ᱨᱟᱹᱱᱤ ᱞᱚᱠᱷᱢᱤ ᱵᱟᱭᱤ
ᱨᱟᱹᱱᱤ ᱞᱚᱠᱷᱢᱤ ᱵᱟᱭᱤ
ᱨᱟᱹᱱᱤ ᱞᱚᱠᱷᱢᱤ ᱵᱟᱭᱤ (ᱡᱟᱱᱟᱢ : ᱑᱙ ᱱᱚᱵᱷᱮᱢᱵᱚᱨ ᱑᱘᱒᱘ - ᱜᱩᱨ : ᱑᱘ ᱡᱩᱱ ᱑᱘᱕᱘) ᱢᱚᱨᱟᱴᱷᱟ ᱠᱚ ᱥᱟᱥᱚᱱ ᱮᱫ ᱡᱷᱟᱸᱥᱤ ᱯᱚᱱᱚᱛ ᱨᱤᱱᱤᱡ ᱨᱟᱹᱱᱤ ᱟᱨ ᱑᱘᱕᱗ ᱨᱮ ᱯᱩᱭᱞᱩ ᱵᱷᱟᱨᱚᱛᱤᱭᱟᱹ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ ᱵᱤᱨᱵᱷᱟᱱᱴᱟ ᱠᱩᱲᱤ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱥᱩᱢᱩᱝ ᱒᱓ ᱵᱚᱨᱥᱚ ᱵᱚᱭᱚᱥ ᱨᱮ ᱤᱸᱜᱽᱨᱮᱡᱽ ᱥᱟᱶᱛᱟᱨᱤ ᱯᱷᱟᱹᱫᱽ ᱥᱟᱶ ᱮ ᱞᱟᱹᱰᱷᱟᱹᱭ ᱞᱮᱜᱼᱟ ᱟᱨ ᱦᱩᱞ ᱴᱟᱺᱰᱤ ᱨᱮᱜᱮ ᱡᱤᱭᱟᱹᱛ ᱮ ᱟᱢᱮᱴ ᱠᱮᱜᱼᱟ ᱤᱠᱷᱟᱹᱱ ᱡᱤᱣᱤᱫ ᱛᱟᱦᱮᱸᱱ ᱛᱩᱞᱩᱡ ᱤᱸᱜᱽᱨᱮᱡᱽ ᱡᱷᱟᱸᱥᱤ ᱢᱚᱴᱷᱮ ᱵᱟᱭ ᱥᱟᱥᱚᱱ ᱦᱚᱪᱚ ᱟᱫ ᱠᱚᱣᱟ ᱾
ᱠᱷᱟᱴᱚ ᱡᱤᱭᱚᱱ
ᱥᱟᱯᱲᱟᱣ
ᱞᱚᱠᱷᱢᱤ ᱵᱟᱭᱤᱭᱟᱜ ᱡᱟᱱᱟᱢ ᱫᱚ ᱵᱟᱨᱟᱬᱚᱥᱤ ᱯᱚᱱᱚᱛ ᱨᱮᱭᱟᱜ ᱵᱷᱚᱫᱮᱭᱱᱤ ᱟᱹᱱᱤᱡ ᱧᱩᱛᱩᱢᱟᱱ ᱱᱟᱜᱟᱨ ᱨᱮ ᱑᱙ ᱱᱚᱵᱷᱮᱢᱵᱚᱨ ᱑᱘᱒᱘ ᱨᱮ ᱦᱩᱭ ᱞᱮᱱᱟ ᱾ ᱩᱱᱤᱭᱟᱜ ᱜᱤᱫᱽᱨᱟᱹ ᱧᱩᱛᱩᱢ ᱫᱚ ᱢᱚᱬᱤᱠᱚᱨᱬᱤᱠᱟ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱫᱩᱞᱟᱹᱲ ᱛᱮ ᱩᱱᱤ ᱫᱚ ᱢᱚᱱᱩ ᱢᱮᱱᱛᱮ ᱠᱚ ᱦᱚᱦᱚ ᱟᱭ ᱛᱟᱦᱮᱸᱱ ᱾ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱵᱷᱟᱜᱤᱨᱚᱛᱷᱤ ᱵᱟᱭᱤ ᱟᱨ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱢᱳᱨᱳᱯᱚᱸᱛ ᱛᱟᱢᱵᱮ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱢᱳᱨᱳᱯᱚᱸᱛ ᱫᱚ ᱢᱤᱫ ᱢᱚᱨᱟᱴᱷᱤᱭ ᱛᱟᱦᱮᱸ ᱠᱟᱱᱟ ᱟᱨ ᱢᱚᱨᱟᱴᱷᱤ ᱵᱟᱡᱤᱨᱟᱣ ᱥᱮᱵᱟ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱟᱭᱳ ᱵᱷᱟᱜᱤᱨᱚᱛᱷᱤ ᱵᱟᱭᱤ ᱫᱚ ᱢᱤᱫ ᱞᱟᱹᱭ ᱞᱟᱠᱪᱟᱨ, ᱵᱩᱫᱽ-ᱟᱱ ᱟᱨ ᱫᱷᱚᱨᱚᱢ ᱢᱟᱱᱟᱣ ᱵᱟᱛᱟᱣ ᱠᱩᱲᱤ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱢᱚᱱᱩ ᱛᱤᱱ ᱡᱚᱦᱚᱜ ᱯᱩᱱ ᱥᱮᱨᱢᱟᱭ ᱛᱟᱦᱮᱸ ᱠᱟᱱᱟ ᱩᱱ ᱡᱚᱦᱚᱜ ᱨᱮᱜᱮ ᱟᱡ ᱟᱭᱳ ᱫᱚᱭ ᱵᱚᱸᱜᱟ ᱫᱤᱥᱚᱢ ᱞᱮᱱᱟ ᱾ ᱚᱲᱟᱜ ᱨᱮ ᱢᱚᱱᱩ ᱧᱮᱞ ᱡᱚᱛᱚᱱ ᱞᱟ.ᱜᱤᱫ ᱚᱠᱚᱭ ᱦᱚᱸ ᱵᱟᱠᱚ ᱛᱟᱦᱮᱸ ᱠᱟᱱᱟ, ᱚᱱᱟᱛᱮ ᱟᱡ ᱵᱟᱵᱟ ᱫᱚ ᱢᱚᱱᱩ ᱦᱚᱸ ᱟᱡ ᱥᱟᱞᱟᱜ ᱫᱚᱥᱟᱨ ᱯᱮᱥᱣᱟ ᱵᱟᱡᱤᱨᱟᱣᱟᱜ ᱫᱚᱨᱵᱟᱨ ᱛᱮᱭ ᱤᱫᱤ ᱛᱟᱨᱟ ᱠᱮᱫᱮᱭᱟ ᱾ ᱡᱟᱦᱟᱸᱨᱮ ᱪᱩᱦᱩᱞ ᱟᱨ ᱪᱚᱨᱚᱠ ᱪᱤᱠᱟᱹᱬ ᱢᱚᱱᱩ ᱫᱚ ᱡᱚᱛᱚ ᱦᱚᱲᱟᱜ ᱢᱚᱱᱮᱭ ᱡᱤᱛᱠᱟᱹᱨ ᱠᱮᱜᱼᱟ ᱾ ᱡᱚᱛᱚ ᱦᱚᱲ ᱩᱱᱤ ᱫᱚ ᱫᱩᱞᱟᱹᱲ ᱛᱮ "ᱪᱷᱚᱵᱤᱞᱤ" ᱢᱮᱱᱛᱮ ᱠᱚ ᱦᱚᱦᱚ ᱟᱫᱮᱭᱟ ᱾ ᱢᱚᱱᱩ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱫᱷᱚᱨᱚᱢ ᱠᱚᱨᱚᱢ, ᱞᱟᱹᱭ ᱞᱟᱠᱪᱟᱨ ᱪᱮᱛᱟᱱ ᱨᱮᱭ ᱥᱮᱬᱟ ᱠᱮᱫ ᱥᱟᱶ-ᱥᱟᱶ ᱛᱮᱜᱮ ᱦᱟᱹᱛᱭᱟᱹᱨ ᱥᱟᱵ/ᱵᱮᱵᱷᱟᱨ ᱦᱚᱸᱭ ᱥᱮᱬᱟ ᱞᱮᱜᱼᱟ ᱾ ᱑᱘᱔᱒ ᱥᱟᱞᱮᱨᱮ ᱡᱷᱟᱸᱥᱤ ᱨᱤᱱᱤᱡ ᱢᱚᱨᱟᱴᱷᱤ ᱨᱟᱡᱟ ᱜᱚᱝᱜᱟᱫᱷᱚᱨ ᱨᱟᱣ ᱱᱮᱣᱟᱞᱠᱚᱨ ᱴᱷᱮᱱ ᱠᱚ ᱜᱚᱝ ᱠᱟᱫᱮᱭᱟ ᱟᱨ ᱱᱚᱝᱠᱟ ᱛᱮ ᱡᱷᱟᱸᱥᱤ ᱨᱤᱱᱤᱡ ᱨᱟᱹᱱᱤᱭ ᱦᱩᱭ ᱮᱱᱟ ᱾ ᱵᱟᱯᱞᱟ ᱛᱟᱭᱚᱢ ᱩᱱᱤᱭᱟᱜ ᱧᱩᱛᱩᱢ ᱫᱚ ᱞᱚᱠᱷᱢᱤ ᱵᱟᱭᱤ ᱢᱮᱱᱛᱮ ᱠᱚ ᱧᱩᱢ ᱪᱷᱟᱹᱴᱭᱟᱹᱨ ᱠᱮᱫᱮᱭᱟ ᱾ ᱑᱘᱕᱑ ᱥᱟᱞᱮᱨᱮ ᱨᱟᱹᱱᱩ ᱞᱚᱠᱷᱢᱤ ᱵᱟᱭᱤ ᱫᱚ ᱢᱤᱫ ᱠᱚᱲᱟ ᱜᱤᱫᱽᱨᱟᱹᱭ ᱡᱟᱱᱟᱢ ᱠᱮᱫᱮᱭᱟ ᱾ ᱤᱠᱷᱟᱹᱱ ᱯᱩᱱ ᱪᱟᱸᱫᱚ ᱵᱚᱭᱚᱥ ᱨᱮᱜᱮ ᱩᱱᱤ ᱫᱚᱭ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱑᱘᱕᱓ ᱥᱟᱞᱮᱨᱮ ᱨᱟᱡᱟ ᱜᱚᱝᱜᱟᱫᱷᱚᱨ ᱨᱟᱣᱟᱜ ᱦᱚᱲᱢᱚ ᱟᱹᱰᱤ ᱵᱟᱹᱲᱛᱤ ᱵᱟᱹᱲᱤᱡ ᱮᱱ ᱠᱷᱟᱹᱛᱤᱨ ᱩᱱᱤ ᱢᱤᱫ ᱜᱤᱫᱽᱨᱟᱹ ᱟᱹᱜᱩ ᱠᱟᱛᱮ ᱦᱟᱨᱟ ᱡᱚᱝ ᱞᱟᱹᱜᱤᱫ ᱫᱤᱥ ᱦᱩᱫᱤᱥ ᱮ ᱧᱟᱢ ᱠᱮᱜᱼᱟ ᱾ ᱦᱟᱨᱟ ᱡᱚᱝ ᱞᱟᱹᱜᱤᱫ ᱜᱤᱫᱽᱨᱟᱹᱭ ᱟᱹᱜᱩ ᱟᱱ ᱛᱟᱭᱚᱢ ᱒᱑ ᱱᱚᱵᱷᱮᱢᱵᱚᱨ ᱑᱘᱕᱓ ᱨᱮ ᱨᱟᱡᱟ ᱜᱚᱝᱜᱟᱫᱷᱚᱨ ᱨᱟᱣ ᱫᱚᱭ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱟᱹᱜᱩ ᱠᱟᱣᱟᱱ ᱠᱚᱲᱟ ᱜᱤᱫᱽᱨᱟᱹ ᱫᱚ ᱫᱟᱢᱚᱫᱳᱨ ᱨᱟᱣ ᱧᱩᱛᱩᱢ ᱛᱮᱠᱚ ᱪᱷᱟᱹᱴᱭᱟᱹᱨ ᱠᱮᱫᱮᱭᱟ ᱾
ᱵᱨᱤᱴᱤᱥ ᱨᱟᱡᱽ ᱯᱚᱱᱚᱛ ᱨᱮᱡ ᱨᱮᱭᱟᱜ ᱟᱡᱟᱜ ᱨᱤᱛ ᱠᱷᱟᱹᱛᱤᱨ ᱠᱚᱲᱟ ᱜᱤᱫᱽᱨᱟᱹ ᱫᱟᱢᱚᱫᱳᱨ ᱨᱟᱣ ᱵᱤᱨᱩᱫᱷ ᱨᱮ ᱵᱤᱪᱟᱹᱨ ᱫᱚᱨᱵᱟᱨ (ᱟᱫᱟᱞᱚᱛ) ᱨᱮ ᱢᱚᱠᱚᱨᱫᱚᱢᱟᱭ ᱫᱚᱦᱚ ᱠᱮᱜᱼᱟ ᱾ ᱢᱚᱠᱚᱨᱫᱚᱢᱟ ᱨᱮ ᱟᱹᱰᱤ ᱵᱟᱹᱲᱛᱤ ᱛᱚᱠᱨᱟᱲ ᱦᱩᱭ ᱮᱱᱟ, ᱤᱠᱷᱟᱹᱱ ᱚᱱᱟ ᱵᱟᱠᱚ ᱢᱟᱱᱟᱣ ᱵᱟᱛᱟᱣ ᱞᱮᱜᱼᱟ ᱾ ᱵᱨᱤᱴᱤᱥ ᱚᱫᱷᱤᱠᱟᱹᱨᱤᱭᱟᱹ ᱫᱚ ᱯᱚᱱᱚᱛ ᱨᱮᱭᱟᱜ ᱠᱷᱟᱫᱟᱱ ᱠᱚ ᱡᱚᱵᱚᱛ ᱠᱮᱜᱼᱟ ᱟᱨ ᱟᱡᱤᱡ ᱡᱟᱶᱟᱭᱟᱜ ᱫᱷᱟᱹᱨᱛᱤ ᱨᱟᱹᱱᱤᱭᱟᱜ ᱥᱮᱨᱢᱟᱠᱤᱭᱟᱹ ᱠᱷᱚᱨᱚᱪ ᱠᱷᱚᱱ ᱜᱮᱫᱽ ᱨᱮᱭᱟᱜ ᱟᱸᱥ ᱠᱚ ᱥᱚᱫᱚᱨ ᱠᱮᱜᱼᱟ ᱾ ᱱᱚᱶᱟ ᱠᱷᱟᱹᱛᱤᱨ ᱨᱟᱹᱱᱤ ᱫᱚ ᱡᱷᱟᱸᱥᱤ ᱨᱮᱭᱟᱜ ᱨᱟᱡᱽ ᱵᱷᱚᱵᱚᱱ ᱵᱟᱹᱜᱤ ᱠᱟᱛᱮ ᱡᱷᱟᱸᱥᱤ ᱨᱮᱭᱟᱜ ᱨᱟᱹᱱᱤᱢᱟᱦᱟᱞ ᱛᱮ ᱥᱮᱱ ᱦᱩᱭ ᱟᱫᱮᱭᱟ ᱾ ᱤᱠᱷᱟᱹᱱ ᱮᱱ ᱦᱚᱸ ᱨᱟᱹᱱᱤ ᱞᱚᱠᱷᱢᱤ ᱵᱟᱭᱤ ᱫᱚ ᱟᱡᱟᱜ ᱥᱟᱦᱟᱥ ᱵᱟᱭ ᱟᱫ ᱞᱮᱜᱼᱟ ᱟᱨ ᱩᱱᱤ ᱡᱟᱦᱟᱸ ᱞᱮᱠᱟ ᱛᱮᱜᱮ ᱡᱷᱟᱸᱥᱤ ᱨᱟᱡᱽ ᱮ ᱫᱩᱜᱽ ᱨᱮᱭᱟᱜ ᱮ ᱴᱷᱟᱹᱣᱠᱟᱹ ᱠᱮᱜᱼᱟ ᱾
