ᱫᱩᱞᱟᱹᱲ ᱢᱟᱦᱟᱸ ᱵᱟ ᱥᱮᱱᱴ ᱵᱷᱮᱞᱮᱱᱴᱟᱭᱤᱱᱥ ᱰᱮ ᱫᱚ ᱢᱤᱫᱴᱟᱝ ᱥᱮᱨᱢᱟ ᱨᱮᱱᱟᱜ ᱯᱚᱨᱚᱵᱽ ᱠᱟᱱᱟ ᱾ ᱚᱱᱟ ᱫᱚ ᱑᱔ ᱯᱷᱮᱵᱽᱨᱩᱣᱟᱨᱤ ᱪᱟᱸᱫᱚ ᱨᱮ ᱦᱩᱭᱩᱜᱼᱟ ᱾ ᱟᱨ ᱨᱟᱹᱥᱠᱟᱹ ᱥᱟᱶ ᱜᱮᱠᱚ ᱢᱟᱱᱟᱣ ᱤᱫᱤᱭᱟ ᱾ ᱱᱤᱭᱟᱸ ᱯᱚᱨᱚᱵᱽ ᱫᱚ ᱫᱟᱹᱨᱛᱤ ᱨᱮᱱᱟᱜ ᱟᱭᱢᱟ ᱜᱟᱱ ᱫᱤᱥᱟᱹᱢ ᱨᱮᱜᱮᱠᱚ ᱢᱟᱱᱟᱣ ᱤᱫᱤᱭ ᱫᱟ ᱾ ᱤᱠᱷᱟᱱ ᱪᱷᱩᱴᱤ ᱢᱟᱦᱟ ᱫᱚ ᱟᱭᱢᱟ ᱫᱤᱥᱚᱢ ᱨᱮᱜᱮ ᱵᱟᱝ ᱠᱟᱱᱟ ᱾

ᱫᱩᱞᱟᱹᱲ ᱢᱟᱦᱟᱸ
1909 Valentine's card
ᱮᱴᱟᱜ ᱧᱩᱛᱩᱢSaint Valentine's Day or the Feast of Saint Valentine
ᱢᱟᱱᱟᱣᱠᱩ People in many countries;
Anglican Communion (see calendar)

Lutheran Church (see calendar)

Traditionalist Catholicism (see calendar)
ᱞᱮᱠᱟᱱChristian, romantic, cultural, commercial observance
ᱢᱳᱦᱚᱴᱣᱚFeast day of Saint Valentine; the celebration of love and affection
ObservancesSending greeting cards and gifts, dating, church services, novenas
ᱢᱟᱹᱦᱤᱛ
ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢAnnual

