ᱨᱟᱡᱽᱱᱟᱛᱷ ᱥᱤᱝ
ᱨᱟᱡᱽᱱᱟᱛᱷ ᱥᱤᱝ (ᱡᱟᱱᱟᱢ: ᱑᱐ ᱡᱩᱞᱟᱭ ᱑᱙᱕᱑) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ ᱱᱩᱭ ᱫᱚ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱫᱩᱜ ᱫᱚᱦᱚ ᱢᱚᱱᱛᱨᱤ ᱞᱮᱠᱟᱛᱮ ᱠᱟᱹᱢᱤ ᱮᱫᱟ ᱾ ᱱᱩᱭ ᱫᱚ ᱱᱤᱛᱚᱜ ᱚᱲᱟᱜ ᱞᱳᱠ ᱥᱚᱵᱷᱟ ᱨᱤᱱᱤᱡ ᱡᱚᱜᱚ ᱟᱹᱭᱩᱨᱤᱭᱟᱹ ᱠᱟᱱᱟᱭ ᱾ ᱱᱩᱭ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱢᱟᱨᱮ ᱯᱟᱨᱥᱮᱛ ᱠᱟᱱᱟᱭ ᱾ ᱩᱱᱤᱫᱚ ᱯᱩᱭᱞᱩ ᱩᱛᱛᱚᱨ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱟᱨ ᱵᱟᱡᱽᱯᱮᱭᱤ ᱥᱚᱨᱠᱟᱨ ᱨᱮ ᱠᱮᱵᱤᱱᱮᱴ ᱢᱚᱱᱛᱨᱤ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱱᱩᱭ ᱫᱚ ᱯᱩᱭᱞᱩ ᱢᱚᱫᱤ ᱢᱚᱱᱛᱨᱤ ᱨᱮ ᱚᱲᱟᱜ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾[᱑] ᱩᱱᱤᱫᱚ ᱵᱟᱨ ᱫᱷᱟᱹᱣ ᱒᱐᱐᱕ ᱥᱟᱞ ᱠᱷᱚᱱ ᱒᱐᱐᱙ ᱥᱟᱞ ᱟᱨ ᱒᱐᱑᱓ ᱥᱟᱞ ᱠᱷᱚᱱ ᱒᱐᱑᱔ ᱥᱟᱞ ᱨᱮ ᱵᱤ.ᱡᱮ.ᱯᱤ. ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾[᱒] ᱱᱩᱭ ᱫᱚ ᱵᱤ.ᱡᱮ.ᱯᱤ. ᱨᱤᱱᱤᱡ ᱢᱤᱫ ᱟᱱᱩᱵᱷᱚᱵᱤ ᱟᱹᱭᱩᱨᱤᱭᱟᱹ ᱠᱟᱱᱟᱭ ᱡᱟᱦᱟᱸ ᱫᱚ ᱟᱨ.ᱮᱥ.ᱮᱥ. ᱨᱤᱱᱤᱡ ᱥᱣᱚᱭᱚᱝᱥᱮᱵᱚᱠ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱮᱦᱚᱵ ᱞᱮᱜᱼᱟ ᱛᱟᱦᱮᱸᱫ ᱾ ᱱᱩᱭ ᱫᱚ ᱯᱟᱨᱴᱤ ᱨᱤᱱᱤᱡ ᱦᱤᱱᱫᱩᱛᱵᱷᱚ ᱵᱤᱪᱟᱹᱨ ᱨᱤᱱᱤᱡ ᱣᱚᱠᱤᱞ ᱠᱟᱱᱟᱭ ᱾ ᱩᱱᱤᱫᱚ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮ ᱦᱚᱸ ᱯᱟᱨᱴᱤ ᱥᱮᱵᱟ ᱟᱠᱟᱫᱟ ᱾ ᱡᱟᱦᱟᱸ ᱠᱷᱚᱱ ᱩᱱᱤᱫᱚ ᱢᱤᱫ ᱭᱩᱵᱟ ᱟᱭᱩᱨᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱨᱟᱡᱽᱟᱹᱨᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱜᱼᱟ ᱛᱟᱦᱮᱸᱫ ᱾ ᱱᱩᱭ ᱫᱚ ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ ᱟᱜ ᱢᱟᱨᱟᱝ ᱢᱚᱱᱛᱨᱤ ᱯᱚᱫᱽ ᱚᱠᱛᱚ ᱨᱮ ᱥᱚᱲᱚᱠ ᱥᱟᱜᱟᱲᱚᱢ ᱟᱨ ᱨᱟᱡᱽᱰᱟᱦᱟᱨ ᱟᱨ ᱪᱟᱹᱥ ᱢᱚᱱᱛᱨᱤ ᱦᱚᱸ ᱛᱟᱦᱮᱸ ᱠᱟᱱᱟᱭ ᱾[᱓]
| ᱨᱟᱡᱽᱱᱟᱛᱷ ᱥᱤᱝ | |
|---|---|
.jpg) ᱥᱤᱝ ᱫᱚ ᱯᱷᱮᱵᱽᱨᱩᱣᱟᱨᱤ ᱒᱐᱒᱐ ᱥᱟᱞ ᱨᱮ | |
| ᱫᱤᱥᱚᱢ ᱫᱩᱜ ᱫᱚᱦᱚ ᱢᱚᱱᱛᱨᱤ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱓᱐ ᱢᱮᱭ ᱒᱐᱑᱙ | |
| ᱢᱟᱨᱟᱝ ᱢᱱᱛᱨᱤ | ᱱᱚᱨᱮᱱᱫᱨᱚ ᱢᱚᱫᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱱᱤᱨᱢᱟᱞᱟ ᱥᱤᱛᱟᱨᱟᱢᱟᱱ |
| ᱚᱲᱟᱜ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱖ ᱢᱮᱭ ᱒᱐᱑᱔ – ᱓᱐ ᱢᱮᱭ ᱒᱐᱑᱙ | |
| ᱢᱟᱨᱟᱝ ᱢᱱᱛᱨᱤ | ᱱᱚᱨᱮᱱᱫᱨᱚ ᱢᱚᱫᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱥᱤᱞ ᱠᱩᱢᱟᱨ ᱥᱤᱸᱫᱮ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱟᱢᱤᱛ ᱥᱟᱦ |
| ᱪᱟᱹᱥᱤ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱔ ᱢᱮᱭ ᱒᱐᱐᱓ – ᱒᱒ ᱢᱮᱭ ᱒᱐᱐᱔ | |
| ᱢᱟᱨᱟᱝ ᱢᱱᱛᱨᱤ | ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱚᱡᱤᱛ ᱥᱤᱝ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱚᱨᱚᱫᱽ ᱯᱚᱣᱟᱨ |
| ᱥᱚᱲᱚᱠ ᱥᱟᱜᱟᱲᱚᱢ ᱟᱨ ᱨᱟᱡᱽᱰᱟᱦᱟᱨ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱒ ᱱᱚᱵᱷᱮᱢᱵᱚᱨ ᱑᱙᱙᱙ – ᱒᱗ ᱚᱠᱴᱚᱵᱚᱨ ᱒᱐᱐᱐ | |
