ᱩᱢᱚᱨ

ᱦᱚᱡᱽᱨᱚᱛ ᱩᱢᱚᱨ ᱤᱵᱚᱱ ᱠᱷᱚᱛᱟᱵᱽ (ᱟᱨᱚᱵᱤ ᱛᱮ : عمر بن الخطّاب) (᱕᱘᱖-᱕᱙᱐-᱖᱔᱔) ᱢᱚᱦᱚᱢᱚᱫᱽ ᱥᱟᱦᱮᱵᱽ ᱨᱤᱱ ᱯᱩᱱ ᱦᱚᱲ ᱡᱚᱴᱟᱣ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱦᱚᱡᱽᱨᱚᱛ ᱟᱹᱵᱩ ᱵᱚᱠᱨᱚ ᱛᱟᱭᱚᱢ ᱢᱩᱥᱚᱞᱢᱟᱱ ᱤᱡ ᱫᱚᱥᱟᱨ ᱠᱷᱚᱞᱤᱯ ᱞᱮᱠᱟᱛᱮ ᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱾ ᱢᱚᱦᱚᱢᱚᱫᱽ ᱥᱟᱦᱮᱵᱽ ᱫᱚ ᱯᱷᱟᱹᱨᱩᱠ ᱧᱩᱛᱩᱢᱟᱱ ᱢᱤᱫ ᱥᱤᱨᱯᱷᱟᱹᱭ ᱮᱢᱟ ᱟᱫᱮ ᱛᱟᱦᱮᱸᱫ ᱾ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱥᱟᱹᱨᱤ ᱟᱨ ᱠᱷᱟᱹᱞᱤ ᱨᱮ ᱯᱷᱚᱨᱚᱠ ᱫᱟᱲᱮᱭᱟ ᱜᱤᱡ᱾ ᱢᱚᱦᱚᱢᱚᱫᱽ ᱥᱟᱦᱮᱵᱽ ᱤᱡ ᱪᱮᱞᱟ ᱞᱮᱠᱟᱛᱮ ᱩᱭᱟᱜ ᱴᱷᱟᱶ ᱫᱚ ᱦᱚᱡᱽᱨᱚᱛ ᱚᱵᱩ ᱵᱚᱠᱨᱚ ᱛᱟᱭᱚᱢ ᱦᱟᱹᱡᱩᱜᱼᱟ᱾ ᱩᱢᱚᱨ ᱠᱷᱩᱞᱯᱟ-ᱤᱱ-ᱨᱟᱥᱤᱫᱤᱱ ᱨᱮ ᱫᱚᱥᱟᱨ ᱠᱷᱟᱞᱤᱯ ᱞᱮᱠᱟ ᱛᱮᱠᱚ ᱵᱟᱪᱷᱚᱱ ᱠᱮᱫᱮᱭᱟ᱾ ᱩᱢᱚᱨ ᱠᱷᱩᱞᱨᱟ-ᱤ-ᱨᱟᱥᱤᱫᱤᱱ ᱨᱮ ᱡᱚᱛᱚᱠᱷᱚᱱ ᱡᱤᱛᱠᱨᱟᱹᱨᱤᱭᱟ ᱞᱮᱠᱟᱛᱮᱭ ᱵᱟᱪᱷᱚᱱ ᱮᱱᱟ᱾ ᱢᱩᱥᱚᱞᱢᱟᱱ ᱱᱩᱭ ᱫᱚ ᱯᱷᱟᱨᱩᱠ-ᱮ-ᱟᱡᱚᱢ ᱟᱨᱵᱟᱝ ᱚᱢᱤᱨᱩᱞ ᱢᱚᱢᱤᱱᱤᱱ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱭᱟ᱾ ᱭᱩᱨᱳᱯᱤᱭᱟᱹ ᱚᱱᱚᱞᱤᱭᱟᱹ ᱫᱚ ᱱᱩᱭ ᱤᱫᱤ ᱠᱟᱛᱮ ᱟᱹᱰᱤ ᱞᱮᱠᱟᱱ ᱯᱚᱛᱚᱵ ᱠᱚ ᱚᱞ ᱟᱠᱟᱜᱼᱟ᱾ ᱚᱱᱟ ᱥᱟᱶᱛᱮ ᱩᱢᱚᱨ ᱢᱟᱦᱟᱱ (Umar the Great) ᱨᱮᱭᱟᱜ ᱥᱤᱨᱯᱷᱟᱹ ᱠᱚ ᱮᱢᱟ ᱟᱠᱟᱣᱟ ᱫᱮᱭᱟ᱾

