ᱨᱟᱡᱽ ᱵᱷᱚᱵᱚᱱ, ᱫᱮᱦᱨᱟᱫᱩᱱ
ᱨᱟᱡᱽ ᱵᱷᱚᱵᱚᱱ, ᱫᱮᱦᱨᱟᱫᱩᱱ ᱫᱚ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱚᱲᱟᱜ ᱠᱟᱱᱟ ᱾ ᱩᱛᱛᱚᱨᱟᱠᱷᱚᱸᱰ ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱯᱚᱱᱚᱛ ᱠᱟᱱᱟ ᱡᱟᱦᱟᱸ ᱨᱮ ᱨᱟᱡᱽ ᱵᱷᱚᱵᱚᱱ ᱨᱮᱱᱟᱜ ᱵᱟᱨᱭᱟ ᱥᱚᱨᱠᱟᱨᱤ ᱚᱲᱟᱜ ᱢᱮᱱᱟᱜᱼᱟ ᱾ ᱯᱩᱭᱞᱩ ᱨᱟᱡᱽᱜᱟᱲ ᱫᱚ ᱫᱮᱦᱨᱟᱫᱩᱱ ᱨᱮ ᱢᱮᱱᱟᱜᱼᱟ ᱾ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱫᱚᱥᱟᱨ ᱨᱟᱡᱽ ᱵᱷᱚᱵᱚᱱ ᱫᱚ ᱱᱮᱭᱱᱤᱛᱟᱞ ᱨᱮ ᱢᱮᱱᱟᱜᱼᱟ ᱾ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱱᱤᱛᱚᱜᱤᱡ ᱯᱚᱱᱚᱛ ᱜᱚᱢᱠᱮ ᱫᱚ ᱜᱩᱨᱢᱤᱛ ᱥᱤᱝ ᱠᱟᱱᱟᱭ ᱾[᱑][᱒]
| ᱨᱟᱡᱽ ᱵᱷᱚᱵᱚᱱ, ᱫᱮᱦᱨᱟᱫᱩᱱ | |
|---|---|
 | |
| General information | |
| Type | ᱢᱩᱬ ᱚᱲᱟᱜ |
| Coordinates | 30°21′11″N 78°02′41″E / 30.352921°N 78.044659°ECoordinates: 30°21′11″N 78°02′41″E / 30.352921°N 78.044659°E |
| Construction started | ᱑᱙᱐᱒ |
| Owner | ᱩᱛᱛᱚᱨᱟᱠᱷᱚᱸᱰ ᱥᱚᱨᱠᱟᱨ |
| References | |
| Website Rajbhavan Nainital | |
ᱫᱮᱦᱨᱟᱫᱩᱱ ᱨᱮ ᱨᱟᱡᱽ ᱵᱷᱚᱵᱚᱱ
ᱥᱟᱯᱲᱟᱣᱫᱮᱦᱨᱟᱫᱩᱱ ᱨᱮᱱᱟᱜ ᱱᱤᱛᱚᱜᱟᱜ ᱨᱟᱡᱽ ᱵᱷᱚᱵᱚᱱ ᱫᱚ ᱑᱙᱐᱒ ᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾ ᱢᱟᱲᱟᱝ ᱱᱚᱣᱟ ᱫᱚ "ᱠᱳᱴ ᱦᱟᱣᱩᱥ" ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ, ᱡᱟᱦᱟᱸ ᱨᱮ ᱭᱩᱱᱟᱭᱴᱮᱰ ᱯᱨᱚᱫᱮᱥ ᱨᱤᱱ ᱚᱠᱛᱚ ᱨᱤᱱ ᱯᱚᱱᱚᱛ ᱜᱚᱢᱠᱮ ᱠᱚ ᱟᱭᱢᱟ ᱫᱷᱟᱣ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱱᱟ ᱾
ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱵᱮᱱᱟᱣ ᱥᱟᱶᱛᱮ, ᱨᱟᱡᱽ ᱵᱷᱚᱵᱚᱱ ᱫᱚ ᱫᱮᱦᱨᱟᱫᱩᱱ ᱨᱮ ᱱᱟᱶᱟ ᱠᱮᱱᱴ ᱨᱳᱰ ᱨᱮ ᱵᱤᱡᱟᱯᱩᱨ ᱦᱟᱣᱩᱥ ᱨᱮ ᱛᱷᱟᱯᱚᱱ ᱞᱮᱱᱟ ᱾ ᱚᱱᱟ ᱛᱟᱭᱚᱢ, ᱫᱮᱦᱨᱟᱫᱩᱱ ᱨᱮᱱᱟᱜ ᱥᱟᱨᱠᱤᱴ ᱦᱟᱣᱩᱥ ᱫᱚ ᱨᱟᱡᱽ ᱵᱷᱚᱵᱚᱱ ᱢᱮᱱᱛᱮ ᱠᱚ ᱧᱩᱛᱩᱢ ᱠᱮᱫᱼᱟ ᱟᱨ ᱒᱕ ᱰᱤᱥᱮᱢᱵᱚᱨ ᱒᱐᱐᱐ ᱨᱮ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱯᱚᱱᱚᱛ ᱜᱚᱢᱠᱮ ᱫᱚ ᱥᱩᱨᱡᱤᱛ ᱥᱤᱝ ᱵᱚᱨᱱᱟᱞᱟ ᱱᱚᱸᱰᱮᱭ ᱦᱮᱡ ᱮᱱᱟ ᱾
