ᱪᱟᱭᱱᱤᱥ ᱰᱨᱟᱜᱚᱱ
'
ᱪᱟᱭᱱᱤᱥ ᱰᱨᱟᱜᱚᱱ, (ᱦᱚᱲ ᱛᱮ ᱫᱮᱨᱮᱧᱟᱱ ᱵᱤᱧ) ᱥᱮ ᱥᱟᱢᱟᱝ ᱮᱥᱤᱭᱟᱱ ᱰᱨᱟᱜᱚᱱ ᱢᱮᱱᱛᱮ ᱦᱚ' ᱠᱚ ᱧᱩᱢᱮ ᱜᱮᱭᱟ, ᱡᱟᱦᱟ ᱫᱚ ᱪᱤᱱᱤ ᱜᱟᱢ - ᱠᱟᱹᱦᱱᱤ ᱨᱮᱱ ᱢᱟᱨᱟᱝ ᱥᱤᱨᱡᱚᱱ ᱠᱟᱱᱮ, ᱚᱱᱟ ᱥᱟᱶ ᱥᱟᱶᱛᱮ ᱪᱤᱱᱤ ᱫᱷᱚᱨᱚᱢ ᱯᱟᱛᱤᱭᱟᱹᱣ, ᱪᱤᱱᱤ ᱥᱟᱶᱦᱮᱫ, ᱥᱟᱢᱟᱝ ᱮᱥᱤᱭᱟ ᱨᱮᱭᱟᱜ ᱞᱟᱭ ᱞᱟᱠᱪᱟᱨ ᱨᱮ ᱟᱹᱰᱤ ᱢᱟᱱ ᱢᱟᱱᱚᱛ ᱥᱟᱞᱟᱜ ᱮ ᱧᱩᱢ ᱥᱮᱞᱮᱫᱚᱜᱼᱟ᱾ ᱥᱟᱢᱟᱝ ᱮᱥᱤᱭᱟᱱ ᱰᱨᱟᱜᱚᱱ ᱨᱮᱫᱚ ᱟᱭᱢᱟ ᱡᱤᱭᱟᱹᱞᱤ ᱢᱮᱱᱥᱜ ᱠᱚᱣᱟ ᱡᱮᱞᱮᱠᱟ - ᱦᱚᱨᱚ ᱟᱨ ᱦᱟᱹᱠᱩ ᱨᱮᱛᱟᱜ ᱢᱩᱴᱷᱟᱹᱱ, ᱢᱮᱱ ᱠᱷᱟᱱ ᱵᱟᱹᱲᱛᱤ ᱫᱚ ᱯᱚᱱ ᱡᱟᱝᱜᱟᱣᱟᱱ ᱰᱨᱟᱜᱚᱱ ᱜᱮ ᱠᱚ ᱵᱮᱱᱟᱣᱮᱭᱟ᱾ ᱥᱮᱨᱣᱟ ᱞᱮᱠᱟ ᱛᱮ ᱩᱱᱤ ᱫᱚ ᱥᱟᱱᱟᱢ ᱫᱟᱲᱮᱭᱟᱱ ᱟᱨ ᱵᱷᱟᱜᱮ ᱪᱤᱱᱦᱟᱹ ᱨᱮᱱ ᱨᱩᱯ ᱠᱟᱱᱟᱭ, ᱟᱥᱚᱠᱟᱭ ᱛᱮ ᱫᱟᱜ, ᱡᱟᱹᱯᱩᱵ, ᱞᱚᱞᱚ, ᱥᱤᱛᱩᱝ, ᱴᱟᱭᱯᱷᱩᱱ, ᱰᱩᱵᱟᱹ ᱫᱟᱜ ᱮᱢᱟᱱᱮ ᱥᱟᱢᱵᱽᱲᱟᱣ ᱫᱟᱲᱮᱭᱟᱜᱼᱟ᱾ ᱰᱨᱟᱜᱚᱱ ᱨᱮᱭᱟᱜ ᱢᱩᱴᱷᱟᱹᱱ ᱫᱚ ᱟᱨᱦᱚ' ᱫᱟᱲᱮ, ᱠᱮᱱᱮᱴᱮᱡ ᱟᱨ ᱵᱷᱟᱜᱮ ᱟᱥ ᱨᱮᱭᱟᱜ ᱪᱤᱱᱦᱟᱹ ᱢᱮᱱ ᱛᱮ ᱥᱟᱢᱟᱝ ᱮᱥᱤᱭᱟ ᱨᱮᱱ ᱞᱟᱭ ᱞᱟᱠᱪᱟᱨ ᱛᱮ ᱠᱤᱥᱟᱺᱬ ᱟᱱ ᱜᱟᱛᱟᱠ ᱨᱮᱱ ᱦᱚᱲ ᱠᱚ ᱢᱚᱱᱮᱭᱟ᱾ ᱪᱟᱭᱱᱟ ᱨᱮᱱ ᱨᱟᱡᱽ ᱨᱟᱨᱟᱡᱽ ᱠᱚ ᱚᱠᱛᱮ ᱨᱮ ᱱᱚᱣᱟ ᱰᱨᱟᱜᱚᱱ ᱢᱩᱴᱷᱟᱹᱱ ᱫᱚ ᱪᱟᱭᱱᱟ ᱨᱟᱡᱚᱥᱴᱷᱤ ᱨᱮᱭᱟᱜ ᱫᱟᱲᱮ ᱟᱨ ᱠᱮᱱᱮᱴᱮᱡ ᱨᱮᱭᱟᱜ ᱢᱩᱴᱷᱟᱹᱱ ᱢᱮᱱ ᱛᱮ ᱥᱚᱫᱚᱨᱚᱜ ᱠᱟᱱ ᱛᱟᱦᱮ ᱠᱟᱱᱟ᱾
ᱢᱩᱴᱷᱟᱹ ᱨᱮᱭᱟᱜ ᱜᱚᱱᱚᱝ ᱥᱟᱯᱲᱟᱣ
