ᱨᱩᱫᱽᱨᱚᱢᱟ ᱫᱮᱵᱤ
ᱨᱟᱱᱤ ᱨᱩᱫᱨᱚᱢᱟ ᱫᱮᱹᱵᱤ (᱑᱒᱘᱙ ᱥᱮ ᱑᱒᱙᱕ ᱥᱮᱨᱢᱟ ᱨᱮᱭ ᱵᱚᱸᱜᱟᱛᱟᱞᱟᱣᱠᱟᱱᱟ) ᱥᱮ ᱨᱩᱫᱨᱚᱫᱮᱹᱵᱽ ᱢᱚᱦᱟᱨᱟᱡᱟ ᱥᱮ ᱨᱟᱫᱨᱚᱢ ᱫᱮᱹᱵᱤ ᱧᱩᱛᱩᱢ ᱛᱮᱸᱦᱚᱸ ᱠᱩ ᱵᱟᱰᱟᱭ ᱜᱮᱭᱟ᱾ ᱑᱒᱖᱓ ᱥᱮᱨᱢᱟ ᱠᱷᱚᱱ ᱜᱚᱡᱚᱜ ᱞᱟᱦᱟ ᱫᱷᱟᱹᱵᱤᱡ ᱩᱱᱤ ᱫᱚ ᱠᱚᱧᱮ ᱥᱤᱧᱚᱛ ᱨᱮᱱ ᱠᱟᱠᱛᱤᱭᱳ ᱨᱟᱡᱽᱵᱚᱝᱥᱚ ᱨᱮᱱ ᱥᱟᱥᱚᱠᱮ ᱛᱟᱸᱦᱮᱸᱠᱟᱱᱟ᱾ ᱥᱤᱧᱚᱛ ᱫᱤᱥᱟᱹᱢ ᱨᱮ ᱠᱤᱪᱷᱩᱜᱟᱱ ᱛᱤᱨᱞᱟᱹ ᱠᱳᱣᱟᱜ ᱥᱟᱥᱚᱱ ᱵᱷᱤᱛᱨᱤᱨᱮ ᱩᱱᱤ ᱫᱚ ᱢᱤᱫᱴᱮᱱ ᱢᱟᱨᱟᱝ ᱥᱚᱥᱚᱠᱮ ᱛᱟᱸᱦᱮᱸᱠᱟᱱᱟ᱾ ᱨᱟᱡᱽ ᱥᱟᱥᱚᱱ ᱞᱟᱹᱜᱤᱛ ᱩᱱᱤ ᱫᱚ ᱟᱡ ᱵᱟᱵᱟ ᱦᱚᱲ ᱦᱤᱥᱟᱹᱵᱛᱮ ᱟᱭᱟᱜ ᱩᱯᱨᱩᱯᱮ ᱯᱟᱥᱱᱟᱣ ᱞᱮᱫᱟ᱾
| ᱨᱩᱫᱽᱨᱚᱢᱟ ᱫᱮᱵᱤ | |
|---|---|
 Statue of Rudrama Devi | |
| Predecessor | Ganapatideva |
| Successor | Prataparudra |
| ᱜᱩᱨ | 1289 or 1295 Possibly at Chandupatla (now in Telangana, India) |
| Spouse | Virabhadra |
| ᱵᱚᱝᱥᱚ | Kakatiya |
| ᱟᱯᱟᱛ | Ganapatideva |
ᱥᱟᱥᱚᱱ ᱚᱠᱛᱚ