ᱡᱷᱟᱸᱥᱤ ᱦᱩᱞ
ᱥᱟᱯᱲᱟᱣᱡᱷᱟᱸᱥᱤ ᱑᱘᱕᱗ ᱨᱮ ᱢᱤᱫ ᱞᱟᱹᱰᱷᱟᱹᱭ ᱨᱮᱭᱟᱜ ᱢᱩᱬ ᱛᱟᱞᱢᱟ ᱵᱮᱱᱟᱣ ᱮᱱᱟ ᱾ ᱡᱟᱦᱟᱸᱨᱮ ᱦᱤᱸᱥᱟᱹ ᱦᱮᱰᱮᱡ ᱨᱟᱠᱟᱵ ᱮᱱᱟ ᱾ ᱨᱟᱹᱱᱤ ᱞᱚᱠᱷᱢᱤ ᱵᱟᱭᱤ ᱫᱚ ᱡᱷᱟᱸᱥᱤ ᱫᱩᱜᱽ ᱞᱟᱹᱜᱤᱫ ᱟᱨ ᱦᱚᱸ ᱠᱮᱴᱮᱡ ᱠᱩᱨᱩᱢᱩᱴᱩᱭ ᱮᱛᱚᱦᱚᱵ ᱠᱮᱜᱼᱟ ᱾ ᱟᱨ ᱢᱤᱫ ᱥᱣᱚᱭᱚᱝᱥᱮᱵᱚᱠ ᱥᱮᱱᱟᱭ ᱛᱷᱟᱯᱚᱱ ᱠᱮᱫ ᱠᱚᱣᱟ ᱾ ᱱᱚᱶᱟ ᱥᱮᱱᱟ ᱜᱟᱫᱮᱞ ᱨᱮ ᱠᱩᱲᱤ ᱦᱚᱯᱚᱱ ᱠᱚᱦᱚᱸ ᱠᱚ ᱥᱮᱞᱮᱫ ᱠᱮᱫ ᱠᱚᱣᱟ ᱾ ᱟᱨ ᱩᱱᱠᱩ ᱞᱟᱹᱰᱷᱟᱹᱭ ᱨᱮᱭᱟᱜ ᱥᱮᱪᱮᱫ ᱠᱚ ᱮᱢᱟ ᱦᱟᱫ ᱠᱚᱣᱟ ᱾ ᱥᱩᱨ ᱥᱟᱺᱜᱤᱧ ᱦᱚᱲ ᱦᱚᱸ ᱱᱚᱣᱟ ᱨᱚ ᱜᱚᱲᱚ ᱮᱢ ᱠᱚ ᱴᱷᱟᱹᱣᱠᱟᱹ ᱠᱮᱜᱼᱟ ᱾ ᱡᱷᱚᱞᱠᱟᱨᱤ ᱵᱟᱭᱤ ᱡᱟᱦᱟᱸᱭ ᱫᱚ ᱥᱤᱱᱟᱹᱢ ᱨᱟᱹᱱᱤ ᱞᱚᱠᱷᱢᱤ ᱵᱟᱭᱤ ᱞᱮᱠᱟ ᱜᱮᱭ ᱧᱮᱞᱚᱜ ᱛᱟᱦᱮᱸᱫ ᱩᱱᱤ ᱟᱡᱟᱜ ᱥᱮᱱᱟ ᱜᱟᱫᱮᱞ ᱨᱮ ᱢᱩᱬ ᱴᱷᱟᱶ ᱮ ᱮᱢᱟ ᱫᱮᱭᱟ ᱾
᱑᱘᱕᱗ ᱨᱮᱭᱟᱜ ᱥᱮᱯᱴᱮᱢᱵᱚᱨ ᱟᱨᱵᱟᱝ ᱚᱠᱴᱚᱵᱚᱨ ᱪᱟᱸᱫᱚ ᱨᱮ ᱯᱩᱲᱥᱤ ᱯᱚᱱᱚᱛ ᱳᱨᱪᱷᱟ ᱟᱨ ᱫᱳᱛᱤᱭᱟ ᱨᱤᱱ ᱨᱟᱡᱟ ᱫᱚ ᱡᱷᱟᱸᱥᱤ ᱠᱚ ᱡᱷᱟᱯᱴᱟᱣ ᱠᱮᱜᱼᱟ ᱾ ᱨᱟᱹᱱᱤ ᱱᱚᱣᱟ ᱫᱚ ᱟᱹᱰᱤ ᱟᱞᱜᱟ ᱛᱮᱜᱮᱭ ᱦᱟᱨᱟᱣ ᱠᱮᱫ ᱠᱚᱣᱟ ᱾ ᱑᱘᱕᱘ ᱡᱟᱱᱣᱟᱨᱤ ᱵᱚᱸᱜᱟ ᱨᱮ ᱵᱨᱤᱴᱤᱥ ᱥᱮᱱᱟ ᱡᱷᱟᱸᱥᱤ ᱥᱮᱫ ᱞᱟᱦᱟ ᱦᱟᱹᱡᱩᱜ ᱠᱚ ᱮᱛᱚᱦᱚᱵ ᱠᱮᱜᱼᱟ ᱾ ᱟᱨ ᱢᱟᱨᱪ ᱪᱟᱸᱫᱚ ᱛᱮᱫᱚ ᱯᱩᱨᱟᱹ ᱱᱟᱜᱟᱨ ᱠᱚ ᱜᱷᱮᱨᱟᱣ ᱮᱥᱮᱫ ᱠᱮᱜᱼᱟ ᱾ ᱵᱟᱨ ᱦᱟᱴ ᱨᱮᱭᱟᱜ ᱞᱟᱹᱰᱷᱟᱹᱭ ᱛᱟᱭᱚᱢ ᱵᱨᱤᱴᱤᱥ ᱥᱮᱱᱟ ᱱᱟᱜᱟᱨ ᱠᱚ ᱠᱟᱵᱽᱡᱟ ᱠᱮᱜᱼᱟ ᱾ ᱤᱠᱷᱟᱹᱱ ᱨᱟᱹᱱᱤ ᱫᱚ ᱫᱟᱢᱚᱫᱚᱨ ᱨᱟᱣ ᱥᱟᱞᱟᱜ ᱤᱸᱜᱽᱨᱮᱡᱽ ᱴᱷᱮᱱ ᱠᱷᱚᱱ ᱩᱠᱩ ᱵᱟᱧᱪᱟᱣ ᱠᱟᱛᱮ ᱫᱟᱹᱲ ᱯᱩᱪᱩᱡᱚᱫ ᱨᱮᱠᱤᱱ ᱡᱤᱛᱠᱟᱹᱨ ᱮᱱᱟ ᱾ ᱨᱟᱹᱱᱤ ᱡᱷᱟᱸᱥᱤ ᱠᱷᱚᱱ ᱫᱟᱹᱲ ᱯᱩᱪᱩᱡ ᱠᱟᱛᱮ ᱠᱟᱞᱯᱤ ᱨᱮᱭ ᱥᱮᱴᱮᱨ ᱮᱱᱟ ᱡᱟᱦᱟᱸᱨᱮ ᱛᱟᱛᱭᱟᱴᱳᱯᱮ ᱥᱟᱶ ᱮ ᱧᱟᱯᱟᱢ ᱮᱱᱟ ᱾
ᱛᱟᱛᱭᱟ ᱴᱳᱯᱮ ᱟᱨ ᱨᱟᱹᱱᱤ ᱨᱤᱱ ᱥᱮᱞᱮᱫ ᱥᱮᱱᱟ ᱜᱣᱟᱞᱤᱭᱚᱨ ᱨᱤᱱ ᱵᱤᱨᱚᱫᱷᱤ ᱥᱮᱱᱟ ᱠᱚ ᱜᱚᱲᱚ ᱦᱚᱪᱚ ᱠᱟᱛᱮ ᱜᱣᱟᱞᱤᱭᱚᱨ ᱨᱮᱭᱟᱜ ᱢᱤᱫᱴᱟᱹᱝ ᱠᱤᱞᱟ ᱨᱮᱠᱚ ᱠᱟᱵᱽᱡᱟ ᱠᱮᱜᱼᱟ ᱾ ᱑᱘ ᱡᱩᱱ ᱑᱘᱕᱘ ᱥᱟᱞᱮᱨᱮ ᱜᱣᱟᱞᱤᱭᱚᱨ ᱥᱩᱨ ᱨᱮ ᱠᱳᱴᱟ ᱨᱮᱭᱟᱜ ᱥᱚᱨᱟᱭ ᱨᱮ ᱵᱨᱤᱴᱤᱥ ᱥᱮᱱᱟ ᱥᱟᱞᱟᱜ ᱞᱟᱹᱰᱷᱟᱹᱭ ᱞᱟᱹᱰᱷᱟᱹᱭ ᱛᱮ ᱨᱟ.ᱱᱤ ᱞᱚᱠᱷᱢᱤ ᱵᱟᱭᱤ ᱫᱚ ᱡᱤᱭᱟᱹᱛ ᱨᱮᱭᱟᱜ ᱦᱚᱨ ᱮ ᱟᱯᱱᱟᱨ ᱠᱮᱜᱼᱟ ᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- Lakshmi Bai in the Encyclopædia Britannica