ᱨᱟᱡᱽ ᱠᱩᱢᱟᱨ ᱥᱟᱞᱢᱟᱱ
ᱨᱟᱡᱽ ᱠᱩᱢᱟᱨ ᱥᱟᱞᱢᱟᱱ ᱵᱤᱱ ᱦᱟᱢᱟᱫᱽ ᱟᱞ ᱠᱷᱟᱹᱞᱤᱯᱷᱟ (ᱤᱝᱨᱟᱹᱡᱤᱺ Prince Salman bin Hamad bin Isa Al Khalifa; ᱟᱨᱵᱤ: سلمان بن حمد آل خليفة, ᱡᱟᱱᱟᱢ ᱒᱑ ᱚᱠᱴᱚᱵᱚᱨ ᱑᱙᱖᱙) ᱫᱚ ᱵᱟᱦᱨᱟᱭᱤᱱ ᱫᱤᱥᱚᱢ ᱨᱮᱱ ᱢᱟᱨᱟᱝ ᱢᱚᱱᱛᱨᱤ ᱟᱨ ᱡᱚᱜᱚ ᱨᱟᱡᱟ ᱠᱟᱱᱟᱭ| ᱤᱱᱟᱹ ᱵᱮᱜᱚᱨ ᱩᱱᱤ ᱫᱚ ᱵᱟᱦᱨᱟᱭᱤᱱ ᱫᱤᱥᱚᱢ ᱫᱩᱜ-ᱫᱟᱨᱟᱢ ᱯᱷᱟᱹᱫᱽ ᱨᱮᱱ ᱞᱟᱹᱲᱦᱟᱹᱭ ᱥᱩᱵᱮᱫᱟᱨ ᱦᱚᱸ ᱠᱟᱱᱟᱭ|
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱨᱟᱡᱽ ᱠᱩᱢᱟᱨ ᱥᱟᱞᱢᱟᱱ ᱫᱚ ᱨᱟᱡᱟ ᱦᱟᱢᱟᱫᱽ ᱵᱤᱱ ᱟᱞ ᱠᱷᱟᱹᱞᱤᱯᱷᱟ ᱟᱨ ᱩᱱᱤ ᱨᱮᱱ ᱯᱟᱹᱦᱤᱞ ᱮᱨᱟ ᱨᱟᱡᱽ ᱠᱩᱢᱟᱨᱤ ᱥᱟᱵᱤᱠᱟ ᱵᱤᱱᱛ ᱤᱵᱽᱨᱟᱦᱤᱢ ᱟᱞ ᱠᱷᱟᱹᱞᱤᱯᱷᱟ ᱛᱟᱹᱠᱤᱱ ᱨᱮᱱ ᱢᱟᱨᱟᱝᱤᱡ ᱠᱚᱲᱟ ᱠᱟᱱᱟᱭ|
ᱨᱟᱡᱽ ᱠᱩᱢᱟᱨ ᱥᱟᱞᱢᱟᱱ ᱟᱡᱟᱜ ᱦᱟᱭ ᱥᱠᱩᱞ ᱯᱟᱲᱦᱟᱣ ᱫᱚ ᱨᱟᱦᱨᱟᱭᱤᱱ ᱥᱠᱩᱞ ᱨᱮᱭᱮ ᱦᱟᱛᱟᱣ ᱞᱮᱫᱟ, ᱟᱨ ᱤᱱᱟᱹ ᱛᱟᱭᱱᱚᱢ ᱑᱙᱙᱒ ᱥᱮᱨᱢᱟ ᱨᱮ ᱨᱟᱡᱟᱨᱤ ᱥᱟᱬᱮᱥ ᱛᱮ ᱵᱤᱹᱮᱹ ᱰᱤᱜᱽᱨᱤ ᱦᱟᱛᱟᱣ ᱞᱟᱹᱜᱤᱫ ᱟᱢᱮᱨᱤᱠᱟ ᱨᱮᱭᱟᱜ ᱣᱟᱥᱤᱝᱴᱚᱱ ᱰᱤᱹᱥᱤᱹ ᱛᱮᱭᱮ ᱥᱮᱱ ᱞᱮᱱᱟ| ᱤᱱᱟᱹ ᱛᱟᱭᱱᱚᱢ ᱑᱙᱙᱔ ᱥᱮᱨᱢᱟ ᱨᱮ ᱱᱟᱜᱟᱢ ᱥᱟᱛᱷᱟᱢ ᱤᱫᱤ ᱠᱟᱛᱮ ᱮᱢᱹ ᱯᱷᱤᱞ ᱰᱤᱜᱽᱨᱤ ᱟᱨ ᱪᱟᱹᱬᱭᱟᱹᱨ ᱥᱟᱛᱷᱟᱢ ᱫᱚ ᱤᱝᱜᱽᱞᱮᱱᱰ ᱫᱤᱥᱚᱢ ᱨᱮᱭᱟᱜ ᱠᱩᱭᱤᱱᱥ ᱠᱚᱞᱮᱡᱽ ᱨᱮᱭᱮ ᱯᱟᱲᱦᱟᱣ ᱞᱮᱫᱟ|
ᱨᱟᱡᱽ ᱠᱩᱢᱟᱨ ᱥᱟᱞᱢᱟᱱ ᱫᱚ ᱵᱟᱦᱨᱟᱭᱤᱱ ᱨᱮᱱ ᱡᱩᱣᱟᱹᱱ ᱦᱚᱲ ᱠᱚ ᱒᱑ ᱥᱟᱭᱟᱱᱟᱜ ᱥᱮᱨᱢᱟ ᱨᱮᱭᱟᱜ ᱦᱚᱨ ᱰᱚᱦᱟᱨ ᱩᱫᱩᱜ ᱠᱚ ᱞᱟᱹᱜᱤᱫ ᱠᱨᱟᱣᱩᱱ ᱯᱨᱤᱱᱥᱮᱥ ᱤᱱᱴᱟᱨᱱᱮᱥᱚᱱᱟᱞ ᱮᱥᱠᱩᱞᱟᱨᱥᱤᱯ ᱯᱨᱚᱜᱽᱨᱟᱢᱮ (Crown Prince’s International Scholarship Programme) ᱮᱦᱚᱵ ᱞᱮᱫᱟ| ᱠᱟᱹᱢᱤ ᱦᱚᱨᱟ ᱞᱮᱠᱟ ᱛᱮ, ᱵᱟᱦᱨᱟᱭᱤᱱ ᱨᱮᱱ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱞᱟᱥᱮᱨ ᱦᱟᱛᱟᱝᱟᱱ ᱯᱟᱹᱴᱷᱩᱣᱟᱹ ᱠᱚᱲᱟ ᱠᱩᱲᱤ ᱠᱚ ᱵᱤᱫᱮᱥ ᱨᱮ ᱯᱟᱲᱦᱟᱣᱚᱜ ᱞᱟᱹᱜᱤᱫ ᱱᱤᱭᱟᱹ ᱮᱥᱠᱩᱞᱟᱨᱥᱤᱯ ᱛᱮ ᱠᱚ ᱢᱟᱱᱚᱛ ᱚᱪᱚᱜᱚᱜ-ᱟ, ᱟᱨ ᱩᱱᱠᱩ ᱡᱩᱣᱟᱹᱱ ᱠᱚ ᱫᱚ ᱱᱟᱦᱨᱟᱭᱤᱱ ᱨᱮᱭᱟᱜ ᱩᱛᱷᱱᱟᱹᱣ ᱞᱟᱹᱜᱤᱫ ᱟᱨᱦᱚᱸ ᱟᱠᱚ ᱫᱤᱥᱚᱢ ᱛᱮᱠᱚ ᱨᱩᱣᱟᱹᱲ ᱦᱤᱡᱩᱜ -ᱟ| ᱱᱚᱣᱟ ᱮᱥᱠᱩᱞᱟᱨᱥᱤᱯ ᱛᱮ ᱵᱟᱦᱨᱟᱭᱤᱱ ᱫᱤᱥᱚᱢ ᱨᱮᱱ ᱑᱔᱐ ᱯᱟᱴᱷᱩᱣᱟᱹ ᱠᱚ ᱟᱢᱮᱨᱤᱠᱟ,, ᱤᱝᱜᱽᱞᱮᱱᱰ ᱟᱨ ᱯᱷᱨᱟᱱᱥ ᱨᱮ ᱯᱟᱲᱦᱟᱣᱚᱜ ᱞᱟᱹᱜᱤᱫ ᱠᱚ ᱢᱟᱱᱚᱛ ᱚᱪᱚᱜ-ᱟ|
