ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
House sparrow04.jpg

ᱯᱷᱟᱹᱠᱬᱟᱹᱜ ᱢᱮᱱᱟᱜ ᱠᱚ ᱟᱨᱵᱟᱝ ᱩᱰᱟᱹᱣᱜ ᱠᱟᱱ ᱡᱟᱦᱟᱸ ᱜᱮ ᱡᱩᱱᱛᱩᱠ ᱩᱱᱠᱩ ᱫᱚ ᱪᱮᱬᱮ ᱠᱚ ᱢᱮᱛᱟ ᱠᱚᱣᱟ ᱾[᱑] ᱡᱤᱣᱤ ᱥᱟᱬᱮᱥ ᱨᱮᱫᱚ ᱮᱣᱤᱥ ᱛᱷᱚᱠ ᱨᱤᱱ ᱡᱩᱱᱛᱩᱠ ᱫᱚ ᱪᱮᱬᱮ ᱠᱚ ᱢᱮᱛᱟ ᱠᱚᱣᱟ ᱾ ᱵᱤᱞᱤ ᱠᱚ ᱵᱮᱡᱽ ᱱᱩᱠᱩ ᱡᱟᱱᱣᱟ ᱫᱚ ᱥᱩᱨ ᱥᱩᱯᱩᱨ ᱑᱐,᱐᱐᱐ ᱞᱮᱠᱟᱱ ᱡᱟᱹᱛᱤ ᱱᱤᱭᱟᱹ ᱚᱠᱛᱚ ᱨᱮ ᱱᱚᱣᱟ ᱫᱷᱟᱹᱨᱛᱤ ᱨᱮ ᱵᱟᱥᱟ ᱠᱟᱛᱮ ᱢᱮᱱᱟᱜ ᱠᱚᱣᱟ ᱾[᱒] ᱱᱩᱠᱩᱣᱟᱜ ᱦᱚᱲᱢᱚ ᱫᱚ ᱒" ᱠᱷᱚᱱ ᱘ ᱯᱷᱩᱴ ᱫᱷᱟᱹᱵᱤᱡ ᱠᱚ ᱦᱩᱭ ᱫᱟᱲᱮᱭᱟᱜᱼᱟ ᱾ ᱢᱮᱱᱮᱛ ᱱᱩᱠᱩ ᱫᱚ ᱟᱨᱠᱴᱤᱠ ᱠᱷᱚᱱ ᱟᱸᱴᱟᱨᱠᱴᱤᱠ ᱜᱚᱴᱟᱯᱟᱲᱟ ᱜᱮᱠᱚ ᱧᱟᱢᱚᱜᱼᱟ ᱾ ᱪᱮᱬᱮ ᱫᱚ ᱩᱥᱩᱞ ᱩᱥᱩᱞ ᱵᱩᱨᱩ ᱩᱰᱟᱹᱣ ᱠᱟᱛᱮ ᱠᱚ ᱯᱟᱨᱚᱢ ᱫᱟᱲᱮᱭᱟᱜᱼᱟ ᱾ ᱱᱩᱠᱩ ᱜᱟᱺᱦᱤᱨ ᱫᱟᱜ ᱨᱮ ᱒᱕᱐ ᱢᱤ. ᱫᱷᱟᱹᱵᱤᱡ ᱠᱚ ᱩᱱᱩᱢ ᱫᱟᱲᱮᱭᱟᱜᱼᱟ ᱾ ᱱᱩᱠᱩ ᱚᱱᱠᱟᱱ ᱢᱟᱦᱟᱥᱟᱜᱚᱨ ᱪᱮᱛᱟᱱ ᱨᱮ ᱩᱰᱟᱹᱣᱜ ᱠᱚ ᱧᱮᱞ ᱟᱠᱟᱱᱟ ᱡᱟᱦᱟᱸ ᱠᱷᱚᱱ ᱠᱟᱛᱟ ᱫᱚ ᱜᱮᱥᱟᱭ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱾ ᱱᱩᱠᱩᱣᱟᱜ ᱦᱚᱲᱢᱚ ᱫᱚ ᱯᱷᱟᱹᱠᱬᱟᱹᱜ ᱛᱮ ᱯᱚᱴᱚᱢ ᱮᱥᱮᱫ ᱠᱚᱜᱼᱟ ᱾ ᱡᱚᱛᱚ ᱡᱤᱵᱽ ᱠᱷᱚᱱ ᱪᱮᱬᱮ ᱫᱚ ᱡᱚᱛᱚ ᱠᱷᱚᱱ ᱪᱚᱨᱚᱠ ᱟᱨᱵᱟᱝ ᱧᱮᱞ ᱥᱟᱱᱟ ᱡᱩᱱᱛᱩᱠ ᱠᱟᱱᱟ ᱠᱚ ᱾ ᱯᱷᱟᱹᱠᱬᱟᱹᱜ ᱛᱟᱦᱮᱸᱱ ᱛᱩᱞᱩᱡ ᱦᱚᱸ ᱛᱤᱱᱟᱹᱝ ᱜᱟᱱ ᱪᱮᱬᱮ ᱫᱚ ᱵᱟᱠᱚ ᱩᱰᱟᱹᱣ ᱫᱟᱲᱮᱭᱟᱜᱼᱟ ᱤᱠᱷᱟᱹᱱ ᱵᱟᱹᱲᱛᱤ ᱪᱮᱬᱮ ᱥᱮᱨᱢᱟ ᱨᱮ ᱩᱰᱟᱹᱣᱜ ᱠᱚ ᱧᱮᱞᱚᱜᱼᱟ ᱾


