟᱥᱴᱨᱚᱯᱚᱛᱤ ᱵᱟᱪᱷᱱᱟᱣ ᱨᱮ ᱱᱩᱠᱤᱱ ᱤᱩᱡᱮᱱ ᱰᱮᱵᱥ (eugene V debs) ᱨᱮᱱᱟᱜ ᱥᱚᱢᱚᱨᱛᱷᱱᱮ ᱧᱟᱢ ᱟᱠᱟᱫᱟ ᱾ ᱑᱙᱑᱒ ᱥᱟᱞᱨᱮ ᱱᱩᱠᱤᱱ "ᱤᱱᱰᱟᱥᱴᱨᱤᱭᱟᱞ ᱚᱣᱟᱨᱠᱟᱨ ᱚᱯᱷ ᱫᱟ ᱚᱣᱟᱞᱰ"(IWW) ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱦᱮᱞᱮᱱᱮ ᱛᱟᱦᱮ ᱠᱟᱱᱟ ᱢᱤᱫ ᱥᱟᱱᱛᱤᱭᱟᱱ ᱦᱚᱲ ᱟᱨ ᱱᱩᱠᱤᱱ ᱯᱚᱭᱞᱳ ᱡᱚᱜᱮᱫ ᱞᱟ.ᱲᱦᱟ.ᱭ ᱨᱮ ᱟᱢᱮᱨᱤᱠᱟ ᱥᱮᱞᱮᱫ ᱛᱟᱦᱮ ᱵᱤᱨᱩᱫᱽ ᱨᱮᱭ ᱛᱟᱦᱮ ᱠᱟᱱᱟ ᱾
ᱥᱟᱶᱦᱮᱫ ᱠᱟ.ᱢᱤ :- ᱟ.ᱠᱤᱱ ᱑᱒ ᱜᱚᱴᱟᱝ ᱯᱚᱛᱚᱵ ᱠᱤᱱ ᱚᱞ ᱟᱠᱟᱫᱟ ᱾ ᱢᱩᱬᱩᱫ ᱯᱚᱛᱚᱵ ᱫᱚ ᱛᱟ.ᱠᱤᱱ "ᱫᱟ ᱥᱴᱳᱨᱤ ᱚᱯᱷ ᱢᱟᱭ ᱞᱟᱭᱤᱵᱽ" (᱑᱙᱐᱓), ᱞᱮᱴ ᱟᱥ ᱦᱮᱵᱷ ᱦᱮᱞᱛᱷ, ᱫᱟ ᱚᱣᱟᱞᱰ ᱟᱭ ᱞᱤᱵ ᱤᱱ (᱑᱙᱐᱘), ᱳᱯᱮᱱ ᱰᱳᱨ ᱮᱢᱟᱱ ᱮᱢᱟᱱ ᱾ ᱱᱚᱣᱟ ᱠᱚ ᱪᱷᱟᱰᱟ ᱦᱚᱸ ᱵᱟᱝ ᱨᱚᱲ, ᱵᱟᱝ ᱟᱸᱡᱚᱢ ᱟᱨ ᱵᱟᱝ ᱧᱮᱞ ᱦᱚᱲ ᱠᱚ ᱞᱟ.ᱜᱤᱫ ᱡᱤᱭᱚᱱ ᱦᱟᱨᱠᱮᱛ ᱪᱮᱛᱟᱱ ᱨᱮ ᱢᱤᱫ ᱯᱷᱤᱞᱢ ᱠᱤᱱ ᱵᱮᱱᱟᱣ ᱟᱠᱟᱫᱟ ᱰᱮᱞᱤᱵᱷᱟᱨᱮᱱᱥ (Deliverance) ᱑᱙᱑᱙ ᱾ ᱯᱷᱤᱞᱢ ᱨᱮ ᱟᱡᱟᱜ ᱪᱩᱨᱤᱛ ᱨᱮ ᱟᱡ ᱜᱮᱭ ᱚᱵᱷᱤᱱᱚᱭ ᱟᱠᱟᱫᱟ ᱾
ᱦᱮᱞᱮᱱᱟᱜ ᱚᱞ ᱢᱤᱫᱴᱟᱝ ᱚᱱᱚᱬᱦᱮ :-
ᱥᱟᱯᱲᱟᱣᱤᱧᱟᱜ ᱧᱮᱧᱮᱞ ᱛᱮᱫ ᱩᱱᱠᱩ ᱠᱚ ᱥᱟᱦᱟ ᱠᱮᱫᱟ ᱡᱟᱸᱦᱟᱨᱮ ᱡᱟᱸᱦᱟ ᱦᱩᱭ ᱞᱟ.ᱠᱛᱤ ᱠᱟᱱᱟ ᱢᱮᱱᱠᱷᱟᱱ ᱤᱧᱜᱤᱧ ᱫᱤᱥᱟ.ᱭᱟ ᱢᱤᱞᱴᱚᱱᱟᱜ ᱥᱚᱨᱜᱚᱠᱷᱚᱱᱤ ᱾
ᱤᱧᱟᱜ ᱟᱸᱡᱚᱢ ᱛᱮᱫ ᱩᱱᱠᱩ ᱠᱚ ᱥᱟᱦᱟ ᱠᱮᱫᱟ ᱡᱟᱸᱦᱟᱨᱮ ᱡᱟᱸᱦᱟ ᱦᱩᱭ ᱞᱟ.ᱠᱛᱤ ᱠᱟᱱᱟ ᱵᱤᱛᱷᱳᱵᱷᱚᱱ ᱦᱮᱡ ᱠᱟᱛᱮ ᱡᱚᱫ ᱠᱮᱫ ᱛᱤᱧᱟᱭ ᱢᱮᱫ ᱫᱟᱜ ᱾
