ᱮᱱᱰᱨᱩ ᱠᱤᱥᱳᱨ
| ᱮᱱᱰᱨᱩ ᱠᱤᱥᱳᱨ | |
|---|---|
 ᱒᱐᱑᱘ ᱨᱮᱱᱟᱜ ᱢᱮ ᱪᱟᱸᱫᱚ ᱨᱟᱡᱽᱥᱟᱦᱤ ᱠᱚᱞᱮᱡᱽ ᱨᱮ ᱮᱱᱰᱨᱩ ᱠᱤᱥᱳᱨ | |
| ᱵᱤᱵᱚᱨᱚᱱ | |
| ᱧᱩᱛᱩᱢ | এন্ড্রু কিশোর |
| ᱡᱟᱱᱟᱢ | ᱔ ᱱᱚᱵᱷᱮᱢᱵᱚᱨ ᱑᱙᱕᱕ ᱨᱟᱡᱽᱥᱟᱦᱤ, ᱵᱟᱝᱞᱟᱫᱮᱥ |
| ᱵᱚᱝᱜᱟ ᱛᱟᱞᱟ | ᱖ ᱡᱩᱞᱟᱭ ᱒᱐᱒᱐, ᱨᱟᱡᱽᱥᱟᱦᱤ, ᱵᱟᱝᱞᱟᱫᱮᱥ |
| ᱡᱮᱱᱨᱮᱥ | ᱯᱷᱳᱞ, ᱥᱤᱱᱮᱢᱟ |
| ᱚᱠᱩᱯᱮᱥᱚᱱ | ᱯᱞᱮᱵᱮᱠ ᱥᱮᱨᱮᱧ ᱵᱟᱰᱚᱦᱤ |
| ᱠᱟᱹᱢᱤ ᱚᱠᱛᱚ | ᱑᱙᱘᱐–᱒᱐᱒᱐ |
ᱮᱱᱰᱨᱩ ᱠᱤᱥᱳᱨ (᱔ ᱱᱚᱵᱷᱮᱢᱵᱚᱨ - ᱖ ᱡᱩᱞᱟᱭ ᱒᱐᱒᱐) ᱫᱚ ᱢᱤᱫᱴᱮᱱ ᱵᱟᱝᱞᱟᱫᱮᱥᱤ ᱥᱮᱨᱮᱧ ᱵᱟᱰᱚᱦᱤ ᱠᱟᱱᱟᱭ᱾ ᱵᱟᱝᱞᱟᱫᱮᱥ ᱵᱟᱫᱽ ᱠᱟᱛᱮ ᱦᱚᱸ ᱮᱴᱟᱜ ᱫᱤᱥᱟᱹᱢ ᱨᱮᱱᱟᱜ ᱥᱮᱨᱮᱧ ᱠᱚ ᱦᱚᱸᱭ ᱥᱮᱨᱮᱧ ᱵᱟᱲᱟᱣ ᱠᱟᱫᱟᱭ᱾ ᱚᱱᱟ ᱞᱟᱹᱜᱤᱛ ᱛᱮ ᱵᱟᱝᱞᱟᱫᱮᱥ ᱨᱮ ᱫᱚ ᱩᱱᱤ ᱯᱞᱮᱵᱟᱠ ᱥᱚᱢᱨᱟᱴ ᱠᱚ ᱢᱮᱛᱟᱭ ᱠᱟᱱ ᱛᱟᱸᱦᱮᱸᱱᱟ᱾ ᱩᱱᱤᱭᱟ ᱡᱚᱛᱚᱠᱷᱚᱱ ᱧᱩᱛᱩᱢᱟᱱ ᱥᱮᱨᱮᱧ ᱠᱚ ᱵᱷᱤᱛᱨᱤᱨᱮ ᱫᱚ ᱢᱮᱱᱟᱜᱼᱟ, ᱡᱤᱵᱚᱱᱮᱨ ᱜᱚᱞᱯᱚ ᱵᱟᱠᱤ ᱟᱪᱷᱮ ᱚᱞᱯᱚ, ᱦᱟᱭᱨᱮ ᱢᱟᱱᱩᱥ ᱨᱚᱝᱜᱤᱱ ᱯᱷᱟᱱᱩᱥ, ᱰᱟᱠ ᱫᱤᱭᱟᱪᱷᱮᱱ ᱫᱚᱭᱟᱞ ᱟᱢᱟᱨᱮ, ᱟᱢᱟᱨ ᱥᱟᱨᱟ ᱫᱮᱦᱚ ᱠᱷᱮᱭᱚ ᱜᱳ ᱢᱟᱴᱤ, ᱟᱢᱟᱨ ᱵᱩᱠᱮᱨ ᱢᱳᱫᱫᱷᱮᱠᱷᱟᱱᱮ, ᱟᱢᱟᱨ ᱵᱟᱵᱟᱨ ᱢᱩᱠᱷᱮ ᱯᱨᱚᱛᱷᱚᱢ ᱡᱮᱫᱤᱱ ᱥᱩᱱᱮᱪᱷᱤᱞᱟᱢ ᱜᱟᱱ, ᱵᱷᱮᱸᱜᱮᱪᱷᱮ ᱯᱤᱱᱡᱚᱨ ᱢᱮᱞᱮᱪᱷᱮ ᱰᱟᱱᱟ, ᱥᱚᱵᱟᱭ ᱛᱚ ᱵᱷᱟᱞᱳᱵᱟᱥᱟ ᱪᱟᱭ ᱱᱟᱝᱠᱟᱱ ᱥᱮᱨᱮᱧ ᱠᱚ᱾ ᱵᱟᱝᱞᱟ ᱥᱤᱱᱮᱢᱟ ᱨᱮ ᱥᱮᱨᱮᱧ ᱞᱟᱹᱜᱤᱛ ᱩᱱᱤ ᱘ ᱫᱷᱟᱣ ᱡᱟᱛᱤᱭᱳ ᱥᱤᱱᱮᱢᱟ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ᱾ ᱱᱚᱱ-ᱦᱚᱡᱽᱠᱤᱱ ᱞᱤᱢᱯᱷᱳᱢᱟ ᱧᱩᱛᱩᱢᱟᱱ ᱢᱟᱭᱟᱢ ᱠᱮᱱᱥᱟᱨ ᱨᱩᱣᱟᱹ ᱛᱮ ᱩᱱᱤ ᱫᱚ ᱒᱐᱒᱐ ᱥᱮᱨᱢᱟ ᱨᱮᱱᱟᱜ ᱖ ᱡᱩᱞᱟᱭ ᱮ ᱵᱚᱸᱜᱟᱛᱟᱞᱟᱭᱱᱟ᱾
ᱥᱮᱨᱮᱧ ᱡᱤᱭᱚᱱ
ᱥᱟᱯᱲᱟᱣᱮᱱᱰᱨᱩ ᱠᱤᱥᱳᱨ ᱫᱚ ᱟᱵᱫᱩᱞ ᱟᱡᱤᱡᱽ ᱵᱟᱪᱪᱩ ᱴᱷᱮᱱ ᱥᱮᱨᱮᱧ ᱨᱮᱱᱟᱜ ᱮᱛᱦᱚᱵ ᱛᱟᱞᱤᱢᱮ ᱦᱟᱛᱟᱣ ᱞᱮᱫᱟ᱾ ᱵᱟᱝᱞᱟᱫᱮᱥ ᱨᱮᱱᱟᱜ ᱯᱷᱩᱨᱜᱟᱹᱞᱞᱟᱹᱲᱦᱟᱹᱭ ᱛᱟᱭᱚᱢ ᱮᱱᱰᱨᱩ ᱠᱤᱥᱳᱨ ᱫᱚ ᱱᱚᱡᱽᱨᱩᱞ, ᱨᱚᱵᱤᱱᱫᱨᱚ, ᱟᱫᱷᱩᱱᱤᱠ, ᱞᱳᱠᱳ ᱟᱨ ᱫᱤᱥᱟᱹᱢ ᱫᱩᱞᱟᱹᱲ ᱥᱮᱨᱮᱧ ᱠᱚ ᱞᱟᱹᱜᱤᱛ ᱨᱟᱡᱽᱥᱟᱦᱤ ᱨᱮᱰᱤᱭᱳ ᱨᱮᱱ ᱛᱟᱹᱞᱠᱟᱹᱣᱟᱱ ᱥᱮᱨᱮᱧ ᱵᱟᱰᱚᱦᱤᱭ ᱛᱟᱸᱦᱮᱸᱠᱟᱱᱟ᱾
