ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮ

ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮ ᱫᱚ ᱟ.ᱫᱤᱵᱟ.ᱥᱤ ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱟ.ᱰᱤ ᱢᱟᱨᱟᱱᱜ ᱵᱷᱩᱨᱠᱟ. ᱤᱯᱤᱞ ᱵᱟᱨᱟᱵᱟ.ᱨᱤ ᱦᱚᱲ ᱮ ᱛᱟᱸᱦᱮ ᱠᱟᱱᱟ᱾ᱟ.ᱫᱤᱵᱟ.ᱥᱤ ᱠᱚᱣᱟᱜ ᱡᱤᱭᱟ.ᱱ ᱞᱟ.ᱲᱦᱟ.ᱭ, ᱞᱟᱠᱪᱟᱨ, ᱥᱟᱶᱦᱮᱫ ᱟᱨ ᱱᱟᱜᱟᱢ ᱨᱮᱭᱟᱜ ᱟ.ᱰᱤᱜᱟᱱ ᱮ ᱛᱩᱱᱠᱷᱤ ᱛᱚᱞᱟᱥ‌ᱟᱠᱟᱫᱟ ᱟᱨ ᱟᱵᱳ ᱛᱟᱞᱟᱨᱮᱭ ᱥᱟᱨᱤ ᱥᱟᱫᱽᱞᱮ ᱟᱠᱟᱫᱟ᱾ᱥᱟᱱᱛᱟᱲ,ᱢᱩᱸᱰᱟ.,ᱳᱨᱟᱝ,ᱢᱮᱪ,ᱨᱟᱵᱷᱟ,ᱟᱥᱚᱠᱟᱭᱛᱮ ᱥᱟᱱᱛᱟᱲᱟᱜ ᱡᱤᱭᱟ.ᱱ ᱞᱟ.ᱣᱲᱤᱭᱟ.,ᱞᱟᱭᱼᱞᱟᱠᱪᱟᱨ ᱨᱮᱭᱟᱜ ᱢᱟᱨᱮ ᱠᱟᱛᱷᱟ,ᱱᱟᱜᱟᱢ ᱨᱮᱱᱟᱜ ᱵᱟᱲᱟᱭ ᱦᱩᱭᱩᱜ ᱠᱷᱟᱱ ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮᱭᱟᱜ ᱛᱩᱢᱟ.ᱞ ᱠᱷᱚᱸᱫᱽᱨᱚᱫ ᱠᱟᱛᱮᱜ ᱚᱞᱟᱜ ᱱᱟᱱᱟᱦᱩᱱᱟ.ᱨ ᱯᱩᱛᱷᱤ ᱯᱟᱰᱦᱟᱣ ᱛᱮᱜᱮᱡ ᱦᱩᱭᱩᱜ ᱛᱟ.ᱵᱩᱱᱟ᱾ᱥᱟᱱᱛᱟᱲᱤ ᱟᱨ ᱵᱟᱝᱞᱟ ᱯᱟ.ᱨᱥᱤᱛᱮ ᱚᱞ ᱠᱟᱛᱮᱜ ᱥᱟᱱᱛᱟᱲᱤ ᱟᱨ ᱵᱟᱝᱞᱟ ᱨᱚᱨᱚᱲᱟᱱ ᱦᱚᱲ ᱠᱚ ᱢᱩᱫᱽᱨᱮ ᱢᱤᱫ ᱥᱟ.ᱜᱟ.ᱭᱮ ᱡᱚᱲᱟᱣ ᱫᱟᱲᱮᱭᱟᱜ ᱛᱟᱸᱦᱮ᱾

ᱡᱟᱱᱟᱢ ᱩᱯᱩᱨᱩᱢ ᱥᱟᱯᱲᱟᱣ

ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮ ᱫᱚᱭ ᱡᱟᱱᱟᱢ ᱞᱮᱱᱟ ᱤᱝᱨᱮᱡᱤ ᱑᱙᱓᱐ ᱫᱟᱞ ᱨᱮᱱᱟᱜ ᱑᱙ ᱠᱤᱱ ᱢᱟ.ᱦᱤᱛ ᱦᱤᱞᱳᱜ ᱱᱟᱦᱟᱜ ᱯᱩᱪᱪᱷᱤᱢ ᱢᱤᱫᱱᱟᱯᱩᱨ ᱨᱮᱱᱟᱜ ᱵᱷᱤᱢᱯᱩᱨ ᱟᱛᱳᱨᱮ᱾ᱟᱯᱟᱛ ᱧᱩᱛᱩᱢ ᱫᱚ ᱯᱨᱤᱭᱚᱱᱟᱛᱷ ᱵᱟᱥᱠᱮ ᱟᱨ ᱮᱸᱜᱟᱛ ᱫᱚ ᱥᱚᱨᱳᱡᱤᱱᱤ ᱵᱟᱥᱠᱮ᱾