| ᱢᱟᱨᱟᱝ ᱢᱱᱛᱨᱤ | ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱱᱤᱛᱤᱥ ᱠᱩᱢᱟᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤ.ᱥᱤ. ᱠᱷᱚᱱᱰᱩᱨᱤ |
| ᱒᱙ ᱟᱱ ᱩᱛᱛᱚᱨ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱘ ᱚᱠᱴᱚᱵᱚᱨ ᱒᱐᱐᱐ – ᱘ ᱢᱟᱨᱪ ᱒᱐᱐᱒ | |
| ᱯᱚᱱᱚᱛᱤᱭᱟᱹ | ᱥᱩᱨᱚᱡᱽ ᱵᱷᱟᱱ ᱵᱤᱥᱱᱩ ᱠᱟᱸᱛ ᱥᱟᱥᱛᱨᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱨᱟᱢ ᱯᱨᱚᱠᱟᱥ ᱜᱩᱯᱛᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱥᱟᱥᱚᱱ |
| ᱥᱚᱸᱥᱚᱫᱽ, ᱞᱳᱠ ᱥᱚᱵᱷᱟ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱕ ᱡᱩᱱ ᱒᱐᱑᱔ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱞᱟᱞᱡᱤ ᱴᱚᱸᱰᱚᱱ |
| ᱵᱟᱪᱱᱟᱣ ᱮᱞᱮᱠᱟ | ᱞᱚᱠᱷᱱᱚᱣ |
| ᱟᱹᱢᱟᱹᱞᱤ ᱨᱮ ᱓᱑ ᱢᱮᱭ ᱒᱐᱐᱙ – ᱕ ᱡᱩᱱ ᱒᱐᱑᱔ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱛᱷᱟᱯᱚᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱡᱚᱭ ᱠᱩᱢᱟᱨ ᱥᱤᱝ |
| ᱵᱟᱪᱱᱟᱣ ᱮᱞᱮᱠᱟ | ᱜᱟᱡᱤᱭᱟᱵᱟᱫᱽ |
| ᱥᱚᱸᱥᱚᱫᱽ ᱥᱚᱦᱮᱫ, ᱨᱟᱡᱽ ᱥᱚᱵᱷᱟ | |
| ᱟᱹᱢᱟᱹᱞᱤ ᱨᱮ ᱒᱖ ᱱᱚᱵᱷᱮᱢᱵᱚᱨ ᱒᱐᱐᱒ – ᱒᱕ ᱱᱚᱵᱷᱮᱢᱵᱚᱨ ᱒᱐᱐᱘ | |
| ᱵᱟᱪᱱᱟᱣ ᱮᱞᱮᱠᱟ | ᱩᱛᱛᱚᱨ ᱯᱨᱚᱫᱮᱥ |
| ᱟᱹᱢᱟᱹᱞᱤ ᱨᱮ ᱓ ᱮᱯᱨᱤᱞ ᱑᱙᱙᱔ – ᱑᱙ ᱮᱯᱨᱤᱞ ᱒᱐᱐᱑ | |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱠᱚᱞᱨᱟᱡᱽ ᱢᱤᱥᱨᱟ |
| ᱵᱟᱪᱱᱟᱣ ᱮᱞᱮᱠᱟ | ᱩᱛᱛᱚᱨ ᱯᱨᱚᱫᱮᱥ |
