ᱮᱞᱤ ᱚᱦᱢᱚᱫᱽ
ᱮᱞᱤ ᱚᱦᱢᱚᱫᱽ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱚᱱᱚᱞᱤᱭᱟᱹ, ᱟᱠᱷᱚᱨ ᱚᱱᱚᱞᱤᱭᱟᱹ, ᱰᱟᱭᱨᱮᱠᱴᱚᱨ, ᱥᱮᱨᱮᱧᱤᱭᱟᱹ, ᱠᱚᱥᱴᱤᱭᱩᱢ ᱰᱤᱡᱟᱭᱤᱱᱚᱨ, ᱮᱱᱮᱡᱤᱭᱟᱹ ᱟᱨ ᱥᱟᱶᱛᱟ ᱠᱟᱹᱢᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ'ᱳᱨᱟᱱᱤ' ᱧᱩᱛᱩᱢᱟᱱ ᱛᱤᱨᱞᱟᱹ ᱯᱟᱛᱷᱟᱢ ᱨᱮ ᱚᱱᱚᱞᱤᱭᱟᱹ, ᱯᱚᱵᱽᱞᱤᱥᱚᱨ ᱟᱨ ᱢᱟᱹᱞᱤᱠ ᱦᱚᱸ ᱠᱟᱱᱟᱭ ᱾ ᱱᱚᱶᱟ ᱫᱚ ᱑᱙᱗᱐ ᱥᱮᱨᱢᱟ ᱠᱷᱚᱱ ᱠᱚᱧᱮ-ᱥᱟᱢᱟᱝ ᱨᱮ ᱢᱤᱫᱴᱟᱹᱝ ᱛᱤᱨᱞᱟᱹ ᱯᱟᱛᱷᱟᱢ ᱠᱟᱱᱟ ᱾ ᱩᱱᱤ ᱫᱚ ᱑᱙᱖᱗ ᱥᱟᱞᱮ ᱨᱮ ᱟᱥᱟᱢ ᱨᱮ ᱯᱩᱭᱞᱩ ᱛᱤᱨᱞᱟᱹ ᱜᱟᱭᱟᱱ ᱜᱩᱴ ᱦᱚᱸᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱥᱟᱶᱦᱮᱫ ᱟᱨ ᱥᱮᱪᱮᱫ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱒᱐᱑᱗ ᱥᱟᱞ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾[᱑]
| ᱮᱞᱤ ᱚᱦᱢᱚᱫᱽ | |
|---|---|
 ᱮᱞᱤ ᱚᱦᱢᱚᱫᱽ ᱟᱡᱟᱜ ᱚᱲᱟᱜ ᱨᱮ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱔ ᱢᱟᱨᱪ ᱑᱙᱓᱔ ᱱᱟᱡᱤᱨᱟ, ᱥᱤᱵᱽᱥᱟᱜᱚᱨ ᱦᱚᱱᱚᱛ, ᱵᱨᱤᱴᱤᱥ ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱞᱟᱭᱤᱨᱤᱠᱥᱴ, ᱠᱚᱞᱚᱢᱱᱤᱥᱴ, ᱟᱠᱷᱚᱨ ᱚᱱᱚᱞᱤᱭᱟᱹ |
| ᱥᱤᱨᱯᱷᱟᱹ | ᱯᱚᱫᱽᱢᱟ ᱥᱨᱤ (᱒᱐᱑᱗) |
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱮᱞᱤ ᱚᱦᱢᱚᱫᱽ ᱫᱚ ᱱᱟᱡᱤᱨᱟ ᱨᱮ ᱢᱤᱫ ᱠᱩᱞᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱚᱵᱽᱫᱩᱨ ᱨᱟᱥᱤᱫᱽ ᱫᱚ ᱢᱤᱫ ᱥᱚᱨᱡᱚᱱ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱠᱚᱢ ᱩᱢᱮᱨ ᱨᱮᱜᱮ ᱟᱡ ᱟᱭᱳ ᱫᱚ ᱜᱚᱡ ᱵᱟᱜᱤ ᱟᱫᱮᱭᱟᱭ ᱾ ᱩᱱᱤ ᱫᱚ ᱢᱮᱫᱤᱱᱤ ᱢᱳᱦᱚᱱ ᱪᱚᱣᱫᱷᱨᱤ ᱟᱜ ᱯᱚᱛᱚᱵ ᱞᱩᱤᱛ, ᱵᱟᱨᱟᱠ ᱟᱨ ᱤᱥᱞᱟᱢ ᱨᱮ ᱚᱞ ᱟᱠᱟᱱ ᱯᱩᱱᱭᱟᱹ ᱯᱟᱨᱥᱤ ᱜᱷᱟᱨᱚᱸᱡᱽ ᱠᱷᱚᱱ ᱫᱚ ᱢᱤᱫ ᱨᱮ ᱟᱡᱟᱜ ᱨᱟᱡᱽ ᱮ ᱧᱟᱢ ᱞᱮᱫᱼᱟ ᱾ ᱮᱞᱤ ᱫᱚ ᱟᱭᱢᱟ ᱦᱚᱲ ᱵᱷᱮᱜᱟᱨ ᱵᱷᱮᱜᱟᱨ ᱧᱩᱛᱩᱢ ᱛᱮ ᱠᱚ ᱵᱟᱰᱟᱭᱮᱫᱼᱟ ᱾ ᱱᱤᱞᱤᱱᱤᱵᱟᱞᱟ ᱫᱮᱵᱤ ᱩᱱᱤ ᱫᱚ ᱯᱳᱠᱷᱤᱞᱟ (ᱛᱤᱛᱤᱞᱤ), ᱱᱤᱨᱢᱚᱞ ᱯᱨᱚᱵᱷᱟ ᱵᱳᱨᱰᱳᱞᱳᱭ ᱩᱱᱤ ᱫᱚ ᱵᱮᱞᱤ (ᱥᱩᱨᱡᱚ), ᱯᱷᱤᱞᱢ ᱯᱨᱚᱰᱭᱩᱥᱚᱨ ᱵᱨᱚᱡᱮᱱ ᱵᱟᱨᱩᱣᱟ ᱩᱱᱤ ᱫᱚ ᱜᱤᱛ (ᱥᱮᱨᱮᱧ) ᱟᱨ ᱵᱷᱩᱯᱮᱱ ᱦᱟᱡᱟᱨᱤᱠᱟ ᱩᱱᱤ ᱫᱚ ᱨᱚᱝ (ᱨᱚᱝ) ᱮ ᱢᱮᱛᱟᱭ ᱠᱟᱱᱟ ᱾ ᱟᱨ ᱜᱟᱶᱛᱟ ᱠᱚᱫᱚ ᱩᱱᱤ ᱫᱚ ᱡᱩᱭ ᱟᱨ ᱯᱷᱮᱭᱟᱨ ᱠᱚ ᱢᱮᱛᱟᱭ ᱠᱟᱱᱟ ᱾[᱒]
ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ
ᱜᱤᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱩᱱᱤ ᱫᱚ ᱱᱤᱡᱮ ᱛᱮ ᱚᱞ ᱟᱠᱟᱱ ᱯᱩᱛᱷᱤ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱯᱩᱛᱷᱤ ᱠᱚ ᱥᱚᱫᱚᱨᱮᱫ ᱛᱟᱦᱮᱸᱫ ᱾ ᱑᱙᱖᱗ ᱥᱟᱞ ᱨᱮ ᱩᱱᱤ ᱫᱚ ᱨᱳᱝ ᱪᱳᱨᱟ ᱧᱩᱛᱩᱢ ᱛᱮ ᱜᱤᱫᱽᱨᱟᱹ ᱠᱚᱣᱟᱜ ᱢᱤᱫᱴᱟᱹᱝ ᱟᱹᱨᱤᱪᱟᱹᱞᱤ ᱜᱩᱴ ᱵᱮᱱᱟᱣ ᱠᱮᱫᱟ ᱟᱨ ᱟᱥᱟᱢ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟ ᱠᱚᱨᱮ ᱟᱹᱨᱤᱪᱟᱹᱞᱤ ᱠᱟᱹᱢᱤᱦᱚᱨᱟ ᱠᱚ ᱮᱢ ᱠᱮᱫᱟ ᱾ ᱟᱡᱟᱜ ᱯᱩᱭᱞᱩ ᱥᱮᱨᱮᱧ ᱥᱤᱨᱯᱷᱟᱹ ᱫᱚ ᱵᱷᱟᱜᱽᱭᱳᱨ ᱪᱳᱠᱳᱨᱤ ᱜᱷᱩᱨᱮ, ᱑᱙᱖᱒ ᱥᱟᱞ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱱᱟᱜ ᱱᱟᱡᱤᱨᱟ ᱥᱮᱥᱚᱱ ᱨᱮ ᱥᱚᱫᱚᱨ ᱞᱮᱱᱟ ᱛᱟᱦᱮᱸᱫ ᱾
