ᱨᱟᱱᱤ ᱢᱩᱨᱢᱩ
ᱨᱟᱱᱤ ᱢᱩᱨᱢᱩ (ᱤᱝᱞᱤᱥ: Rani Murmu, ᱡᱟᱱᱟᱢ ᱺ ᱑᱙᱘᱘) ᱫᱚ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱠᱟᱱᱟᱭ ᱾ ᱟᱡᱟᱜ ᱚᱱᱚᱲᱦᱮ ᱯᱩᱛᱷᱤ ᱦᱚᱯᱚᱱ ᱢᱟᱹᱭᱟᱜ ᱠᱩᱠᱢᱩ ᱞᱟ.ᱜᱤᱫ ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱠᱷᱚᱱ ᱒᱐᱑᱘ ᱥᱟᱞᱮ ᱨᱮ ᱡᱩᱣᱟ.ᱱ ᱥᱤᱨᱯᱷᱟ. ᱟᱨ ᱢᱟ.ᱱ ᱥᱟᱨᱦᱟᱣᱮ ᱧᱟᱢ ᱟᱠᱟᱫ-ᱟ ᱾ ᱠᱚᱢ ᱵᱚᱭᱚᱥ ᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱞᱮᱠᱟᱱ ᱠᱮᱱᱫᱽᱨᱤᱭᱚ ᱥᱚᱨᱠᱟᱨᱤ ᱥᱚᱸᱥᱛᱷᱟ ᱠᱷᱚᱱ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱥᱤᱨᱯᱷᱟᱹ ᱧᱟᱢ ᱥᱟᱱᱛᱟᱲᱤ ᱠᱩᱲᱤ ᱦᱚᱯᱚᱱ ᱠᱚ ᱞᱟᱹᱜᱤᱫ ᱟᱹᱰᱤ ᱢᱟᱨᱟᱝ ᱱᱟᱶᱟ ᱰᱟᱦᱟᱨ ᱮ ᱩᱫᱩᱜ ᱥᱟᱡᱷᱮ ᱟᱠᱟᱫ-ᱟ ᱾
| ᱨᱟᱱᱤ ᱢᱩᱨᱢᱩ | |
|---|---|
 | |
| ᱡᱟᱱᱟᱢ | ᱨᱟᱱᱤ ᱢᱩᱨᱢᱩ (ᱼᱼ.ᱼᱼ.᱑᱙᱘᱘ ) 1988 (age 35–36) ᱫᱮᱣᱜᱷᱳᱨᱟ, ᱵᱷᱤᱞᱟᱹᱭ ᱯᱟᱦᱟᱰᱤ, ᱡᱟᱢᱥᱮᱫᱽᱯᱩᱨ |
| ᱠᱟᱹᱢᱤ | ᱚᱱᱚᱞᱤᱭᱟ. |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱟᱶᱦᱮᱫ ᱮᱱᱮᱢ | ᱦᱚᱯᱚᱱ ᱢᱟᱹᱭᱟᱜ ᱠᱩᱠᱢᱩ |
| ᱥᱤᱨᱯᱷᱟᱹ | ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱡᱩᱣᱟ.ᱱ ᱥᱤᱨᱯᱷᱟ.(᱒᱐᱑᱘) |
| ᱯᱮᱲᱟ ᱥᱟᱹᱜᱟᱹᱭᱟᱱ ᱠᱚ | ᱵᱟᱵᱟ ᱺ ᱵᱩᱫᱷᱨᱟᱭ ᱢᱩᱨᱢᱩ ( ASECA,ᱫᱮᱣᱜᱷᱳᱨᱟ ᱥᱚᱪᱤᱵᱽ ), ᱟᱭᱳ ᱺ ᱥᱤᱛᱟ ᱢᱩᱨᱢᱩ |
ᱡᱟᱱᱟᱢ