ᱚᱞᱚᱜ ᱡᱤᱭᱟᱹᱱ ᱥᱟᱯᱲᱟᱣ

ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮᱭᱟᱜ ᱯᱩᱭᱞᱟ. ᱚᱞᱚᱜ ᱫᱚ ᱮᱦᱳᱵ ᱞᱮᱱ ᱛᱟᱭᱟ ᱟᱛᱳ ᱨᱮᱱᱟᱜ ᱵᱷᱤᱢᱯᱩᱨ ᱤᱥᱠᱩᱞᱨᱮ᱾ ᱢᱮᱴᱨᱤᱠ ᱫᱚᱭ ᱯᱟᱥ ᱞᱮᱫᱟ ᱵᱷᱤᱢᱯᱩᱨ ᱥᱟᱱᱛᱟᱞ ᱦᱟᱭ ᱤᱥᱠᱩᱞ ᱠᱷᱚᱱ᱾ ᱞᱟ.ᱭ ᱛᱟᱨᱟ ᱜᱟᱱᱟᱜᱼᱟ,ᱤᱱᱟ. ᱚᱠᱛᱮ ᱫᱚ ᱵᱷᱤᱢᱯᱩᱨ ᱦᱟᱭ ᱩᱥᱠᱩᱞ ᱨᱮ ᱥᱟᱱᱛᱟᱲᱤᱛᱮ ᱯᱟᱰᱦᱟᱣ ᱦᱩᱭᱩᱜ ᱠᱟᱱ ᱛᱟᱸᱦᱮᱱᱟ᱾ᱦᱩᱜᱞᱤ ᱡᱤᱞᱟ. ᱨᱮᱱᱟᱜ ᱥᱨᱤᱨᱟᱢᱯᱩᱨ ᱢᱚᱦᱟᱵᱤᱫᱫᱟᱞᱚᱭ ᱠᱷᱚᱱ I.A,B.A. ᱫᱚᱭ ᱯᱟᱥ ᱟᱠᱟᱫᱟ᱾

ᱠᱟ.ᱢᱤ ᱟᱨ ᱥᱟᱶᱦᱮᱫ ᱡᱤᱭᱟᱹᱱ ᱥᱟᱯᱲᱟᱣ

ᱜᱤᱫᱽᱨᱟᱹ. ᱯᱟᱲᱦᱟᱣ ᱜᱮ ᱡᱤᱭᱟ.ᱱ ᱨᱮᱱᱟᱜ ᱯᱩᱭᱞᱟ.ᱪᱟ.ᱠᱨᱤ ᱞᱮᱠᱟᱛᱮᱭ ᱮᱦᱚᱵ ᱞᱮᱫᱟ ᱟᱛᱳ ᱨᱮᱱᱟᱜ ᱵᱷᱤᱢᱯᱩᱨ ᱥᱟᱱᱛᱟᱲ ᱦᱟᱭ ᱤᱥᱠᱩᱞᱨᱮ, ᱚᱱᱟ ᱛᱟᱭᱱᱚᱢ ᱵᱤᱥᱱᱩᱯᱩᱨ ᱥᱤᱠᱠᱷᱟ ᱥᱚᱸᱜᱷᱚ ᱨᱮ᱾ ᱑᱙᱕᱖ ᱯᱩᱪᱪᱷᱤᱢ ᱵᱟᱝᱞᱟ ᱥᱚᱨᱠᱟᱨᱟᱜ ᱥᱚᱨᱟᱴᱽᱚ ᱫᱚᱯᱛᱚᱨ ᱠᱷᱚᱱ ᱵᱟᱝᱞᱟ ᱯᱚᱛᱨᱤᱠᱟ ᱠᱚᱛᱷᱟᱵᱟᱨᱛᱟ ᱨᱮᱭᱟᱜ ᱥᱟᱱᱛᱟᱲᱤᱛᱮ ᱜᱟᱞᱢᱟᱨᱟᱣ ᱯᱚᱛᱨᱤᱠᱟ ᱨᱮᱱ ᱥᱚᱦᱚᱫ ᱥᱟᱯᱲᱟᱣᱤᱡ ᱞᱮᱠᱟᱛᱮ ᱪᱟ.ᱠᱨᱤᱨᱮᱭ ᱵᱚᱞᱚᱭᱮᱱᱟ᱾ᱱᱚᱣᱟ ᱯᱚᱛᱨᱤᱠᱟ ᱜᱮ ᱛᱟᱭᱱᱚᱢ ᱛᱮ ᱯᱚᱥᱪᱷᱤᱢ ᱵᱟᱝᱞᱟ ᱧᱩᱛᱩᱢᱛᱮ ᱩᱪᱷᱟ.ᱱ ᱦᱤᱡᱩᱜ ᱠᱟᱱᱟ᱾᱑᱙᱕᱖ ᱠᱷᱚᱱ ᱑᱙᱘᱙ ᱥᱟᱞ ᱦᱟ.ᱵᱤᱪ ᱢᱤᱫ ᱞᱮᱛᱟᱨᱜᱮ ᱯᱮ ᱜᱮᱞ ᱯᱮ ᱥᱮᱨᱢᱟ ᱯᱚᱥᱪᱷᱤᱢ ᱵᱟᱝᱞᱟ ᱯᱚᱛᱨᱤᱠᱟ ᱟ.ᱰᱤ ᱢᱚᱡᱛᱮ ᱥᱟᱯᱲᱟᱣ ᱠᱟᱛᱮᱜ ᱩᱪᱷᱟ.ᱱ ᱟ.ᱜᱩ ᱟᱠᱟᱫᱟᱭ᱾ᱱᱚᱸᱰᱮ ᱪᱟ.ᱠᱨᱤ ᱛᱩᱞᱛᱪᱜᱮ ᱱᱤᱭᱩ ᱫᱤᱞᱞᱤ ᱨᱮᱭᱟᱜ (Indian Institute of Mass Communication) ᱠᱷᱚᱵᱚᱨᱤᱭᱟ. ᱞᱮᱠᱟᱛᱮᱭ ᱯᱟᱥ ᱞᱮᱫᱟ᱾ᱥᱚᱨᱠᱟᱨᱤ ᱠᱟ.ᱢᱤᱭᱟ. ᱞᱮᱠᱟᱛᱮ ᱪᱟ.ᱠᱨᱤ ᱯᱩᱨᱟ.ᱣ ᱠᱟᱛᱮᱜ ᱡᱤᱨᱟ.ᱣ ᱞᱮᱱ ᱨᱮᱦᱚᱸᱭ ᱯᱚᱥᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱚ ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮᱭᱟᱜ ᱢᱚᱡᱽ ᱠᱟ.ᱢᱤ ᱠᱟ.ᱨᱫᱷᱟ.ᱱᱤ ᱦᱚᱛᱮᱪᱛᱮ ᱟᱨᱦᱚᱸ ᱥᱚᱨᱠᱟᱨᱟᱜ ᱵᱮᱞᱟᱦᱟᱱᱛᱤ ᱜᱟᱸᱛᱟᱠ ᱵᱷᱟ.ᱞᱟ.ᱭ ᱵᱤᱵᱷᱟᱜ ᱨᱮᱭᱟᱜ ᱟ.ᱫᱤᱵᱟ.ᱥᱤ ᱩᱱᱱᱚᱭᱚᱱ ᱥᱚᱢᱚᱵᱟᱭ ᱱᱤᱜᱚᱢ ᱨᱮ ᱫᱤᱥ ᱦᱩᱫᱤᱥ ᱤᱡ ᱞᱮᱠᱟᱛᱮᱠᱚ ᱫᱚᱦᱚ ᱞᱤᱫᱤᱭᱟ᱾ᱱᱚᱸᱰᱮ ᱢᱟ.ᱱ ᱟᱱ ᱢᱟ.ᱪᱤᱨᱮ ᱫᱩᱲᱩᱯ ᱠᱟᱛᱮᱜᱦᱚᱸ ᱟ.ᱫᱤᱵᱟ.ᱥᱤ ᱵᱷᱟ.ᱞᱟ.ᱭ ᱨᱮᱱᱟᱜ ᱟ.ᱰᱤ ᱜᱟᱱ ᱠᱟ.