ᱩᱯᱨᱩᱢᱥᱟᱯᱲᱟᱣ

ᱥᱟᱥᱚᱱ ᱚᱠᱛᱚ ᱺ-

᱒᱓ ᱚᱜᱚᱥᱴ ᱖᱓᱔ ᱤ. ᱓ ᱱᱚᱵᱷᱮᱢᱵᱚᱨ ᱖᱔᱔ ᱤ.

ᱡᱤᱣᱤᱡᱩᱨᱤ ᱺ-

‌* ᱡᱚᱭᱱᱚᱵᱽ ᱵᱮᱱᱛᱚ ᱢᱚᱡᱩᱱ

  • ᱠᱩᱨᱮᱭᱵᱟ ᱵᱤᱱᱛᱚ ᱚᱵᱤ ᱩᱢᱚᱭᱟ ᱚᱢᱚᱠᱷᱡᱩᱢᱤ
  • ᱩᱢ ᱦᱚᱠᱤᱢ ᱵᱤᱱᱛᱚ ᱚᱞ-ᱦᱟᱨᱤᱥ ᱤᱵᱚᱱ ᱦᱤᱥᱟᱢ
  • ᱩᱢ ᱠᱩᱞᱥᱩᱢ ᱵᱤᱱᱛᱚ ᱚᱞᱤ
  • ᱟᱛᱤᱠᱟ ᱵᱤᱱᱛᱚ ᱡᱮᱫᱽ ᱤᱵᱚᱱ ᱚᱢᱨᱚ ᱤᱵᱚᱱ ᱱᱩᱯᱷᱮᱞ ᱾


ᱦᱚᱯᱚᱱ ᱠᱚ ᱺ-

  • ᱟᱵᱽᱫᱩᱞᱟᱜ ᱤᱵᱱ ᱩᱢᱚᱨ
  • ᱟᱵᱽᱫᱩᱨᱮᱦᱢᱟᱱ ᱤᱵᱱ ᱩᱢᱚᱨ
  • ᱩᱵᱟᱭᱫᱩᱞᱟᱜ ᱤᱵᱱ ᱩᱢᱚᱨ
  • ᱡᱮᱫᱽ ᱤᱵᱱ ᱩᱢᱚᱨ
  • ᱟᱥᱤᱢ ᱤᱵᱱ ᱩᱢᱚᱨ
  • ᱤᱭᱟᱫᱽ ᱤᱵᱱ ᱩᱢᱚᱨ
  • ᱦᱟᱯᱥᱟ ᱵᱤᱱᱛ ᱳᱢᱚᱨ
  • ᱯᱷᱟᱹᱛᱤᱢᱟ ᱵᱱᱛ ᱳᱢᱚᱨ
  • ᱡᱭᱱᱟᱵᱽ ᱵᱤᱱᱛ ᱩᱢᱚᱨ ᱾