ᱱᱟᱜᱟᱢ ᱥᱟᱯᱲᱟᱣ

᱒᱖᱙ ᱥᱮᱨᱢᱟ ᱨᱮ ᱤᱛᱟᱞᱤ ᱨᱮᱱᱟᱜ ᱨᱳᱢ ᱥᱚᱦᱚᱨ ᱨᱮ ᱥᱮᱱᱴ ᱵᱷᱮᱞᱮᱱᱴᱟᱭᱤᱱᱥ ᱧᱩᱛᱩᱢ ᱛᱮ ᱢᱤᱫᱴᱮᱱ ᱤᱥᱟᱹᱭ ᱯᱟᱫᱽᱨᱤ ᱥᱟᱶ ᱰᱟᱠᱛᱟᱨᱮ ᱛᱟᱸᱦᱮᱸᱠᱟᱱᱟ᱾ ᱫᱷᱚᱨᱚᱢ ᱯᱟᱥᱱᱟᱣ ᱨᱮᱱᱟᱜ ᱚᱵᱷᱤᱡᱳᱜᱽ ᱠᱷᱟᱹᱛᱤᱨ ᱨᱳᱢ ᱥᱚᱢᱨᱟᱴ ᱫᱚᱥᱟᱨ ᱠᱨᱟᱰᱤᱭᱟᱥ ᱩᱱᱤ ᱫᱚᱭ ᱵᱳᱱᱫᱤ ᱞᱤᱫᱤᱭᱟ᱾ ᱩᱱ ᱚᱠᱛᱚ ᱨᱮᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱨᱮ ᱤᱥᱟᱹᱭ ᱫᱷᱚᱨᱚᱢ ᱯᱟᱥᱱᱟᱣ ᱫᱚ ᱨᱩᱠᱷᱤᱭᱟᱹ ᱜᱮ ᱛᱟᱸᱦᱮᱸᱠᱟᱱᱟ᱾ ᱵᱳᱱᱫᱤ ᱛᱟᱸᱦᱮᱸ ᱡᱚᱠᱷᱚᱡ ᱜᱮ ᱩᱱᱤ ᱫᱚ ᱢᱤᱫᱴᱮᱱ ᱠᱟᱨᱟ ᱨᱳᱠᱷᱤ ᱨᱮᱱ ᱢᱤᱫᱴᱮᱱ ᱠᱟᱬᱤ ᱠᱩᱲᱤ ᱜᱤᱫᱨᱟᱹᱭ ᱵᱮᱥ ᱞᱤᱫᱤᱭᱟ᱾ ᱚᱱᱟ ᱠᱷᱟᱹᱛᱤᱨ ᱩᱱᱤᱭᱟ ᱧᱩᱛᱩᱢ ᱯᱟᱥᱱᱟᱣ ᱮᱱ ᱛᱟᱭᱟ᱾ ᱚᱱᱟ ᱠᱷᱟᱹᱛᱤᱨ ᱨᱟᱡᱟ ᱨᱟᱸᱜᱟᱣ ᱛᱮ ᱩᱱᱤ ᱯᱷᱟᱹᱥᱤ ᱛᱮ ᱜᱚᱡᱽ ᱨᱮᱱᱟᱜ-ᱮ ᱦᱩᱠᱩᱢ ᱠᱮᱫᱟ᱾ ᱟᱨ ᱚᱱᱟ ᱢᱟᱦᱟᱸ ᱫᱚ ᱑᱔ ᱯᱷᱮᱵᱨᱩᱣᱟᱨᱤ ᱛᱟᱸᱦᱮᱸ ᱠᱟᱱᱟ᱾ ᱤᱱᱟᱹ ᱛᱟᱭᱚᱢ ᱔᱙᱖ ᱥᱮᱨᱢᱟ ᱨᱮ ᱯᱳᱯ ᱥᱮᱱᱴ ᱡᱮᱞᱟᱥᱤᱣ ᱯᱟᱹᱦᱤᱞ ᱡᱩᱞᱤᱭᱟᱥ ᱵᱷᱮᱞᱮᱱᱴᱟᱭᱤᱱ ᱫᱤᱥᱟᱹᱛᱮ ᱑᱔ ᱯᱷᱮᱵᱨᱩᱣᱟᱨᱤ ᱫᱚ ᱵᱷᱮᱞᱮᱱᱴᱟᱭᱤᱱ ᱢᱟᱦᱟᱸ ᱢᱮᱱᱛᱮᱭ ᱜᱷᱳᱥᱳᱱᱟ ᱞᱮᱫᱟ᱾

