ᱨᱮᱱᱩ ᱪᱚᱠᱨᱚᱵᱚᱨᱛᱤ
ᱨᱮᱱᱩ ᱪᱚᱠᱨᱚᱵᱚᱨᱛᱤ (᱑᱙᱑᱗ - ᱑᱙᱙᱔) ᱫᱚ ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ ᱨᱮᱱ ᱱᱮᱛᱟ, ᱥᱚᱝᱥᱚᱫ ᱨᱟᱹᱥᱤᱭᱟᱹ ᱟᱨ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ ᱾
| ᱨᱮᱱᱩ ᱪᱚᱠᱨᱚᱵᱚᱨᱛᱤ | |
|---|---|
| ᱥᱤᱧᱚᱛᱤᱭᱟᱹ ᱥᱚᱝᱥᱚᱫ ᱨᱮᱱ ᱨᱟᱹᱥᱤᱭᱟᱹ | |
| ᱟᱹᱢᱟᱹᱞᱤ ᱨᱮ ᱑᱙᱕᱒-᱑᱙᱕᱗ | |
| ᱵᱟᱪᱱᱟᱣ ᱮᱞᱮᱠᱟ | ᱵᱚᱥᱤᱨᱦᱟᱴ |
| ᱟᱹᱢᱟᱹᱞᱤ ᱨᱮ ᱑᱙᱖᱒-᱑᱙᱕᱗ | |
| ᱵᱟᱪᱱᱟᱣ ᱮᱞᱮᱠᱟ | ᱵᱮᱨᱟᱠᱯᱩᱨ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱑ ᱚᱠᱴᱚᱵᱚᱨ ᱑᱙᱑᱗ ᱠᱳᱞᱠᱟᱛᱟ |
| ᱜᱩᱨ | ᱑᱖ ᱮᱯᱨᱤᱞ ᱑᱙᱙᱔ (᱗᱖ ᱵᱚᱭᱚᱥ) |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | ᱱᱤᱠᱷᱤᱞ ᱪᱚᱠᱨᱚᱵᱚᱨᱛᱤ |
| ᱦᱚᱯᱚᱱ | ᱑ ᱠᱚᱲᱟ |
| ᱥᱮᱪᱮᱫ ᱟᱠᱷᱲᱟ | ᱵᱷᱤᱠᱴᱳᱨᱤᱭᱟ ᱤᱱᱥᱴᱤᱴᱤᱭᱩᱰ, ᱠᱳᱞᱠᱟᱛᱟ, ᱱᱤᱣᱱᱦᱟᱢ ᱠᱚᱞᱮᱡᱽ, ᱠᱮᱢᱵᱨᱤᱡᱽ |
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣᱨᱮᱱᱩ ᱪᱚᱠᱨᱚᱵᱚᱨᱛᱤ ᱫᱚ ᱑᱙᱑᱗ ᱥᱮᱨᱢᱟ ᱨᱮᱭᱟᱜ ᱒᱑ ᱚᱠᱴᱚᱵᱚᱨ ᱠᱳᱞᱠᱟᱛᱟ ᱨᱮ ᱥᱟᱫᱷᱚᱱ ᱪᱚᱸᱫᱽᱨᱚ ᱟᱨ ᱵᱽᱨᱚᱢᱦᱚᱠᱩᱢᱟᱨᱤ ᱨᱟᱭ ᱛᱟᱹᱠᱤᱱᱟᱜ ᱢᱤᱫ ᱱᱟᱢᱰᱟᱠ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱠᱳᱞᱠᱟᱛᱟ ᱨᱮᱭᱟᱜ ᱞᱳᱨᱮᱴᱳ ᱦᱟᱣᱩᱥ ᱟᱨ ᱵᱷᱤᱠᱴᱳᱨᱤᱭᱟ ᱤᱱᱥᱴᱤᱴᱤᱭᱩᱰ ᱟᱨ ᱠᱮᱢᱵᱨᱤᱡᱽ ᱨᱮᱭᱟᱜ ᱱᱤᱣᱱᱟᱢ ᱠᱚᱞᱮᱡᱽ ᱨᱮᱭ ᱯᱟᱲᱦᱟᱣ ᱟᱠᱟᱱᱟ ᱾ ᱠᱳᱞᱠᱟᱛᱟ ᱨᱮ ᱚᱱᱟᱨᱥ ᱨᱮ ᱜᱨᱮᱡᱩᱭᱮᱴ ᱛᱟᱭᱚᱢ ᱩᱱᱤ ᱫᱚ ᱠᱮᱢᱵᱨᱤᱡᱽ ᱨᱮ ᱤᱝᱞᱤᱥ ᱥᱟᱶᱦᱮᱫ ᱨᱮ ᱢᱤᱫ ᱴᱨᱤᱯᱳ ᱮ ᱦᱟᱢᱮᱴ ᱞᱮᱫᱟ ᱾[᱑][᱒][᱓]