ᱮᱛᱚᱦᱚᱵ ᱡᱤᱭᱚᱱᱥᱟᱯᱲᱟᱣ

ᱦᱚᱡᱽᱨᱚᱛ ᱩᱢᱚᱨ ᱟᱜ ᱡᱟᱱᱟᱢ ᱫᱚ ᱢᱮᱠᱟ ᱨᱮ ᱦᱩᱭ ᱞᱮᱱᱟ ᱾ ᱱᱸᱭ ᱫᱚ ᱠᱩᱨᱮᱥ ᱠᱷᱟᱱᱫᱟᱱ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱥᱮᱪᱮᱫ ᱟᱢᱮᱴ ᱡᱚᱝ ᱚᱠᱛᱚ ᱞᱟᱦᱟ ᱨᱮᱜᱮ ᱚᱞ ᱯᱟᱲᱦᱟᱣ ᱫᱚᱭ ᱪᱮᱫ ᱞᱮᱫ ᱛᱟᱦᱮᱸᱫ ᱾ ᱡᱟᱦᱟᱸ ᱫᱚ ᱤᱱᱟᱹ ᱚᱠᱛᱚ ᱨᱤᱱ ᱟᱨᱳᱵᱤᱭᱟᱹ ᱠᱚ ᱚᱞ ᱯᱟᱲᱦᱟᱣ ᱫᱚ ᱵᱮᱨᱛᱷᱟ ᱠᱟᱹᱢᱤ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱦᱚᱲᱢᱚ ᱫᱚ ᱟᱹᱰᱤ ᱩᱥᱩᱞ, ᱠᱮᱴᱮᱡ ᱢᱮᱫᱦᱟ ᱟᱨ ᱛᱟᱜᱽᱲᱟ ᱦᱚᱲᱢᱚ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱫᱚ ᱢᱮᱠᱟ ᱨᱤᱱᱤᱡ ᱟᱹᱰᱤ ᱧᱩᱛᱩᱢᱟᱱ ᱯᱚᱦᱤᱞᱢᱟᱱ ᱮ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱢᱮᱠᱟ ᱨᱤᱱᱤᱡ ᱢᱤᱫ ᱢᱟᱦᱟᱱ ᱵᱤᱨᱵᱷᱟᱱᱴᱟᱭ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱥᱮᱨᱢᱟᱠᱤᱭᱟᱹ ᱯᱚᱦᱤᱞᱢᱟᱱ ᱦᱮᱯᱨᱟᱣ ᱨᱮ ᱫᱟᱣ ᱮ ᱦᱟᱛᱟᱣ ᱛᱟᱦᱮᱸᱫ ᱾ ᱯᱩᱭᱞᱩ ᱯᱩᱭᱞᱩ ᱫᱚ ᱦᱚᱡᱽᱨᱚᱛ ᱩᱢᱚᱨ ᱛᱩᱲᱩᱠ ᱨᱤᱱ ᱟᱹᱰᱤ ᱠᱮᱴᱮᱡ ᱵᱟᱹᱭᱨᱤᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱢᱩᱦᱚᱢᱚᱫᱽ ᱫᱚ ᱜᱚᱡ ᱩᱛᱟᱹᱨ ᱮ ᱨᱮᱭᱟᱜ ᱮ ᱴᱷᱟᱹᱣᱠᱟᱹ ᱞᱮᱜᱼᱟ ᱾