ᱢᱤᱭ ᱠᱟ.ᱢᱤ ᱟᱠᱟᱫᱟ᱾ᱥᱚᱢᱚᱵᱟᱭ ᱱᱤᱜᱚᱢ ᱠᱷᱚᱱ 'ᱦᱚᱲ ᱠᱚᱨᱮᱱ ᱢᱟᱨᱮ ᱦᱟᱯᱲᱟᱢᱠᱚ ᱨᱮᱭᱟᱜ ᱠᱟᱛᱷᱟ','ᱢᱤᱫ ᱥᱟᱭ ᱢᱤᱫ ᱠᱟ.ᱦᱟ.ᱱᱤ','ᱥᱟ.ᱫᱷᱩ ᱨᱟᱢᱪᱟᱸᱫᱽ ᱚᱱᱚᱞ ᱢᱟᱞᱟ' ᱮᱢᱟᱱ ᱯᱩᱛᱷᱤᱠᱚ ᱟᱢᱟᱜ ᱠᱩᱨᱩᱢᱩᱴᱩ ᱛᱮᱜᱮ ᱩᱪᱷᱟ.ᱱ ᱞᱮᱱᱟ᱾ᱚᱱᱟ ᱵᱮᱜᱚᱨ ᱥᱟᱱᱛᱟᱲᱤ ᱯᱚᱛᱨᱤᱠᱟ ᱠᱚᱨᱮ ᱥᱚᱨᱠᱟᱨᱤ ᱮᱰᱵᱷᱮᱴᱟᱭᱤᱡᱢᱮᱸᱴᱽ ᱧᱟᱢ ᱨᱮᱱᱟᱜ ᱮ ᱵᱮᱵᱚᱥᱛᱟ ᱟᱠᱟᱫ ᱛᱟᱸᱦᱮ᱾ᱥᱚᱨᱠᱟᱨᱤ ᱠᱟ.ᱢᱤ‌ ᱠᱷᱚᱱ ᱡᱤᱨᱟ.ᱣ ᱠᱟᱛᱮᱜ ᱨᱤᱡᱮᱠᱴᱯᱟᱨᱠ ᱥᱩᱨ ᱥᱟ.ᱱᱛᱤᱱᱚᱜᱚᱨᱨᱮ ᱚᱲᱟᱜᱮ ᱵᱮᱱᱟᱣ ᱠᱟᱛᱮᱜ ᱛᱟᱸᱦᱮ ᱞᱮᱱᱟᱭ᱾ᱥᱟᱱᱛᱟᱲᱤ ᱯᱟ.ᱨᱥᱤ ᱦᱟᱨᱟᱵᱩᱨᱩᱨᱮ ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮᱭᱟᱜ ᱮᱱᱮᱢ ᱚᱦᱚᱜᱮ ᱞᱟ.ᱭ ᱯᱩᱨᱟ.ᱣ ᱠᱚᱜᱼᱟ᱾ᱯᱚᱪᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱠᱷᱚᱱ "ᱯᱚᱥᱪᱷᱤᱢ ᱵᱟᱝᱞᱟ" ᱯᱚᱛᱨᱤᱠᱟ ᱥᱟᱯᱲᱟᱣ ᱡᱚᱦᱚᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱩᱛᱽᱱᱟᱹᱣ ᱞᱟᱹᱜᱤᱫ 'ᱯᱚᱪᱪᱷᱤᱢ ᱵᱟᱝᱞᱟ' ᱯᱚᱛᱨᱤᱠᱟ ᱥᱚᱨᱠᱟᱨ ᱠᱷᱚᱵᱚᱨ ᱠᱟᱜᱚᱡ ᱦᱩᱭ ᱠᱟᱛᱮᱜ ᱦᱚᱸ ᱯᱚᱛᱨᱤᱠᱟᱨᱮ ᱚᱱᱚᱞ,ᱚᱱᱚᱲᱚᱦᱮᱸ,ᱠᱟᱹᱦᱱᱤ,ᱠᱩᱫᱩᱢ,ᱥᱮᱨᱮᱧᱠᱚ ᱥᱟᱯᱲᱟᱣ ᱠᱟᱛᱮᱜ ᱩᱪᱷᱟᱹᱱ ᱨᱮᱱᱟᱜ ᱠᱟᱹᱢᱤᱭ ᱮᱦᱚᱵ ᱞᱮᱫᱟ|ᱱᱚᱣᱟ ᱯᱚᱛᱨᱤᱠᱟ ᱜᱷᱚᱱ ᱟᱭᱢᱟ ᱱᱟᱣᱟ ᱱᱟᱣᱟ ᱚᱱᱚᱞᱤᱭᱟᱹᱠᱚ ᱨᱟᱠᱟᱵ ᱦᱮᱪ ᱟᱠᱟᱱᱟ|ᱩᱱᱠᱚ ᱢᱩᱫᱨᱮ ᱚᱠᱚᱭ ᱠᱚᱫᱚ ᱛᱤᱦᱤᱧ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ,ᱠᱚᱵᱤ ᱞᱮᱠᱟᱛᱮᱵᱚ ᱧᱟᱢ ᱟᱠᱟᱫ ᱠᱚᱣᱟ|ᱡᱟᱸᱦᱟᱭ ᱠᱚᱫᱚ ᱱᱤᱛᱦᱚᱸ ᱥᱟᱱᱛᱟᱲᱤ ᱯᱟᱹᱨᱥᱤ ᱦᱟᱨᱟᱵᱩᱨᱩᱨᱮ ᱟᱹᱰᱤᱜᱟᱱ ᱜᱚᱲᱚᱠᱚ ᱮᱢᱚᱜ ᱠᱟᱱᱟ|ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮ ᱚᱱᱚᱲᱚᱦᱮᱸ, ᱠᱟᱹᱦᱱᱤ ᱵᱟᱭ ᱚᱞ ᱟᱠᱟᱰ ᱨᱮᱦᱚᱸ, ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱞᱟᱠᱪᱟᱨ ᱛᱤᱱᱟᱹᱜ ᱠᱤᱸᱥᱟᱹᱲᱟ,ᱠᱷᱚᱸᱫᱽᱨᱚᱝ ᱛᱟᱞᱟᱛᱮ ᱵᱟᱝᱞᱟ, ᱥᱟᱱᱛᱟᱲᱤ, ᱵᱟᱱᱟᱨ ᱯᱟᱹᱨᱥᱤᱛᱮᱭ ᱚᱞ ᱩᱪᱷᱟᱹᱱ ᱟᱠᱟᱫᱟ|ᱟᱥᱚᱠᱟᱭᱛᱮ, ᱵᱟᱝᱞᱟ ᱯᱟᱹᱨᱥᱤᱛᱮ ᱚᱞ ᱠᱟᱛᱮᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱱᱛᱟᱲ ᱞᱟᱠᱪᱟᱨ ᱛᱤᱱᱟᱹᱜ ᱠᱤᱸᱥᱟᱹᱲᱟ, ᱥᱟᱱᱟᱢ ᱠᱚᱴᱷᱮᱱ ᱯᱨᱚᱢᱟᱱ ᱥᱟᱞᱟᱜᱮ ᱩᱫᱩᱜ ᱟᱠᱟᱫᱟ| 'ᱥᱟᱶᱛᱟᱞᱤ ᱵᱷᱟᱥᱟ ᱳ ᱥᱟᱦᱤᱛᱛᱮᱨ ᱤᱛᱤᱦᱟᱥ' ᱯᱩᱛᱷᱤᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱤᱱᱟᱹᱜ ᱢᱟᱨᱮᱭᱟᱜ ᱠᱤᱱᱥᱟᱹᱲ ᱯᱟᱹᱨᱥᱤ ᱠᱟᱱᱟ ᱚᱱᱟ ᱞᱟᱹᱭ ᱥᱚᱫᱚᱨ ᱟᱠᱟᱫᱟ|ᱥᱟᱱᱛᱟᱲᱤ ᱯᱟᱹᱨᱥᱤ ᱠᱮᱴᱮᱡ ᱟᱨ ᱠᱤᱸᱥᱟᱹᱲ ᱞᱟᱹᱜᱤᱫ ᱵᱮᱭᱟᱠᱚᱨᱚᱱ 'ᱦᱚᱲ ᱨᱚᱲ ᱵᱟᱭᱟᱱ ᱟᱹᱨᱤ' ᱯᱩᱛᱷᱤᱭ ᱚᱞ ᱥᱚᱫᱚᱨ ᱟᱠᱟᱫᱟ| ᱥᱟᱱᱛᱟᱲ ᱡᱮ ᱛᱤᱱᱟᱹᱜ ᱢᱟᱨᱮ ᱟᱨ ᱠᱤᱸᱥᱟᱹᱲᱟᱱ ᱡᱟᱹᱛ ᱠᱟᱱᱟᱠᱚ , ᱚᱱᱟ "ᱟᱹᱫᱤᱵᱟᱹᱥᱤ ᱥᱚᱢᱟᱡ ᱳ ᱯᱟᱞᱟ ᱯᱟᱨᱵᱚᱱ', ᱵᱟᱝᱞᱟᱨ ᱞᱳᱠᱳ ᱥᱟᱝᱥᱠᱨᱤᱛᱤ ᱳ ᱟᱹᱫᱤᱵᱟᱹᱥᱤ ᱥᱟᱝᱥᱠᱨᱤᱛᱤ', ᱯᱚᱪᱷᱤᱢ ᱵᱚᱝᱜᱮᱨ ᱟᱹᱫᱤᱵᱟᱹᱥᱤ ᱥᱚᱢᱟᱡ', ' ᱜᱚᱱᱚ ᱟᱱᱫᱳᱞᱚᱱᱮ ᱥᱟᱶᱛᱟᱞ ᱥᱚᱢᱟᱡ', ' ᱠᱟᱨᱟᱢ ᱵᱤᱱᱛᱤ', 'ᱵᱷᱟᱸᱫᱟᱱ ᱵᱤᱱᱛᱤ', 'ᱢᱮᱱ ᱠᱟᱛᱷᱟ ᱵᱷᱮᱱᱛᱟ ᱠᱟᱛᱷᱟ','ᱠᱩᱫᱩᱢ' ᱮᱢᱟᱱ ᱯᱩᱛᱷᱤ ᱛᱟᱞᱟᱛᱮᱭ ᱥᱚᱫᱚᱨ ᱟᱠᱟᱫᱟ|ᱥᱟᱱᱛᱟᱲ ᱡᱟᱹᱛ ᱪᱮᱛᱟᱱ ᱛᱤᱱᱟᱹᱜ ᱫᱩᱞᱟᱹᱲ ᱟᱨ ᱫᱚᱨᱚᱫ ᱛᱟᱸᱷᱮ ᱞᱮᱱᱨᱮᱜᱮ ᱱᱩᱱᱟᱹᱜ ᱯᱩᱛᱷᱤᱭ ᱚᱞ ᱥᱚᱫᱚᱨ ᱜᱟᱱ ᱟᱠᱟᱫᱟ|[᱑]

