ᱪᱚᱢᱯᱟ
ᱜᱩᱞᱥᱟᱱ ᱟᱨᱟ ᱟᱠᱛᱟᱨ ᱪᱚᱢᱯᱟ (ᱡᱟᱱᱟᱢ: ᱕ ᱡᱟᱱᱩᱣᱟᱨᱤ ᱑᱙᱖᱕)ᱫᱚ ᱵᱟᱝᱞᱟᱫᱮᱥᱤ ᱢᱤᱫ ᱠᱷᱮᱞᱚᱰᱟᱹᱱᱤ ᱠᱟᱱᱟᱭ᱾ ᱩᱱᱤ ᱫᱚ ᱛᱤᱱ ᱠᱚᱱᱱᱟ ᱥᱤᱱᱮᱢᱟ ᱨᱮ ᱟᱡ ᱨᱮᱱ ᱵᱚᱭᱦᱟ ᱠᱩᱲᱤ ᱵᱚᱵᱤᱛᱟ ᱟᱨ ᱥᱩᱪᱚᱱᱫᱟ ᱥᱟᱶ ᱚᱵᱷᱤᱱᱚᱭ ᱠᱟᱛᱮ ᱟᱭᱟᱜ ᱪᱤᱱᱦᱟᱹᱣᱮ ᱦᱟᱢᱮᱴ ᱟᱠᱟᱫᱟ᱾ ᱪᱚᱢᱯᱟ ᱫᱚ ᱯᱚᱫᱫᱟ ᱱᱚᱫᱤᱨ ᱢᱟᱡᱷᱤ (᱑᱙᱙᱓), ᱚᱱᱱᱚ ᱡᱤᱵᱚᱱ (᱑᱙᱙᱕) ᱟᱨ ᱩᱛᱛᱚᱨᱮᱨ ᱠᱷᱮᱯ (᱒᱐᱐᱐) ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱠᱟᱛᱮ ᱥᱮᱨᱟ ᱠᱷᱮᱞᱚᱰᱟᱹᱱᱤ ᱵᱤᱵᱷᱟᱜᱽ ᱨᱮ ᱯᱮᱭᱟ ᱟᱨ ᱥᱟᱥᱛᱤ (᱒᱐᱐᱕), ᱪᱚᱱᱫᱨᱚᱜᱨᱚᱦᱚᱱ (᱒᱐᱐᱘) ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱠᱟᱛᱮ ᱯᱟᱨᱥᱚ ᱠᱷᱮᱞᱚᱫᱟᱹᱱᱤ ᱵᱤᱵᱷᱟᱜᱽ ᱨᱮ ᱵᱟᱨᱮᱭᱟ ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹᱭ ᱦᱟᱢᱮᱴ ᱟᱠᱟᱫᱟ᱾
| ᱪᱚᱢᱯᱟ | |
|---|---|
 ᱪᱚᱢᱯᱟ (᱒᱐᱑᱔) | |
| ᱢᱩᱬ ᱧᱩᱛᱩᱢ | গুলশান আরা আখতার চম্পা |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱜᱩᱞᱥᱟᱱ ᱟᱨᱟ ᱟᱠᱛᱟᱨ ᱪᱚᱢᱯᱟ ᱕ ᱡᱟᱱᱩᱣᱟᱨᱤ |
| ᱫᱤᱥᱚᱢᱤᱭᱟᱹ | ᱵᱟᱝᱞᱟᱫᱮᱥᱤ |
| ᱠᱟᱹᱢᱤ | ᱠᱷᱮᱞᱚᱰᱟᱹᱱᱤ, ᱢᱚᱰᱮᱞ |
| ᱠᱟᱹᱢᱤ ᱚᱠᱛᱚ | ᱑᱙᱘᱑–ᱱᱤᱛ ᱫᱷᱟᱹᱵᱤᱡ |
| ᱡᱤᱭᱚᱱ ᱥᱚᱦᱮᱫ | ᱥᱚᱦᱤᱫᱩᱞ ᱤᱥᱞᱟᱢ ᱠᱷᱟᱱ (᱑᱙᱘᱒–ᱱᱤᱛ ᱫᱷᱟᱹᱵᱤᱡ) |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | |
| ᱥᱤᱨᱯᱷᱟᱹ | ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹ |
ᱥᱤᱱᱮᱢᱟᱨᱮ ᱮᱛᱦᱚᱵ
ᱥᱟᱯᱲᱟᱣᱪᱚᱢᱯᱟ ᱫᱚ ᱢᱚᱫᱮᱞᱤᱝ ᱫᱟᱨᱟᱭᱛᱮ ᱟᱭᱟᱜ ᱚᱵᱷᱤᱱᱚᱭ ᱠᱟᱹᱢᱤᱭ ᱮᱛᱦᱚᱵ ᱟᱠᱟᱫᱟ᱾ ᱤᱱᱟᱹ ᱛᱟᱭᱚᱢ ᱴᱮᱞᱤᱵᱷᱤᱥᱚᱱ ᱱᱟᱴᱚᱠ ᱨᱮ ᱚᱵᱷᱤᱱᱚᱭ ᱠᱟᱛᱮ ᱧᱩᱛᱩᱢᱮ ᱦᱟᱢᱮᱴ ᱟᱠᱟᱫᱟ᱾ ᱤᱱᱟᱹ ᱛᱟᱭᱚᱢ ᱥᱤᱵᱽᱞᱤ ᱥᱟᱫᱤᱠ ᱟᱜ ᱯᱚᱨᱤᱪᱟᱞᱚᱱᱟᱛᱮ ᱛᱤᱱ ᱠᱚᱱᱱᱟ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱫᱟᱨᱟᱭᱛᱮ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭᱮ ᱮᱛᱦᱚᱵ ᱟᱠᱟᱫᱟ᱾ ᱱᱚᱣᱟ ᱥᱤᱱᱮᱢᱟ ᱨᱮ ᱟᱹᱠᱩᱜᱮ ᱯᱮ ᱠᱩᱲᱤ ᱵᱚᱭᱦᱟ ᱪᱚᱢᱯᱟ, ᱵᱚᱵᱤᱛᱟ, ᱥᱩᱪᱚᱱᱫᱟ ᱢᱤᱫ ᱥᱟᱶᱛᱮ ᱠᱚ ᱚᱵᱷᱤᱱᱚᱭ ᱟᱠᱟᱫᱟ᱾ ᱱᱚᱣᱟ ᱥᱤᱱᱮᱢᱟ ᱨᱮ ᱢᱤᱫᱴᱮᱱ ᱥᱮᱨᱮᱧ ᱦᱚᱸ ᱛᱟᱸᱦᱮᱸᱠᱟᱱᱟ 'ᱛᱤᱱ ᱠᱚᱱᱱᱟ ᱮᱠ ᱪᱷᱚᱵᱤ'᱾ ᱪᱚᱢᱯᱟ ᱫᱚ ᱥᱚᱛᱛᱚᱡᱤᱛ ᱨᱟᱭ ᱟᱜ 'ᱴᱟᱨᱜᱮᱴ' ᱟᱨ ᱵᱩᱫᱫᱷᱚᱫᱮᱵᱽ ᱫᱟᱥ ᱜᱩᱯᱛᱚ ᱟᱜ 'ᱞᱟᱞᱫᱚᱨᱚᱡᱟ' ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱨᱮᱱᱟᱜ ᱥᱩᱡᱳᱜᱮ ᱧᱟᱢ ᱟᱠᱟᱫᱟ᱾ ᱜᱳᱣᱛᱚᱢ ᱜᱷᱳᱥ ᱟᱜ ᱯᱚᱨᱤᱪᱟᱞᱚᱱᱟ ᱛᱮ 'ᱯᱚᱫᱫᱟ ᱱᱚᱫᱤᱨ ᱢᱟᱡᱷᱤ' ᱥᱤᱱᱮᱢᱟ ᱫᱚ ᱩᱱᱤᱭᱟᱜ ᱞᱟᱹᱴᱩ ᱠᱟᱹᱢᱤ ᱛᱟᱸᱦᱮᱸᱠᱟᱱᱟ᱾ ᱟᱭᱟᱜ ᱑᱒ ᱥᱮᱨᱢᱟ ᱨᱮᱱᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱑᱐᱐ ᱪᱮᱛᱟᱱ ᱥᱤᱱᱮᱢᱟ ᱨᱮᱭ ᱚᱵᱷᱤᱱᱚᱭ ᱟᱠᱟᱫᱟ᱾ ᱱᱮᱛᱚᱜ ᱫᱚ ᱟᱨ ᱚᱵᱷᱤᱱᱚᱭ ᱨᱮ ᱵᱟᱭ ᱧᱮᱞᱚᱜ ᱠᱟᱱᱟ᱾
