ᱦᱮᱢ ᱪᱚᱱᱫᱽᱨᱚ ᱜᱚᱥᱥᱟᱢᱤ
ᱦᱮᱢ ᱪᱚᱱᱫᱽᱨᱚ ᱢᱜᱚᱥᱥᱟᱢᱤ (ᱤᱝᱨᱟᱹᱡᱤᱺ Hemchandra Goswami; ᱑᱘᱗᱒ - ᱑᱙᱒᱘) ᱫᱚ ᱟᱥᱟᱢᱤᱥ ᱥᱟᱶᱦᱮᱫ ᱨᱮᱱ ᱯᱟᱹᱦᱤᱞ ᱥᱚᱱᱮᱴ ᱥᱤᱥᱤᱨᱡᱟᱹᱣᱤᱡ ᱠᱟᱱᱟᱭ ᱟᱨ ᱟᱥᱟᱢᱤᱥ ᱥᱟᱶᱦᱮᱫ ᱨᱮᱭᱟᱜ ᱨᱮᱦᱮᱫ ᱡᱚᱜᱟᱲ ᱡᱚᱛᱚᱱᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱠᱟᱱᱟᱭ ᱾ ᱤᱴᱟᱞᱤᱭᱟᱱ ᱥᱮᱨᱮᱧ - ᱚᱱᱚᱲᱤᱭᱟᱹ ᱯᱮᱴᱨᱟᱠᱚᱨ ᱟᱜ ᱩᱢᱩᱞ ᱯᱟᱧᱡᱟ ᱠᱟᱛᱮ ᱯᱟᱹᱦᱤᱞ ᱥᱚᱱᱮᱴ ᱯᱚᱛᱚᱵ ᱚᱞ ᱠᱟᱛᱮ ᱧᱩᱛᱩᱢᱮ ᱦᱟᱹᱨ ᱞᱮᱫ ᱠᱷᱟᱥ ᱦᱚᱲ ᱜᱮ ᱦᱮᱢ ᱪᱚᱱᱫᱽᱨᱚ ᱜᱚᱥᱥᱟᱢᱤ ᱠᱚ ᱢᱮᱛᱟᱭᱟ ᱾ ᱟᱥᱟᱢᱤᱥ ᱥᱟᱶᱦᱮᱫ ᱨᱮ ᱢᱤᱫᱴᱮᱱ ᱵᱮᱜᱟᱨ ᱴᱷᱟᱶᱮ ᱦᱟᱢᱮᱴ ᱟᱠᱟᱫ ᱱᱟᱣᱟ ᱚᱱᱟ ᱥᱚᱱᱮᱴ ᱨᱮᱭᱟᱜ ᱧᱩᱛᱩᱢ ᱜᱮ ᱦᱚᱭᱚᱜ ᱠᱟᱱᱟ "ᱯᱨᱤᱭᱚᱛᱚᱢᱟᱨ ᱪᱤᱴᱷᱤ" ᱾
ᱡᱟᱱᱟᱢ ᱟᱨ ᱵᱚᱝᱥᱚ ᱩᱯᱨᱩᱢ ᱥᱟᱯᱲᱟᱣ
ᱦᱮᱢ ᱪᱚᱱᱫᱽᱨᱚ ᱜᱚᱥᱥᱟᱢᱤ ᱟᱜ ᱡᱟᱱᱟᱢ ᱫᱚ ᱜᱚᱞᱟᱜᱷᱟᱴ ᱦᱚᱱᱚᱛ ᱨᱮᱭᱟᱜ ᱰᱷᱮᱠᱤᱭᱟᱞ ᱢᱳᱣᱡᱟ ᱨᱮᱭᱟᱜ ᱜᱟᱹᱣᱨᱟᱹᱝ ᱥᱚᱛᱨᱚ ᱨᱮᱭᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱫᱚ ᱑᱘᱗᱒ ᱥᱮᱨᱢᱟ ᱨᱮᱭᱟᱜ ᱘ (ᱤᱨᱟᱹᱞ) ᱡᱟᱱᱩᱣᱟᱨᱤ ᱢᱟᱹᱦᱤᱛ ᱨᱮ ᱦᱚᱭ ᱞᱮᱱᱟ ᱾ ᱩᱱᱤ ᱨᱮᱱ ᱟᱡ ᱵᱟᱵᱟ ᱣᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱰᱚᱢᱵᱽᱨᱩ ᱫᱷᱚᱨ ᱜᱚᱥᱥᱟᱢᱤ ᱟᱨ ᱮᱝᱜᱟᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱜᱷᱳᱱᱟ ᱠᱟᱱᱛᱤ ᱫᱮᱵᱤ ᱾ ᱰᱚᱢᱵᱽᱨᱩ ᱫᱷᱚᱨ ᱜᱚᱥᱥᱟᱢᱤ ᱫᱚ ᱜᱟᱹᱣᱜᱚᱝᱜᱚ ᱥᱚᱛᱨᱚ ᱨᱮᱱ ᱥᱚᱛᱨᱟᱫᱷᱤᱠᱟᱨ ᱟᱨ ᱰᱷᱮᱠᱤᱭᱟᱞ ᱢᱳᱣᱡᱟ ᱨᱮᱱ ᱢᱳᱣᱡᱟᱫᱟᱨᱮ ᱛᱟᱦᱮᱸ ᱠᱟᱱᱟ ᱾
ᱥᱮᱪᱮᱫ ᱥᱟᱯᱲᱟᱣ
ᱦᱮᱱ ᱪᱚᱱᱫᱽᱨᱚ ᱜᱚᱥᱥᱟᱢᱤ ᱫᱚ ᱟᱠᱚ ᱟᱹᱛᱩ ᱨᱮᱭᱟᱜ ᱥᱠᱩᱞ ᱠᱷᱚᱱ ᱜᱮ ᱯᱮ ᱴᱟᱠᱟ ᱮᱥᱟᱠᱩᱞᱟᱨᱥᱤᱯ ᱦᱟᱢᱮᱴ ᱠᱟᱛᱮ ᱯᱨᱟᱭᱢᱟᱨᱤ ᱫᱚᱭ ᱯᱟᱥ ᱞᱮᱫᱟ ᱾ ᱤᱱᱟᱹ ᱛᱟᱭᱱᱚᱢ ᱜᱚᱞᱟᱜᱷᱟᱴ ᱨᱮᱭᱟᱜ ᱣᱤᱞᱤᱭᱟᱢᱥ ᱢᱟᱭᱱᱚᱨ ᱥᱠᱩᱞ ᱨᱮ ᱧᱩᱛᱩᱢᱮ ᱚᱞ ᱨᱟᱠᱟᱵ ᱚᱪᱚ ᱞᱮᱫᱟ ᱾ ᱢᱮᱴᱨᱤᱠ ᱵᱤᱱᱤᱰ ᱑᱘᱘᱘ ᱥᱮᱨᱢᱟ ᱨᱮ ᱱᱚᱜᱟᱣ ᱦᱟᱭ ᱥᱠᱩᱞ ᱠᱷᱚᱱ ᱯᱟᱹᱦᱤᱞ ᱵᱤᱵᱷᱟᱜᱽ ᱛᱮᱭᱮ ᱯᱟᱥ ᱞᱮᱱᱟ ᱾ ᱩᱱᱤᱭᱟᱜ ᱞᱟᱥᱮᱨ ᱦᱟᱛᱟᱝ ᱧᱮᱞ ᱠᱟᱛᱮ ᱵᱟᱨ ᱜᱮᱞ ᱴᱟᱠᱟ ᱨᱮᱭᱟᱜ ᱮᱥᱠᱩᱞᱟᱨᱥᱤᱯ ᱦᱚᱸᱭ ᱧᱟᱢ ᱞᱮᱫᱟ ᱾ ᱤᱱᱟᱹ ᱛᱟᱭᱱᱚᱢ ᱪᱮᱛᱟᱱ ᱥᱮᱪᱮᱫ ᱧᱟᱢ ᱞᱟᱹᱜᱤᱫ ᱠᱚᱞᱠᱟᱛᱟᱭ ᱥᱮᱱ ᱞᱮᱱᱟ ᱟᱨ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ ᱨᱮ ᱧᱩᱛᱩᱢᱮ ᱚᱞ ᱪᱟᱲᱦᱟᱣ ᱚᱪᱚ ᱞᱮᱫᱟ ᱾ ᱚᱱᱰᱮ ᱩᱱᱤ ᱫᱚ ᱯᱚᱱ ᱥᱮᱨᱢᱟᱭ ᱯᱟᱲᱟᱣ ᱞᱮᱫᱟ, ᱢᱮᱱᱠᱷᱟᱱ ᱵᱤᱹᱮᱹ ᱰᱤᱜᱽᱨᱤ ᱵᱟᱝ ᱦᱟᱢᱮᱴ ᱠᱟᱛᱮ ᱜᱮ ᱚᱲᱟᱜ ᱛᱮᱭᱮ ᱨᱩᱣᱟᱹᱲ ᱞᱮᱱᱟ ᱾
ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ
᱑᱘᱙᱔ ᱥᱮᱨᱢᱟ ᱨᱮ ᱦᱮᱢ ᱪᱚᱱᱫᱽᱨᱚ ᱜᱚᱥᱥᱟᱢᱤ ᱫᱚ ᱰᱩᱣᱟᱦᱟᱴᱤ ᱨᱮᱭᱟᱜ ᱥᱚᱱᱟᱨᱟᱢ ᱦᱟᱭ ᱥᱠᱩᱞ ᱨᱮ ᱢᱟᱨᱟᱝ ᱢᱟᱪᱮᱫ ᱞᱮᱠᱟ ᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱᱮ ᱮᱴᱚᱦᱚᱵ ᱞᱮᱫᱟ ᱾ ᱢᱮᱱᱠᱷᱟᱱ ᱥᱠᱩᱞ ᱪᱟᱜᱞᱟᱣ ᱵᱟᱜᱱᱟᱣ ᱠᱚ ᱥᱟᱶ ᱢᱚᱛ ᱵᱤᱨᱩᱫᱷ ᱦᱚᱭᱮᱱ ᱛᱟᱭ ᱛᱮ, ᱚᱱᱟ ᱢᱠᱟᱹᱢᱤ ᱟᱲᱟᱜ ᱜᱤᱰᱤ ᱦᱚᱭ ᱞᱮᱱ ᱛᱟᱭᱟ ᱾ ᱑᱘᱙᱕ ᱥᱮᱨᱢᱟ ᱨᱮ ᱩᱱᱤ ᱫᱚ ᱮᱰᱣᱟᱨᱰ ᱜᱮᱭᱴ ᱟᱜ ᱜᱚᱯᱚᱲᱚ ᱛᱮ ᱥᱤᱞᱚᱝ ᱨᱮᱭᱟᱜ ᱥᱚᱪᱤᱚᱵᱟᱞᱚᱭ ᱨᱮ ᱢᱤᱫᱴᱮᱱ ᱥᱚᱠᱟᱨᱤ ᱦᱩᱫᱟᱹ ᱨᱮ ᱵᱟᱦᱟᱞᱤᱭᱮ ᱧᱟᱢ ᱞᱮᱫᱟ ᱾ ᱑᱘᱙᱗ ᱥᱮᱨᱢᱟ ᱨᱮ ᱥᱟᱵᱽ ᱰᱤᱯᱩᱴᱤ ᱠᱟᱞᱮᱠᱴᱚᱨ, ᱛᱟᱭᱚᱢ ᱛᱮ ᱤᱹᱮᱹᱥᱤ ᱟᱨ ᱰᱤᱯᱩᱴᱤ ᱢᱮᱡᱤᱥᱴᱨᱮᱴᱮ ᱦᱚᱭ ᱞᱮᱱᱟ ᱾ ᱑᱙᱒᱕ ᱥᱮᱨᱢᱟ ᱨᱮ ᱪᱟᱹᱠᱨᱤ ᱠᱷᱚᱱᱮ ᱡᱤᱨᱟᱹᱣ ᱞᱮᱱᱟ ᱾