ᱤᱥᱞᱟᱢ ᱮ ᱟᱯᱱᱟᱨ ᱠᱮᱜᱼᱟᱥᱟᱯᱲᱟᱣ

ᱩᱢᱚᱨ ᱫᱚ ᱢᱮᱠᱟ ᱨᱮ ᱢᱤᱫ ᱧᱩᱛᱩᱢᱟᱱ ᱜᱷᱟᱨᱚᱸᱡᱽ ᱠᱷᱚᱱ ᱛᱟᱦᱮᱸ ᱠᱟᱱᱟ ᱾ ᱟᱹᱰᱤ ᱥᱟᱦᱟᱥᱤᱭᱟᱹ ᱟᱨ ᱫᱟᱭᱟᱦᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱫᱚ ᱛᱩᱲᱩᱠ ᱠᱚᱫᱚ ᱵᱟᱭ ᱠᱩᱥᱤ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱟᱨᱵᱟᱝ ᱫᱚ ᱢᱚᱦᱚᱢᱚᱫᱽ ᱟᱜ ᱢᱤᱥᱳᱱ ᱮ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱱ ᱾ ᱤᱠᱷᱟᱹᱱ ᱯᱮᱜᱚᱢᱵᱚᱨ ᱢᱚᱦᱚᱢᱚᱫᱽ ᱥᱟᱦᱮᱵᱽ ᱠᱟᱵᱮ ᱥᱩᱨ ᱪᱟᱞᱟᱣ ᱠᱟᱛᱮ ᱟᱞᱟᱜ ᱴᱷᱮᱱ ᱮ ᱱᱮᱦᱚᱸᱨ ᱠᱮᱜᱼᱟ ᱫᱚ ᱟᱞᱟᱜ ᱩᱢᱚᱨ ᱟᱨᱵᱟᱝ ᱩᱢᱨᱚ ᱚᱵᱩ ᱡᱚᱦᱚᱞ ᱵᱟᱱᱟᱨ ᱠᱷᱚᱱ ᱡᱟᱦᱟᱸᱭ ᱜᱮ ᱟᱢ ᱵᱟᱹᱲᱛᱤᱢ ᱠᱩᱥᱤ ᱟᱹᱠᱤᱱᱟ, ᱩᱱᱠᱤᱱ ᱱᱟᱯᱟᱭ ᱦᱚᱨ ᱩᱫᱩᱜ ᱟᱹᱠᱤᱱ ᱢᱮ ᱾ ᱱᱚᱣᱟ ᱱᱮᱦᱚᱸᱨ ᱩᱢᱚᱨ ᱞᱟᱹᱜᱤᱫ ᱟᱯᱱᱟᱨ ᱦᱩᱭ ᱮᱱᱟ ᱾ ᱩᱢᱚᱨ ᱢᱤᱫ ᱫᱷᱟᱣ ᱯᱮᱜᱚᱢᱵᱚᱨ ᱜᱚᱡ ᱮ ᱨᱮᱭᱟᱜ ᱩᱭᱦᱟᱹᱨ ᱠᱟᱛᱮᱭ ᱚᱰᱚᱠ ᱞᱮᱱᱟ, ᱦᱚᱨ ᱨᱮ ᱱᱚᱭᱮᱢ ᱧᱩᱛᱩᱢ ᱟᱱ ᱢᱤᱫ ᱦᱚᱲ ᱥᱟᱶ ᱮ ᱧᱟᱯᱟᱢ ᱮᱱᱟ ᱾ ᱡᱟᱦᱟᱸᱭ ᱫᱚ ᱩᱢᱚᱨ ᱱᱚᱣᱟᱭ ᱞᱟᱹᱭ ᱟᱫᱮᱭᱟ ᱫᱚ ᱟᱡᱤᱡ ᱢᱤᱥᱨᱟ ᱟᱨ ᱟᱡ ᱡᱟᱶᱟᱭ ᱤᱥᱞᱟᱢ ᱠᱤᱱ ᱦᱟᱛᱟᱣ ᱦᱩᱭ ᱟᱠᱟᱜᱼᱟ ᱾ ᱩᱢᱚᱨ ᱨᱟᱹᱜᱤ ᱠᱟᱛᱮ ᱢᱤᱥᱨᱟ ᱚᱲᱟᱜ ᱮ ᱪᱟᱞᱟᱣ ᱮᱱᱟ ᱾ ᱩᱱᱠᱤᱱ ᱚᱲᱟᱜ ᱨᱮ ᱵᱟᱱᱟ ᱦᱚᱲ ᱠᱩᱨᱟᱱ ᱠᱤᱱ ᱯᱟᱲᱦᱟᱣ ᱮᱫ ᱛᱟᱦᱮᱸᱫ ᱾ ᱩᱢᱚᱨ ᱩᱱᱠᱤᱱ ᱠᱩᱨᱟᱱ ᱮ ᱠᱚᱭ ᱠᱮᱫ ᱠᱤᱱᱟ ᱤᱠᱷᱟᱹᱱ ᱩᱱᱠᱤᱱ ᱠᱤᱱ ᱢᱟᱱᱟ ᱠᱮᱜᱼᱟ ᱾ ᱩᱢᱚᱨ ᱨᱟᱹᱜᱤ ᱠᱟᱛᱮ ᱩᱱᱠᱤᱱ ᱵᱟᱱᱟ ᱦᱚᱲ ᱫᱟᱫᱟᱞ ᱮ ᱫᱷᱩᱨᱟᱹᱣ ᱮᱱᱟ ᱾