ᱜᱷᱟᱸᱨᱚᱡᱽ ᱡᱤᱭᱚᱱ
ᱥᱟᱯᱲᱟᱣᱪᱚᱢᱯᱟ ᱨᱮᱱ ᱦᱚᱯᱚᱨᱟᱛ ᱠᱟᱱᱟᱰᱟ ᱨᱮ ᱢᱮᱱᱟᱭ ᱠᱷᱟᱹᱛᱤᱨ ᱟᱡ ᱦᱚᱸ ᱚᱸᱰᱮᱜᱮ ᱡᱟᱹᱥᱛᱤᱭ ᱛᱟᱸᱦᱮᱸᱱ ᱠᱟᱱᱟ᱾ ᱚᱱᱟ ᱞᱟᱹᱜᱤᱛ ᱱᱮᱛᱟᱨ ᱫᱚ ᱵᱟᱭ ᱚᱵᱷᱤᱱᱚᱭ ᱫᱟ᱾ ᱵᱟᱪᱥᱟᱥ ᱨᱮᱱᱟᱜ ᱓᱘ ᱟᱜ ᱯᱚᱨᱚᱵᱽ ᱨᱮ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ ᱵᱚᱵᱤᱛᱟ (᱒᱐᱑᱒( ᱟᱨ ᱪᱚᱢᱯᱟ (᱒᱐᱑᱓)᱾ ᱩᱱᱠᱤᱱᱟᱜ ᱛᱤ ᱨᱮ ᱥᱤᱨᱯᱟᱹᱭ ᱞᱟᱫᱮ ᱞᱮᱫᱟ ᱥᱩᱪᱚᱱᱫᱟ᱾ ᱒᱐᱑᱑ ᱟᱨ ᱒᱐᱑᱒ ᱥᱮᱨᱢᱟ ᱨᱮ ᱦᱚᱸ ᱯᱟᱨᱥᱚ ᱪᱚᱨᱤᱛ ᱨᱮ ᱵᱚᱵᱤᱛᱟ ᱟᱨ ᱪᱚᱢᱯᱟ ᱥᱮᱨᱟ ᱠᱷᱮᱞᱚᱰᱟᱹᱱᱤ ᱠᱤᱱ ᱦᱩᱭᱞᱮᱱᱟ᱾
ᱥᱚᱢᱟᱞᱳᱪᱳᱱᱟ
ᱥᱟᱯᱲᱟᱣᱪᱚᱢᱯᱟ ᱙᱐ ᱫᱚᱥᱚᱠ ᱨᱮᱱᱟᱜ ᱢᱩᱪᱟᱹᱫᱽ ᱥᱮᱡ ᱦᱮᱡ ᱠᱟᱛᱮ ᱠᱤᱪᱷᱩᱜᱟᱱ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱠᱷᱟᱹᱛᱤᱨ ᱥᱚᱢᱚᱞᱳᱪᱳᱱᱟ ᱨᱮᱭ ᱯᱟᱲᱟᱣ ᱞᱮᱱᱟ᱾ ᱟᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮᱱᱟᱜ ᱯᱟᱹᱦᱤᱞ ᱥᱮᱡ ᱠᱟᱛᱮ ᱥᱩᱯᱟᱨ ᱦᱤᱴ 'ᱯᱨᱮᱢ ᱫᱤᱣᱟᱱᱟ' ᱥᱤᱱᱮᱢᱟ ᱨᱮ ᱱᱟᱭᱚᱡ ᱢᱟᱱᱱᱟ ᱥᱟᱶ ᱟᱹᱰᱤ ᱜᱷᱚᱱᱤᱥᱴᱚ ᱫᱨᱤᱥᱥᱚ ᱨᱮᱭ ᱚᱵᱷᱤᱱᱚᱭ ᱞᱮᱫᱟ᱾ ᱛᱚᱵᱮ 'ᱵᱷᱚᱭᱚᱝᱠᱚᱨ ᱵᱤᱥᱩ' ᱥᱤᱱᱮᱢᱟ ᱨᱮ ᱰᱤᱯᱡᱚᱞ ᱥᱟᱶ ᱟᱹᱰᱤ ᱠᱷᱟᱴᱚ ᱠᱤᱪᱨᱤᱪ ᱵᱟᱸᱫᱮ ᱠᱟᱛᱮ ᱟᱨ 'ᱵᱤᱯᱞᱳᱵᱤ ᱡᱚᱱᱚᱛᱟ' ᱥᱤᱱᱮᱢᱟ ᱨᱮ ᱫᱷᱚᱨᱥᱚᱱ ᱫᱨᱤᱥᱥᱚ ᱨᱮ ᱚᱵᱷᱤᱱᱚᱭ ᱠᱟᱛᱮ ᱪᱚᱢᱯᱟ ᱟᱹᱰᱤ ᱥᱚᱢᱟᱞᱳᱪᱳᱱᱟ ᱨᱮᱭ ᱯᱟᱲᱟᱣ ᱞᱮᱱᱟ᱾ ᱪᱚᱢᱯᱟ ᱫᱚ ᱟᱡ ᱟᱹᱰᱤ ᱥᱟᱦᱚᱥᱤ ᱠᱷᱮᱞᱚᱰᱟᱹᱱᱤ ᱦᱤᱥᱟᱹᱵᱛᱮ ᱩᱯᱨᱩᱢ ᱵᱮᱱᱟᱣᱮ ᱢᱮᱱᱮᱛ ᱞᱮᱛ ᱨᱮᱦᱚᱸ ᱧᱮᱧᱮᱞᱤᱡ ᱠᱚ ᱫᱚ ᱚᱱᱟ ᱱᱟᱯᱟᱭᱛᱮ ᱵᱟᱹᱠᱩ ᱦᱟᱛᱟᱣ ᱞᱮᱫ ᱛᱟᱭᱟ᱾ ᱛᱟᱨᱯᱚᱨᱮ ᱦᱚᱸ ᱠᱤᱪᱷᱩᱜᱟᱱ ᱥᱤᱱᱮᱢᱟ ᱨᱮ ᱠᱷᱟᱴᱚ ᱠᱤᱪᱨᱤᱪ ᱦᱚᱨᱚᱜ ᱠᱟᱛᱮ ᱩᱱ ᱚᱠᱛᱚ ᱨᱮᱱ ᱮᱴᱟᱜ ᱠᱷᱮᱞᱚᱰᱟᱹᱱᱤ ᱠᱚ ᱥᱟᱶ ᱦᱮᱯᱨᱟᱣ ᱨᱮᱭ ᱯᱷᱮᱰ ᱞᱮᱱᱟ᱾ 'ᱵᱷᱚᱭᱟᱵᱚᱦᱚ' ᱥᱤᱱᱮᱢᱟ ᱨᱮ ᱵᱤᱛᱚᱨᱠᱤᱛᱚ ᱠᱷᱮᱞᱚᱰᱟᱹᱱᱤ ᱢᱩᱱᱢᱩᱱ ᱥᱟᱶ ᱯᱟᱞᱞᱟ ᱮᱢ ᱠᱟᱛᱮ ᱯᱟᱹᱪᱷᱤᱢ ᱫᱤᱥᱟᱹᱢ ᱨᱮᱱᱟᱜ ᱟᱵᱮᱫᱚᱱᱢᱚᱭᱤ ᱠᱤᱪᱨᱤᱪ ᱦᱚᱨᱚᱜ ᱠᱟᱛᱮᱜ ᱮ ᱚᱵᱷᱤᱱᱚᱭ ᱞᱮᱫᱟ᱾
ᱥᱤᱱᱮᱢᱟ ᱨᱮᱱᱟᱜ ᱛᱟᱹᱞᱠᱟᱹ
ᱥᱟᱯᱲᱟᱣᱥᱤᱨᱯᱟᱹ ᱠᱚ
ᱥᱟᱯᱲᱟᱣ| ᱥᱮᱨᱢᱟ | ᱥᱤᱨᱯᱟᱹ | ᱵᱤᱵᱷᱟᱜᱽ | ᱥᱤᱱᱮᱢᱟ | ᱚᱨᱡᱚ |
|---|---|---|---|---|
| ᱑᱙᱙᱓ | ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹ | ᱥᱮᱨᱟ ᱠᱷᱮᱞᱚᱰᱟᱹᱱᱤ | ᱯᱚᱫᱫᱟ ᱱᱚᱫᱤᱨ ᱢᱟᱡᱷᱤ | Won |
| ᱑᱙᱙᱕ | ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹ | ᱥᱮᱨᱟ ᱠᱷᱮᱞᱚᱰᱟᱹᱱᱤ | ᱚᱱᱱᱚ ᱡᱤᱵᱚᱱ | Won |
| ᱒᱐᱐᱐ | ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹ | ᱥᱮᱨᱟ ᱠᱷᱮᱞᱚᱰᱟᱹᱱᱤ | ᱩᱛᱛᱚᱨᱮᱨ ᱠᱷᱮᱯ | Won |
| ᱒᱐᱐᱕ | ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹ | ᱥᱮᱨᱟ ᱯᱟᱨᱥᱚ ᱠᱷᱮᱞᱚᱰᱟᱹᱱᱤ | ᱥᱟᱥᱛᱤ | Won |
| ᱒᱐᱐᱘ | ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹ | ᱥᱮᱨᱟ ᱯᱟᱨᱥᱚ ᱠᱷᱮᱞᱚᱰᱟᱹᱱᱤ | ᱪᱚᱱᱫᱨᱚᱜᱨᱚᱦᱚᱱ | Won |