ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
Anton Chekhov

ᱪᱮᱠᱷᱚᱵᱽ ᱟᱱᱴᱚᱱ


    Anton Pavlovich Chekhov (ᱨᱩᱥᱤᱭᱟ. :Анто́н Па́влович Че́хов, IPA: [ʌnˈton ˈpavləvʲɪtɕ ˈtɕɛxəf]) ; [ᱡᱟᱱᱩᱣᱟᱨᱤ ᱙, ᱑᱘᱖᱐ - ᱑᱕, ᱡᱩᱞᱟᱭ ᱑᱙᱐᱔ ] ᱨᱩᱥ ᱨᱤᱱᱤᱡ ᱠᱟ.ᱦᱱᱤ ᱞᱟ.ᱱᱟ.ᱭᱤᱭᱟ. ᱟᱨ ᱜᱟᱭᱟᱱᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱠᱷᱟᱴᱚ ᱢᱟᱪᱷᱟ ᱥᱟᱶᱦᱮᱫᱤᱭᱟ. ᱡᱤᱭᱚᱱ ᱨᱮ ᱩᱱᱤ ᱨᱩᱥᱤ ᱯᱟ.ᱨᱥᱤ ᱫᱚ ᱯᱩᱱᱭᱟ. ᱠᱟᱞᱡᱚᱭᱤ ᱜᱟᱭᱟᱱ ᱮ ᱮᱢ ᱠᱮᱜᱼᱟ ᱛᱤᱱ ᱡᱚᱦᱚᱜ ᱩᱱᱤᱭᱟᱜ ᱠᱟ.ᱦᱱᱤ ᱠᱚᱫᱚ ᱡᱮᱜᱮᱛ ᱨᱤᱱ ᱛᱩᱞᱟ.ᱡᱚᱠᱷᱤᱭᱟ. ᱟᱨ ᱜᱟᱞᱚᱪᱤᱭᱟ. ᱠᱚ ᱫᱟᱨᱟᱭ ᱛᱮ ᱟ.ᱰᱤ ᱢᱟ.ᱱ ᱥᱟᱛᱞᱟᱜ ᱥᱟᱨᱦᱟᱣᱱᱟ ᱠᱚ ᱪᱟᱞ ᱟᱜ ᱠᱟᱱ ᱛᱟᱦᱮᱸᱫ ᱾ ᱪᱮᱠᱷᱚᱵᱽ ᱟᱡᱟᱜ ᱥᱟᱶᱦᱮᱫᱤᱭᱟ. ᱡᱤᱭᱚᱱ ᱨᱮᱭᱟᱜ ᱚᱠᱛᱚᱨᱮ ᱵᱟ.ᱲᱛᱤ ᱠᱟᱭᱛᱮ ᱛᱤᱠᱷᱪᱷᱟ. ᱟᱨ ᱵᱮᱵᱽᱥᱟᱭ ᱠᱟ.ᱢᱤ ᱨᱮ ᱜᱷᱳᱲ ᱮ ᱛᱟᱦᱮᱸ ᱞᱮᱱᱟ ᱾ ᱩᱱᱤᱭ ᱢᱮᱱ ᱛᱟᱦᱮᱸᱱᱚᱜ ᱫᱚ ᱛᱤᱠᱪᱷᱟ. ᱫᱚ ᱤᱧᱤᱡ ᱫᱷᱚᱨᱚᱢ ᱮᱨᱟ ᱟᱨ ᱥᱟᱶᱦᱮᱫ ᱫᱚ ᱤᱧᱤᱡ ᱫᱩᱞᱟ.ᱲᱤᱭᱟ. ᱾

ᱡᱟᱱᱟᱢ ᱟᱨ ᱚᱞ ᱯᱚᱲᱦᱚᱱᱥᱟᱯᱲᱟᱣ

  ᱩᱱᱤᱭᱟᱜ ᱡᱟᱱᱟᱢ ᱫᱚ ᱫᱩᱠᱷᱤᱱ ᱨᱩᱥ ᱨᱮᱭᱟᱜ ᱛᱚᱜᱟᱱᱨᱳᱜᱽ ᱨᱮ ᱒᱙ ᱡᱟᱱᱩᱣᱟᱨᱤ ᱑᱘᱖᱐ ᱥᱟᱞᱮᱨᱮ ᱢᱤᱫ ᱫᱚᱠᱟᱱᱤᱭᱟ. ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱᱟ ᱾ ᱑᱘᱖᱘ ᱠᱷᱚᱱ ᱑᱘᱗᱙ ᱫᱷᱟ.ᱵᱤᱡ ᱪᱮᱠᱷᱚᱵᱽ ᱫᱚ ᱩᱱᱩᱥᱩᱞ ᱟᱥᱲᱟ ᱨᱮ ᱥᱮᱪᱮᱫ ᱮ ᱟᱨᱡᱟᱣ ᱠᱮᱜᱼᱟ ᱾ ᱑᱘᱗᱙ ᱠᱷᱚᱱ ᱑᱘᱘᱔ ᱫᱷᱟ.ᱵᱤᱡ ᱪᱮᱠᱷᱚᱵᱽ ᱫᱚ ᱢᱟᱥᱠᱳ ᱨᱮᱭᱟᱜ ᱢᱮᱰᱤᱠᱟᱞ ᱵᱤᱨᱫᱟ.ᱜᱟᱲ ᱨᱮ ᱥᱮᱪᱮᱫ ᱮ ᱯᱩᱨᱟ.ᱣ ᱠᱮᱜᱼᱟ ᱟᱨ ᱰᱟᱠᱛᱚᱨᱤ ᱠᱟ.ᱢᱤᱭ ᱮᱛᱚᱦᱚᱵ ᱠᱮᱜᱼᱟ ᱾ 

