ᱪᱟᱹᱢᱩᱪ
ᱪᱟᱹᱢᱩᱪ (ᱤᱝᱨᱟᱹᱡᱤ ᱛᱮ spoon) ᱫᱚ ᱦᱩᱭᱩᱜ ᱠᱟᱱᱟ ᱠᱷᱟᱸᱭᱩᱸᱜ ᱵᱟᱹᱴᱤ ᱥᱮ ᱠᱟᱹᱴᱷᱞᱤ ᱞᱮᱠᱟᱱᱟᱜ ᱨᱮ ᱰᱟᱱᱰᱚᱢ ᱞᱟᱜᱟᱣ ᱢᱤᱫᱴᱮᱱ ᱡᱤᱱᱤᱥ᱾ ᱟᱨ ᱢᱤᱫᱞᱮᱠᱟ ᱛᱮ ᱵᱩ ᱢᱮᱱ ᱫᱟᱲᱮᱭᱟᱜᱼᱟ ᱪᱟᱹᱢᱩᱪ ᱫᱚ ᱦᱩᱭᱩᱜ ᱠᱟᱱᱟ ᱠᱟᱹᱴᱤᱡ ᱠᱟᱹᱲᱪᱷᱩ᱾
ᱟᱹᱲᱟᱹ ᱡᱟᱱᱟᱢ ᱥᱟᱯᱲᱟᱣ
ᱪᱟᱹᱢᱩᱪ ᱫᱚ ᱵᱟᱝᱞᱟ ᱛᱮ ᱪᱟᱢᱚᱪ ᱠᱩ ᱢᱮᱛᱟᱜᱼᱟ᱾ ᱪᱟᱢᱚᱪ ᱟᱹᱲᱟᱹ ᱫᱚ ᱥᱚᱝᱥᱠᱨᱤᱛᱚ 'ᱪᱟᱢᱚᱪ' ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ᱾ ᱟᱨᱦᱚᱸ ᱚᱠᱚᱭ ᱫᱚ ᱠᱩ ᱢᱮᱱᱟ ᱯᱷᱟᱨᱥᱤ 'ᱪᱟᱢᱪᱟᱦ' ᱟᱹᱲᱟᱹ ᱠᱷᱚᱱ ᱪᱟᱹᱢᱩᱪ ᱟᱹᱲᱟᱹ ᱦᱮᱡ ᱫᱟᱲᱮᱜᱼᱟ᱾
ᱵᱮᱣᱦᱟᱨ ᱠᱩ ᱥᱟᱯᱲᱟᱣ
ᱪᱟᱹᱢᱩᱪ ᱫᱚ ᱫᱟᱠᱟ ᱩᱛᱩ ᱠᱟ.ᱢᱤ ᱨᱮ ᱜᱤ ᱰᱷᱤᱨ ᱠᱟᱭᱛᱮ ᱵᱮᱣᱦᱟᱨᱚᱜᱼᱟ᱾ ᱡᱟᱦᱟᱱᱟᱜ ᱡᱚᱢ ᱥᱮ ᱞᱩ ᱞᱟᱹᱜᱤᱫ ᱦᱚᱸ ᱪᱟᱹᱢᱩᱪ ᱵᱩ ᱵᱮᱣᱦᱟᱨ ᱜᱮᱭᱟ᱾ ᱟᱥᱚᱠᱟᱭᱛᱮ ᱨᱟᱥᱮ ᱥᱮ ᱫᱟᱜ ᱞᱮᱠᱟᱱ ᱴᱤᱭᱟᱹᱞ ᱴᱚᱭᱚᱞ ᱡᱤᱱᱤᱥ ᱠᱩ ᱞᱩ ᱞᱟᱹᱜᱤᱫ ᱜᱤ ᱪᱟᱹᱢᱩᱪ ᱫᱚ ᱵᱩ ᱵᱮᱣᱦᱟᱨᱟ᱾
ᱵᱮᱱᱟᱥ ᱥᱟᱯᱲᱟᱣ
ᱪᱟᱹᱢᱩᱪ ᱫᱚ ᱟᱭᱢᱟ ᱞᱮᱠᱟᱱᱟᱜ ᱢᱮᱱᱟᱜᱼᱟ᱾ ᱚᱠᱟ ᱫᱚ ᱢᱮᱬᱦᱮᱫ ᱛᱮ ᱠᱩ ᱛᱮᱭᱟᱨᱟ, ᱚᱠᱟ ᱫᱚ ᱤᱥᱴᱤᱞ ᱛᱮ ᱠᱩ ᱛᱮᱭᱟᱨᱟ, ᱚᱠᱟ ᱫᱚ ᱢᱮᱞᱟᱢᱟᱭᱤᱱ ᱛᱮ, ᱯᱞᱟᱥᱴᱤᱠ ᱛᱮ, ᱠᱟᱴᱷ ᱛᱮ ᱥᱮ ᱦᱟᱥᱟ ᱛᱮ ᱦᱚᱸ ᱠᱩ ᱵᱮᱱᱟᱣᱟ᱾