ᱥᱟᱯᱲᱟᱣᱨᱩᱫᱨᱚᱢᱟ ᱫᱮᱹᱵᱤ ᱟᱡ ᱵᱟᱵᱟ ᱥᱟᱶᱛᱮ ᱨᱟᱡᱡᱚ ᱥᱟᱥᱚᱱᱮ ᱮᱛᱦᱚᱵ ᱞᱮᱫᱟ᱾ ᱟᱡ ᱵᱟᱵᱟ ᱨᱮᱱ ᱥᱚᱦᱚᱫᱤᱭᱟᱹ ᱦᱤᱥᱟᱹᱵᱛᱮ ᱑᱒᱖᱑ ᱥᱮᱨᱢᱟ ᱠᱷᱚᱱ ᱑᱒᱖᱒ ᱥᱮᱨᱢᱟ ᱫᱷᱟᱹᱵᱤᱡ ᱨᱟᱡᱡᱚᱭ ᱥᱟᱥᱚᱱ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱑᱒᱖᱓ ᱥᱮᱨᱢᱟ ᱠᱷᱚᱱ ᱨᱟᱡᱡᱚ ᱨᱮᱱᱟᱜ ᱯᱩᱨᱟᱹ ᱥᱟᱥᱚᱱ ᱟᱡ ᱟᱭᱟᱜ ᱛᱤ ᱨᱮᱭ ᱦᱟᱛᱟᱣ ᱞᱮᱫᱟ᱾
ᱟᱡᱨᱮᱱ ᱠᱟᱠᱛᱤᱭᱳ ᱵᱚᱝᱥᱚ ᱠᱩ ᱮᱴᱟᱜ ᱠᱚᱲᱟ ᱜᱤᱫᱨᱟᱹ ᱠᱩ ᱞᱮᱠᱟ ᱟᱡ ᱫᱚ ᱡᱳᱫᱫᱷᱟ ᱦᱩᱭᱩᱜ ᱨᱮᱱᱟᱜ ᱟᱸᱥᱮ ᱫᱚᱦᱚᱞᱮᱫᱟ᱾
ᱨᱩᱫᱨᱚᱢᱟ ᱫᱮᱹᱵᱤ ᱟᱜ ᱥᱟᱥᱚᱱ ᱮᱛᱦᱚᱵ ᱛᱟᱭᱚᱢ ᱥᱟᱢᱟᱝ ᱜᱚᱝᱜᱟ ᱥᱟᱢᱨᱟᱡᱡᱚ ᱟᱨ ᱡᱟᱫᱚᱵ ᱠᱚᱭ ᱢᱳᱠᱟᱵᱮᱞᱟ ᱞᱮᱛ ᱠᱳᱣᱟ᱾ ᱑᱒᱗᱐ ᱥᱮᱨᱢᱟ ᱢᱩᱪᱟᱹᱫ ᱥᱮᱡ ᱩᱱᱤ ᱜᱳᱫᱟᱵᱚᱨᱤ ᱜᱟᱰᱟ ᱯᱟᱨᱚᱢ ᱠᱟᱛᱮ ᱥᱟᱢᱟᱝ ᱥᱮᱡ ᱨᱮᱱ ᱥᱟᱥᱚᱠ ᱠᱚᱭ ᱵᱟᱫᱽ ᱞᱮᱫ ᱠᱳᱣᱟ ᱟᱨ ᱡᱟᱫᱚᱵ ᱠᱚ ᱦᱚᱸ ᱠᱩ ᱦᱟᱨᱟᱣ ᱚᱪᱚ ᱞᱮᱱᱟ᱾ ᱑᱒᱗᱓ ᱥᱮᱨᱢᱟ ᱨᱮ ᱩᱱᱤ ᱫᱚ ᱠᱟᱭᱚᱥᱛᱷᱚ ᱥᱮᱱᱟᱯᱚᱛᱤ ᱟᱢᱵᱚᱫᱮᱵᱷᱟ ᱟᱜ ᱵᱮᱱᱟᱣ ᱟᱠᱟᱱ ᱠᱩᱴ ᱪᱟᱞ ᱵᱟᱭ ᱨᱩᱠᱷᱤᱭᱟᱹ ᱫᱟᱲᱮᱞᱮᱫᱟ᱾ ᱟᱫᱚ ᱛᱟᱨᱯᱚᱨᱮ ᱦᱚᱸ ᱠᱚᱧᱮ ᱯᱟᱪᱷᱮ ᱚᱱᱫᱷᱨᱚ ᱫᱤᱥᱟᱹᱢ ᱨᱮᱱᱟᱜ ᱥᱟᱥᱚᱱ ᱟᱭᱟᱜ ᱛᱤ ᱨᱮᱭ ᱫᱚᱦᱚ ᱫᱟᱲᱮᱣᱟᱜ ᱛᱟᱸᱦᱮᱸᱱᱟ᱾
ᱜᱷᱟᱸᱨᱚᱡᱽ
