ᱯᱚᱞᱤ ᱪᱟᱱᱫᱽᱨᱚ
ᱯᱚᱞᱤ ᱪᱚᱱᱫᱨᱚ (ᱱᱤ ᱥᱨᱤᱵᱟᱥᱛᱟᱵᱽ) ᱫᱚ ᱠᱟᱛᱷᱟᱠ ᱱᱟᱪᱚᱱᱤᱭᱟᱹ ᱠᱟᱱᱟᱭ, ᱟᱨ ᱠᱚᱨᱤᱭᱚᱜᱽᱨᱟᱯᱷᱟᱨ, ᱪᱮᱪᱮᱫ ᱜᱟᱹᱠᱷᱩᱲᱤᱭᱟᱹ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱜᱩᱨᱩ ᱠᱩᱞ ᱫᱩᱵᱟᱭ ᱨᱮᱱ ᱜᱟᱭᱱᱟᱦᱟ ᱠᱚᱣᱤᱡ ᱫᱤᱥᱟᱹ ᱩᱫᱩᱜᱤᱡ ᱠᱟᱱᱟᱭ| ᱩᱱᱤ ᱫᱚ ᱵᱚᱝᱜᱟ ᱛᱟᱞᱟᱟ ᱣᱟᱠᱟᱱ ᱜᱩᱨᱩ ᱵᱤᱠᱨᱟᱢ ᱥᱤᱝ, ᱯᱟᱱᱰᱤᱛ ᱨᱟᱢ ᱢᱚᱦᱟᱱ ᱢᱟᱦᱟᱟ ᱨᱟᱡᱽ, ᱟᱨ ᱞᱟᱠᱷᱱᱟᱣ ᱜᱷᱟᱨᱟᱱᱟ ᱨᱮᱱ ᱥᱨᱤᱢᱚᱛᱤ ᱠᱚᱯᱤᱞᱟ ᱨᱟᱡᱽ ᱮᱢᱟᱱ ᱜᱩᱨᱩ ᱠᱚ ᱦᱚᱛᱮ ᱛᱮ ᱥᱮᱨᱣᱟ ᱠᱟᱛᱷᱟᱠ ᱮᱱᱮᱡ-ᱮ ᱪᱮᱫ ᱡᱚᱝᱟᱱ ᱛᱟᱦᱮᱸ ᱠᱟᱱᱟ|
ᱩᱱᱤ ᱫᱚ ᱥᱮᱨᱣᱟ ᱟᱨ ᱱᱟᱦᱟᱜ ᱠᱟᱛᱷᱟᱠ ᱜᱟᱭᱟᱱ ᱩᱫᱩᱜᱤᱡ ᱦᱩᱸᱭᱟᱹ ᱛᱮ, ᱩᱱᱤᱭᱟᱜ ᱥᱚᱨᱮᱥ ᱮᱱᱮᱡ ᱩᱫᱩᱜ ᱧᱩᱛᱩᱢ ᱛᱮ, ᱢᱟᱦᱟ ᱨᱟᱡᱽ ᱞᱟᱪᱷᱩ ᱟᱣᱟᱨᱰ ᱠᱚ ᱪᱟᱞ ᱟᱫᱮ ᱛᱟᱦᱮᱸ ᱠᱟᱱᱟ, ᱚᱠᱟ ᱫᱚ ᱜᱟᱭᱱᱟᱦᱟ ᱠᱚ ᱟᱠᱚᱣᱟᱜ ᱥᱚᱨᱮᱥ ᱜᱩᱱ ᱟᱨ ᱩᱱᱩᱫᱩᱜ ᱧᱩᱛᱩᱢ ᱛᱮ ᱠᱚ ᱪᱟᱞ ᱟᱠᱚᱣᱟᱟ|ᱩᱱᱤ ᱫᱚ ᱤᱢᱯᱟᱨᱥᱤᱭᱟᱞ ᱥᱚᱥᱟᱭᱴᱤ ᱚᱯᱷ ᱴᱤᱪᱟᱨ ᱰᱟᱱᱥ (the Imperial Society of Teachers of Dancing)ᱨᱮᱱ ᱥᱚᱦᱮᱫ-ᱮ ᱛᱟᱦᱮᱸ ᱠᱟᱱᱟ ᱟᱨ ᱥᱤᱧᱚᱛᱤᱭᱟᱹ ᱞᱟᱭ-ᱞᱟᱠᱪᱟᱨ ᱵᱟᱹᱭᱥᱤᱧᱩᱢ ᱵᱮᱜᱟᱨ ᱥᱚᱦᱮᱫ ᱠᱟᱱᱟᱭ|