ᱯᱩᱛᱷᱤᱠᱚ ᱥᱟᱯᱲᱟᱣ

᱑) "ᱥᱟᱶᱛᱟᱞ ᱥᱚᱝᱜᱨᱟᱢᱮᱨ ᱤᱛᱤᱦᱟᱥ'|ᱯᱩᱭᱞᱳ ᱪᱷᱟᱯᱟ ᱥᱚᱫᱚᱨ ᱟᱠᱟᱱᱟ ᱑᱙᱗᱖ ᱥᱟᱞᱨᱮ|ᱱᱮ ᱦᱟᱹᱵᱤᱪᱛᱮ ᱮᱭᱟᱭ ᱫᱟᱦᱟᱣ ᱪᱷᱟᱯᱟ ᱥᱚᱫᱚᱨ ᱟᱠᱟᱱᱟ|

᱒) 'ᱥᱟᱱᱛᱟᱲᱤ ᱢᱮᱱ ᱠᱟᱛᱷᱟ ᱟᱨ ᱵᱷᱮᱱᱛᱟ ᱠᱟᱛᱷᱟ'| ᱑᱙᱘᱒ ᱥᱟᱞᱨᱮ ᱪᱷᱟᱯᱟ ᱟᱠᱟᱱᱟ|

᱓) 'ᱠᱩᱫᱩᱢ' (ᱦᱮᱸᱭᱟᱞᱤ)| ᱑᱙᱘᱒ ᱥᱟᱞᱨᱮ ᱪᱷᱟᱯᱟ ᱟᱠᱟᱱᱟ|

᱔)'ᱯᱚᱥᱪᱤᱢ ᱵᱚᱝᱜᱮᱨ ᱟᱹᱫᱤᱵᱟᱹᱥᱤ ᱥᱚᱢᱟᱡ ' (ᱯᱨᱚᱛᱷᱚᱢ ᱜᱷᱚᱸᱰᱚ)| ᱑᱙᱘᱗ ᱥᱟᱞᱨᱮ ᱪᱷᱟᱯᱟ ᱟᱠᱟᱱᱟ|

᱕)'ᱦᱚᱲ ᱢᱚᱦᱚᱞ ᱨᱮᱭᱟᱜ ᱟᱹᱨᱤ'| ᱑᱙᱘᱘ ᱥᱟᱞᱨᱮ|

᱖) 'ᱵᱚᱝᱜᱚ ᱥᱚᱝᱥᱠᱨᱤᱛᱤᱛᱮ ᱯᱨᱟᱠ ᱵᱚᱹᱫᱤᱠ ᱯᱨᱚᱵᱷᱟᱵ'| ᱑᱙᱙᱗ ᱥᱟᱞᱨᱮ|

᱗)'ᱦᱚᱲ ᱥᱚᱢᱟᱡ ᱨᱮᱭᱟᱜ ᱟᱹᱨᱤ ᱟᱨ ᱵᱤᱪᱟᱹᱨ ᱫᱷᱟᱨᱟ'|᱑᱙᱙᱗ ᱥᱟᱞᱨᱮ|

᱘)'ᱠᱟᱨᱟᱢ ᱵᱤᱱᱛᱤ'-᱑᱙᱙᱓ ᱥᱟᱞᱨᱮ|

᱙)'ᱵᱷᱟᱸᱰᱟᱱ ᱵᱤᱱᱛᱤ'- ᱑᱙᱙᱓ ᱥᱟᱞ|

᱑᱐)'ᱯᱩᱪᱪᱷᱤᱢ ᱵᱟᱝᱞᱟ ᱟᱨ ᱟᱵᱳᱨᱴᱮᱱ ᱟᱹᱜᱤᱞ ᱵᱤᱨᱟᱹᱫᱟᱹᱞᱤ ᱠᱚ"- ᱑᱙᱙᱕ ᱥᱟᱞ|

᱑᱑)'ᱜᱚᱱᱚ ᱟᱱᱫᱳᱞᱚᱱᱮ ᱥᱟᱶᱛᱟᱞ ᱥᱚᱢᱟᱡ' - ᱑᱙᱙᱖ ᱥᱟᱞ|

᱑᱒)"ᱢᱟᱨᱮ ᱦᱚᱲ ᱠᱟᱹᱦᱱᱤ' - ᱑᱙᱙᱗ ᱥᱟᱞ|

᱑᱓)'ᱫᱟᱸᱥᱟᱭ ᱫᱟᱲᱟᱱ ᱨᱮᱭᱟᱜ ᱛᱮᱛᱮᱫ ᱯᱟᱸᱡᱟ' - ᱑᱙᱙᱘ ᱥᱟᱞ|

᱑᱔)'ᱥᱟᱶᱛᱟᱞᱤ ᱵᱷᱟᱥᱟ ᱳ ᱥᱟᱦᱤᱛᱛᱮᱨ ᱤᱛᱤᱦᱟᱥ' - ᱑᱙᱙᱙ ᱥᱟᱞ|

᱑᱕)'ᱥᱟᱱᱛᱟᱲ ᱥᱚᱢᱟᱡᱽ ᱤᱧ ᱠᱩᱞᱤᱭᱮ ᱠᱟᱱᱟ' - ᱒᱐᱐᱐ ᱥᱟᱞᱨᱮ|

᱑᱖)'ᱦᱚᱲ ᱨᱚᱲ ᱵᱟᱭᱟᱱ ᱟᱹᱨᱤ' -᱒᱐᱐᱑ ᱥᱟᱞᱨᱮ|

᱑᱗)'The Tribes of West bengal" - ᱒᱐᱐᱒ ᱥᱟᱞᱨᱮ|

᱑᱘)'ᱵᱟᱦᱟ ᱯᱚᱨᱚᱵ ᱟᱨ ᱦᱚᱲ ᱥᱚᱢᱟᱡᱽ" ᱒᱐᱐᱒ ᱥᱟᱞᱨᱮ|

᱑᱙)'ᱵᱤᱭᱟᱞᱤᱥᱮᱨ ᱟᱜᱚᱥᱴᱽ ᱟᱱᱫᱳᱞᱚᱱᱮ ᱥᱟᱶᱛᱟᱞ ᱡᱚᱱᱚ ᱜᱳᱥᱴᱷᱤ' - ᱒᱐᱐᱓ ᱥᱟᱞᱨᱮ|

᱒᱐)'ᱦᱚᱲ ᱥᱚᱟᱢᱡᱽ ᱨᱮ ᱵᱚᱸᱜᱟᱵᱩᱨᱩᱠᱚ'᱒᱐᱐᱓ ᱥᱟᱞᱨᱮ|

᱒᱑)'ᱦᱚᱲ ᱵᱟᱯᱞᱟ ᱥᱮᱨᱮᱧ ᱯᱩᱛᱷᱤ' - ᱒᱐᱐᱒ ᱥᱟᱞᱨᱮ|

᱒᱒)'ᱟᱰᱤᱵᱟᱥᱰᱤ ᱥᱚᱢᱟᱡ ᱳ ᱯᱟᱞᱟ ᱯᱟᱨᱵᱚᱱ' - ᱒᱐᱐᱑ ᱥᱟᱞᱨᱮ|

᱒᱓)'ᱵᱟᱝᱞᱟᱨ ᱞᱳᱠ ᱥᱚᱝᱥᱠᱨᱤᱛᱤ ᱳ ᱟᱫᱤᱵᱟᱥᱤ ᱥᱚᱝᱥᱠᱨᱤᱛᱤ' - ᱒᱐᱐᱐ ᱥᱟᱞᱨᱮ|

᱒᱔)'ᱜᱤᱫᱽᱨᱟᱹ ᱵᱟᱹᱣᱞᱤ ᱥᱮᱨᱮᱧ' - ᱒᱐᱐᱙ ᱥᱟᱞᱨᱮ|

᱒᱕)'ᱯᱚᱥᱪᱤᱢ ᱵᱚᱝᱜᱮᱨ ᱟᱰᱤᱵᱟᱥᱤ ᱥᱚᱢᱟᱡ,ᱠᱷᱚᱸᱰᱚ ᱫᱤᱛᱛᱤᱭᱚ' - ᱒᱐᱐᱗ ᱥᱟᱞᱨᱮ|

ᱥᱤᱨᱯᱷᱟᱹ ᱥᱟᱯᱲᱟᱣ

᱑)'᱑᱙᱘᱖ ᱥᱟᱞᱨᱮ ᱩᱛᱛᱚᱨ ᱪᱚᱵᱽᱵᱤᱥ ᱯᱚᱨᱜᱚᱱᱟ ᱨᱚᱱᱚᱛᱚᱨᱤ ᱥᱟᱦᱤᱛᱛᱚ ᱯᱚᱛᱨᱤᱠᱟ ᱯᱟᱦᱴᱟ ᱠᱷᱚᱱ ᱥᱚᱱᱢᱟᱱ|'

᱒)ᱵᱟᱝᱞᱟᱨ ᱠᱚᱵᱤ,ᱞᱮᱜᱷᱚᱠ,ᱥᱤᱞᱯᱤ ᱳ ᱵᱩᱫᱽᱫᱷᱤᱡᱤᱵᱤ ᱢᱚᱦᱚᱞ ᱯᱟᱦᱴᱟ ᱠᱷᱚᱱ ᱑᱙᱘᱘ ᱥᱟᱞᱨᱮ ᱥᱤᱨᱯᱟᱹ|

᱓)ᱵᱟᱝᱞᱟ ᱫᱚᱞᱤᱛᱚ ᱥᱟᱦᱤᱛᱛᱚ ᱥᱚᱝᱥᱛᱷᱟ ᱯᱟᱦᱟᱴᱟ ᱠᱷᱚᱱ ᱑᱙᱙᱒ ᱥᱟᱞᱨᱮ 'ᱵᱤᱨᱥᱟᱹ ᱢᱩᱸᱰᱟᱨ ᱯᱩᱨᱚᱥᱠᱟᱨ'|

᱔)ᱯᱚᱥᱪᱷᱤᱢᱵᱚᱝᱜᱚ ᱥᱚᱨᱠᱟᱨ ᱯᱟᱦᱟᱴᱟ ᱠᱷᱚᱱ ᱑᱙᱙᱒ ᱥᱟᱞᱨᱮ " ᱜᱩᱱᱤᱡᱚᱱ ᱥᱚᱱᱢᱟᱱ'|

᱕)ᱚᱞ ᱤᱱᱰᱤᱭᱟ ᱥᱟᱱᱛᱟᱞᱤ ᱨᱟᱭᱴᱟᱨᱥ ᱮᱥᱳᱥᱤᱭᱮᱥᱚᱱ ᱯᱟᱦᱟᱴᱟ ᱠᱷᱚᱱ ᱑᱙᱙᱓ ᱥᱟᱞᱨᱮ ᱥᱟᱨᱦᱟᱣ ᱟᱨ ᱥᱤᱨᱯᱟᱹ|

᱖)ᱨᱚᱵᱤᱱᱫᱨᱚ ᱵᱷᱟᱨᱚᱛᱤ ᱵᱤᱥᱥᱚᱵᱤᱫᱫᱟᱞᱚᱭ ᱯᱟᱦᱟᱴᱟ ᱠᱷᱚᱱ ᱟᱫᱤᱵᱟᱥᱤ ᱜᱚᱵᱮᱥᱚᱠ ᱞᱮᱠᱟᱛᱮ ᱥᱚᱱᱢᱟᱱ|

᱗)ᱟᱫᱤᱵᱟᱥᱤ ᱳ ᱞᱳᱠ ᱥᱤᱞᱯᱤ ᱥᱚᱝᱜᱜᱚ,ᱠᱚᱞᱠᱟᱛᱟ ᱯᱟᱦᱟᱴᱟ ᱠᱷᱚᱱ ᱒᱐᱐᱒ ᱥᱟᱞᱨᱮ 'ᱥᱟᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩᱨ ᱥᱨᱤᱛᱤ ᱯᱩᱨᱚᱥᱠᱟᱨ'|

᱘)ᱯᱚᱥᱪᱷᱤᱢᱵᱚᱝᱜᱚ ᱥᱚᱨᱠᱟᱨᱟᱜ ᱵᱮ-ᱞᱟᱦᱟᱱᱛᱤ ᱜᱟᱸᱛᱟᱠ ᱵᱷᱟᱹᱞᱟᱹᱭ ᱵᱤᱵᱷᱟᱜ ᱯᱟᱦᱟᱴᱟ ᱠᱷᱚᱱ ᱒᱐᱐᱒ ᱥᱟᱞᱨᱮ 'ᱥᱟᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩᱨ ᱯᱩᱨᱚᱥᱠᱟᱨ"|

᱙)ᱯᱚᱸᱰᱤᱛ ᱨᱳᱜᱷᱩᱸᱟᱛᱷ ᱢᱩᱨᱢᱩᱨ ᱡᱚᱱᱢᱚ ᱥᱚᱛᱚᱵᱚᱨᱥᱚ ᱠᱚᱢᱤᱴᱤ,ᱡᱷᱟᱲᱜᱮᱨᱟᱢ ᱯᱟᱦᱟᱴᱟ ᱠᱷᱚᱱ 'ᱯᱚᱱᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩᱨ ᱥᱚᱱᱢᱟᱱ' ᱒᱐᱐᱕ ᱥᱟᱞᱨᱮ|