ᱱᱩᱠᱩᱣᱟᱜ ᱫᱚ ᱯᱩᱨᱟᱹ ᱦᱚᱲᱢᱚ ᱤᱞ ᱛᱮ ᱯᱚᱴᱚᱢ ᱠᱚᱜᱼᱟ ᱾ ᱦᱚᱲᱢᱚ ᱫᱚ ᱵᱚᱦᱚᱜ, ᱦᱚᱴᱚᱜ, ᱜᱩᱸᱰ ᱟᱨ ᱪᱩᱯᱤ ᱞᱮᱠᱟᱛᱮ ᱦᱟᱹᱴᱤᱧ ᱛᱟᱦᱮᱸᱱᱟ ᱾ ᱢᱟᱥᱠᱩᱲᱟᱹ ᱫᱚ ᱴᱷᱚᱱᱴᱟ ᱨᱮ ᱵᱚᱫᱚᱞᱚᱜᱼᱟ, ᱡᱟᱦᱟᱸᱨᱮ ᱰᱟᱴᱟ ᱫᱚ ᱵᱟᱝ ᱧᱟᱢᱚᱜᱼᱟ ᱾

ᱞᱮᱠᱟᱱ ᱞᱮᱠᱟᱱ ᱪᱮᱬᱮᱥᱟᱯᱲᱟᱣ

ᱱᱚᱶᱟ ᱫᱷᱟᱹᱨᱛᱤ ᱨᱮ ᱟᱹᱰᱤ ᱞᱮᱠᱟᱱ ᱪᱮᱬᱮ ᱢᱮᱱᱟᱜ ᱠᱚᱣᱟ ᱾ ᱦᱩᱰᱤᱧ ᱦᱩᱰᱤᱧ ᱠᱷᱚᱱ ᱮᱛᱚᱦᱵ ᱠᱟᱛᱮ ᱟᱹᱰᱤ ᱢᱟᱨᱟᱝ ᱫᱷᱟᱹᱵᱤᱡ ᱾ ᱚᱱᱠᱟ ᱜᱮ ᱦᱚᱲᱢᱚ ᱨᱮᱭᱟᱜ ᱤᱞ ᱨᱚᱝ ᱛᱟᱠᱚ ᱦᱚᱸ ᱵᱷᱮᱜᱟᱨ ᱵᱷᱮᱜᱟᱨᱟ ᱾ ᱩᱱᱠᱩᱣᱟᱜ ᱨᱟᱜ ᱟᱲᱟᱝ ᱦᱚᱸ ᱵᱷᱮᱜᱟᱨ ᱵᱷᱮᱜᱟᱨᱟ ᱾ ᱵᱟᱹᱲᱛᱤ ᱞᱮᱠᱟᱛᱮ ᱪᱮᱬᱮ ᱫᱚ ᱟᱠᱚᱣᱟᱜ ᱨᱩᱯ ᱚᱲᱚᱝ ᱠᱷᱚᱱ ᱫᱚ ᱟᱠᱚᱣᱟᱜ ᱨᱟᱜ ᱟᱲᱟᱝ ᱛᱮ ᱥᱟᱺᱜᱤᱧ ᱠᱷᱚᱱ ᱜᱮᱠᱮ ᱪᱤᱱᱦᱟᱹᱣ ᱜᱟᱱᱚᱜᱼᱟ ᱾ ᱛᱤᱱᱟᱹᱝ ᱜᱟᱱ ᱪᱮᱬᱮ ᱫᱤᱱᱟᱹᱢ ᱜᱮᱠᱚ ᱧᱮᱞᱚᱜᱼᱟ ᱟᱨ ᱛᱤᱱᱟᱹᱝ ᱜᱟᱱ ᱪᱮᱬᱮ ᱫᱚ ᱦᱚᱭ ᱦᱤᱥᱤᱫ ᱡᱟᱹᱱᱤ ᱠᱚ ᱥᱚᱫᱚᱨᱚᱜᱼᱟ ᱾ ᱪᱟᱥ ᱵᱟᱥ ᱧᱮᱞ ᱠᱟᱛᱮ ᱚᱱᱟ ᱞᱮᱠᱟ ᱛᱮᱠᱚ ᱥᱚᱫᱚᱨᱚᱜᱼᱟ ᱾ ᱛᱤᱱᱟᱹᱝ ᱜᱟᱱ ᱪᱮᱬᱮ ᱫᱚ ᱜᱷᱩᱴᱩ ᱥᱩᱢᱩᱝ ᱨᱮᱠᱚ ᱛᱟᱦᱮᱸᱱᱟ ᱟᱨ ᱛᱤᱱᱟᱹᱝ ᱜᱟᱱ ᱪᱮᱬᱮ ᱫᱚ ᱜᱷᱩᱴᱩ ᱥᱟᱶᱛᱮ ᱫᱟᱜ ᱨᱮᱦᱚᱸ ᱦᱚᱸ ᱡᱤᱭᱚᱢ ᱠᱚ ᱠᱷᱮᱢᱟᱣᱟ ᱾ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱪᱮᱬᱮ ᱫᱟᱨᱮ ᱪᱮᱛᱟᱱ ᱰᱟᱹᱨ ᱨᱮ ᱛᱩᱠᱟᱹ ᱠᱟᱛᱮ ᱵᱤᱞᱤ ᱵᱮᱡ ᱠᱟᱛᱮ ᱜᱤᱫᱽᱨᱟᱹ ᱠᱚ ᱡᱟᱱᱟᱢ ᱠᱚᱣᱟ ᱾ ᱟᱨ ᱛᱤᱱᱟᱹᱝ ᱜᱟᱱ ᱪᱮᱬᱮ ᱫᱚ ᱚᱛ ᱞᱟᱴᱟ ᱜᱟᱡᱟᱲ ᱠᱚᱨᱮ ᱛᱩᱠᱟᱹ ᱠᱟᱛᱮ ᱵᱤᱞᱤ ᱠᱚ ᱵᱮᱡᱼᱟ ᱾

 
ᱪᱮᱬᱮ

ᱪᱮᱬᱮᱭᱟᱜ ᱧᱩᱛᱩᱢᱥᱟᱯᱲᱟᱣ

ᱟᱹᱰᱤ ᱞᱮᱠᱟᱱ ᱪᱮᱬᱮ ᱢᱮᱣᱟᱜ ᱠᱚᱣᱟ ᱟᱨ ᱪᱮᱬᱮ ᱡᱟᱹᱱᱤ ᱧᱩᱛᱩᱢ ᱦᱚᱸ ᱛᱟᱠᱚ ᱟᱹᱰᱤ ᱞᱮᱠᱟᱱᱟ ᱾ ᱱᱤᱱᱤ ᱱᱤᱱᱤ ᱪᱮᱬᱮ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱦᱚᱲ ᱥᱚᱢᱟᱱ ᱪᱮᱬᱮ ᱾ ᱩᱱᱠᱩ ᱪᱮᱬᱮ ᱠᱚ ᱛᱟᱞᱟᱨᱮ ᱛᱤᱱᱟᱹᱝ ᱜᱟᱱ ᱧᱩᱛᱩᱢ ᱦᱩᱭᱩᱜ ᱠᱟᱱᱟ: ᱦᱟᱸᱥ ᱦᱟᱺᱥᱞᱤ, ᱢᱟᱨᱟᱜ, ᱢᱤᱨᱩ, ᱥᱟᱨᱚ, ᱠᱚᱭᱮᱞ, ᱯᱚᱛᱟᱢ, ᱯᱟᱣᱨᱟ, ᱠᱤᱥᱱᱤ, ᱜᱩᱸᱰᱨᱤ, ᱩᱸᱴ ᱪᱮᱬᱮ, ᱜᱷᱮᱲᱣᱟ, ᱪᱟᱹᱧᱪᱤᱨ, ᱛᱩᱫ, ᱠᱟᱹᱦᱩ, ᱠᱩᱲᱤᱫ, ᱯᱟᱡᱷᱟᱲ, ᱜᱤᱫᱤ, ᱠᱚᱜ, ᱞᱩᱵᱩᱜ ᱠᱚᱜ, ᱰᱟᱹᱠ, ᱫᱟᱜ ᱫᱟᱨᱟᱢ, ᱠᱟᱺᱭᱩᱨ ᱟᱨ ᱦᱚᱸ ᱟᱹᱰᱤ ᱞᱮᱠᱟᱱ ᱪᱮᱬᱮ ᱧᱩᱛᱩᱢ ᱢᱮᱱᱟᱜᱼᱟ ᱾ ᱠᱚᱠᱚᱨ ᱦᱚᱸ ᱢᱤᱫ ᱞᱮᱠᱟᱱ ᱪᱮᱬᱮ ᱜᱮ, ᱱᱩᱭ ᱫᱚ ᱫᱤᱱ ᱵᱮᱲᱟ ᱫᱚ ᱵᱟᱭ ᱧᱮᱧᱮᱞ ᱠᱷᱟᱹᱛᱤᱨ, ᱧᱤᱫᱟᱹ ᱟᱡᱟᱜ ᱵᱟᱥᱟ ᱠᱷᱚᱱ ᱮ ᱩᱰᱩᱠᱚᱜᱼᱟ ᱾ ᱵᱟᱫᱽᱲᱟ, ᱵᱟᱹᱨᱫᱩᱲᱤᱡ ᱦᱚᱸ ᱢᱤᱫ ᱞᱮᱠᱟᱱ ᱪᱮᱬᱮ ᱜᱮ ᱾ ᱪᱮᱫᱟᱜ ᱥᱮ ᱩᱰᱟᱹᱣᱜ ᱟᱠᱚ ᱾ ᱱᱩᱠᱩ ᱦᱚᱸ ᱵᱟᱹᱲᱛᱤ ᱞᱮᱠᱟ ᱛᱮᱫᱚ ᱧᱤᱫᱟᱹ ᱵᱮᱲᱟ ᱜᱮᱠᱚ ᱩᱰᱩᱠᱚᱜᱼᱟ ᱾ ᱱᱩᱠᱩ ᱫᱚ ᱟᱫᱷᱟ ᱡᱟᱱᱣᱟ ᱛᱮᱦᱚᱸ ᱠᱚ ᱥᱮᱱᱚᱜᱼᱟ, ᱪᱮᱫᱟᱜ ᱥᱮ ᱱᱩᱠᱩ ᱪᱮᱬᱮ ᱞᱮᱠᱟ ᱠᱚ ᱩᱰᱟᱹᱣᱜ ᱨᱮᱦᱚᱸ, ᱱᱩᱠᱩᱣᱟᱜ ᱪᱮᱬᱮ ᱞᱮᱠᱟ ᱴᱷᱚᱱᱴᱟ ᱵᱟᱹᱱᱩᱜᱼᱟ, ᱱᱩᱠᱩᱣᱟᱜ ᱫᱚ ᱡᱟᱱᱣᱟ ᱞᱮᱠᱟ ᱢᱩᱥᱟᱹᱨ ᱟᱨ ᱰᱟᱴᱟ ᱛᱟᱦᱮᱸᱱᱟ ᱾ ᱜᱤᱫᱽᱨᱟᱹ ᱡᱟᱱᱟᱢ ᱞᱟᱹᱜᱤᱫ ᱵᱤᱞᱤ ᱵᱟᱠᱚ ᱵᱟᱡᱼᱟ, ᱡᱟᱱᱣᱟ ᱞᱮᱠᱟ ᱜᱤᱫᱽᱨᱟᱹ ᱫᱚᱠᱚ ᱡᱟᱱᱟᱢ ᱠᱚᱣᱟ ᱾ ᱱᱩᱠᱩ ᱫᱚᱠᱚ ᱩᱰᱟᱹᱣᱜ ᱨᱮᱦᱚᱸ ᱦᱚᱲᱢᱚ ᱨᱮ ᱤᱞ ᱫᱚ ᱵᱟᱹᱱᱩᱜ ᱛᱟᱠᱚᱣᱟ ᱾ ᱛᱤᱱᱟᱹᱝ ᱜᱟᱱ ᱟᱹᱥᱩᱞ ᱪᱮᱬᱮ, ᱡᱮᱞᱮᱠᱟ: ᱥᱤᱢ, ᱜᱮᱰᱮ, ᱱᱩᱠᱩ ᱫᱚ ᱪᱮᱬᱮ ᱡᱟᱹᱛ ᱠᱟᱱ ᱨᱮᱦᱚᱸ ᱠᱚ ᱩᱰᱟᱹᱣ ᱫᱚ ᱵᱟᱠᱚ ᱩᱰᱟᱹᱣᱜᱼᱟ ᱮᱴᱟᱜ ᱪᱮᱬᱮ ᱠᱚ ᱞᱮᱠᱟ ᱾ [᱓]

