Drawn love hearts.svg

ᱫᱩᱞᱟᱹᱲ ᱫᱚ ᱢᱤᱫ ᱟᱹᱭᱠᱟᱹᱣ ᱠᱟᱱᱟ ᱾ ᱫᱩᱞᱟᱹᱲ ᱫᱚ ᱟᱹᱰᱤ ᱞᱮᱠᱟᱱ ᱩᱭᱦᱺᱹᱨ, ᱵᱷᱟᱵᱽᱱᱟ ᱟᱨ ᱵᱮᱵᱷᱟᱨ ᱨᱮᱭᱟᱜ ᱢᱮᱥᱟᱥᱮᱱᱟ ᱠᱟᱱᱟ ᱾ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲᱟᱜ ᱫᱩᱞᱟᱹᱲ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱠᱩᱥᱤ ᱨᱟᱹᱥᱠᱟᱹ ᱯᱟᱥᱱᱟᱣ ᱨᱮᱭᱟᱜ ᱠᱟᱱᱟ ᱾ ᱱᱚᱣᱟ ᱫᱚ ᱢᱤᱫ ᱟᱹᱰᱤ ᱠᱮᱴᱮᱡ ᱢᱩᱦᱤᱛ ᱟᱨ ᱟᱯᱱᱟᱨ ᱛᱮ ᱡᱩᱲᱟᱹᱭ ᱢᱤᱫᱩᱜ ᱨᱮᱭᱟᱜ ᱢᱤᱫ ᱵᱷᱟᱵᱽᱱᱟ ᱠᱟᱱᱟ ᱾ ᱢᱤᱫ ᱦᱚᱲᱟᱜ ᱫᱟᱭᱟ, ᱵᱷᱟᱵᱽᱱᱟ, ᱟᱨ ᱜᱚᱨᱚᱡᱽ ᱥᱚᱫᱚᱨ ᱨᱮᱭᱟᱜ ᱛᱚᱦᱚᱨ ᱦᱚᱸ ᱢᱟᱱᱟᱣ ᱵᱟᱛᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱤᱡᱚᱨ ᱞᱟᱹᱜᱤᱫ ᱟᱨᱵᱟᱝ ᱢᱤᱫ ᱡᱟᱱᱣᱟ ᱞᱟᱹᱜᱤᱫ ᱟᱨ ᱵᱟᱝ ᱢᱤᱫ ᱢᱟᱹᱱᱢᱤ ᱞᱟᱹᱜᱤᱫ ᱜᱮ ᱜᱚᱨᱚᱡᱽ ᱯᱮᱨᱮᱡ ᱠᱟᱹᱢᱤ ᱛᱚᱨᱟᱣ ᱟᱨᱵᱟᱝ ᱥᱚᱫᱚᱨ ᱟᱭ ᱜᱮ ᱫᱩᱞᱟᱹᱲ ᱵᱚᱱ ᱢᱮᱱ ᱫᱟᱲᱮᱭᱟᱜᱼᱟ ᱾ ᱠᱟᱛᱷᱟ ᱨᱮᱠᱚ ᱢᱮᱱᱟ ᱫᱚ ᱡᱩᱫᱤ ᱡᱤᱭᱚᱱ ᱨᱮ ᱫᱩᱞᱟᱹᱲ ᱛᱟᱦᱮᱸᱱᱟ ᱮᱱᱠᱷᱟᱱ ᱡᱤᱭᱚᱱ ᱟᱹᱨᱩᱯᱷᱮᱨᱟᱣ ᱩᱛᱟᱹᱨᱚᱜᱼᱟ ᱾