ᱤᱠᱷᱟᱹᱱ ᱟᱡᱤᱡ ᱢᱤᱥᱨᱟᱭ ᱢᱮᱱ ᱠᱮᱜᱼᱟ, ᱟᱹᱞᱤᱧ ᱜᱩᱡᱩᱜ ᱟᱹᱞᱤᱧ ᱵᱚᱨᱚᱢ ᱮᱱ ᱦᱚᱸ ᱤᱥᱞᱟᱢ ᱫᱚ ᱵᱟᱹᱞᱤᱧ ᱵᱟᱹᱜᱤᱭᱟ ᱾ ᱢᱤᱥᱨᱟ ᱟᱜ ᱢᱮᱫᱦᱟ ᱠᱷᱚᱱ ᱢᱟᱭᱟᱢ ᱡᱚᱨᱚᱜ ᱧᱮᱞ ᱠᱟᱛᱮ ᱩᱢᱚᱨ ᱫᱚᱭ ᱞᱟᱡᱟᱣ ᱮᱱᱟ ᱟᱨ ᱟᱡᱟᱜ ᱵᱟᱹᱲᱤᱡ ᱠᱟᱹᱢᱤᱭ ᱵᱩᱡᱽ ᱧᱟᱢ ᱠᱮᱜᱼᱟ ᱾ ᱢᱮᱱ ᱠᱮᱜ ᱟᱭ ᱫᱚ ᱤᱧ ᱠᱩᱨᱟᱱ ᱯᱟᱲᱦᱟᱣ ᱥᱟᱹᱱᱟᱹᱧ ᱠᱟᱱᱟ ᱾ ᱚᱠᱨᱟᱲ ᱮᱫ ᱟᱹᱧ ᱱᱚᱣᱟ ᱨᱮᱭᱟᱜ ᱵᱟᱹᱧ ᱢᱟᱹᱱ ᱦᱟᱹᱱᱤᱭᱟ ᱾ ᱛᱤᱱ ᱡᱚᱦᱚᱜ ᱩᱢᱚᱨ ᱠᱩᱨᱟᱱ ᱮ ᱯᱟᱲᱦᱟᱣ ᱠᱮᱜᱼᱟ ᱩᱱ ᱡᱚᱦᱚᱜ ᱮ ᱢᱮᱱ ᱠᱮᱜᱼᱟ ᱱᱚᱣᱟ ᱫᱚ ᱤᱥᱚᱨ ᱟᱜ ᱨᱚᱲ ᱠᱟᱛᱷᱟ ᱜᱮ ᱚᱠᱚᱭ ᱢᱟᱹᱱᱢᱤ ᱫᱚ ᱵᱟᱭ ᱜᱟᱞᱟᱜ ᱜᱟᱵᱟᱱ ᱫᱟᱲᱮ ᱠᱮᱭᱟ ᱾ ᱢᱤᱫ ᱪᱚᱢᱛᱠᱟᱨ ᱞᱮᱠᱟᱛᱮ ᱩᱢᱚᱨ ᱠᱩᱨᱟᱱ ᱨᱮᱭᱟᱜ ᱥᱟᱹᱨᱤ ᱛᱮᱫ ᱮ ᱟᱯᱱᱟᱨ ᱠᱮᱜᱼᱟ ᱾ ᱟᱨ ᱢᱩᱦᱚᱢᱚᱫᱽ ᱥᱟᱦᱮᱵᱽ ᱥᱟᱶ ᱧᱟᱯᱟᱢ ᱚᱜ ᱮ ᱥᱮᱱ ᱮᱱᱟ ᱾ ᱢᱩᱦᱚᱢᱚᱫᱽ ᱥᱟᱦᱮᱵᱽ ᱟᱹᱰᱤ ᱠᱟᱡᱟᱠ ᱮ ᱨᱟᱹᱥᱠᱟᱹ ᱮᱱᱟ ᱛᱤᱱ ᱡᱚᱦᱚᱜ ᱩᱢᱚᱨ ᱤᱥᱞᱟᱢ ᱮ ᱟᱯᱱᱟᱨ ᱠᱮᱜᱼᱟ ᱾ ᱩᱢᱚᱨ ᱤᱥᱞᱟᱢ ᱮ ᱟᱯᱱᱟᱨ ᱠᱮᱫ ᱧᱮᱞ ᱠᱟᱛᱮ ᱢᱩᱥᱚᱞᱢᱟᱱ ᱫᱚᱢᱮ ᱠᱚ ᱨᱟᱹᱥᱠᱟᱹ ᱮᱱᱟ ᱾ ᱩᱢᱚᱨ ᱮ ᱮᱞᱟᱱ ᱠᱮᱜᱼᱟ ᱡᱮ ᱛᱮᱦᱮᱧ ᱠᱷᱚᱱ ᱡᱚᱛᱚ ᱦᱚᱲ ᱥᱮᱞᱮᱫ ᱢᱮᱥᱟ ᱠᱟᱛᱮ ᱱᱚᱢᱟᱡᱽ ᱠᱟᱵᱮ ᱵᱚᱱ ᱯᱟᱲᱦᱟᱣ ᱟ, ᱡᱟᱦᱟᱸ ᱫᱚ ᱢᱟᱬᱟᱝ ᱚᱦᱚᱣᱟᱱ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱤᱥᱞᱟᱢ ᱤᱡ ᱵᱟᱹᱭᱨᱤᱭ ᱛᱟᱦᱮᱸ ᱠᱟᱱᱟ ᱤᱠᱷᱟᱹᱱ ᱱᱤᱛᱚᱜ ᱤᱥᱞᱟᱢ ᱨᱤᱱ ᱫᱩᱫᱩᱜᱤᱭᱟᱹᱭ ᱵᱮᱱᱟᱣ ᱮᱱᱟ ᱾ ᱩᱢᱚᱨ ᱤᱥᱞᱟᱢ ᱨᱮ ᱧᱮᱞ ᱠᱟᱛᱮ ᱢᱩᱦᱚᱢᱚᱫᱽ ᱥᱟᱦᱮᱵᱽ ᱨᱤᱱ ᱵᱟᱹᱭᱨᱤ ᱠᱚ ᱴᱷᱮᱱ ᱦᱩᱞᱟᱹᱪᱟᱢᱠᱟ ᱥᱤᱨᱡᱚᱱ ᱮᱱᱟ ᱾ ᱱᱤᱛᱚᱜ ᱤᱥᱞᱟᱢ ᱫᱚ ᱩᱢᱚᱨ ᱧᱩᱛᱩᱢᱟᱱ ᱢᱤᱫ ᱞᱟᱥᱮᱨ ᱛᱟᱨᱣᱟᱲᱮ ᱠᱚ ᱧᱟᱢ ᱟᱠᱟᱫ ᱛᱟᱦᱮᱸᱫ ᱡᱟᱦᱟᱸ ᱠᱷᱟᱹᱛᱤᱨ ᱯᱩᱨᱟᱹ ᱢᱮᱠᱟᱭ ᱛᱷᱟᱨᱛᱷᱟᱨᱟᱣᱜ ᱠᱟᱱ ᱛᱟᱦᱮᱸᱫ ᱾