ᱩᱱᱤ ᱫᱚ ᱑᱙᱖᱕ ᱥᱮᱨᱢᱟ ᱨᱮ ᱜᱩᱣᱟᱦᱟᱴᱤ ᱨᱮ ᱥᱟᱶᱛᱟ ᱣᱮᱞᱯᱷᱮᱭᱟᱨ ᱰᱤᱯᱟᱨᱴᱢᱮᱱᱴ ᱨᱮᱱᱟᱜ ᱵᱟᱞᱚᱠ ᱥᱮᱵᱤᱠᱟ ᱴᱨᱮᱱᱤᱝ ᱥᱮᱱᱴᱟᱨ ᱨᱮ ᱤᱱᱴᱟᱨᱵᱷᱤᱭᱩ ᱞᱟᱹᱜᱤᱫ ᱮ ᱥᱮᱞᱮᱫ ᱞᱮᱱᱟ ᱾
ᱩᱱᱤ ᱫᱚ ᱵᱨᱚᱡᱮᱱ ᱵᱚᱨᱩᱣᱟ ᱟᱜ ᱧᱩᱛᱩᱢᱟᱱ ᱯᱷᱤᱞᱢ ᱰᱟ. ᱵᱮᱡᱽ ᱵᱚᱨᱩᱣᱟ ᱨᱮ ᱫᱣᱤᱯᱮᱱ ᱵᱚᱨᱩᱣᱟ ᱟᱜ ᱧᱩᱛᱩᱢᱟᱱ ᱥᱮᱨᱮᱧ ᱜᱟ ᱜᱟ ᱟᱡᱤ ᱜᱟᱭ ᱡᱟ ᱤ ᱜᱤᱛᱳᱠᱮ ᱜᱟ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱧᱩᱛᱩᱢ ᱮ ᱵᱮᱱᱟᱣ ᱞᱮᱫᱼᱟ ᱾ ᱩᱱᱤ ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱧᱩᱛᱩᱢᱟᱱ ᱯᱷᱤᱞᱢ ᱠᱚᱨᱮ ᱱᱟᱜ ᱥᱮᱨᱮᱧ ᱠᱚᱭ ᱚᱞ ᱟᱠᱟᱫᱟ:
- ᱵᱚᱨᱩᱣᱟᱨ ᱥᱚᱝᱥᱟᱨ,
- ᱥᱚᱫᱟᱨᱤ,
- ᱥᱳᱱᱢᱟᱭᱱᱟ,
- ᱯᱨᱟᱛᱤᱫᱤᱱ,
- ᱫᱮᱣᱛᱟ ᱾
ᱩᱱᱤ ᱫᱚ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱨᱮ ᱜᱚᱫᱷᱩᱞᱤ, ᱥᱟᱦᱩᱣᱟᱞ ᱟᱨ ᱟᱯᱟᱵᱟᱫᱽ ᱞᱟᱹᱜᱤᱫ ᱥᱮᱨᱮᱧ ᱠᱚᱦᱚᱸᱭ ᱚᱞ ᱟᱠᱟᱫᱟ ᱾
ᱩᱱᱤ ᱫᱚ ᱟᱭᱢᱟ ᱚᱥᱚᱢᱤᱭᱟ ᱯᱷᱤᱞᱢ ᱨᱮᱱᱟᱜ ᱥᱠᱨᱤᱯᱴ ᱨᱟᱭᱤᱴᱚᱨ ᱞᱮᱠᱟᱛᱮ ᱚᱞ ᱟᱠᱟᱫᱟ ᱾
- ᱫᱷᱨᱩᱵᱽᱴᱳᱨᱟ,
- ᱵᱳᱨᱰᱳᱭᱪᱤᱞᱟ,
- ᱵᱳᱱᱯᱷᱩᱞ,
- ᱡᱟᱱᱟᱢᱵᱷᱩᱢᱤ ᱾
ᱱᱩᱭ ᱫᱚ ᱢᱚᱬᱮ ᱜᱚᱴᱟᱝ ᱰᱚᱠᱭᱩᱢᱮᱱᱴᱨᱤ ᱯᱷᱤᱞᱢ ᱨᱮᱱᱟᱜ ᱠᱟᱹᱦᱱᱤ ᱠᱚᱭ ᱚᱞ ᱟᱠᱟᱫᱟ ᱾
- ᱚᱦᱳᱢ ᱚᱠᱛᱚ ᱨᱮᱱᱟᱜ ᱢᱟᱨᱮ ᱢᱩᱴᱷᱟᱹᱱ,
- ᱜᱤᱫᱽᱨᱟᱹ ᱢᱚᱱ ᱥᱟᱬᱮᱥ,
- ᱢᱚᱦᱟᱥᱤᱛᱟ,
- ᱥᱟᱭᱤᱫᱽ ᱟᱵᱽᱫᱩᱞ ᱢᱚᱞᱤᱠ
- ᱫᱩᱫᱷ ᱾
ᱩᱱᱤ ᱫᱚ ᱱᱚᱝᱠᱟᱱ ᱯᱷᱤᱞᱢ ᱨᱮᱱᱟᱜ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱᱟᱭ
- ᱵᱚᱨᱩᱣᱟᱨ ᱥᱚᱝᱥᱟᱨ,
- ᱡᱚᱠᱷᱤᱱᱤ,
- ᱵᱳᱱᱯᱷᱩᱞ,