| ᱙ ᱟᱹᱱᱤᱡ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱯᱟᱨᱥᱮᱛ | |
| ᱟᱹᱢᱟᱹᱞᱤ ᱨᱮ ᱒᱔ ᱡᱟᱱᱩᱣᱟᱨᱤ ᱒᱐᱑᱓ – ᱘ ᱡᱩᱞᱟᱭ ᱒᱐᱑᱔ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱱᱤᱛᱤᱱ ᱡᱚᱭᱨᱟᱢ ᱜᱟᱰᱠᱟᱨᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱚᱢᱤᱛ ᱥᱟᱦ |
| ᱟᱹᱢᱟᱹᱞᱤ ᱨᱮ ᱓᱑ ᱰᱤᱥᱮᱢᱵᱚᱨ ᱒᱐᱐᱕ – ᱑᱙ ᱰᱤᱥᱮᱢᱵᱚᱨ ᱒᱐᱐᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱮᱞ. ᱠᱮ. ᱟᱰᱟᱣᱟᱱᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱱᱤᱛᱤᱱ ᱜᱟᱰᱠᱟᱨᱤ |
| ᱵᱷᱟᱨᱚᱛᱤᱭᱚ ᱡᱚᱱᱛᱟ ᱭᱩᱵᱟ ᱢᱚᱨᱪᱟ ᱨᱤᱱᱤᱡ ᱯᱟᱨᱥᱮᱛ | |
| ᱟᱹᱢᱟᱹᱞᱤ ᱨᱮ ᱑᱙᱘᱘ – ᱑᱙᱙᱐ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱯᱨᱚᱢᱚᱫᱽ ᱢᱚᱦᱟᱡᱚᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱡᱚᱜᱚᱛ ᱯᱨᱚᱠᱟᱥ ᱱᱚᱰᱰᱟ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱐ ᱡᱩᱞᱟᱭ ᱑᱙᱕᱑ ᱵᱷᱚᱵᱷᱳᱨᱟ, ᱪᱚᱸᱫᱚᱣᱞᱤ ᱦᱚᱱᱚᱛ, ᱩᱛᱛᱚᱨ ᱯᱨᱚᱫᱮᱥ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ |
| ᱮᱴᱟᱜ ᱨᱟᱡᱽᱟᱹᱨᱤ ᱥᱟᱹᱜᱟᱹᱭ | ᱵᱷᱟᱨᱚᱛᱤᱭᱚ ᱡᱚᱱᱚ ᱥᱚᱝᱜᱷ (᱑᱙᱗᱗ ᱥᱟᱞ ᱠᱷᱚᱱ ᱢᱟᱲᱟᱝ) |
| ᱡᱤᱭᱚᱱ ᱥᱚᱦᱮᱫ | ᱥᱟᱵᱤᱛᱨᱤ ᱥᱤᱝ (m. ᱦᱩᱲᱟᱹᱜ : ᱚᱢᱟᱱᱚᱛ ᱚᱠᱛᱚ ᱾) |
| ᱦᱚᱯᱚᱱ | ᱓, ᱥᱟᱶᱛᱮ ᱯᱚᱸᱠᱚᱡᱽ ᱥᱤᱝ |
| ᱥᱮᱪᱮᱫ ᱟᱠᱷᱲᱟ | ᱜᱚᱨᱟᱠᱷᱯᱩᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ (ᱮᱢ.ᱮᱥᱥᱤ. ᱯᱷᱤᱡᱤᱠᱥ ᱨᱮ) |
| ᱠᱟᱹᱢᱤ | ᱨᱟᱡᱽᱟᱹᱨᱤ, ᱞᱮᱠᱪᱟᱨᱟᱨ |
| ᱣᱮᱵᱽᱥᱟᱭᱤᱴ | Official website |
ᱱᱩᱭ ᱫᱚ ᱞᱚᱠᱷᱱᱚᱣ ᱠᱷᱚᱱ ᱵᱟᱨ ᱫᱷᱟᱹᱣ ᱞᱳᱠ ᱥᱚᱵᱷᱟ ᱟᱨ ᱢᱤᱫ ᱰᱷᱟᱹᱣ ᱜᱟᱡᱤᱭᱟᱵᱟᱫᱽ ᱠᱷᱚᱱ ᱥᱚᱸᱥᱚᱫᱽ ᱮ ᱛᱟᱦᱮᱸ ᱠᱟᱱᱟᱭ ᱾[᱔] ᱱᱩᱭ ᱫᱚ ᱯᱚᱱᱚᱛ ᱨᱤᱱᱤᱡ ᱨᱟᱡᱽᱟᱹᱨᱤ ᱨᱮᱦᱚᱸ ᱮᱠᱴᱤᱵᱽ ᱛᱟᱦᱮᱸ ᱠᱟᱱᱟᱭ ᱟᱨ ᱵᱟᱨ ᱫᱷᱟᱹᱣ ᱥᱤᱨᱟᱹ ᱢᱚᱱᱛᱨᱤ ᱛᱟᱦᱮᱸ ᱠᱟᱛᱮ ᱦᱮᱭᱫᱚᱨᱜᱚᱲ (ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ) ᱠᱷᱚᱱ ᱵᱤᱫᱷᱟᱭᱚᱠ ᱢᱮᱱᱟᱭᱟ ᱾[᱕]
ᱯᱩᱭᱞᱩ ᱡᱤᱭᱚᱱ
ᱥᱟᱯᱲᱟᱣᱨᱟᱡᱽᱱᱟᱛᱷ ᱥᱤᱝ ᱟᱜ ᱡᱟᱱᱟᱢ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱪᱚᱸᱫᱚᱣᱞᱤ ᱦᱚᱱᱚᱛ ᱨᱮᱱᱟᱜ ᱵᱷᱚᱵᱷᱳᱨᱟ ᱟᱹᱛᱩ ᱨᱮ ᱵᱟᱵᱟ ᱨᱟᱢ ᱵᱚᱫᱚᱱ ᱥᱤᱝ ᱟᱨ ᱟᱭᱳ ᱜᱩᱡᱽᱨᱟᱛᱤ ᱫᱮᱵᱤ ᱟᱜ ᱚᱲᱟᱜ ᱨᱟᱭᱠᱚᱣᱟᱨ ᱨᱟᱡᱽᱯᱩᱛ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾[᱖][᱗][᱘] ᱟᱡᱟᱜ ᱡᱟᱱᱟᱢ ᱫᱚ ᱪᱟᱹᱥᱤ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤᱫᱚ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱟᱡᱟᱜ ᱟᱹᱛᱩ ᱨᱮᱱᱟᱜ ᱢᱤᱫ ᱞᱚᱠᱟᱞ ᱟᱥᱲᱟ ᱠᱷᱚᱱ ᱧᱟᱢ ᱠᱮᱫᱟ ᱟᱨ ᱜᱚᱨᱟᱠᱷᱯᱩᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱩᱭᱞᱩ ᱛᱷᱚᱠ ᱨᱮᱱᱟᱜ ᱨᱤᱡᱟᱞᱴ ᱧᱟᱢ ᱠᱟᱛᱮ ᱯᱷᱤᱡᱤᱠᱥ ᱨᱮ ᱢᱟᱪᱮᱛ ᱰᱤᱜᱽᱨᱤ ᱧᱟᱢ ᱠᱮᱫᱟ ᱾ ᱜᱤᱫᱽᱨᱟᱹ ᱠᱷᱚᱱ ᱜᱮ ᱱᱩᱭ ᱫᱚ ᱡᱟᱹᱛᱤᱭᱟᱹᱨᱤ ᱥᱣᱚᱭᱚᱝᱥᱮᱵᱚᱠ ᱥᱚᱸᱜᱷ ᱨᱤᱱᱤᱡ ᱨᱟᱭᱤᱴ ᱣᱤᱝᱜᱟᱨ ᱵᱤᱪᱟᱹᱨ ᱠᱷᱚᱱ ᱤᱱᱥᱯᱟᱭᱤᱟᱰ ᱮ ᱛᱟᱦᱮᱸ ᱠᱟᱱᱟᱭ ᱾[᱙] ᱩᱱᱤᱫᱚ ᱠᱮᱵᱤ ᱨᱮ ᱯᱷᱤᱡᱤᱠᱥ ᱨᱤᱱᱤᱡ ᱞᱮᱠᱪᱟᱨᱟᱨ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱯᱚᱥᱴᱼᱜᱨᱮᱡᱩᱮᱴ ᱠᱚᱞᱮᱡᱽ ᱢᱤᱨᱡᱟᱯᱩᱨ, ᱩᱛᱛᱚᱨ ᱯᱨᱚᱫᱮᱥ ᱾[᱗] ᱟᱡᱤᱜ ᱢᱤᱫᱴᱟᱹᱝ ᱵᱚᱭᱦᱟ ᱦᱚᱸ ᱢᱮᱱᱟᱭᱟ, ᱡᱚᱭᱯᱟᱞ ᱥᱤᱝ ᱾[᱑᱐]