ᱱᱟᱜᱟᱢ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ, ᱥᱟᱢᱟᱝ ᱮᱥᱤᱭᱟ ᱨᱮᱱ ᱰᱨᱟᱜᱚᱱ ᱪᱤᱱ ᱥᱟᱢᱨᱟᱴ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜ ᱛᱟᱛᱟ ᱟᱨ ᱨᱟᱡᱟᱜ ᱫᱟᱲᱮ ᱢᱮᱱ ᱛᱮ ᱥᱚᱫᱚᱨᱚᱜ ᱠᱟᱱᱟ᱾ ᱦᱟᱱ ᱨᱟᱡᱽᱵᱚᱝᱥᱚ ᱨᱮᱱ ᱵᱟᱵᱟᱱᱫᱷᱟᱣᱤᱡ ᱞᱤᱭᱩ ᱵᱮᱝ ᱮ ᱫᱟᱹᱵᱤ ᱮᱫᱟ ᱡᱮ ᱟᱡ ᱮᱝᱜᱟᱛ ᱟᱜ ᱠᱩᱠᱢᱩᱱᱛᱟᱭᱚᱢ ᱢᱤᱫᱴᱮᱱ ᱰᱨᱟᱜᱚᱱ ᱟᱜ ᱢᱩᱴᱷᱟᱹᱱ ᱫᱚ ᱟᱹᱨᱤᱵᱟᱹᱫᱷᱤ ᱞᱮᱱᱟ᱾ [᱑] ᱛᱟᱝᱜᱽ ᱨᱟᱡᱽ ᱵᱚᱝᱥᱚ ᱚᱠᱛᱮ ᱨᱮ, ᱥᱟᱢᱨᱟᱴ ᱫᱚ ᱰᱨᱟᱜᱚᱱ ᱠᱤᱪᱨᱤᱡ ᱦᱚᱨᱚᱜ ᱠᱟᱛᱮ ᱨᱟᱡᱚᱥᱴᱷᱤ ᱨᱮᱭᱟᱜ ᱢᱩᱴᱷᱟᱹᱱ ᱫᱚᱦᱚ ᱞᱮᱫᱟ ᱟᱨ ᱪᱮᱛᱟᱱ ᱟᱹᱭᱫᱟᱹᱨᱤ ᱠᱚ ᱠᱤᱪᱨᱤᱪ ᱦᱚᱨᱚᱜ ᱠᱟᱛᱮ ᱥᱚᱫᱚᱨ ᱨᱮᱛᱟᱜ ᱮ ᱦᱩᱠᱩᱢ ᱟᱫ ᱠᱚ ᱛᱟᱦᱨ ᱮᱱᱟ| [᱒] ᱭᱩᱣᱟᱱ ᱵᱚᱝᱥᱚ ᱚᱠᱛᱚ ᱨᱮ, ᱵᱟᱨᱭᱟ ᱫᱮᱨᱮᱧ ᱟᱨ ᱯᱚᱱ ᱠᱟᱹᱴᱩᱵ ᱟᱱ ᱰᱨᱟᱜᱚᱱ ᱫᱚ ᱮᱠᱮᱱ ᱥᱮᱨᱢᱟ ᱨᱮᱱ ᱦᱚᱯᱚᱱ ᱢᱮᱱ ᱛᱮ ᱧᱩᱢᱚᱜᱚᱜ ᱟᱨ ᱥᱟᱢᱨᱟᱴ ᱦᱚᱛᱮ ᱛᱮ ᱵᱮᱵᱚᱦᱟᱨ ᱞᱟᱹᱜᱤᱫ ᱥᱟᱡᱟᱣ ᱞᱮᱱᱟ, ᱚᱱᱟ ᱵᱮᱜᱚᱨ ᱯᱚᱱ ᱡᱟᱝᱜᱟᱣᱟᱱ ᱠᱟᱹᱨᱱᱟᱹᱝᱜᱤᱧ ᱵᱤᱧ ᱨᱟᱡᱽ ᱠᱩᱢᱟᱨ ᱟᱨ ᱢᱟᱦᱟᱨᱟᱱᱤ ᱞᱟᱹᱜᱤᱫ ᱵᱮᱵᱚᱦᱟᱨᱚᱜ ᱠᱟᱱ ᱛᱟᱦᱮᱱᱟ᱾ ᱱᱚᱝᱠᱟ ᱜᱮ ᱢᱤᱝ ᱟᱨ ᱠᱤᱝᱜᱽ ᱨᱟᱡᱽ ᱵᱚᱝᱥᱚ ᱚᱠᱛᱮ ᱨᱮ, ᱢᱚᱲᱮ ᱡᱟᱝᱜᱟᱣᱟᱱ ᱰᱨᱟᱜᱚᱱ ᱮᱠᱮᱱ ᱥᱟᱢᱨᱟᱴ ᱦᱚᱦᱮ ᱛᱮ ᱵᱮᱵᱚᱦᱟᱨᱚᱜ ᱞᱟᱹᱜᱤᱫ ᱥᱟᱡᱟᱣ ᱞᱮᱱᱟ᱾ ᱠᱤᱝᱜᱽ ᱨᱟᱡᱽ ᱵᱚᱝᱥᱚ ᱚᱠᱛᱮ ᱨᱮᱜᱮ ᱰᱨᱟᱜᱚᱱ ᱜᱮ ᱯᱟᱦᱤᱞ ᱫᱷᱟᱣ ᱪᱤᱱ ᱨᱮᱱ ᱨᱟᱡᱚᱥᱴᱷᱤ ᱨᱮᱭᱟᱜ ᱪᱤᱨ ᱢᱮᱱ ᱛᱮ ᱩᱪᱷᱟᱹᱱ ᱥᱚᱫᱚᱨ ᱞᱮᱱᱟ᱾[᱓]
ᱨᱟᱡᱚᱥᱴᱷᱤ ᱢᱩᱴᱷᱟᱹᱱ ᱥᱟᱯᱲᱟᱣ
ᱰᱨᱟᱜᱚᱱ ᱟᱭᱢᱟ ᱨᱟᱡᱽ ᱵᱚᱝᱥᱚ ᱞᱟᱹᱜᱤᱫ ᱪᱤᱱᱤ ᱥᱟᱢᱨᱟᱴ ᱨᱮᱱ ᱢᱩᱴᱷᱟᱹᱱ ᱢᱮᱱ ᱛᱮ ᱛᱟᱦᱮ ᱠᱟᱱᱟ᱾ ᱠᱤᱝᱜᱽ ᱨᱟᱡᱽ ᱵᱚᱝᱥᱚ ᱚᱠᱛᱮ ᱨᱮ ᱟᱡᱩᱨᱮ ᱰᱨᱟᱜᱚᱱ ᱫᱚ ᱯᱟᱹᱦᱤᱞ ᱫᱷᱟᱣ ᱨᱟᱥᱴᱨᱤᱭᱚ ᱫᱷᱚᱣᱡᱽ ᱢᱮᱱ ᱛᱮ ᱩᱫᱩᱜ ᱥᱚᱫᱚᱨ ᱞᱮᱱᱟ᱾ ᱱᱚᱣᱟ ᱨᱮᱛᱟᱜ ᱜᱮᱞ ᱵᱟᱨ ᱢᱩᱴᱷᱟᱹᱱ ᱨᱟᱥᱴᱨᱤᱭᱚ ᱢᱩᱴᱷᱟᱹᱱ ᱢᱮᱱᱛᱮ ᱥᱚᱫᱚᱨ ᱞᱮᱱᱟ, ᱱᱚᱣᱟ ᱢᱩᱴᱷᱟᱹᱱ 1913 ᱠᱷᱚᱱ 1928 ᱦᱟᱹᱵᱤᱡ ᱪᱤᱱ ᱫᱤᱥᱣᱟᱹ ᱨᱟᱡᱽ ᱨᱮ ᱞᱮᱱᱟ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ Dikötter, Frank (10 November 1997). The Construction of Racial Identities in China and Japan. C Hurst & Co Publishers Ltd. pp. 76–77. ISBN 978-1850652878.
- ↑ "Imperial Dragons". Kyoto National Museum. Archived from the original on 2018-08-25. Retrieved 2018-11-20.
- ↑ Sleeboom, Margaret. [2004] (2004). Academic Nations in China and Japan Framed in concepts of Nature, Culture and the Universal. Routledge publishing. ISBN 0-415-31545-X