ᱤᱧᱟᱜ ᱟᱞᱟᱝ ᱩᱱᱠᱩ ᱠᱚ ᱥᱟᱦᱟ ᱠᱮᱫᱟ ᱡᱟᱸᱦᱟᱨᱮ ᱡᱟᱸᱦᱟ ᱦᱩᱭ ᱞᱟ.ᱠᱛᱤ ᱠᱟᱱᱟ ᱡᱚᱠᱷᱚᱱ ᱤᱧ ᱦᱩᱰᱤᱧᱤᱧ ᱛᱟᱦᱮ ᱠᱟᱱᱟ ᱤᱥ-ᱥᱚᱨ ᱥᱟᱶᱛᱮ ᱛᱤᱱᱟ.ᱜ ᱠᱟᱛᱷᱟ, ᱯᱩᱨᱟ.ᱯᱩᱨᱤ ᱯᱳᱥᱚᱱ ᱤᱫᱟ.ᱧ ᱩᱱᱤ ᱩᱱᱠᱩ ᱪᱷᱟ.ᱲ ᱵᱟᱭ ᱮᱢᱟᱠᱚᱣᱟ ᱥᱟᱦᱟ ᱞᱟ.ᱜᱤᱫ ᱤᱧᱟᱜ ᱟᱛᱛᱟ ᱾
ᱵᱚᱸᱜᱟ ᱛᱟᱞᱟ :- ᱑᱙᱖᱘ ᱥᱟᱞᱨᱮ ᱑ ᱡᱩᱞᱟᱭ ᱦᱮᱞᱮᱱ ᱮ ᱵᱚᱸᱜᱟ ᱛᱟᱞᱟ ᱟᱠᱟᱱᱟ ᱾ ᱩᱱᱤ ᱫᱤᱥᱟ. ᱫᱚᱦᱚ ᱞᱟ.ᱜᱤᱫ ᱟᱨ ᱟᱡᱟᱜ ᱫᱟᱢᱟᱱ ᱠᱟ.ᱢᱤ ᱠᱷᱟ.ᱛᱤᱨ ᱑᱙᱗᱗ ᱥᱟᱞᱨᱮ "ᱟᱢᱮᱨᱤᱠᱟᱱ ᱮᱥᱳᱥᱤᱭᱮᱥᱚᱱ ᱯᱷᱚᱨ ᱫᱟ ᱳᱵᱷᱟᱨᱥᱤᱡ ᱵᱞᱟᱭᱤᱱᱰ" ᱡᱟᱸᱦᱟ ᱫᱚ ᱱᱟᱦᱟᱜ ᱧᱩᱛᱩᱢ "ᱦᱮᱞᱮᱱ ᱠᱮᱞᱟᱨ ᱤᱱᱴᱟᱨᱱᱮᱥᱱᱟᱞ" ᱵᱮᱱᱟᱣ ᱟᱠᱟᱱᱟ ᱾
ᱡᱟᱸᱜᱟᱫᱚᱦᱚ (footnote):
ᱥᱟᱯᱲᱟᱣ- Keller, Helen with Anne Sullivan and John A. Macy (1903) The Story of My Life. New York, NY: Doubleday, Page & Co.
- Lash, Joseph P. (1980) Helen and Teacher: The Story of Helen Keller and Anne Sullivan Macy . New York, NY: Delacorte Press.: ᱟᱭ. ᱮᱥ.ᱵᱤ.ᱮᱱ ᱐-᱔᱔᱐-᱐᱓᱖᱕᱔-᱒
- ᱦᱟᱨᱨᱟᱢᱟᱱᱱ, ᱰᱳᱨᱳᱛᱷᱤ(᱑᱙᱙᱘) ᱦᱮᱞᱮᱱ ᱠᱮᱞᱟᱨ: ᱮ ᱞᱟᱭᱤᱯᱷ, ᱱᱤᱭᱩ ᱤᱭᱚᱨᱠ, ᱮᱱ. ᱳᱟᱭ: ᱠᱱᱳᱯᱷ(knopf) ᱟᱭ.ᱮᱥ.ᱵᱤ.ᱮᱱ ᱐-᱖᱗᱙-᱔᱔᱓᱕᱔-᱑