ᱡᱤᱭᱚᱱ ᱩᱯᱨᱩᱢᱥᱟᱯᱲᱟᱣ

  ᱑᱘᱘᱐ ᱨᱮ ᱪᱮᱠᱷᱚᱵᱽ ᱫᱚ ᱟᱡᱟᱜ ᱯᱩᱭᱞᱩ ᱠᱟ.ᱦᱱᱤᱭ ᱯᱟᱨᱥᱟᱞ ᱠᱮᱜᱼᱟ ᱟᱨ ᱑᱘᱘᱔ ᱨᱮ ᱚᱱᱟ ᱨᱮᱭᱟᱜ ᱟᱡᱟᱜ ᱯᱩᱭᱞᱩ ᱠᱟ.ᱦᱱᱤ ᱜᱩᱸᱴ ᱚᱰᱚᱠ ᱮᱱᱟ ᱾ ᱑᱘᱘᱖ ᱨᱮ "ᱨᱚᱝᱜᱚᱵᱤᱨᱤᱜᱤ ᱠᱟ.ᱦᱱᱤ ᱠᱚ" ᱧᱩᱛᱩᱢᱟᱱ ᱯᱩᱛᱷᱤ ᱯᱟᱨᱥᱟᱞ ᱮᱱᱟ ᱟᱨ ᱑᱘᱘᱗ ᱨᱮ ᱯᱩᱭᱞᱩ ᱜᱟᱭᱟᱱ "ᱤᱵᱟᱱ" ᱑᱘᱙᱐ ᱨᱮ ᱪᱮᱠᱷᱚᱵᱽ ᱫᱚ ᱥᱚᱠᱷᱟᱝᱤᱱ ᱰᱷᱤᱯ ᱮ ᱥᱟᱸᱜᱷᱟᱨ ᱠᱮᱜᱼᱟ ᱡᱟᱦᱟᱸᱨᱮ ᱩᱱᱤ ᱫᱮᱥ ᱵᱟᱦᱮᱨ ᱟᱠᱟᱱ ᱦᱚᱲ ᱠᱚᱣᱟᱜ ᱦᱟᱨᱠᱮᱛᱟᱱᱟᱜ ᱡᱤᱭᱚᱱ ᱮ ᱩᱨᱩᱢ ᱧᱟᱢ ᱠᱮᱜᱼᱟ ᱾ ᱱᱚᱣᱟ ᱥᱟᱸᱜᱷᱟᱨ ᱨᱮᱭᱟᱜ ᱚᱨᱡᱚ ᱞᱮᱠᱟᱛᱮ "ᱥᱚᱠᱷᱟᱞᱤᱱ ᱤᱡᱽᱞᱟᱸᱰ" ᱧᱩᱛᱩᱢᱟᱱ ᱢᱤᱫ ᱯᱚᱛᱚᱵ ᱮ ᱚᱞ ᱠᱮᱜᱼᱟ ᱾ ᱑᱘᱙᱒ ᱠᱷᱚᱱ ᱑᱘᱙᱙ ᱫᱷᱟ.ᱵᱤᱡ ᱪᱮᱠᱷᱚᱵᱽ ᱢᱟᱥᱠᱳ ᱨᱮᱭᱟᱜ ᱠᱱᱝᱠᱨᱤᱴ ᱟ.ᱛᱩ "ᱢᱮᱞᱤᱠᱷᱳᱵᱳ" ᱨᱮᱭ ᱛᱟᱦᱮᱸ ᱞᱮᱱᱟ ᱾ ᱱᱚᱶᱟ ᱥᱮᱨᱢᱟ ᱨᱮ ᱟᱠᱟᱞ ᱚᱠᱛᱚ ᱨᱮ ᱪᱮᱠᱷᱚᱵᱽ ᱫᱚ ᱪᱟ.ᱥᱤ ᱠᱚ ᱜᱚᱲᱚ ᱥᱚᱦᱚᱫ ᱠᱚ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱠᱮᱜᱼᱟ ᱟᱨ ᱦᱟ.ᱭᱡᱟ. ᱛᱮ ᱦᱟᱨᱠᱮᱛᱚᱜ ᱠᱟᱱ ᱚᱠᱛᱚ ᱨᱮᱦᱚᱸ ᱟ.ᱰᱤ ᱪᱩᱦᱩᱞ ᱢᱚᱱᱮᱛᱮ ᱰᱟᱠᱛᱚᱨᱤ ᱠᱟ.ᱢᱤᱭ ᱛᱚᱨᱟᱣ ᱞᱮᱜᱼᱟ ᱾ ᱑᱘᱙᱙ ᱨᱮ ᱪᱮᱠᱷᱚᱵᱽ ᱮ ᱵᱮᱢᱟᱨ ᱮᱱᱟ ᱡᱟᱦᱟᱸ ᱠᱷᱟ.ᱛᱤᱨ ᱩᱱᱤ ᱠᱨᱤᱢ (ᱠᱨᱟᱭᱢᱤᱭᱟ) ᱨᱮᱭᱟᱜ ᱭᱮᱞᱴᱟ ᱱᱟᱜᱟᱨ ᱨᱮᱭ ᱵᱟᱥᱟ ᱵᱚᱥᱠᱚᱫ ᱮᱱᱟ ᱾ ᱚᱸᱰᱮ ᱪᱮᱠᱷᱚᱵᱽ ᱫᱚ ᱜᱳᱨᱠᱤ ᱥᱟᱞᱟᱜ ᱮ ᱩᱯᱨᱩᱢ ᱮᱱᱟ ᱾ 

