ᱩᱯᱟᱹᱞ ᱵᱟᱦᱟ

ᱩᱯᱚᱞ ᱵᱟᱦᱟ ᱤᱝᱨᱟᱹᱡᱤ ᱛᱮ lilly, water lilly ᱮᱢᱟᱱ ᱛᱮᱜ ᱟᱨ ᱵᱳᱭᱜᱟᱱᱤᱠ ᱧᱤᱛᱩᱢ ᱫᱚ ᱦᱩᱭᱩᱜ ᱠᱟᱱᱟ Nymphaeaceae᱾ ᱱᱤᱭᱟᱹ ᱫᱚ ᱫᱟᱜ ᱨᱮ ᱪᱟᱢᱯᱮᱞ ᱛᱟᱦᱮᱱ ᱢᱤᱫ ᱞᱮᱠᱟᱱ ᱵᱟᱦᱟ ᱠᱟᱱᱟ᱾ ᱱᱤᱭᱟᱹ ᱫᱚ ᱟᱭᱢᱟ ᱨᱚᱝ ᱵᱟᱦᱟᱜᱼᱟ᱾ ᱡᱚᱛᱚ ᱜᱮ ᱩᱯᱚᱞ ᱵᱟᱦᱟ ᱠᱚ ᱢᱮᱛᱟᱜᱼᱟ᱾ ᱯᱩᱸᱰ ᱩᱯᱚᱞ ᱵᱟᱦᱟ ᱫᱚ ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱡᱟᱛᱤᱭᱚ ᱵᱟᱦᱟ ᱠᱟᱱᱟ᱾ ᱱᱤᱭᱟᱹ ᱵᱟᱦᱟ ᱫᱚ ᱵᱷᱟᱨᱚᱛ ᱩᱯᱚᱢᱚᱦᱟᱫᱮᱥ ᱠᱚ ᱨᱮ ᱜᱮ ᱧᱮᱞᱚᱜᱼᱟ᱾ ᱱᱤᱭᱟᱹ ᱵᱟᱦᱟ ᱫᱚ ᱥᱮᱫᱟᱭ ᱠᱷᱚᱱ ᱜᱮ ᱟᱭᱢᱟ ᱮᱞᱟᱠᱟ ᱨᱮ ᱯᱟᱥᱱᱟᱣ ᱟᱠᱟᱱᱟ᱾ [ᱛᱷᱟᱭᱞᱮᱱᱰ] ᱟᱨ [ᱢᱟᱭᱟᱱᱢᱟᱨ] ᱨᱮ ᱱᱤᱭᱟᱹ ᱵᱟᱦᱟ ᱛᱮ ᱯᱩᱠᱷᱨᱤ ᱟᱨ ᱵᱟᱜᱽᱣᱟᱱ ᱥᱟᱡᱟᱣ ᱨᱮ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ᱾ᱯᱩᱸᱰ ᱩᱯᱚᱞ ᱵᱟᱦᱟ ᱫᱚ ᱵᱟᱝᱞᱟᱫᱮᱥ, ᱵᱷᱟᱨᱚᱛ, ᱯᱟᱠᱤᱥᱛᱟᱱ, ᱥᱨᱤᱞᱚᱝᱠᱟ, ᱤᱭᱮᱢᱮᱱ, ᱛᱟᱭᱣᱟᱱ, ᱯᱷᱤᱞᱤᱯᱟᱭᱤᱱ, ᱠᱚᱢᱵᱳᱰᱤᱭᱟ, ᱞᱟᱣᱚᱥ, ᱛᱷᱟᱭᱞᱮᱱᱰ, ᱵᱷᱤᱭᱮᱛᱱᱟᱢ, ᱤᱱᱫᱳᱱᱮᱥᱤᱭ, ᱢᱟᱭᱟᱱᱢᱟᱨ ᱮᱢᱟᱱ ᱫᱤᱥᱟᱹᱢ ᱠᱚ ᱨᱮᱱᱟᱜ ᱯᱩᱠᱷᱨᱤ ᱟᱨ ᱦᱨᱚᱫᱽ ᱨᱮ ᱧᱟᱢᱚᱜᱼᱟ᱾ ᱱᱤᱭᱟᱹ ᱵᱟᱦᱟ ᱯᱟᱯᱩᱣᱟ ᱱᱤᱣᱜᱤᱱᱤ ᱟᱨ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱛᱷᱚᱲᱟ ᱱᱟᱠᱷᱟ ᱨᱮ ᱦᱚᱸ ᱧᱮᱞ ᱧᱟᱢᱚᱜ ᱜᱮᱭᱟ᱾ ᱱᱤᱭᱟᱹ ᱵᱟᱦᱟ ᱫᱚ ᱟᱵᱟᱫᱽ ᱡᱚᱢᱤ ᱨᱮ ᱦᱚᱸ ᱧᱮᱞᱚᱜ ᱜᱮᱭᱟ ᱟᱵᱟᱨ ᱵᱤᱨ ᱜᱟᱡᱟᱲ ᱠᱚ ᱨᱮ ᱦᱚᱸ ᱧᱮᱞ ᱧᱟᱢᱚᱜ ᱜᱮᱭᱟ᱾ ᱫᱷᱟᱹᱨᱛᱤ ᱨᱮ ᱱᱤᱭᱟᱹ ᱛᱷᱚᱠ ᱨᱮᱱᱟᱜ ᱓᱕ ᱞᱮᱠᱟᱱ ᱵᱟᱦᱟ ᱧᱟᱢ ᱟᱠᱟᱱᱟ᱾