ᱯᱷᱩᱨᱜᱟᱹᱞ ᱛᱟᱭᱚᱢ, ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱢᱟᱨᱟᱝ ᱢᱚᱱᱛᱨᱤ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱫᱚ ᱫᱮᱦᱨᱟᱰᱩᱱ ᱮ ᱥᱮᱱᱚᱜ ᱠᱟᱱ ᱚᱠᱛᱚ ᱨᱮ ᱱᱚᱣᱟ ᱵᱷᱚᱵᱚᱱ ᱨᱮᱭ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱚᱠᱛᱚ-ᱚᱠᱛᱚ ᱨᱮ, ᱥᱤᱧᱚᱛ ᱨᱤᱱ ᱵᱷᱮᱜᱟᱨ ᱵᱷᱮᱜᱟᱨ ᱫᱤᱥᱚᱢ ᱜᱚᱢᱠᱮ ᱟᱨ ᱱᱤᱛ ᱫᱷᱟᱹᱨᱤᱡ ᱡᱚᱛᱚ ᱥᱤᱧᱚᱛ ᱨᱤᱱ ᱢᱟᱨᱟᱝ ᱢᱚᱱᱛᱨᱤ ᱱᱚᱣᱟ ᱱᱟᱜᱟᱢᱟᱱᱟᱜ ᱚᱲᱟᱜ ᱨᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱢᱟᱨᱟᱝ ᱛᱟᱥᱟᱫ ᱴᱟᱺᱰᱤ, ᱵᱳᱱᱥᱟᱭ ᱜᱟᱨᱰᱮᱱ ᱟᱨ ᱟᱭᱢᱟ ᱞᱮᱠᱟᱱ ᱵᱟᱦᱟ ᱡᱟᱹᱛᱤ ᱨᱟᱡᱽ ᱵᱷᱚᱵᱚᱱ ᱨᱮᱱᱟᱜ ᱴᱚᱴᱷᱟᱠᱤᱭᱟᱹ ᱪᱚᱨᱚᱠ ᱠᱚ ᱵᱟᱹᱲᱛᱤᱜᱼᱟ ᱾
ᱨᱟᱡᱽ ᱵᱷᱚᱵᱚᱱ ᱨᱮᱱᱟᱜ ᱨᱚᱝᱵᱷᱚᱵᱚᱱ ᱫᱚ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱡᱟᱭᱜᱟ ᱠᱟᱱᱟ ᱡᱟᱦᱟᱸ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱢᱩᱬᱩᱛ ᱯᱨᱚᱜᱨᱟᱢ ᱠᱚ ᱦᱩᱭᱩᱜᱼᱟ ᱾ ᱠᱤᱨᱤᱭᱟᱹ ᱦᱟᱛᱟᱣ, ᱥᱮᱢᱤᱱᱟᱨ, ᱯᱚᱛᱚᱵ ᱩᱪᱷᱟᱹᱱ ᱟᱨ ᱟᱹᱨᱤᱪᱟᱹᱞᱤ ᱥᱮᱵᱟ ᱮᱢᱟᱱ ᱠᱚ ᱦᱩᱭᱩᱜᱼᱟ ᱾[᱓]
ᱟᱨᱦᱚᱸ ᱧᱮᱞ ᱢᱮ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Our Governor: Raj Bhavan, Uttarakhand, India". governoruk.gov.in. 2012. Retrieved 24 May 2012.
15 May 2012 onwards Governor of Uttarakhand.
- ↑ "Raj Bhavan, Nainital". governoruk.gov.in. 2012. Retrieved 24 May 2014.
15 May 2014 onwards Governor of Uttarakhand.
- ↑ "An Introduction". governoruk.gov.in. Archived from the original on 8 May 2012. Retrieved 15 February 2015.