- ᱢᱩᱠᱷᱟᱜᱱᱤ,
- ᱡᱟᱱᱟᱢᱵᱷᱩᱢᱤ,
- ᱨᱤᱠᱥᱟᱣᱟᱞᱟ
ᱥᱤᱨᱯᱷᱟᱹ ᱟᱨ ᱥᱟᱨᱦᱟᱣ ᱥᱟᱯᱲᱟᱣ
ᱩᱱᱤ ᱫᱚ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱤᱱᱤᱡ ᱡᱤᱭᱚᱱ ᱥᱚᱦᱮᱫ ᱠᱟᱱᱟᱭ ᱟᱨ ᱑᱙᱗᱖ ᱥᱟᱞ ᱨᱮ ᱟᱡᱟᱜ ᱵᱳᱱᱯᱷᱩᱞ ᱧᱩᱛᱩᱢᱟᱱ ᱯᱚᱛᱚᱵ ᱞᱟᱹᱜᱤᱫ ᱛᱮ ᱮᱰᱩᱞᱥ ᱮᱡᱩᱠᱮᱥᱚᱱ ᱨᱮ ᱡᱟᱹᱛᱤᱭᱟᱹᱨᱤ ᱥᱟᱦᱤᱛᱭᱚ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱞᱮᱱᱟ ᱾ ᱒᱐᱑᱑ ᱥᱟᱞ ᱨᱮ, ᱰᱨ. ᱱᱤᱨᱢᱚᱞ ᱯᱨᱚᱵᱟ ᱵᱳᱨᱰᱳᱞᱳᱭ ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱟᱠᱟᱫᱟ[᱓] ᱟᱨ ᱒᱐᱑᱓ ᱥᱟᱞ ᱨᱮ ᱟᱢᱚᱞᱯᱨᱚᱵᱟ ᱫᱟᱥ ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱟᱠᱟᱫᱟ[᱔] ᱥᱟᱶᱦᱮᱫ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱛᱮ ᱾
ᱥᱟᱶᱦᱮᱫ ᱟᱨ ᱥᱮᱪᱮᱫ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱒᱐᱑᱗ ᱥᱟᱞ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "The Sentinel". Retrieved 29 January 2017.[permanent dead link]
- ↑ "The Telegraph - Calcutta : Northeast". Archived from the original on 2 February 2017. Retrieved 29 January 2017.
- ↑ Trade, TI. "The Assam Tribune Online". Archived from the original on 2 February 2017. Retrieved 29 January 2017.
- ↑ "পলকতে সুখ দুখৰ বতৰা". Retrieved 29 January 2017.