ᱥᱮᱫᱟᱭ ᱜᱨᱤᱠ ᱫᱚ ᱯᱮ ᱞᱮᱠᱟᱱᱟᱜ ᱫᱩᱞᱟᱹᱲ ᱠᱚ ᱪᱤᱱᱦᱟᱹᱣ ᱟᱠᱟᱜᱼᱟ : ᱯᱮᱲᱟ ᱥᱟᱹᱜᱟᱹᱭ, ᱡᱚᱴᱟᱣ, ᱫᱩᱞᱟᱹᱲ ᱨᱟᱹᱥᱠᱟᱹ ᱟᱸᱥ, ᱟᱨ ᱵᱚᱸᱜᱟ ᱵᱳᱨᱳ ᱞᱟᱹᱜᱤᱫ ᱫᱩᱞᱟᱹᱲ ᱾ ᱫᱩᱞᱟᱹᱲ ᱫᱚ ᱟᱹᱰᱤ ᱵᱮᱲᱟᱨᱮ ᱵᱟᱥᱱᱟ ᱥᱟᱶ ᱠᱚ ᱛᱩᱞᱟᱹᱡᱚᱠᱷᱟᱭᱟ ᱾ ᱫᱩᱞᱟᱹᱲ ᱫᱚ ᱡᱚᱴᱟᱣ ᱢᱮᱱ ᱞᱮᱠᱷᱟᱱ ᱜᱟᱺ:ᱦᱤᱨ ᱡᱚᱴᱟᱣ ᱥᱟᱶ ᱦᱚᱸ ᱠᱚ ᱛᱩᱞᱟᱹᱡᱚᱠᱷᱟᱭᱟ ᱾ ᱚᱱᱠᱟ ᱢᱮᱱ ᱞᱮᱠᱷᱟᱱ ᱫᱩᱞᱟᱹᱲ ᱫᱚ ᱢᱤᱫ ᱟᱹᱭᱠᱟᱹᱣ ᱠᱟᱱᱟ ᱡᱟᱦᱟᱸ ᱫᱚ ᱢᱤᱫ ᱢᱟᱹᱱᱢᱤ ᱟᱨ ᱢᱤᱫ ᱢᱟᱹᱱᱢᱤ ᱞᱟᱹᱜᱤᱫ ᱮ ᱟᱹᱭᱠᱟᱣᱟ ᱾ ᱡᱩᱫᱤ ᱟᱵᱚ ᱫᱩᱞᱟᱹᱲ ᱨᱮᱭᱟᱜ ᱵᱚᱱ ᱠᱟᱛᱷᱟᱭ ᱠᱷᱟᱱ ᱫᱩᱞᱟᱹᱲ ᱡᱤᱭᱚᱱ ᱨᱮᱭᱟᱜ ᱡᱟᱦᱟᱸ ᱞᱮᱠᱟ H+O2 = H2O ᱦᱩᱭᱩᱜᱼᱟ ᱴᱷᱤᱠ ᱚᱱᱠᱟ ᱜᱮ ᱫᱩᱞᱟᱹᱲ ᱦᱚᱸ ᱵᱟᱨ ᱦᱚᱲ ᱛᱟᱞᱟᱨᱮ ᱢᱮᱥᱟ ᱠᱟᱛᱮ ᱡᱤᱭᱚᱱ ᱠᱤᱱ ᱜᱚᱲᱦᱚᱱᱟ ᱾