ᱯᱟᱹᱪᱷᱤᱢ ᱫᱤᱥᱟᱹᱢ ᱠᱚᱨᱮ ᱡᱟᱱᱟᱢ ᱢᱟᱦᱟᱸ ᱥᱮ ᱫᱷᱚᱨᱚᱢ ᱯᱚᱨᱚᱵᱽ ᱥᱮ ᱮᱴᱟᱜ ᱡᱟᱦᱟᱸᱱᱟᱜ ᱯᱚᱨᱚᱵᱽ ᱨᱮᱜᱮ ᱵᱷᱳᱜᱽ ᱜᱮ ᱢᱟᱨᱟᱝ ᱦᱤᱥᱟᱹᱵᱛᱮ ᱠᱚ ᱧᱮᱞᱟ᱾ ᱚᱱᱟ ᱠᱟᱨᱚᱱ ᱛᱮ ᱜᱤᱨᱡᱟᱹ ᱚᱲᱟᱜ ᱨᱮᱦᱚᱸ ᱯᱟᱹᱣᱨᱟᱹ ᱠᱚ ᱧᱩᱭ ᱜᱮᱭᱟ᱾ ᱵᱷᱮᱞᱮᱱᱴᱟᱭᱤᱱ ᱢᱟᱦᱟᱸ ᱞᱟᱹᱜᱤᱛ ᱤᱥᱟᱹᱭ ᱫᱷᱚᱨᱚᱢ ᱨᱮᱱᱟᱜ ᱯᱟᱹᱛᱭᱟᱹᱣ ᱪᱟᱵᱟ ᱠᱷᱟᱹᱛᱤᱨ ᱑᱗᱗᱖ ᱥᱮᱨᱢᱟ ᱨᱮ ᱯᱷᱨᱟᱱᱥ ᱥᱚᱨᱠᱟᱨ ᱱᱚᱣᱟ ᱢᱟᱦᱟᱸ ᱢᱟᱱᱟᱣ ᱮ ᱵᱚᱸᱫᱷ ᱞᱮᱫᱟ᱾ ᱤᱝᱞᱮᱱᱰ ᱨᱮᱦᱚᱸ ᱱᱚᱣᱟ ᱠᱩ ᱵᱚᱸᱫᱷ ᱞᱮᱫᱟ᱾ ᱚᱥᱴᱨᱤᱭᱟ, ᱦᱟᱝᱜᱮᱨᱤ, ᱡᱟᱨᱢᱟᱱᱤ ᱨᱮᱦᱚᱸ ᱠᱚ ᱵᱚᱸᱫᱷ ᱞᱮᱫᱟ᱾ ᱯᱟᱠᱤᱥᱛᱟᱱ ᱥᱚᱨᱠᱟᱨ ᱒᱐᱑᱗ ᱥᱮᱨᱢᱟ ᱨᱮ ᱫᱩᱞᱟᱹᱲ ᱢᱟᱦᱟᱸ ᱤᱥᱞᱟᱢ ᱫᱷᱚᱨᱚᱢ ᱥᱟᱶᱛᱮ ᱥᱟᱝᱜᱷᱚᱨᱥᱤᱠ ᱠᱷᱟᱹᱛᱤᱨ ᱠᱩ ᱵᱚᱸᱫᱷ ᱟᱠᱟᱫᱟ᱾ ᱛᱚᱵᱮ ᱱᱮᱛᱟᱨ ᱢᱟᱦᱟᱸ ᱠᱚᱨᱮ ᱫᱚ ᱯᱟᱹᱪᱷᱤᱢ ᱥᱮᱱᱟᱜ ᱫᱤᱥᱟᱹᱢ ᱠᱚᱨᱮ ᱫᱚ ᱱᱚᱣᱟ ᱫᱩᱞᱟᱹᱲ ᱢᱟᱦᱟᱸ ᱫᱚ ᱟᱹᱰᱤ ᱡᱟᱠ ᱡᱚᱢᱚᱠ ᱟᱛᱮ ᱠᱩ ᱢᱟᱱᱟᱣ ᱫᱟ ᱟᱨ ᱱᱚᱣᱟ ᱢᱟᱦᱟᱸᱨᱮ ᱟᱹᱰᱤ ᱜᱮ ᱠᱟᱹᱣᱰᱤ ᱠᱩ ᱠᱚ ᱠᱷᱚᱨᱪᱟᱭ ᱫᱟ᱾

ᱢᱟᱨᱮ ᱫᱩᱞᱟᱹᱲ ᱢᱟᱦᱟ ᱜᱤᱨᱟᱹ, ᱑᱘᱕᱐-᱑᱙᱕᱑ ᱥᱟᱯᱲᱟᱣ

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱟᱨᱦᱚᱸ ᱧᱮᱞ ᱥᱟᱯᱲᱟᱣ

ᱯᱷᱮᱵᱟᱛ ᱥᱟᱯᱲᱟᱣ