ᱪᱚᱱᱫᱽᱨᱚ ᱥᱮᱠᱷᱚᱨ
ᱪᱚᱱᱫᱨᱚ ᱥᱮᱠᱷᱚᱨ ᱥᱤᱝ ( ᱡᱟᱱᱟᱢ ᱼ᱑᱗ ᱮᱯᱨᱤᱞ ᱑᱙᱒᱗ , ᱵᱚᱝᱜᱟᱼ᱘ ᱡᱩᱞᱟᱭ ᱒᱐᱐᱗ ) ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾
ᱯᱩᱭᱞᱩ ᱡᱤᱡᱚᱱ ᱥᱟᱯᱲᱟᱣ
ᱪᱚᱱᱫᱨᱚ ᱥᱮᱠᱷᱚᱨᱟᱜ ᱡᱟᱱᱟᱢ ᱫᱚ ᱑᱙᱒᱗ ᱨᱮ ᱩᱛᱚᱨᱯᱨᱚᱫᱮᱥ ᱨᱮᱱᱟᱜ ᱵᱚᱞᱤᱭᱟ ᱡᱤᱞᱟ ᱨᱮᱱᱟᱜ ᱤᱵᱨᱟᱦᱤᱢᱯᱚᱴᱤ ᱟᱹᱛᱩ ᱨᱮ ᱢᱤᱫᱴᱟᱝ ᱪᱟᱹᱥᱤ ᱚᱲᱟᱜ ᱨᱮ ᱦᱩᱭ ᱞᱮᱱᱟ ᱾ ᱱᱤ ᱫᱚ ᱵᱷᱤᱢᱯᱩᱨᱟ ᱨᱮᱱᱟᱜ ᱨᱟᱢ ᱠᱚᱨᱚᱱ ᱠᱚᱞᱮᱡ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱩᱱᱤ ᱫᱚ ᱤᱞᱟᱦᱟᱵᱟᱫ ᱭᱩᱱᱤᱵᱷᱚᱨᱥᱤᱴᱤ ᱠᱷᱚᱱ ᱮᱢᱹᱮᱹ ᱰᱤᱜᱨᱤ ᱦᱟᱥᱚᱞ ᱞᱮᱼᱟᱭ ᱾
ᱯᱚᱞᱤᱴᱤᱠᱟᱞ ᱡᱤᱭᱚᱱ ᱥᱟᱯᱲᱟᱣ
᱑᱙᱖᱒ ᱠᱷᱚᱱ ᱑᱙᱗᱗ ᱫᱷᱟᱹᱵᱤᱡ ᱩᱱᱤ ᱫᱚ ᱨᱟᱡᱭᱚ ᱥᱚᱵᱷᱟ ᱨᱤᱱᱤᱡ ᱥᱚᱫᱚᱥᱭᱚ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱘᱔ ᱨᱮ ᱥᱤᱧᱚᱛ ᱮ ᱫᱟᱬᱟ ᱞᱮᱼᱟ ᱡᱟᱦᱟᱸ ᱠᱷᱟᱹᱛᱤᱨ ᱩᱱᱤ ᱥᱤᱧᱚᱛ ᱫᱚ ᱪᱮᱫ ᱠᱟᱱᱟ ᱵᱮᱥ ᱴᱷᱤᱠ ᱮ ᱵᱩᱡᱷᱟᱹᱣ ᱞᱮᱼᱟ ᱾ ᱱᱚᱣᱟ ᱫᱟᱬᱟ ᱠᱷᱟᱹᱤᱨ ᱤᱱᱫᱤᱨᱟ ᱜᱟᱱᱫᱷᱤ ᱱᱟᱥᱮᱱᱟᱜ ᱮ ᱟᱹᱲᱤᱥ ᱞᱮᱱᱟ ᱾ ᱑᱙᱗᱗ ᱨᱮ ᱡᱟᱦᱟᱸ ᱛᱤᱱ ᱨᱮ ᱡᱚᱱᱚᱛᱟ ᱯᱟᱴᱤ ᱥᱚᱨᱠᱟᱨ ᱵᱮᱱᱟᱣ ᱮᱱᱟ ᱩᱱᱤ ᱫᱚ ᱢᱚᱱᱛᱨᱤ ᱯᱚᱥᱴ ᱫᱚ ᱵᱟᱝ ᱦᱟᱛᱟᱣ ᱠᱟᱛᱮ ᱱᱮᱥᱱᱟᱞ ᱯᱨᱮᱥᱤᱰᱮᱱᱴ ᱚᱯᱷ ᱡᱚᱱᱚᱛᱟ ᱯᱟᱴᱤ (National President of Janata party) ᱯᱚᱥᱴ ᱮ ᱦᱟᱛᱟᱣ ᱞᱮᱼᱟ ᱾ ᱩᱱᱤ ᱜᱮ ᱵᱚᱞᱤᱭᱟ ᱡᱤᱞᱟ ᱠᱷᱚᱱ ᱫᱚ ᱯᱩᱭᱞᱩ ᱞᱚᱠᱚ ᱥᱚᱵᱷᱟ ᱮᱢᱹ ᱯᱹ (M.P.) ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱜᱮ ᱢᱟᱢᱟᱝ ᱱᱮᱛᱟ ᱵᱤᱥᱣᱚᱱᱟᱛᱷ ᱯᱨᱚᱛᱟᱯ ᱥᱤᱝ ᱟᱜ ᱨᱟᱡᱤᱱᱟᱢᱟ ᱛᱟᱭᱚᱢ ᱛᱮ ᱡᱚᱱᱛᱟ ᱥᱚᱲᱚ ᱨᱤᱱ ᱱᱮᱛᱟ ᱤᱫᱤ ᱠᱟᱛᱮ ᱥᱚᱢᱟᱡᱵᱟᱫᱤ ᱡᱚᱱᱚᱛᱟ ᱯᱟᱴᱤ ᱛᱷᱟᱯᱚᱱ ᱞᱮᱼᱟ ᱾ ᱪᱚᱱᱫᱨᱚᱥᱮᱠᱷᱚᱨ ᱫᱚ ᱢᱟᱨᱟᱝ ᱢᱚᱱᱛᱨᱤ ᱯᱚᱥᱴ ᱨᱮ ᱗ ᱢᱟᱥ ᱛᱟᱦᱮᱱ ᱨᱮᱱᱟᱜ ᱢᱟᱨᱪ ᱖, ᱑᱙᱙᱑ ᱨᱮ ᱮᱜᱨᱤᱢᱮᱱᱴ ᱮ ᱮᱢ ᱞᱮᱼᱟ ᱾ ᱠᱤᱱᱛᱩ ᱱᱮᱥᱱᱟᱞ ᱤᱞᱮᱠᱥᱚᱱ ᱦᱩᱭᱜ ᱫᱷᱟᱹᱵᱤᱡ ᱢᱟᱨᱟᱝ ᱢᱚᱱᱛᱨᱤ ᱯᱚᱥᱴ ᱮ ᱥᱟᱢᱵᱲᱟᱣ ᱞᱮᱼᱟ ᱾ ᱪᱚᱱᱫᱨᱚ ᱥᱮᱠᱷᱚᱨ ᱫᱚ ᱯᱟᱨᱞᱟᱢᱮᱱᱴ (Parliament) ᱨᱮ ᱜᱟᱞᱢᱟᱨᱟᱣ ᱞᱟᱜᱤᱫ ᱛᱮ ᱵᱮᱥ ᱠᱚ ᱵᱟᱰᱟᱭ ᱞᱮᱫᱮᱭᱟ ᱾ ᱑᱙᱙᱕ ᱨᱮ ᱟᱩᱴᱥᱴᱟᱱᱰᱤᱱᱝ ᱯᱟᱨᱞᱤᱟᱢᱮᱱᱴᱟᱨᱤ ᱟᱣᱟᱰ (Outstanding Parliamentary award) ᱦᱚᱸᱭ ᱧᱟᱢ ᱞᱮᱼᱟ ᱾