ᱫᱩᱞᱟᱹᱲ ᱨᱮᱭᱟᱜ ᱨᱩᱯᱥᱟᱯᱲᱟᱣ

ᱢᱤᱫ ᱦᱚᱲᱟᱜ ᱫᱩᱞᱟᱹᱲ

ᱢᱤᱫ ᱦᱚᱲ ᱡᱟᱦᱟᱸ ᱜᱮ ᱢᱤᱫ ᱡᱤᱱᱤᱥ, ᱠᱟᱹᱢᱤ ᱟᱨᱵᱟᱝ ᱡᱚᱥ ᱦᱚᱸᱭ ᱫᱩᱞᱟᱹᱲ ᱫᱟᱲᱮᱭᱟᱜᱼᱟ ᱡᱟᱦᱟᱸ ᱥᱟᱶ ᱩᱱᱤ ᱡᱩᱲᱟᱹᱭ ᱮ ᱛᱟᱦᱮᱸᱱᱟ ᱟᱨᱵᱟᱝ ᱡᱟᱦᱟᱸ ᱫᱚ ᱩᱱᱤᱭ ᱦᱮᱛᱟ ᱦᱟᱜᱼᱟ ᱾ ᱢᱟᱹᱱᱢᱤ ᱢᱤᱫ ᱡᱟᱭ, ᱡᱟᱱᱣᱟ ᱟᱨᱵᱟᱝ ᱠᱟᱹᱢᱤ ᱦᱚᱸᱭ ᱫᱩᱞᱟᱹᱲ ᱫᱟᱲᱮᱭᱟᱜᱼᱟ ᱡᱟᱦᱟᱸ ᱥᱟᱶ ᱩᱱᱤ ᱟᱡᱟᱜ ᱡᱩᱲᱟᱹᱭ ᱛᱟᱦᱮᱸᱱ ᱮ ᱟᱹᱭᱠᱟᱹᱣ ᱫᱟᱲᱮᱭᱟᱜᱼᱟ ᱟᱨ ᱟᱡ ᱱᱤᱡᱮ ᱚᱱᱟ ᱥᱟᱶ ᱡᱩᱲᱟᱹᱭ ᱛᱟᱦᱮᱸᱱ ᱮ ᱨᱤᱠᱟᱹᱭᱟ ᱾ ᱢᱤᱫ ᱦᱚᱲᱟᱜ ᱫᱩᱞᱟᱹᱲ ᱫᱚ ᱥᱟᱫᱷᱟᱨᱚᱱ ᱫᱩᱞᱟᱹᱲ ᱞᱮᱠᱟ ᱫᱚ ᱵᱟᱝ ᱠᱟᱱᱟ ᱱᱚᱣᱟ ᱫᱚ ᱢᱟᱹᱱᱢᱤᱭᱟᱜ ᱚᱱᱛᱚᱨ ᱨᱮᱭᱟᱜ ᱢᱤᱫ ᱞᱮᱠᱟᱱ ᱱᱚᱡᱚᱨ ᱵᱮᱵᱷᱟᱨ ᱠᱟᱱᱟ ᱡᱟᱦᱟᱸ ᱫᱚ ᱫᱩᱥᱨᱟᱹ ᱞᱟᱹᱜᱤᱫ ᱱᱮᱢᱚᱥ ᱯᱮᱨᱮᱡ ᱢᱚᱱᱮ ᱨᱮᱭᱟᱜ ᱵᱮᱵᱷᱟᱨ ᱥᱟᱨᱥᱟᱣᱜᱼᱟ ᱡᱟᱦᱟᱸ ᱫᱟᱭᱟ, ᱥᱟᱦᱟᱣ, ᱤᱠᱟᱹ ᱟᱨ ᱜᱚᱨᱚᱡᱽ ᱟᱹᱰᱤ ᱞᱮᱠᱟᱱ ᱵᱮᱵᱷᱟᱨ ᱛᱮ ᱥᱚᱫᱚᱨ ᱥᱟᱢᱟᱝ ᱚᱜᱼᱟ ᱾ ᱡᱩᱫᱤ ᱢᱟᱢᱩᱞᱤ ᱟᱹᱭᱟᱹᱛ ᱛᱮᱵᱚᱱ ᱢᱮᱱ ᱠᱷᱟᱱ ᱢᱤᱫ ᱦᱚᱲᱟᱜ ᱫᱩᱞᱟᱹᱲ ᱫᱚᱥᱟᱨ ᱪᱮᱛᱟᱱ ᱨᱮ ᱵᱮᱵᱷᱟᱨ ᱵᱚᱱ ᱢᱮᱱ ᱫᱟᱲᱮᱭᱟᱜᱼᱟ ᱾ ᱚᱱᱟᱛᱮ ᱢᱤᱫ ᱦᱚᱲ ᱮᱠᱞᱟ ᱟᱜ ᱫᱩᱞᱟᱹᱲ ᱫᱚ ᱢᱤᱫ ᱞᱟᱹᱜᱤᱫ ᱢᱟᱹᱱᱢᱤᱭᱟᱜ ᱩᱭᱦᱟᱹᱨ ᱪᱮᱛᱟᱱ ᱨᱮ ᱞᱟᱫᱮ ᱛᱟᱦᱮᱸᱱᱟ ᱾