᱑᱐)ᱯᱚᱥᱪᱷᱤᱢᱵᱚᱝᱜᱚ ᱥᱚᱨᱠᱟᱨᱟᱜ ᱛᱚᱛᱛᱷᱚ ᱳ ᱥᱚᱝᱥᱠᱨᱤᱛᱤ ᱫᱚᱯᱛᱚᱨ ᱯᱟᱦᱟᱴᱟ ᱠᱷᱚᱱ ᱟᱫᱤᱵᱟᱥᱤ ᱳ ᱞᱳᱠᱚ ᱥᱚᱝᱥᱠᱨᱤᱛᱤ ᱨᱮ ᱮᱱᱮᱢ ᱠᱷᱟᱹᱛᱤᱨ ᱒᱐᱐᱗ ᱥᱟᱞᱨᱮ ᱵᱤᱥᱮᱥ ᱥᱟᱨᱦᱟᱣ|

᱑᱑) ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱨᱮ ᱮᱱᱮᱢ ᱠᱷᱟᱹᱛᱤᱨ ᱫᱩᱨᱜᱟᱯᱩᱨ ᱰᱟᱭᱳᱥᱤᱥ ᱯᱟᱦᱴᱟ ᱜᱷᱚᱱ 'Dr.A.H,F Barbour Trust Award - 2008" ᱥᱟᱨᱦᱟᱣ|

᱑᱒)ᱯᱚᱥᱪᱷᱤᱢ ᱵᱟᱝᱞᱟ ᱮᱠᱟᱰᱮᱢᱤ ᱯᱟᱦᱴᱟ ᱠᱷᱚᱱ ᱒᱐᱐᱘ ᱥᱟᱞᱨᱮ 'ᱛᱟᱯᱚᱥᱤ ᱵᱚᱥᱩ ᱥᱨᱤᱛᱤ ᱯᱩᱨᱚᱥᱠᱟᱨ'|

᱑᱓)ᱥᱚᱡᱚᱱ ᱢᱩᱨ ᱮᱵᱷᱮᱱᱤᱭᱩ 'ᱠᱚᱞᱠᱟᱛᱟ ᱠᱷᱚᱱ ᱒᱐᱐᱘ ᱥᱟᱞᱨᱮ ᱥᱟᱨᱦᱟᱣ|

᱑᱔)'ᱥᱟᱛᱷᱤ' ᱴᱟᱞᱤᱜᱚᱸᱡᱽ,ᱠᱚᱞᱠᱟᱛᱟ ᱠᱷᱚᱱ ᱒᱐᱐᱘ ᱥᱟᱞᱨᱮ ᱥᱟᱨᱦᱟᱣ|

᱑᱕)2᱐᱐᱘ ᱥᱟᱞᱨᱮ ᱵᱚᱨᱫᱷᱚᱢᱟᱱ ᱵᱤᱥᱥᱚᱵᱤᱫᱫᱟᱞᱚᱭ ᱠᱷᱚᱱ 'ᱥᱟᱶᱛᱟᱞ ᱜᱚᱱᱚ ᱥᱚᱝᱜᱨᱟᱢᱮᱨ ᱤᱛᱤᱦᱟᱥ' ᱟᱨ ᱟᱹᱫᱤᱵᱟᱹᱥᱤ ᱳ ᱞᱳᱠᱚ ᱥᱚᱝᱥᱠᱨᱤᱛᱤ ᱨᱮ ᱮᱱᱮᱢ ᱠᱷᱟᱹᱛᱤᱨ ᱥᱟᱨᱦᱟᱣ D.Lit.ᱮ ᱧᱟᱢ ᱟᱠᱟᱫᱟ|

᱑᱖)᱒᱐᱐᱙ ᱥᱟᱞᱨᱮ ᱵᱤᱫᱫᱟᱥᱟᱜᱚᱨ ᱵᱤᱥᱥᱚᱵᱤᱫᱫᱟᱞᱚᱭ ᱯᱟᱦᱴᱟ ᱠᱷᱚᱱ ᱵᱟᱝᱞᱟ ᱯᱟᱹᱨᱥᱤᱛᱮ ᱢᱳᱹᱞᱤᱠ ᱨᱚᱪᱚᱱᱟ ᱳ ᱜᱚᱵᱮᱥᱚᱱᱟ ᱠᱷᱟᱹᱛᱤᱨ ᱥᱟᱨᱦᱟᱣ D.Lit.ᱮ ᱧᱟᱢ ᱟᱠᱟᱫᱟ|

ᱢᱟᱹᱱ ᱫᱷᱤᱨᱮᱱᱫᱨᱚᱱᱟᱛᱷ ᱵᱟᱥᱠᱮ ᱟᱨᱦᱚᱸ ᱟᱭᱢᱟ ᱥᱚᱨᱠᱟᱨᱤ,ᱵᱮᱥᱚᱨᱠᱟᱨᱤ ᱥᱤᱨᱯᱟᱹ,ᱥᱟᱨᱦᱟᱣᱮ ᱧᱟᱢ ᱟᱠᱟᱫᱟ,ᱵᱟᱨᱭᱟ ᱵᱤᱥᱥᱚᱵᱤᱫᱫᱟᱞᱚᱭ ᱠᱷᱚᱱ ᱦᱚᱸ ᱟᱹᱰᱤ ᱢᱟᱹᱱ ᱟᱱᱟᱜ Doctor of Literature(D.Lit.) ᱧᱟᱢ ᱟᱠᱟᱫᱟ|

ᱯᱷᱮᱰᱟᱛ ᱥᱟᱯᱲᱟᱣ


  1. Sagen Marandi,Sarjom Umul,(A Quaterly Santali Journal) Vol-5,Issue-1,Jan-Feb-March - 2015,page No.-2