ᱯᱞᱮᱵᱮᱠ ᱥᱮᱨᱮᱧ ᱡᱤᱭᱚᱱ
ᱥᱟᱯᱲᱟᱣᱮᱱᱰᱨᱩ ᱠᱤᱥᱳᱨ ᱫᱚ ᱥᱤᱱᱮᱢᱟ ᱨᱮ ᱥᱮᱨᱮᱧ ᱮ ᱮᱛᱦᱚᱵ ᱞᱮᱫᱟ ᱑᱙᱗᱗ ᱥᱮᱨᱢᱟ ᱨᱮ ᱢᱮᱭᱤᱞ ᱴᱨᱮᱱ ᱥᱤᱱᱮᱢᱟ ᱨᱮ 'ᱚᱪᱤᱱᱯᱩᱨᱮᱨᱨᱟᱡᱽᱠᱩᱢᱟᱨᱤ ᱱᱮᱭ ᱡᱮ ᱛᱟᱨ ᱠᱮᱣ' ᱥᱮᱨᱮᱧ ᱛᱟᱞᱟᱛᱮ᱾ ᱩᱱᱤᱭᱟᱜ ᱫᱚᱥᱟᱨ ᱥᱮᱨᱮᱧ ᱫᱚ ᱮᱢᱤᱞᱮᱨ ᱜᱳᱭᱮᱱᱫᱟ ᱵᱟᱦᱤᱱᱤ ᱥᱤᱱᱮᱢᱟ ᱨᱮ ᱫᱷᱩᱢ ᱫᱷᱟᱲᱟᱠᱠᱟ ᱥᱮᱨᱮᱧ᱾ ᱑᱙᱗᱙ ᱥᱮᱨᱢᱟ ᱨᱮ ᱮ ᱡᱮᱰ ᱢᱤᱱᱴᱩ ᱟᱜ ᱯᱚᱨᱤᱪᱟᱞᱚᱱᱟ ᱨᱮ ᱯᱨᱳᱛᱤᱜᱽᱜᱟ ᱥᱤᱱᱮᱢᱟ ᱨᱮ 'ᱮᱠ ᱪᱳᱨ ᱡᱟᱭ ᱪᱳᱞᱮ' ᱥᱮᱨᱮᱧ ᱫᱚ ᱯᱟᱹᱦᱤᱞ ᱫᱷᱟᱣ ᱞᱮᱠᱟ ᱧᱩᱛᱩᱢᱮ ᱦᱟᱢᱮᱴ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱟᱭᱢᱟ ᱧᱩᱛᱩᱢᱟᱱ ᱥᱮᱨᱮᱧ ᱠᱚᱭ ᱥᱮᱨᱮᱧ ᱟᱠᱟᱫᱟ᱾
ᱜᱷᱟᱸᱨᱚᱡᱽ ᱡᱤᱭᱚᱱ
ᱥᱟᱯᱲᱟᱣᱮᱱᱰᱨᱩ ᱠᱤᱥᱳᱨ ᱨᱮᱱ ᱵᱟᱨᱮᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾ ᱯᱟᱹᱦᱤᱞ ᱜᱤᱫᱽᱨᱟᱹ ᱫᱚ ᱥᱚᱝᱜᱟ ᱟᱨ ᱫᱚᱥᱟᱨ ᱜᱤᱫᱽᱨᱟᱹ ᱫᱚ ᱥᱚᱯᱛᱚᱠ ᱧᱩᱛᱩᱢ᱾ ᱠᱤᱥᱳᱨ ᱫᱚ ᱨᱟᱡᱽᱥᱟᱦᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱮᱱᱮᱡᱽᱢᱮᱱᱴ ᱵᱤᱵᱷᱟᱜᱽ ᱨᱮᱭ ᱯᱟᱲᱦᱟᱣ ᱟᱠᱟᱱᱟ᱾