ᱵᱤᱫᱷᱟᱱ ᱪᱚᱸᱫᱽᱨᱚ ᱨᱚᱭ ᱨᱮᱱ ᱜᱚᱨᱚᱢ ᱛᱮᱫ, ᱩᱱᱤ ᱴᱷᱮᱱ ᱠᱷᱚᱱ ᱪᱚᱠᱨᱚᱵᱚᱨᱛᱤ ᱫᱚ ᱨᱟᱡᱽᱟᱹᱨᱤ ᱨᱮ ᱨᱩᱪᱤ ᱮ ᱦᱟᱛᱟᱣ ᱞᱮᱫᱟ ᱾ ᱑᱙᱓᱘ ᱥᱮᱨᱢᱟ ᱨᱮ ᱩᱱᱤ ᱧᱩᱛᱩᱢᱟᱱ ᱵᱽᱨᱤᱴᱤᱥ ᱠᱚᱢᱤᱭᱩᱱᱥ ᱨᱚᱡᱚᱱᱤ ᱯᱚᱞᱚᱢ ᱫᱚᱛᱛᱚ ᱟᱜ ᱚᱨᱥᱚᱝ ᱨᱮ ᱦᱮᱡ ᱮᱱᱟ ᱟᱨ ᱜᱨᱮᱴ ᱵᱽᱨᱤᱴᱮᱱ ᱨᱮᱭᱟᱜ ᱠᱚᱢᱤᱭᱩᱱᱥ ᱯᱟᱨᱴᱤ ᱨᱮᱭ ᱥᱮᱞᱮᱫ ᱮᱱᱟ ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱥᱤᱧᱚᱛ ᱛᱮ ᱨᱩᱣᱟᱹᱲ ᱦᱮᱡ ᱠᱟᱛᱮ ᱥᱤᱧᱚᱛ ᱨᱮᱭᱟᱜ ᱚᱵᱳᱭᱫᱷᱳ ᱠᱚᱢᱤᱭᱩᱱᱥ ᱯᱟᱨᱴᱤ ᱨᱮᱭᱟᱜ ᱨᱟᱹᱥᱤᱭᱟᱹ ᱦᱩᱫᱟᱹ ᱮ ᱦᱟᱢᱮᱴ ᱞᱮᱫᱟ ᱟᱨ ᱞᱮᱸᱜᱟ ᱨᱟᱡᱽᱟᱹᱨᱤ ᱨᱮᱭ ᱢᱮᱥᱟ ᱮᱱᱟ ᱾[᱑][᱔]
ᱵᱟᱯᱞᱟ ᱟᱨ ᱨᱟᱡᱽᱟᱹᱨᱤ
ᱥᱟᱯᱲᱟᱣᱩᱱᱤ ᱑᱙᱔᱒ ᱥᱮᱨᱢᱟ ᱨᱮ ᱧᱩᱛᱩᱢᱟᱱ ᱡᱟᱨᱱᱟᱞᱤᱥᱴ ᱱᱤᱠᱷᱤᱞ ᱪᱚᱠᱨᱚᱵᱚᱨᱛᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾ ᱯᱩᱱᱜᱮᱞ ᱜᱮᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱩᱱᱤ ᱫᱚ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱤᱝᱞᱤᱥ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱢᱚᱦᱤᱞᱟ ᱟᱛᱛᱚᱨᱚᱠᱠᱷᱟ ᱥᱚᱢᱤᱛᱤ ᱵᱮᱱᱟᱣ ᱨᱟᱠᱟᱵ ᱨᱮ ᱨᱟᱹᱱᱤ ᱢᱤᱛᱨᱚ ᱫᱟᱥᱜᱩᱯᱛᱚ ᱟᱨ ᱢᱟᱱᱤᱠᱩᱱᱛᱚᱞᱟ ᱥᱮᱱ ᱥᱟᱶ ᱥᱟᱶᱛᱮ ᱩᱱᱤ ᱦᱚᱸ ᱮᱱᱮᱢ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱛᱮ ᱛᱮᱵᱷᱟᱜᱟ ᱟᱸᱫᱳᱲ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾[᱓][᱕] ᱚᱵᱷᱟᱹᱜᱤᱭᱟᱹ ᱛᱤᱨᱞᱟᱹ ᱠᱚ ᱜᱚᱲᱚ ᱞᱟᱹᱭ ᱩᱱᱤ ᱫᱚ ᱟᱡ ᱜᱚᱜᱚ ᱥᱟᱶ ᱱᱟᱨᱤ ᱥᱮᱵᱷᱟ ᱥᱚᱝᱜᱷ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾[᱑] ᱑᱙᱔᱗ ᱥᱮᱨᱢᱟ ᱨᱮ, ᱡᱚᱠᱷᱚᱱ ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ ᱚᱵᱳᱭᱫᱷᱳ ᱢᱮᱱ ᱛᱮ ᱠᱚ ᱩᱪᱷᱟᱹᱱ ᱞᱮᱫᱟ, ᱩᱱ ᱚᱠᱛᱚ ᱩᱱᱤ ᱫᱚ ᱩᱠᱩ ᱨᱮᱭ ᱛᱟᱦᱮᱸ ᱠᱟᱱᱟ ᱾[᱑]
ᱩᱱᱤ ᱫᱚ ᱑᱙᱕᱒ ᱟᱨ ᱑᱙᱕᱗ ᱥᱮᱨᱢᱟ ᱨᱮ ᱵᱚᱥᱤᱨᱦᱟᱴ[᱖][᱗] ᱠᱷᱚᱱ ᱟᱨ ᱑᱙᱖᱒ ᱨᱮ ᱵᱮᱨᱟᱠᱯᱩᱨ[᱘] ᱠᱷᱚᱱ ᱞᱳᱠᱥᱚᱵᱷᱟ ᱨᱮᱭ ᱵᱟᱪᱷᱟᱣ ᱞᱮᱱᱟ ᱾ ᱑᱙᱖᱔ ᱥᱮᱨᱢᱟ ᱨᱮ ᱥᱤ.ᱯᱤ.ᱟᱭ ᱦᱟᱹᱴᱤᱧ ᱮᱱ ᱛᱟᱭᱚᱢ, ᱩᱱᱤ ᱫᱚ ᱢᱟᱨᱮ ᱟᱜ ᱨᱮᱜᱮ ᱛᱟᱦᱮᱸ ᱨᱮᱭᱟᱜ ᱮ ᱜᱚᱴᱟ ᱞᱮᱫᱟ[᱑], ᱟᱨ ᱑᱙᱖᱗ ᱟᱨ ᱑᱙᱗᱑ ᱥᱮᱨᱢᱟ ᱨᱮ ᱵᱟᱨ ᱫᱷᱟᱣ ᱚᱱᱟ ᱢᱤᱫ ᱵᱟᱪᱷᱱᱟᱣ ᱛᱟᱞᱢᱟ ᱠᱷᱚᱱ ᱜᱮ ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ (ᱢᱟᱨᱠᱥᱤᱥᱴ) ᱨᱮᱱ ᱨᱟᱹᱥᱤᱭᱟᱹ ᱢᱳᱦᱟᱢᱢᱚᱫ ᱤᱥᱢᱟᱭᱤᱞ ᱴᱷᱮᱱ ᱮ ᱦᱤᱨᱟᱹᱣ ᱚᱪᱚ ᱞᱮᱱᱟ ᱾[᱙][᱑᱐]
ᱯᱩᱱ ᱜᱮᱥᱮᱨᱢᱟ ᱜᱟᱱ ᱨᱮᱭᱟᱜ ᱨᱟᱡᱽᱟᱹᱨᱤ ᱡᱤᱭᱚᱱ ᱨᱮ ᱩᱱᱤ ᱟᱭᱢᱟ ᱠᱟᱹᱢᱤᱭᱟᱹ ᱠᱚᱣᱟᱜ ᱟᱸᱫᱳᱲ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ, ᱟᱭᱢᱟ ᱵᱚᱸᱫᱷ ᱮ ᱥᱟᱯᱲᱟᱣ ᱞᱮᱫᱟ ᱟᱨ ᱟᱭᱢᱟ ᱫᱷᱟᱣ ᱜᱮ ᱡᱮᱦᱮᱞ ᱛᱮᱭ ᱪᱟᱞᱟᱣ ᱟᱠᱟᱱᱟ ᱾ ᱛᱤᱨᱞᱟᱹ ᱟᱸᱫᱳᱲ ᱠᱚᱨᱮ ᱩᱱᱤ ᱟᱡᱟᱜ ᱡᱤᱣᱤᱭ ᱟᱞᱟᱭ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱟᱭᱢᱟ ᱥᱚᱝᱥᱚᱫᱷᱚᱱ ᱨᱮᱭᱟᱜ ᱮᱠᱥᱤᱠᱤᱭᱩᱴᱤᱵᱷ ᱠᱚᱢᱤᱴᱤ ᱨᱮᱭ ᱛᱟᱦᱮᱸ ᱠᱟᱱᱟ ।
ᱥᱟᱹᱠᱷᱹᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ ᱑.᱒ ᱑.᱓ ᱑.᱔ Samsad Bangali Charitabhidhan (Biographical Dictionary) by Anjali Bose, Vol II, 3rd edition 2004, page 309, ISBN 81-86806-99-7, (in Bengali) Sishu Sahitya Samsad Pvt. Ltd., 32A Acharya Prafulla Chandra Road, Kolkata-700009