ᱥᱟᱯᱲᱟᱣ᱑᱒᱔᱐ ᱥᱮᱨᱢᱟ ᱥᱮᱡ ᱨᱩᱫᱨᱚᱢᱟ ᱫᱮᱹᱵᱤ ᱪᱟᱞᱩᱠᱠᱚ ᱨᱟᱡᱽ ᱵᱚᱝᱥᱚ ᱨᱮᱱ ᱵᱤᱨᱵᱷᱚᱫᱨᱚᱭ ᱵᱟᱯᱞᱟ ᱞᱮᱫᱮᱭᱟ᱾ ᱱᱤᱭᱟᱹ ᱫᱚ ᱟᱡ ᱵᱟᱵᱟ ᱦᱚᱛᱮᱛᱮ ᱢᱤᱫᱴᱮᱱ ᱨᱟᱡᱟᱨᱤ ᱵᱟᱯᱞᱟ ᱛᱟᱸᱦᱮᱸᱠᱟᱱᱟ᱾ ᱵᱤᱨᱵᱷᱚᱫᱨᱚ ᱫᱚ ᱯᱨᱚᱥᱟᱥᱚᱱᱤᱠ ᱠᱳᱱᱳᱠᱟᱹᱢᱤ ᱨᱮ ᱵᱟᱭ ᱛᱟᱸᱦᱮᱸᱠᱟᱱᱟ᱾ ᱱᱩᱠᱤᱱ ᱨᱮᱱ ᱵᱟᱨᱮᱭᱟ ᱦᱚᱯᱚᱱ ᱮᱨᱟ ᱠᱤᱱ ᱛᱟᱸᱦᱮᱸᱠᱟᱱᱟ᱾
᱑᱒᱘᱙ ᱥᱮᱨᱢᱟ ᱥᱮᱡ ᱨᱩᱫᱨᱚᱢᱟ ᱫᱮᱹᱵᱤ ᱚᱢᱵᱚᱫᱮᱵᱽ ᱡᱩᱫᱫᱷᱚ ᱨᱮᱭ ᱜᱚᱡ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ᱾ ᱟᱨᱦᱚ ᱠᱤᱪᱷᱩᱜᱟᱱ ᱠᱚ ᱢᱮᱱᱟ ᱡᱮ ᱑᱒᱙᱕ ᱥᱮᱨᱢᱟ ᱫᱷᱟᱹᱵᱤᱡ ᱨᱩᱫᱨᱚᱢᱟ ᱫᱮᱹᱵᱤ ᱵᱟᱸᱪᱟᱣ ᱜᱮᱭ ᱛᱟᱸᱦᱮᱸᱠᱟᱱᱟ᱾ ᱟᱡᱨᱮᱱ ᱠᱩᱲᱤ ᱜᱤᱫᱨᱟᱹ ᱨᱮᱱ ᱢᱤᱫ ᱠᱚᱲᱟ ᱨᱩᱫᱨᱚᱢᱟ ᱫᱮᱹᱵᱤ ᱠᱷᱚᱱ ᱦᱚᱸ ᱠᱚᱢ ᱵᱚᱭᱚᱥ ᱨᱮ ᱥᱟᱢᱨᱟᱡᱡᱚᱭ ᱧᱟᱢ ᱞᱮᱫᱟ᱾
ᱧᱩᱛᱩᱢᱟᱱ ᱟᱹᱨᱤᱪᱟᱹᱞᱤ ᱨᱮ
ᱥᱟᱯᱲᱟᱣᱥᱤᱱᱮᱢᱟ ᱵᱮᱱᱟᱣᱤᱡ ᱜᱩᱱᱟᱥᱮᱠᱷᱚᱨ ᱨᱩᱫᱨᱚᱢᱟ ᱫᱮᱹᱵᱤ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱢᱤᱫᱴᱮᱱ ᱥᱤᱱᱮᱢᱟᱭ ᱵᱮᱱᱟᱣ ᱞᱮᱫᱟ᱾ ᱱᱚᱣᱟ ᱥᱤᱱᱮᱢᱟ ᱨᱮ ᱢᱩᱬᱩᱛ ᱪᱚᱨᱤᱛ ᱨᱮ ᱚᱱᱩᱥᱠᱟ ᱥᱮᱴᱷᱤ, ᱚᱞᱞᱩ ᱚᱨᱡᱩᱱ, ᱨᱟᱱᱟ ᱫᱚᱜᱜᱩᱵᱟᱛᱤ ᱟᱨ ᱠᱨᱤᱥᱱᱚᱱᱟᱢ ᱨᱟᱡᱩ ᱮᱢᱟᱱ ᱛᱮᱛ ᱧᱩᱛᱩᱢᱟᱱ ᱠᱷᱮᱞᱚᱰᱤᱭᱟ ᱠᱩ ᱠᱚ ᱚᱵᱷᱤᱱᱚᱭ ᱞᱮᱫᱟ᱾ ᱱᱚᱣᱟ ᱥᱤᱱᱮᱢᱟ ᱫᱚ ᱵᱮᱥᱮ ᱧᱩᱛᱩᱢ ᱞᱮᱫᱟ᱾