ᱥᱟᱯᱲᱟᱣᱨᱟᱱᱤ ᱢᱩᱨᱢᱩ ᱫᱚ ᱑᱙᱘᱘ ᱥᱟᱞᱮ ᱨᱮ ᱫᱮᱣᱜᱷᱳᱨᱟ, ᱵᱷᱤᱞᱟᱹᱭ ᱯᱟᱦᱟᱰᱤ, ᱡᱟᱢᱥᱮᱫᱽᱯᱩᱨ, ᱡᱷᱟᱨᱠᱷᱚᱸᱰ ᱨᱮ ᱡᱟᱱᱟᱢ ᱟᱠᱟᱱᱟᱭ ᱾ ᱡᱟᱱᱟᱢ ᱟᱭᱳ ᱟᱨ ᱵᱟᱵᱟ ᱛᱤᱠᱤᱱ ᱫᱚ ᱥᱤᱛᱟ ᱢᱩᱨᱢᱩ ᱟᱨ ᱵᱩᱫᱷᱨᱟᱹᱭ ᱢᱩᱨᱢᱩ ᱾ ᱵᱟᱵᱟ ᱛᱤᱠᱤᱱ ᱫᱚ ᱥᱩᱵᱚᱨᱱᱟᱨᱮᱠᱷᱟ ᱯᱨᱚᱡᱮᱠᱴ ᱨᱮ ᱠᱤᱱ ᱠᱟᱹᱢᱤ ᱛᱟᱦᱮᱸᱫ ᱾ ᱒᱐᱑᱐ ᱨᱮ ᱪᱟᱹᱠᱨᱤ ᱠᱷᱚᱱ ᱡᱤᱨᱟᱹᱣ ᱦᱟᱛᱟᱣ ᱛᱟᱭᱟᱢ ASECA,ᱫᱮᱣᱜᱷᱳᱨᱟ ᱨᱮ ᱥᱚᱪᱤᱵᱽ ᱢᱮᱱᱟᱜ ᱠᱤᱱᱟ ᱾
ᱥᱮᱪᱮᱫ ᱟᱨ ᱜᱷᱟᱨᱚᱸᱡᱽ
ᱥᱟᱯᱲᱟᱣᱨᱟᱱᱤ ᱢᱩᱨᱢᱩ ᱫᱚ ᱒᱐᱑᱑ ᱥᱟᱞᱮ ᱨᱮ ᱨᱟᱹᱧᱪᱤ ᱭᱩᱱᱤᱣᱚᱨᱥᱤᱴᱤ ᱠᱷᱚᱱ ᱯᱳᱞᱤᱴᱤᱠᱟᱞ ᱥᱟᱭᱤᱱᱥ ᱨᱮ ᱜᱨᱟᱡᱩᱮᱴ ᱟᱠᱟᱱᱟᱭ ᱾ ᱵᱟᱵᱟ ᱛᱤᱠᱤᱱ ᱚᱞ ᱪᱤᱠᱤ ᱟᱵᱷᱤᱭᱟᱱ ᱥᱟᱞᱟᱜ ᱡᱩᱲᱟᱹᱣ ᱨᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱨᱟᱱᱤ ᱦᱚᱸ ᱟᱹᱰᱤ ᱜᱤᱫᱽᱨᱟᱹ ᱠᱷᱚᱱ ᱜᱮ ᱚᱞ ᱪᱤᱠᱤ ᱪᱮᱫ ᱞᱟᱹᱜᱤᱫ ᱮ ᱢᱚᱱᱮ ᱞᱮᱫ-ᱟ ᱾
ᱥᱟᱶᱦᱮᱫ ᱮᱱᱮᱢ
ᱥᱟᱯᱲᱟᱣᱥᱚᱥᱤᱭᱟᱞ ᱢᱮᱰᱤᱭᱟ ᱨᱮ ᱚᱞ ᱚᱞ ᱛᱮ ᱚᱞ ᱪᱤᱠᱤ ᱛᱮ ᱠᱟᱹᱦᱱᱤ ᱟᱨ ᱚᱱᱚᱬᱦᱮᱸ ᱠᱚ ᱚᱞ ᱨᱮᱱᱟᱜ ᱨᱟᱹᱥᱠᱟᱹ ᱟᱡᱟᱜ ᱢᱚᱱᱮ ᱨᱮ ᱥᱟᱨᱥᱟᱣ ᱞᱮᱱᱟ ᱾ ᱦᱚᱯᱚᱱ ᱢᱟᱹᱭᱟᱜ ᱠᱩᱠᱢᱩ ᱠᱟᱹᱦᱱᱤ ᱯᱩᱛᱷᱤ ᱫᱚ ᱟᱡᱟᱜ ᱯᱩᱭᱞᱩ ᱯᱩᱛᱷᱤ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱦᱚᱸ ᱟᱭᱢᱟ ᱠᱟᱹᱦᱱᱤ ᱠᱚ ᱚᱞ ᱪᱤᱠᱤ ᱛᱮ ᱚᱞ ᱟᱠᱟᱫ ᱟᱭ ᱾ ᱟᱡᱟᱜ ᱚᱱᱚᱞ ᱨᱮ ᱫᱚ ᱛᱤᱨᱞᱟᱹ ᱦᱚᱯᱚᱱᱟᱜ ᱡᱤᱭᱚᱱ ᱪᱤᱛᱟᱹᱨ ᱟᱭᱢᱟ ᱨᱩᱯ ᱛᱮ ᱡᱷᱟᱞᱠᱟᱣᱜ-ᱟ ᱾ ᱟᱡᱟᱜ ᱚᱞ ᱠᱷᱚᱱ ᱟᱹᱭᱠᱟᱹᱣᱜ-ᱟ ᱟᱡᱟᱜ ᱠᱚᱞᱚᱢ ᱫᱚ ᱠᱩᱲᱤ ᱦᱚᱯᱚᱱ ᱠᱚ ᱢᱟᱬᱟᱝ ᱥᱮᱫ ᱞᱟᱦᱟᱜ ᱞᱟᱹᱜᱤᱫ ᱦᱚᱨᱮ ᱩᱫᱩᱜ ᱟᱠᱚ ᱠᱟᱱᱟ ᱾ ᱟᱹᱫᱤᱵᱟᱹᱥᱤ ᱥᱚᱢᱟᱡᱽ ᱟᱨ ᱵᱟᱝ ᱥᱟᱱᱛᱟᱲ ᱥᱟᱶᱛᱟ ᱫᱤᱥᱚᱢ ᱨᱮ ᱚᱞ ᱯᱟᱲᱦᱟᱣ ᱨᱮ ᱟᱹᱰᱤ ᱛᱟᱭᱚᱢ ᱨᱮ ᱢᱮᱱᱟᱜ-ᱟ ᱾ ᱛᱚᱵᱮ ᱨᱟᱱᱤ ᱢᱩᱨᱢᱩ ᱞᱮᱠᱟᱱ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱠᱚᱣᱟᱜ ᱠᱮᱴᱮᱡ ᱚᱞ ᱥᱟᱱᱟᱢ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱨᱤᱱ ᱡᱩᱣᱟᱹᱱ ᱠᱚᱲᱟ ᱠᱩᱲᱤ ᱠᱚ ᱞᱟᱹᱜᱤᱫ ᱢᱚᱱᱮ ᱫᱟᱲᱮ ᱮᱢ ᱞᱟᱹᱜᱤᱫ ᱠᱟᱹᱢᱤ ᱮᱢᱟᱭ ᱾
ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ ᱠᱚ
ᱥᱟᱯᱲᱟᱣ- ᱑. ᱦᱚᱯᱚᱱ ᱢᱟᱹᱭᱟᱹᱜ ᱠᱩᱠᱢᱩ ᱒᱐᱑᱕
- ᱒. ᱤᱧᱟᱜ ᱥᱚᱝᱥᱟᱨ ᱒᱐᱑᱗
ᱢᱟ.ᱱ ᱥᱤᱨᱯᱷᱟ.
ᱥᱟᱯᱲᱟᱣ- ᱑. "ᱡᱩᱣᱟ.ᱱ ᱥᱤᱨᱯᱷᱟ." ᱼ ᱒᱐᱑᱘ https://www.thequint.com/hotwire-text/sahitya-akademi-announces-bal-yuva-puraskar-for-2018
ᱡᱩᱦᱩᱲᱟ.ᱣ ᱨᱮ
ᱥᱟᱯᱲᱟᱣᱨᱟᱱᱤ ᱢᱩᱨᱢᱩ ᱫᱚ ᱟᱭᱢᱟ ᱥᱚᱥᱤᱭᱟᱞ ᱢᱮᱰᱤᱭᱟ ᱯᱞᱟᱴᱯᱷᱚᱨᱢ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱩᱞᱟᱹᱲᱤ ᱠᱚ ᱥᱟᱶ ᱡᱩᱲᱟᱹᱭ ᱢᱮᱱᱟᱭᱟ ᱾ ᱟᱡᱟᱜ ᱦᱩᱰᱤᱧ ᱚᱱᱚᱬᱦᱮ ᱠᱚ ᱛᱤᱨᱞᱟᱹ ᱦᱚᱯᱚᱱ ᱟᱨ ᱠᱟᱹᱴᱤᱡ ᱜᱤᱫᱽᱨᱟᱹ ᱠᱚ ᱢᱟᱬᱟᱝ ᱛᱮ ᱞᱟᱦᱟᱜ ᱞᱟᱹᱜᱤᱫ ᱩᱫᱽᱜᱟᱹᱣ ᱮ ᱮᱢᱟ ᱠᱚᱣᱟ ᱾
ᱥᱟ.ᱠᱷᱭᱟ.ᱛ
ᱥᱟᱯᱲᱟᱣhttps://www.bhaskar.com/news/latest-jamshedpur-news-033535-2353171.html
https://simple.wikipedia.org/wiki/List_of_Yuva_Puraskar_winners_for_Santali
https://www.thequint.com/hotwire-text/sahitya-akademi-announces-bal-yuva-puraskar-for-2018
http://sahitya-akademi.gov.in/awards/yuva_samman_suchi.jsp
https://www.prabhatkhabar.com/state/jharkhand/jamshedpur/1173743