ᱫᱩᱯᱩᱞᱟᱹᱲ

ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲ ᱮ ᱫᱩᱞᱟᱹᱲ ᱮ ᱱᱚᱣᱟ ᱜᱮ ᱫᱩᱯᱩᱞᱟᱹᱲ ᱫᱚᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱫᱚ ᱠᱷᱟᱹᱞᱤ ᱢᱤᱫ ᱦᱚᱲᱟᱜ ᱠᱷᱚᱡᱽ ᱟᱨ ᱢᱤᱫ ᱦᱚᱲ ᱞᱟᱹᱜᱤᱫ ᱥᱩᱢᱩᱝ ᱫᱚ ᱵᱟᱝ ᱠᱟᱱᱟ ᱢᱤᱫ ᱟᱹᱰᱤ ᱫᱚᱲᱦᱚ ᱟᱹᱭᱠᱟᱹᱣ ᱠᱟᱱᱟ ᱾ ᱡᱟᱦᱟᱸ ᱫᱩᱞᱟᱹᱲ ᱨᱮᱭᱟᱜ ᱩᱭᱦᱟᱹᱨ ᱵᱟᱝ ᱵᱚᱫᱚᱞᱚᱜᱼᱟ ᱚᱱᱟ ᱫᱚ ᱜᱟᱺᱦᱤᱨ ᱚᱨᱥᱚᱝ ᱫᱩᱞᱟᱹᱲ ᱠᱚ ᱢᱮᱛᱟᱜᱼᱟ ᱾ ᱱᱚᱝᱠᱟᱱ ᱫᱩᱞᱟᱹᱲ ᱫᱚ ᱜᱷᱟᱨᱚᱸᱡᱽ ᱨᱮ ᱜᱷᱟᱨᱚᱸᱡᱤᱭᱟᱹ, ᱡᱚᱴᱟᱣ ᱟᱨ ᱫᱩᱯᱩᱞᱟᱹᱲ ᱠᱟᱱ ᱠᱚ ᱛᱟᱞᱟᱨᱮ ᱧᱮᱞ ᱧᱟᱢᱚᱜᱼᱟ ᱾ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲᱟᱜ ᱥᱟᱹᱜᱟᱹᱭ ᱵᱟᱨᱭᱟ ᱢᱟᱹᱱᱢᱤ ᱥᱟᱶ ᱫᱚᱲᱦᱚ, ᱜᱟᱺᱦᱤᱨ ᱟᱨ ᱥᱩᱯᱩᱨ ᱞᱟᱹᱜᱤᱫ ᱜᱚᱲᱚ ᱜᱚᱯᱚᱲᱚ ᱛᱟᱦᱮᱸᱱᱟ ᱾ ᱱᱚᱝᱠᱟᱱ ᱥᱟᱹᱜᱟᱹᱭ ᱫᱚ ᱡᱩᱢᱤᱫᱽ, ᱵᱮᱯᱟᱨ ᱵᱟᱹᱱᱤᱡ ᱞᱟᱹᱜᱤᱫ ᱜᱟᱞᱢᱟᱨᱟᱣ, ᱥᱟᱶᱛᱟ ᱞᱟᱹᱜᱤᱫ ᱟᱺᱜᱤᱵᱷᱟᱨ ᱠᱷᱟᱹᱛᱤᱨ ᱵᱮᱱᱟᱣᱜᱼᱟ ᱾ ᱱᱚᱣᱟ ᱫᱚ ᱥᱟᱶᱛᱟᱨᱤ, ᱞᱟᱹᱭᱞᱟᱠᱪᱟᱨ, ᱟᱨ ᱮᱴᱟᱜ ᱮᱛᱮᱫ ᱠᱷᱚᱱ ᱦᱚᱸ ᱵᱟᱹᱲᱛᱤ ᱚᱨᱥᱚᱝ ᱛᱟᱦᱮᱸᱱᱟ ᱾ ᱱᱚᱣᱟ ᱥᱟᱹᱜᱟᱹᱭ ᱫᱚ ᱜᱷᱟᱨᱚᱸᱡᱽ, ᱯᱮᱲᱟ ᱯᱟᱹᱦᱬᱟᱹ, ᱡᱚᱴᱟᱣ, ᱠᱟᱹᱢᱤ, ᱵᱟᱯᱞᱟ, ᱚᱲᱟᱜ ᱥᱩᱨ ᱥᱟᱹᱜᱟᱹᱭ ᱟᱨ ᱢᱩᱫᱽᱨᱤ, ᱡᱟᱦᱮᱨ ᱞᱮᱠᱟᱛᱮ ᱟᱹᱨᱩ ᱟᱠᱟ ᱛᱟᱦᱮᱸᱱᱟ ᱾ ᱱᱚᱣᱟ ᱫᱚ ᱠᱟᱱᱩᱱ ᱦᱚᱛᱮᱛᱮ ᱟᱨᱵᱟᱝ ᱨᱟᱭᱨᱤᱛ ᱞᱮᱠᱟᱛᱮ ᱟᱨᱵᱟᱝ ᱟᱯᱱᱟᱨ ᱵᱩᱯᱩᱡᱷᱟᱹᱣ ᱦᱚᱛᱮᱛᱮ ᱥᱚᱞᱦᱮ ᱥᱟᱶᱟᱨ ᱥᱟᱹᱜᱟᱹᱭ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱫᱚ ᱥᱟᱶᱛᱟᱨᱤ ᱡᱩᱢᱤᱫᱽ ᱟᱨ ᱥᱟᱶᱛᱟ ᱨᱮᱭᱟᱜ ᱛᱚᱦᱚᱨ ᱠᱟᱱᱟ ᱾