ᱯᱩᱭᱞᱩ ᱨᱟᱡᱽᱟᱹᱨᱤ ᱠᱟᱹᱢᱤ
ᱥᱟᱯᱲᱟᱣᱱᱩᱭ ᱫᱚ ᱑᱓ ᱥᱟᱞ ᱩᱢᱚᱨ ᱨᱮ ᱑᱙᱖᱔ ᱥᱟᱞ ᱠᱷᱚᱱ ᱨᱟᱥᱴᱨᱤᱭ ᱥᱣᱚᱭᱚᱝᱥᱮᱵᱚᱠ ᱥᱟᱸᱜᱷ ᱥᱟᱞᱟᱜ ᱡᱚᱲᱟᱣ ᱞᱮᱫ ᱛᱟᱦᱮᱸᱫ ᱟᱨ ᱥᱚᱝᱜᱚᱴᱷᱚᱱ ᱥᱟᱞᱟᱜ ᱡᱚᱲᱟᱣ ᱟᱠᱟᱱᱟ ᱾ ᱱᱩᱭ ᱫᱚ ᱑᱙᱗᱒ ᱥᱟᱞ ᱨᱮ ᱢᱤᱨᱡᱟᱯᱩᱨ ᱨᱤᱱᱤᱡ ᱥᱟᱠᱷᱟ ᱠᱚᱨᱣᱟ (ᱢᱟᱨᱟᱝ ᱥᱩᱛᱨᱮᱛ) ᱦᱚᱸ ᱵᱮᱱᱟᱣ ᱮᱱᱟ ᱾[᱗] ᱥᱟᱞ ᱑᱙᱗᱔ ᱨᱮ ᱒ ᱥᱮᱨᱢᱟ ᱛᱟᱭᱚᱢ, ᱱᱩᱭ ᱫᱚ ᱨᱟᱡᱽᱟᱹᱨᱤ ᱨᱮ ᱥᱮᱞᱮᱫ ᱮᱱᱟ ᱾[᱔] ᱑᱙᱖᱙ ᱥᱟᱞ ᱟᱨ ᱑᱙᱗᱑ ᱥᱟᱞ ᱛᱟᱞᱟ ᱨᱮ ᱱᱩᱭ ᱫᱚ ᱜᱚᱨᱟᱠᱷᱯᱩᱨ ᱨᱮ ᱟᱠᱷᱤᱞ ᱵᱷᱟᱨᱚᱛᱤᱭᱚ ᱵᱤᱫᱽᱭᱟᱛᱷᱤ ᱯᱚᱨᱤᱥᱚᱫᱽ (RSS ᱨᱤᱱᱤᱡ ᱟᱪᱮᱛ ᱪᱟᱸᱜᱟ) ᱨᱤᱱᱤᱡ ᱥᱚᱝᱜᱚᱴᱷᱚᱱᱟᱛᱢᱚᱠ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱱᱩᱭ ᱫᱚ ᱑᱙᱗᱒ ᱥᱟᱞ ᱨᱮ ᱟᱨᱮᱥᱮᱥ ᱨᱤᱱᱤᱡ ᱢᱤᱨᱡᱟᱯᱩᱨ ᱪᱟᱸᱜᱟ ᱨᱤᱱᱤᱡ ᱢᱟᱨᱟᱝ ᱥᱩᱛᱨᱮᱛ ᱮ ᱵᱮᱱᱟᱣ ᱮᱱᱟ ᱾[᱑᱑]
᱑᱙᱗᱔ ᱥᱟᱞ ᱨᱮ, ᱩᱱᱤ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱯᱨᱤᱰᱤᱥᱮᱥᱚᱨ, ᱵᱷᱟᱨᱚᱛᱤᱭᱚ ᱡᱚᱱᱚᱥᱚᱸᱜᱷᱤᱡ ᱢᱤᱨᱡᱟᱯᱩᱨ ᱨᱤᱱᱤᱡ ᱥᱩᱛᱨᱮᱛ ᱞᱮᱠᱟᱛᱮ ᱵᱟᱦᱟᱞ ᱮᱱᱟ ᱾[᱑᱒]
᱑᱙᱗᱕ ᱥᱟᱞ ᱨᱮ ᱒᱘ ᱥᱮᱨᱢᱟ ᱩᱢᱚᱨ ᱨᱮ, ᱥᱤᱝ ᱫᱚ ᱡᱚᱱᱚᱥᱚᱸᱜᱷᱤᱡ ᱦᱚᱱᱚᱛ ᱯᱟᱨᱥᱮᱛ ᱮ ᱵᱟᱦᱟᱞ ᱞᱮᱱ ᱛᱟᱦᱮᱸᱫ ᱾ ᱑᱙᱗᱗ ᱥᱟᱞ ᱨᱮ ᱱᱩᱭ ᱫᱚ ᱢᱤᱨᱡᱟᱯᱩᱨ ᱠᱷᱚᱱ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱮ ᱵᱟᱪᱷᱱᱟᱣ ᱮᱱᱟ ᱾ ᱚᱱᱟ ᱚᱠᱛᱚ ᱱᱩᱭ ᱫᱚ ᱡᱚᱭᱯᱨᱚᱠᱟᱥ ᱱᱟᱨᱟᱭᱚᱱ ᱟᱜ ᱡᱮᱯᱤ ᱞᱟᱲᱟᱣᱱᱟ ᱠᱷᱚᱱ ᱤᱱᱯᱷᱞᱩᱟᱸᱥ ᱞᱮᱱ ᱛᱟᱦᱮᱸᱫ ᱟᱨ ᱡᱚᱱᱚᱛᱟ ᱯᱟᱨᱴᱤ ᱨᱮ ᱥᱮᱞᱮᱫ ᱮᱱᱟ ᱟᱨ ᱢᱤᱨᱡᱟᱯᱩᱨ ᱠᱷᱚᱱ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱵᱟᱪᱷᱱᱟᱣ ᱮᱱᱟ ᱾[᱑᱓] ᱩᱱᱤ ᱥᱟᱞ ᱑᱙᱗᱕ ᱨᱮ ᱡᱟᱹᱛᱤᱭᱟᱹᱨᱤ ᱮᱢᱟᱨᱡᱮᱱᱥᱤ ᱨᱮᱱᱟᱜ ᱚᱵᱚᱥᱛᱟ ᱚᱠᱛᱚ ᱡᱮᱯᱤ ᱞᱟᱲᱟᱣᱱᱟ ᱥᱟᱞᱟᱜ ᱡᱚᱲᱟᱹᱣ ᱞᱟᱹᱜᱤᱫ ᱛᱮ ᱜᱤᱨᱯᱷᱛᱟᱨ ᱞᱮᱫᱮ ᱭᱟᱠᱚ ᱛᱟᱦᱮᱸᱫ ᱟᱨ ᱛᱤᱥ ᱩᱱᱤ ᱠᱚ ᱚᱸᱰᱚᱠ ᱞᱮᱫᱮᱭᱟ ᱛᱟᱦᱮᱸᱫ, ᱟᱫᱚ ᱩᱱᱤ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱟᱨᱦᱚᱸ ᱵᱟᱪᱷᱱᱟᱣ ᱞᱮᱱ ᱛᱟᱦᱮᱸᱫ ᱾[᱑᱔]
ᱚᱱᱟ ᱚᱠᱛᱚ ᱩᱱᱤᱫᱚ ᱯᱚᱱᱚᱛ (ᱨᱟᱡᱽᱟᱹᱨᱤ) ᱨᱮ ᱧᱩᱛᱩᱢ ᱧᱟᱢ ᱠᱮᱫᱟ ᱟᱨ ᱥᱟᱞ ᱑᱙᱘᱐ ᱨᱮ ᱵᱷᱟᱡᱽᱯᱟ ᱨᱮ ᱥᱮᱞᱮᱫ ᱮᱱᱟ ᱟᱨ ᱯᱟᱨᱴᱤ ᱨᱤᱱᱤᱡ ᱮᱛᱚᱦᱚᱵ ᱥᱚᱦᱮᱫ ᱠᱷᱚᱱ ᱫᱚ ᱢᱤᱫᱴᱟᱹᱝ ᱜᱮ ᱛᱟᱦᱮᱸ ᱠᱟᱱᱟᱭ ᱾ ᱱᱩᱭ ᱫᱚ ᱑᱙᱘᱔ ᱥᱟᱞ ᱨᱮ ᱵᱷᱟᱡᱽᱯᱟ ᱭᱩᱛᱷ ᱣᱤᱝ ᱨᱤᱱᱤᱡ ᱯᱚᱱᱚᱛ ᱯᱟᱨᱥᱮᱛ, ᱑᱙᱘᱖ ᱥᱟᱞ ᱨᱮ ᱡᱟᱹᱛᱤᱭᱟᱹᱨᱤ ᱢᱟᱨᱟᱝ ᱥᱩᱛᱨᱮᱛ ᱟᱨ ᱑᱙᱘᱘ ᱥᱟᱞ ᱨᱮ ᱡᱟᱹᱛᱤᱭᱟᱹᱨᱤ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱾ ᱱᱩᱭ ᱫᱚ ᱩᱛᱛᱚᱨ ᱯᱨᱚᱫᱮᱥ ᱵᱤᱫᱷᱟᱱ ᱵᱟᱹᱭᱥᱤ ᱞᱟᱹᱜᱤᱫ ᱦᱚᱸ ᱵᱟᱪᱷᱱᱟᱣ ᱮᱱᱟ ᱾[᱑᱒]
ᱱᱤᱡᱮᱨᱟᱜ ᱡᱤᱭᱚᱱ
ᱥᱟᱯᱲᱟᱣᱩᱱᱤᱫᱚ ᱕ ᱡᱩᱱ ᱑᱙᱗᱑ ᱥᱟᱞ ᱨᱮ ᱥᱟᱵᱤᱛᱨᱤ ᱥᱤᱝ ᱥᱟᱞᱟᱜ ᱵᱟᱯᱞᱟ ᱮᱱᱟ, ᱚᱠᱚᱭ ᱩᱱᱤᱨᱤᱱ ᱵᱟᱨᱭᱟ ᱵᱮᱴᱟ ᱟᱨ ᱢᱤᱫᱴᱟᱹᱝ ᱵᱤᱴᱤ ᱢᱮᱱᱟᱭᱟ ᱾[᱑᱕][᱑᱖] ᱟᱡᱤᱜ ᱵᱮᱴᱟ ᱯᱚᱸᱠᱚᱡᱽ ᱥᱤᱝ ᱫᱚ ᱢᱤᱫ ᱨᱟᱡᱽᱟᱹᱨᱤ ᱟᱨ ᱵᱤ.ᱡᱮ.ᱯᱤ. ᱠᱷᱚᱱ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱱᱚᱭᱮᱰᱟ ᱠᱷᱚᱱ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱮ ᱢᱮᱱᱟᱭᱟ ᱾[᱑᱗]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Shri Rajnath Singh | Ministry of Defence". www.mod.gov.in. Retrieved 18 February 2021.