ᱥᱚᱝᱜᱚᱴᱷᱚᱱ
ᱥᱟᱯᱲᱟᱣᱥᱮᱨᱮᱧ ᱵᱟᱰᱚᱦᱤ ᱵᱟᱫᱽ ᱠᱟᱛᱮ ᱦᱚᱸ ᱮᱱᱰᱨᱩ ᱠᱤᱥᱳᱨ ᱫᱚ ᱢᱤᱫᱴᱮᱱ ᱵᱮᱯᱟᱨᱤᱭᱟᱹ ᱠᱟᱱᱟᱭ᱾ ᱑᱙᱘᱗ ᱥᱮᱨᱢᱟ ᱨᱮ 'ᱯᱨᱚᱵᱟᱦᱚ' ᱧᱩᱛᱩᱢ ᱨᱮ ᱩᱱᱤ ᱢᱤᱫᱴᱮᱱ ᱵᱤᱜᱽᱜᱟᱯᱚᱱ ᱥᱚᱝᱜᱚᱴᱷᱚᱱᱮ ᱵᱮᱱᱟᱣ ᱞᱮᱫᱟ᱾
ᱜᱚᱪ ᱜᱩᱨ
ᱥᱟᱯᱲᱟᱣᱯᱞᱮᱵᱮᱠ ᱥᱚᱢᱨᱟᱴ ᱥᱤᱨᱯᱟᱹᱭᱤᱡ ᱧᱩᱛᱩᱢᱟᱱ ᱥᱮᱨᱮᱧ ᱵᱟᱰᱚᱦᱤ ᱮᱱᱰᱨᱩ ᱠᱤᱥᱳᱨ ᱒᱐᱒᱐ ᱥᱮᱨᱢᱟ ᱨᱮᱱᱟᱜ ᱖ ᱡᱩᱞᱟᱭ ᱮ ᱵᱚᱸᱜᱟᱛᱟᱞᱟᱭᱱᱟ᱾ ᱱᱚᱱ-ᱦᱚᱡᱽᱠᱤᱱ ᱞᱤᱢᱯᱷᱳᱢᱟ ᱧᱩᱛᱩᱢᱟᱱ ᱢᱟᱭᱟᱢ ᱠᱮᱱᱥᱟᱨ ᱨᱩᱣᱟᱹ ᱛᱮ ᱩᱱᱤ ᱫᱚ ᱥᱤᱝᱜᱟᱯᱩᱨ ᱡᱮᱱᱟᱨᱮᱞ ᱦᱟᱥᱯᱟᱛᱟᱞ ᱨᱮ ᱪᱤᱠᱤᱛᱥᱟᱭ ᱦᱟᱛᱟᱣᱮᱛ ᱛᱟᱸᱦᱮᱸᱱᱟ᱾ ᱟᱫᱚ ᱟᱭᱢᱟ ᱨᱟᱱ ᱴᱟᱱ ᱛᱮᱦᱚᱸ ᱚᱱᱟ ᱠᱮᱱᱥᱟᱨ ᱫᱚ ᱵᱟᱹᱠᱩ ᱢᱩᱪᱟᱹᱫ ᱫᱟᱲᱮᱭᱟᱛ ᱛᱟᱭᱟ᱾ ᱟᱫᱚ ᱒᱐᱒᱐ ᱥᱮᱨᱢᱟ ᱨᱮᱱᱟᱜ ᱑᱑ ᱡᱩᱱ ᱩᱱᱤ ᱫᱚ ᱫᱤᱥᱟᱹᱢ ᱛᱮᱭ ᱨᱩᱣᱟᱹᱲ ᱦᱮᱡ ᱮᱱᱟ᱾ ᱵᱚᱸᱜᱟᱛᱟᱞᱟ ᱚᱠᱛᱚᱨᱮ ᱩᱱᱤᱭᱟᱜ ᱵᱚᱭᱚᱥ ᱦᱩᱭ ᱞᱮᱱ ᱛᱟᱭᱟ ᱖᱔ ᱥᱮᱨᱢᱟ᱾