ᱦᱚᱲᱢᱚ ᱜᱚᱲᱦᱚᱱ ᱟᱨ ᱥᱟᱬᱮᱥᱥᱟᱯᱲᱟᱣ

ᱟᱫᱷᱟ ᱠᱷᱚᱱ ᱵᱟᱹᱲᱛᱤ ᱪᱮᱬᱮ ᱠᱚ ᱩᱰᱟᱹᱣ ᱫᱟᱲᱮᱭᱟᱜᱼᱟ, ᱡᱟᱦᱟᱸᱭ ᱩᱱᱠᱩ ᱫᱚ ᱥᱩᱨᱥᱩᱯᱩᱨ ᱡᱚᱛᱚ ᱡᱟᱝ ᱢᱮᱱᱟᱜ ᱡᱟᱱᱣᱟ ᱛᱷᱚᱠ ᱠᱷᱚᱱ ᱫᱚᱭ ᱵᱷᱮᱜᱟᱨ ᱠᱚᱣᱟ ᱾ ᱪᱮᱬᱮ ᱫᱚ ᱦᱟᱱᱟ ᱱᱷᱣᱟ ᱠᱚ ᱡᱚᱢᱟ, ᱡᱮᱞᱮᱠᱟ ᱡᱚ, ᱵᱟᱦᱟ, ᱡᱟᱝ, ᱥᱮᱭᱟ ᱡᱤᱞ, ᱟᱨ ᱠᱟᱹᱴᱤᱡ ᱠᱟᱹᱴᱤᱡ ᱡᱟᱱᱣᱟ ᱦᱟᱞᱚ ᱠᱟᱛᱮ ᱠᱚ ᱡᱚᱢ ᱠᱚᱣᱟ ᱾

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. del Hoyo, Josep (1992). Handbook of Birds of the World, Volume 1: Ostrich to Ducks. Barcelona: Lynx Edicions. ISBN 84-87334-10-5.  Unknown parameter |coauthors= ignored (|author= suggested) (help)
  2. Newton, Ian (2003). पक्षियों के बायोजियोग्राफी प्रजातीकरण. Amsterdam: Academic Press. pp. p. 463. ISBN 0-12-517375-X. 
  3. "List of birds of India". Wikipedia. 2007-04-27. Retrieved 2019-08-27.