- ↑ "Rajnath Singh elected BJP president, vows to bring back party to power". www.indiatvnews.com (in ᱟᱝᱜᱽᱨᱮᱡᱤ). 23 January 2013. Archived from the original on 2 July 2018. Retrieved 18 February 2021.
- ↑ Jain, B. M. (15 February 2021). The Geopsychology Theory of International Relations in the 21st Century: Escaping the Ignorance Trap (in ᱟᱝᱜᱽᱨᱮᱡᱤ). Rowman & Littlefield. pp. 86. ISBN 978-1-4985-7360-3.
- ↑ ᱔.᱐ ᱔.᱑ "Rajnath Singh: Rajnath Singh BJP from LUCKNOW in Lok Sabha Elections | Rajnath Singh News, images and videos". The Economic Times. Retrieved 19 August 2020.
- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs named:1 - ↑ Kaushal, Pradeep (15 September 2009). "Jaswant is sacked without show-cause notice, but Vasundhara could defy directive to resign". Indian Express. Retrieved 21 September 2020.
- ↑ ᱗.᱐ ᱗.᱑ ᱗.᱒ "Biography – Rajnath Singh". rajnathsingh.in. Retrieved 25 July 2020.
- ↑ Singh, Ujjwal Kumar (2007-01-11). The State, Democracy and Anti-Terror Laws in India (in ᱟᱝᱜᱽᱨᱮᱡᱤ). SAGE Publications India. ISBN 978-81-7829-955-6.
- ↑ "Rajnath Singh's biography tracing 5 decades in politics to hit stands in May". India Today. PTI. 10 April 2019. Retrieved 21 August 2020.
- ↑ "Rajnath Singh celebrates Raksha Bandhan with children at his residence". The Financial Express. 29 August 2015. Retrieved 21 September 2020.
- ↑ Chitamani 2019, pp. 17-18; Singh 2019, pp. 1-2.
- ↑ ᱑᱒.᱐ ᱑᱒.᱑ "Profile: Rajnath Singh". Zee News. Archived from the original on 30 September 2007.
- ↑ "Rajnath Singh Political Career,Age,Birthday,Wiki,Family,Biography & More". Medium. 24 April 2020. Retrieved 20 August 2020.
- ↑ "Did you know? India's Defence Minister Rajnath Singh has a master's degree in physics — and other interesting facts about his life". Business Insider. Retrieved 22 August 2020.
- ↑ "Members : Lok Sabha". 164.100.47.194. Retrieved 18 August 2020.
- ↑ "Shri Rajnath Singh Hon'ble Raksha Mantri" (PDF). Retrieved 18 August 2020.
- ↑ Shukla, Ankita (17 November 2018). "राजनाथ सिंह जीवनी, इतिहास, जाति, शिक्षा, परिवार, पत्नी, माता, पिता !!". Oye Hero. Retrieved 25 July 2020.
- Singh, Rajnath (2019). Profile: Rajnath Singh (PDF). GOI. pp. 1–2. ISBN 978-0670092369.
- Chintamani, Gautam (2019). Rajneeti: The Biography of Rajnath Singh. New Delhi, India: Penguin Books. p. 304. ISBN 978-0670092369.
- "Rajnath Singh | Parliamentary website". Parliament of India. GOI.
{{cite web}}: CS1 maint: url-status (link)