ᱮᱛᱚᱦᱚᱵ ᱡᱤᱭᱚᱱ ᱟᱨ ᱤᱛᱩᱱ
ᱥᱟᱯᱲᱟᱣᱯᱚᱞᱤ ᱪᱚᱱᱫᱨᱚ ᱫᱚ ᱑᱙᱖᱗ ᱥᱮᱨᱢᱟ ᱱᱚᱵᱷᱮᱢᱵᱚᱨ ᱪᱟᱱᱫᱚ ᱨᱮᱭᱟᱜ ᱑᱙ ᱢᱟᱹᱦᱤᱛ ᱨᱮ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱞᱟᱹᱠᱷᱱᱟᱹᱣ ᱱᱟᱝᱜᱽᱨᱟᱦᱟ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱯᱚᱞᱤ ᱪᱚᱱᱫᱨᱚ ᱫᱚ ᱛᱩᱨᱩᱭ ᱥᱮᱨᱢᱟ ᱩᱢᱮᱨᱮ ᱛᱟᱦᱮᱸ ᱠᱟᱱ ᱚᱠᱛᱮ ᱨᱮ ᱮᱱᱮᱡ ᱪᱮᱪᱮᱫ-ᱮ ᱮᱦᱚᱱ ᱞᱮᱱᱟ, ᱩᱱᱤ ᱨᱮ ᱮᱝᱜᱟᱛ ᱩᱱᱤ ᱫᱚ ᱦᱩᱰᱤᱧ ᱠᱷᱚᱱ ᱮᱱᱮᱡ--ᱮ ᱪᱮᱫ ᱚᱪᱚ ᱞᱮᱫᱮᱭᱟ, ᱚᱠᱚᱭ ᱫᱚ ᱟᱡ ᱦᱚᱸ ᱱᱟᱪᱚᱱᱤᱭᱟᱹ ᱦᱩᱭᱩᱜ-ᱮ ᱜᱚᱴᱮ ᱞᱮᱫ, ᱢᱮᱱ ᱠᱷᱟᱱ ᱥᱟᱶᱛᱟ ᱟᱨ ᱜᱷᱟᱨᱚᱧᱡᱽ ᱨᱮᱭᱟᱜ ᱚᱨᱥᱚᱝ ᱠᱷᱟᱹᱛᱤᱨ ᱛᱮ ᱠᱩᱠᱢᱩ ᱵᱟᱝ ᱯᱩᱨᱟᱹᱣ ᱞᱮᱱ ᱛᱟᱭᱟ, ᱢᱮᱱᱠᱷᱟᱱ ᱢᱤᱫᱴᱮᱱ ᱥᱟᱥᱛᱚᱨᱤᱭᱟᱹ ᱥᱮᱨᱮᱧ ᱵᱟᱰᱚᱦᱤ ᱵᱮᱱᱟᱣ ᱮᱱᱟ| ᱩᱱᱤ ᱫᱚ ᱥᱟᱫᱷᱚᱨᱚᱱ ᱟᱛᱮ ᱟᱡᱟ ᱨᱮᱱ ᱜᱩᱨᱩ ᱵᱤᱠᱨᱟᱢ ᱥᱤᱝᱜᱷᱮ ᱴᱷᱮᱱ ᱠᱷᱚᱱ ᱮᱱᱮᱡ-ᱮ ᱪᱮᱫ-ᱮᱫ ᱠᱟᱱ ᱛᱟᱸᱦᱮᱸ ᱠᱟᱱᱟ, ᱞᱟᱠᱷᱱᱟᱣ ᱱᱟᱝᱜᱽᱨᱟᱦᱟ ᱨᱮᱭᱟᱜ ᱥᱟᱝᱜᱤᱛ ᱱᱟᱴᱟᱠ ᱟᱠᱟᱫᱮᱢᱤ ᱨᱮ, ᱩᱱᱤ ᱫᱚ ᱤᱨᱟᱹᱞ ᱥᱮᱨᱢᱟ ᱩᱢᱮᱨ ᱨᱮ ᱢᱤᱫᱴᱮᱱ ᱫᱟᱲᱮᱭᱟᱱ ᱱᱟᱪᱚᱱᱤᱭᱟᱹ ᱢᱮᱱᱛᱮ ᱩᱫᱩᱜ ᱥᱚᱫᱚᱨ ᱮᱱᱟ| ᱯᱟᱲᱦᱟᱜ ᱠᱟᱱ ᱛᱟᱦᱮᱸ ᱠᱟᱱ ᱚᱠᱛᱮ, ᱯᱚᱞᱤ ᱫᱚ ᱯᱚᱱᱰᱤᱛ ᱢᱚᱦᱟᱱ ᱢᱟᱦᱟ ᱨᱟᱡᱽ ᱟᱨ ᱠᱟᱹᱯᱤᱞᱟ ᱨᱟᱡᱽ ᱟᱜ ᱜᱚᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ, ᱚᱠᱚᱭ ᱠᱤᱱ ᱫᱚ ᱯᱟᱹᱞᱤᱭᱟᱜ ᱥᱚᱨᱮᱥ ᱜᱩᱱ ᱠᱤᱱ ᱢᱟᱱᱚᱛᱮᱫ ᱛᱟᱦᱮᱱ|
ᱯᱚᱞᱤ ᱫᱚ ᱞᱟᱠᱷᱱᱟᱣ ᱨᱮᱭᱟᱜ ᱟᱣᱟᱫᱷ ᱛᱤᱨᱞᱟᱹ ᱰᱤᱜᱽᱨᱤ ᱠᱚᱞᱮᱡᱽ ᱠᱷᱚᱱ ᱑᱙᱘᱗ ᱥᱮᱨᱢᱟ ᱨᱮ ᱠᱟᱹᱣᱰᱤ ᱟᱹᱨᱤ ᱟᱨ ᱮᱱᱛᱷᱨᱚᱯᱚᱞᱚᱡᱤ ᱨᱮ ᱵᱤᱹ ᱮᱹ ᱵᱤᱜᱽᱨᱤ ᱦᱟᱢᱮᱴ ᱞᱮᱫᱟ| ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱞᱟᱠᱷᱱᱟᱣ ᱡᱮᱜᱮᱫ ᱵᱤᱨᱫᱟᱹ ᱰᱟᱲ ᱨᱮᱭᱮ ᱵᱷᱩᱨᱛᱤ ᱞᱮᱱᱟ| ᱞᱟᱠᱷᱱᱟᱣ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱩᱱᱤ ᱫᱚ ᱮᱱᱛᱷᱨᱚᱯᱚᱞᱚᱡᱤ ᱨᱮ ᱢᱟᱥᱴᱟᱨ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ, ᱟᱨ ᱥᱚᱱᱟ ᱢᱮᱰᱮᱞ ᱛᱮᱠᱚ ᱢᱟᱱᱚᱛ ᱞᱮᱫᱮᱭᱟ, ᱟᱹᱫᱤᱵᱟᱹᱥᱤ ᱮᱱᱮᱡ ᱥᱮᱨᱮᱧ ᱟᱨ ᱜᱟᱫᱫᱤ ᱟᱹᱫᱤᱵᱟᱹᱥᱤ ᱮᱱᱮᱡ ᱥᱮᱨᱮᱧ ᱨᱮ ᱟᱹᱨᱤᱵᱟᱹᱱᱫᱷᱤ ᱧᱩᱛᱩᱢ ᱛᱮ|