- ↑ "Members of Parliament – Lok Sabha - Profile". Chakravartty, Smt. Renu. reFocus india. Archived from the original on 14 July 2014. Retrieved 9 July 2014.
- ↑ ᱓.᱐ ᱓.᱑ "Chakravartty, Renu (1917-1994)". Blackwell Reference Online. Retrieved 9 July 2014.
- ↑ "Nikhilda, a champion of press freedom, dies of cancer". Express News Service, 28 June 1998. Retrieved 9 July 2014.
- ↑ Women in Tebhaga Movement, India Net Zone
- ↑ "General Elections, India, 1951- Constituency Wise Detailed Results" (PDF). West Bengal. Election Commission. Retrieved 9 July 2014.
- ↑ "General Elections, India, 1957- Constituency Wise Detailed Results" (PDF). West Bengal. Election Commission. Retrieved 9 July 2014.
- ↑ "General Elections, India, 1962- Constituency Wise Detailed Results" (PDF). West Bengal. Election Commission. Retrieved 9 July 2013.
- ↑ "General Elections, India, 1967 - Constituency Wise Detailed Results" (PDF). West Bengal. Election Commission. Retrieved 9 July 2014.
- ↑ "General Elections, India, 1971 - Constituency Wise Detailed Results" (PDF). West Bengal. Election Commission. Retrieved 9 July 2014.