ᱠᱮᱨᱤᱭᱟᱨ ᱥᱟᱯᱲᱟᱣ
᱒᱔ ᱯᱷᱮᱵᱽᱨᱩᱣᱟᱨᱤ ᱒᱐᱐᱑ ᱢᱟᱹᱦᱤᱛ ᱨᱮ, ᱨᱟᱡᱽ ᱠᱩᱢᱟᱨ ᱥᱟᱞᱢᱟᱱ ᱫᱚ ᱱᱮᱥᱚᱱᱟᱞ ᱮᱠᱥᱚᱱ ᱪᱟᱨᱴᱟᱨ ᱠᱟᱹᱜ-ᱟᱹᱢᱤ ᱨᱮᱱ ᱯᱟᱨᱥᱮᱛ ᱞᱮᱠᱟ ᱛᱮᱠᱚ ᱵᱟᱦᱟᱞ ᱞᱮᱫᱮᱭᱟ| ᱪᱟᱨᱴᱟᱨ ᱫᱚ ᱫᱤᱥᱚᱢ ᱨᱮᱱ ᱙᱘% ᱵᱷᱚᱴ ᱛᱮ ᱠᱚ ᱵᱟᱪᱷᱟᱣ ᱞᱮᱫᱮᱟᱭᱟ ᱟᱨ ᱵᱟᱦᱨᱟᱭᱤᱱ ᱨᱮᱭᱟᱜ ᱵᱟᱹᱲᱛᱤ ᱩᱛᱷᱟᱱᱟᱹᱣ ᱞᱟᱜᱤᱫ ᱱᱩᱭ ᱜᱮ ᱡᱚᱛᱚ ᱦᱚᱲ ᱢᱤᱞᱟᱹᱣ ᱠᱟᱛᱮ ᱫᱟᱭᱤᱠ ᱵᱷᱟᱨ ᱠᱚ ᱜᱚᱜ-ᱟᱫᱮ ᱛᱟᱦᱮᱸᱠᱟᱱᱟ|
ᱵᱟᱯᱞᱟ ᱟᱨ ᱮᱨᱟ-ᱩᱨᱩ ᱥᱟᱯᱲᱟᱣ
ᱨᱟᱡᱽ ᱠᱩᱢᱟᱨ ᱥᱟᱞᱢᱟᱱ ᱫᱚ ᱒᱐᱐᱕ ᱥᱮᱨᱢᱟ ᱦᱟᱹᱵᱤᱡ ᱥᱮᱭᱠᱷ ᱦᱟᱞᱟ ᱵᱤᱱᱛ ᱫᱩᱣᱟᱡᱽ ᱟᱞ ᱠᱷᱟᱹᱞᱤᱯᱷᱟ ᱡᱩᱨᱤ ᱯᱟᱹᱨᱤ ᱥᱟᱹᱜᱟᱹᱭ ᱛᱟᱦᱮᱸᱠᱟᱱ ᱛᱟᱭᱟ| ᱥᱮᱭᱮᱠᱷ ᱦᱟᱞᱟ ᱫᱚ ᱥᱮᱭᱠᱷ ᱦᱟᱞᱟ ᱵᱤᱱᱛ ᱫᱩᱣᱟᱡᱽ ᱟᱞ ᱠᱷᱟᱹᱞᱤᱯᱷᱟ ᱛᱟᱠᱤᱱ ᱨᱮᱱ ᱦᱩᱰᱤᱧ ᱩᱛᱟᱹᱨᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸᱠᱟᱱᱟ ᱟᱨ ᱡᱟᱹᱛᱨᱤᱭᱟᱹ ᱠᱟᱹᱣᱰᱤ ᱟᱹᱨᱤ ᱰᱤᱯᱟᱹᱴ ᱨᱮᱱ ᱡᱚᱜᱚ ᱥᱩᱛᱨᱮᱛ|