ᱢᱟ.ᱱ ᱦᱟᱞᱟᱝᱥᱟᱯᱲᱟᱣ

᱑᱙᱐᱒ ᱨᱮ ᱪᱮᱠᱷᱳᱵᱽ ᱫᱚ "ᱥᱚᱱᱢᱟᱱᱤᱛ ᱮᱠᱟᱰᱮᱢᱤᱥᱤᱭᱟᱱ" ᱥᱤᱨᱯᱷᱟ.ᱭ ᱧᱟᱢ ᱠᱮᱜᱼᱟ ᱾ ᱤᱠᱷᱟ.ᱱ ᱛᱤᱱ ᱡᱚᱦᱚᱜ ᱑᱙᱐᱒ ᱨᱤ ᱨᱩᱥᱤ ᱡᱟᱨ ᱱᱤᱠᱳᱞᱚᱥ ᱫᱚᱥᱟᱨ ᱫᱚ ᱜᱳᱨᱠᱤ ᱞᱟ.ᱜᱤᱫ ᱱᱚᱝᱠᱟᱱ ᱥᱤᱨᱯᱷᱟ ᱮᱥ ᱨᱮᱭᱟᱜ ᱯᱷᱟ.ᱭᱥᱟᱞᱟᱭ ᱡᱟᱸᱜᱮ ᱠᱮᱜᱼᱟ ᱩᱱ ᱡᱚᱦᱚᱜ ᱪᱮᱠᱷᱳᱵᱽ ᱟᱡᱟᱜ ᱵᱤᱨᱳᱫᱷ ᱥᱚᱫᱚᱨ ᱞᱟ.ᱜᱤᱫ ᱛᱮ ᱟᱡᱟᱜ ᱱᱚᱶᱟ ᱞᱟᱯᱷᱟᱝ ᱢᱟ.ᱱ ᱥᱤᱨᱯᱷᱟ. ᱵᱟᱝ ᱟᱯᱱᱟᱨ ᱨᱮᱭᱟᱜ ᱮ ᱴᱷᱟ.ᱣᱠᱟ.ᱞᱮᱜᱼᱟ ᱾ ᱑᱙᱐᱑ ᱥᱟᱞᱮᱨᱮ ᱪᱮᱠᱷᱳᱵᱽ ᱫᱚ ᱣᱤᱱᱯᱯᱮᱨ ᱧᱩᱛᱩᱢᱟᱱ ᱜᱟᱭᱟᱱᱤᱭᱟ. ᱥᱟᱶ ᱮ ᱵᱟᱯᱞᱟ ᱮᱱᱟ ᱾ ᱟᱡᱤᱡ ᱮᱨᱟ ᱫᱚ ᱚᱱᱟ ᱯᱷᱤᱞᱤᱢ ᱵᱟ.ᱠᱷᱳᱞ ᱨᱤᱱᱤᱡ ᱜᱟᱭᱟᱱᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱨᱮ ᱪᱮᱠᱷᱳᱵᱽ ᱟᱜ ᱟ.ᱰᱤᱜᱟᱱ ᱜᱟᱭᱟᱱ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱫ ᱛᱟᱦᱮᱸᱱ ᱾ ᱑᱙᱐᱔ ᱥᱟᱞᱮ ᱨᱮᱭᱟᱜ ᱡᱩᱱ ᱨᱮ ᱟᱡᱟᱨ ᱟ.ᱰᱤ ᱨᱤᱦᱤᱴ ᱛᱮ ᱯᱟᱥᱱᱟᱣ ᱮᱱ ᱠᱷᱟ.ᱛᱤᱨ ᱪᱮᱠᱷᱳᱵᱽ ᱫᱚ ᱛᱤᱠᱪᱷᱟ.ᱜ ᱞᱟ.ᱜᱤᱫ ᱡᱚᱨᱢᱟᱱᱤᱭ ᱪᱟᱞᱟᱣ ᱮᱱᱟ ᱾ ᱚᱸᱰᱮᱜᱮ ᱵᱟᱫᱮᱱᱵᱮᱞᱚᱨ ᱱᱟᱜᱟᱨ ᱨᱮ ᱩᱱᱤᱭᱟᱜ ᱡᱤᱣᱤ ᱵᱟ.ᱛᱤ ᱫᱚ ᱡᱟᱭᱡᱩᱜᱽ ᱞᱟ.ᱜᱤᱫ ᱤᱬᱤᱡ ᱥᱟ.ᱨᱤ ᱮᱱᱟ ᱾ ᱪᱮᱠᱷᱳᱵᱽ ᱟᱜ ᱥᱚᱢᱟᱫᱷᱤ ᱫᱚ ᱢᱟᱥᱠᱳ ᱨᱮ ᱢᱮᱱᱟᱜᱼᱟ ᱾


ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