ᱩᱯᱚᱞ ᱵᱟᱦᱟ

ᱧᱤᱛᱩᱢ

ᱵᱟᱝᱞᱟ ᱛᱮ ᱫᱚ ᱥᱟᱯᱞᱟ, ᱥᱟᱞᱩᱠ,ᱱᱤᱞ ᱠᱚᱢᱚᱞ, ᱨᱚᱠᱛᱚ ᱠᱚᱢᱚᱞ ᱠᱚ ᱢᱮᱛᱟᱜᱼᱟ᱾ ᱤᱝᱞᱤᱥ ᱛᱮ ᱫᱚ “Water Lily”, White Water Lily, White Lotus, ᱢᱩᱱᱤᱯᱩᱨᱤ ᱫᱚ ᱛᱷᱟᱨᱳ ᱟᱝᱜᱚᱣᱵᱟ ᱠᱚ ᱢᱮᱛᱟᱜᱼᱟ, ᱛᱟᱢᱤᱞ ᱫᱚ ᱵᱷᱮᱞᱟᱢᱵᱟᱞ ᱠᱚ ᱢᱮᱛᱟᱜᱼᱟ, ᱥᱚᱝᱠᱨᱤᱛᱤ ᱛᱮ ᱫᱚ ᱠᱩᱢᱩᱫᱽ ᱠᱚ ᱢᱮᱛᱟᱜᱼᱟ, ᱢᱟᱞᱚᱭᱟᱞᱚᱢ ᱛᱮ ᱫᱚ ᱱᱤᱨᱟᱢᱵᱚᱞ, ᱠᱟᱱᱱᱟᱫᱟ ᱛᱮ ᱠᱟᱱᱱᱟᱭᱫᱤᱞᱤ, ᱟᱥᱟᱢᱤ ᱛᱮ ᱫᱚ ᱱᱟᱞ ᱠᱚ ᱢᱮᱛᱟᱜᱼᱟ᱾

ᱚᱠᱟ ᱠᱚ ᱨᱮ ᱞᱟᱜᱟᱜᱼᱟ

ᱟᱵᱚ ᱦᱚᱲ ᱦᱚᱯᱚᱱᱟᱜ ᱫᱟᱥᱟᱸᱭ ᱨᱮᱱᱟᱜ ᱮᱦᱚᱵ ᱨᱮ ᱵᱮᱞᱵᱚᱨᱚᱱ ᱦᱤᱞᱟᱜ ᱫᱚ ᱛᱷᱟᱱ ᱥᱟᱡᱟᱣ ᱞᱟᱹᱜᱤᱫ ᱟᱨᱟᱜ ᱟᱨ ᱯᱩᱸᱰ ᱩᱯᱚᱞ ᱵᱟᱦᱟ ᱟᱹᱰᱤ ᱜᱮ ᱡᱟᱹᱨᱩᱲᱟ᱾