ᱫᱩᱯᱩᱞᱟᱹᱲ ᱨᱮᱭᱟᱜ ᱟᱹᱰᱤ ᱞᱮᱠᱟᱱ ᱰᱟᱦᱟᱨᱥᱟᱯᱲᱟᱣ

ᱡᱩᱣᱟᱹᱱ ᱚᱠᱛᱚ ᱨᱮᱭᱟᱜ ᱫᱩᱞᱟᱹᱲ ᱫᱚ ᱨᱮᱸᱜᱮᱡ ᱟᱨ ᱛᱮᱛᱟᱝ ᱞᱮᱠᱟᱛᱮ ᱥᱚᱫᱚᱨ ᱟᱠᱟᱱᱟ ᱾ ᱦᱮᱞᱮᱱ ᱯᱷᱤᱥᱳᱨ ᱫᱚ ᱫᱩᱞᱟᱹᱲ ᱨᱤᱱᱤᱡ ᱟᱹᱰᱤ ᱢᱟᱨᱟᱝ ᱯᱟᱹᱨᱩᱠᱷᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱩᱞᱟᱹᱲ ᱨᱮᱭᱟᱜ ᱮᱠᱥᱯᱮᱨᱤᱭᱮᱱᱥ ᱫᱚ ᱯᱮ ᱦᱟᱹᱴᱤᱧ ᱨᱮᱭ ᱦᱟᱹᱴᱤᱧ ᱟᱠᱟᱜᱼᱟ: ᱞᱩᱥᱴ, ᱟᱴᱨᱟᱠᱥᱳᱱ ᱟᱨ ᱟᱴᱟᱪᱢᱮᱸᱴ ᱾

ᱟᱨ ᱦᱚᱸ ᱧᱮᱞ ᱢᱮᱥᱟᱯᱲᱟᱣ

https://en.m.wikipedia.org/wiki/Love_at_first_sight

https://en.m.wikipedia.org/wiki/Polyamor

https://en.m.wikipedia.org/wiki/Romance_(love)

ᱥᱟ.ᱠᱷᱭᱟ.ᱛᱥᱟᱯᱲᱟᱣ

https://en.m.wikipedia.org/wiki/Oxford_English_Dictionary

https://en.m.wikipedia.org/wiki/Cambridge_Advanced_Learner%27s_Dictionary

http://www.merriam-webster.com/dictionary/love

https://web.archive.org/web/20120530043739/http://www.slideshare.net/azharabbas/just-love

https://web.archive.org/web/20070930072056/http://www.trueopenlove.org/reference/AncientLovePoetry.html

ᱵᱟᱦᱨᱮ ᱡᱚᱱᱚᱲᱥᱟᱯᱲᱟᱣ

http://www.iep.utm.edu/love-his/

https://curlie.org/Society/Relationships/Friendship/

https://curlie.org/Society/Philanthropy/

https://curlie.org/Society/Relationships/Romance/