ᱢᱮᱫᱤᱱᱟ ᱥᱟᱸᱜᱷᱟᱨᱥᱟᱯᱲᱟᱣ

ᱟᱨ ᱦᱚᱸ ᱧᱮᱞ ᱢᱮᱥᱟᱯᱲᱟᱣ

https://en.m.wikipedia.org/wiki/Al-Farooq_(book)

https://en.m.wikipedia.org/wiki/Al_Farooq_Omar_Bin_Al_Khattab_Mosque

https://en.m.wikipedia.org/wiki/Sahaba

https://en.m.wikipedia.org/wiki/Farooqi

https://en.m.wikipedia.org/wiki/Umar_ibn_Al-Khatt%C4%81b_(TV_series)

https://en.m.wikipedia.org/wiki/Pact_of_Umar

ᱥᱟᱹᱠᱷᱭᱟᱹᱛᱥᱟᱯᱲᱟᱣ

https://books.google.com/?id=MZ2MwNzB69IC&pg=PA326

http://sunnah.com/bukhari/62/21

http://sunnah.com/bukhari/62/14

https://archive.org/stream/UmarIbnAl-KhattabHisLifeAndTimesVolume1/100714724-Umar-Ibn-Al-Khattab-Vol-1#page/n37/mode/2up

https://books.google.com/books?id=hkgfCgAAQBAJ

https://www.al-islam.org/restatement-history-islam-and-muslims-sayyid-ali-ashgar-razwy/umars-conversion-islam

ᱵᱟᱦᱨᱮ ᱡᱚᱱᱚᱲᱥᱟᱯᱲᱟᱣ

http://www.bogvaerker.dk/Bookwright/Umar.html

https://web.archive.org/web/20070930162009/http://www.lailahailallah.net/Khutbahs/Khutbah40.asf

https://en.m.wikipedia.org/wiki/Encyclop%C3%A6dia_Britannica_Eleventh_Edition