ᱨᱟᱹᱢᱟᱹᱭ ᱢᱩᱨᱢᱩ
ᱨᱟᱹᱢᱟᱹᱭ ᱢᱩᱨᱢᱩ ᱺ ᱟᱡᱟᱜ ᱡᱟᱱᱟᱢ ᱟᱹᱛᱩ ᱫᱚ ᱯᱩᱪᱷᱤᱢ ᱢᱤᱫᱱᱤᱯᱩᱨ ᱡᱤᱞᱟᱹ ᱨᱮᱭᱟᱜ ᱡᱟᱢᱵᱚᱱᱤ ᱛᱷᱟᱱᱟ ᱨᱮᱭᱟᱜ ᱠᱤᱹᱫᱩᱣᱟᱹ ᱟᱹᱛᱩ ᱨᱮ ᱾ ᱩᱱᱤ ᱦᱚ ᱮᱢᱟᱜ ᱦᱚᱲ ᱞᱮᱠᱟᱭ ᱪᱟᱹᱠᱨᱤ ᱠᱟᱱ ᱛᱟᱦᱮᱫ ᱾ ᱠᱚᱞᱠᱟᱛᱟ ᱨᱮᱭᱟᱜ ᱜᱟᱨᱰᱮᱱᱨᱤᱪ ᱥᱤᱯ ᱵᱤᱞᱰᱟᱹᱨ ᱚᱯᱤᱥ ᱨᱮ ᱾ ᱚᱸᱰᱮ ᱠᱟᱢᱤ ᱠᱟᱛᱮ ᱥᱮᱢᱞᱮᱫ ᱥᱟᱶ ᱡᱚᱯᱚᱲᱟᱣ ᱠᱮᱱᱟ ᱾ ᱱᱩᱭ ᱜᱚᱢᱠᱮ ᱫᱚ ᱟᱹᱰᱤ ᱢᱟᱨᱟᱝ ᱥᱳᱢᱟᱞᱳᱪᱚᱠ ᱠᱟᱱᱟᱭ ᱾ ᱟᱨ ᱠᱷᱚᱵᱚᱨᱤᱭᱟᱹ ᱥᱟᱶ ᱛᱮ ᱠᱷᱚᱸᱫᱽᱨᱚᱱᱤᱭᱟᱹᱭ ᱛᱟᱦᱮ ᱠᱟᱱᱟ ᱾ ᱱᱩᱭ ᱜᱮ ᱡᱟᱱᱤᱡ ᱟᱵᱚ ᱦᱚᱲ ᱠᱚ ᱢᱩᱫᱽ ᱨᱮᱫᱚ ᱯᱳᱭᱞᱳ ᱡᱟᱨᱱᱟᱞᱤᱥ ᱡᱟᱦᱟᱭ ᱥᱚᱨᱠᱟᱨᱟᱜ ᱠᱟᱛᱷᱟ ᱠᱚ ᱟᱵᱚ ᱯᱳᱭᱞᱳ ᱵᱟᱰᱟᱭ ᱦᱚᱪᱚ ᱟᱠᱟᱫ ᱵᱚᱱᱟ ᱾ ᱫᱚᱢᱮ ᱯᱩᱛᱷᱤ ᱯᱟᱛᱷᱟᱢ ᱠᱚᱭ ᱯᱟᱲᱦᱟᱣ ᱟᱠᱟᱫᱟ ᱾ ᱚᱱᱟ ᱞᱮᱠᱟᱛᱮ ᱟᱵᱚᱱᱟᱜ ᱩᱱᱩᱨᱩᱢ ᱪᱮᱛᱟᱱ ᱫᱚ ᱟᱹᱰᱤ ᱜᱚᱨᱚᱵ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱟᱵᱚ ᱚᱠᱟ ᱞᱮᱠᱟᱱ ᱦᱚᱲ ᱠᱟᱱᱟ ᱵᱚᱱ ᱚᱱᱟ ᱩᱭᱦᱟᱹᱨ ᱠᱟᱛᱮ ᱜᱮ ᱱᱚᱣᱟ ᱦᱚᱨᱚᱜ ᱪᱮᱛᱟᱱ ᱨᱮ ᱚᱞ ᱞᱮᱫᱟ ᱾ ᱢᱩᱪᱟᱹᱫ ᱨᱮ ᱯᱮᱨᱟᱞᱟᱭᱥᱮᱥ ᱨᱮ ᱯᱟᱲᱟᱣ ᱠᱟᱛᱮ ᱚᱪᱚᱞ ᱜᱮ ᱛᱟᱦᱮᱱ ᱠᱟᱱᱟ᱾ ᱵᱟᱨ ᱯᱮ ᱥᱮᱨᱢᱟ ᱵᱷᱩᱜᱟᱹᱣ ᱠᱟᱛᱮ ᱵᱚᱸᱜᱟ ᱛᱟᱞᱟ ᱟᱠᱟᱱᱟ ᱾ ᱟᱡᱟᱜ ᱚᱞ ᱛᱮ ᱜᱮ ᱯᱟᱞᱮ ᱟᱡ ᱵᱚᱱ ᱩᱭᱦᱟᱨ ᱮ ᱠᱟᱱᱟ ᱾