ᱯᱟᱨᱜᱟᱱᱟ
ᱯᱟᱨᱜᱟᱱᱟ ᱫᱚ ᱯᱮ ᱴᱷᱮᱱ ᱠᱚ ᱛᱟᱦᱮᱸᱱᱟ ᱾ ᱢᱤᱫ ᱫᱚ ᱯᱤᱲ ᱯᱟᱨᱜᱟᱱᱟ, ᱢᱤᱫ ᱫᱚ ᱫᱮᱥ ᱯᱟᱨᱜᱟᱱᱟ ᱟᱨ ᱢᱤᱫ ᱫᱚ ᱜᱷᱟᱴ ᱯᱟᱨᱜᱟᱱᱟ ᱾ ᱛᱤᱱᱟᱹᱜ ᱜᱟᱱ ᱟᱹᱛᱩ ᱢᱮᱥᱟ ᱠᱟᱛᱮ ᱢᱤᱫᱴᱟᱜ ᱯᱤᱲ ᱾ ᱚᱸᱵᱮ ᱫᱚ ᱯᱤᱲ ᱯᱟᱨᱜᱟᱱᱟ ᱟᱨ ᱛᱤᱱᱟᱹᱜ ᱜᱟᱱ ᱯᱤᱲ ᱢᱮᱥᱟ ᱠᱟᱛᱮ ᱫᱮᱥ, ᱚᱸᱰᱮ ᱫᱚ ᱫᱮᱥ ᱯᱟᱨᱜᱟᱱᱟ ᱟᱨ ᱡᱟᱝ ᱵᱟᱦᱟ ᱛᱩᱯᱩᱱᱟᱹᱭ ᱜᱷᱟᱴ ᱨᱮ ᱜᱷᱟᱴ ᱯᱟᱨᱜᱟᱱᱟ ᱾
ᱡᱟᱭᱛᱮᱫ
ᱥᱟᱯᱲᱟᱣᱟᱹᱛᱩ ᱴᱚᱞᱟ ᱨᱮ ᱢᱟᱹᱡᱷᱤ ᱤᱫᱤ ᱠᱟᱛᱮ ᱡᱟᱦᱟᱸ ᱵᱤᱪᱟᱹᱨ ᱠᱚ ᱵᱟᱭ ᱛᱚᱯᱟᱜᱚᱜᱼᱟᱹ ᱚᱱᱟ ᱫᱚ ᱯᱤᱱ ᱯᱟᱨᱜᱟᱱᱟᱭ ᱵᱤᱪᱟᱹᱨᱟ ᱾ ᱚᱸᱰᱮ ᱚᱱᱟ ᱵᱤᱪᱟᱹᱨ ᱛᱚᱯᱟᱜ ᱮᱱ ᱠᱷᱟᱱ ᱢᱟ ᱵᱷᱟᱹᱜᱤ ᱟᱨᱵᱟᱝ ᱠᱷᱟᱱ ᱚᱱᱟ ᱫᱚ ᱫᱮᱥ ᱯᱟᱨᱜᱟᱱᱟ ᱴᱷᱮᱱ ᱪᱟᱞᱟᱜᱼᱟ ᱾ ᱫᱮᱥ ᱯᱟᱨᱜᱟᱱᱟ ᱚᱱᱟᱭ ᱵᱤᱪᱟᱹᱨᱟ ᱾ ᱚᱱᱠᱟ ᱜᱮ ᱜᱚᱡ ᱜᱩᱨ ᱞᱮᱱᱠᱷᱟᱱ ᱱᱟᱹᱭᱜᱷᱟᱹᱴ ᱛᱮᱵᱚ ᱪᱟᱞᱟᱜᱼᱟ ᱚᱸᱰᱮᱱᱟᱜ ᱮᱴᱠᱮᱴᱚᱬᱮ ᱫᱚ ᱜᱷᱟᱴ ᱯᱟᱨᱜᱟᱱᱟᱭ ᱵᱤᱪᱟᱹᱨᱟ ᱾ ᱯᱤᱲ ᱯᱟᱨᱜᱟᱱᱟ ᱵᱤᱪᱟᱹᱨ ᱫᱚ ᱚᱱᱟ ᱾ ᱯᱤᱲ ᱨᱤᱱ ᱯᱚᱨᱡᱟ ᱠᱚ ᱛᱩᱞᱩᱡ ᱵᱤᱪᱟᱹᱨᱚᱜᱼᱟ ᱟᱨ ᱫᱮᱥ ᱯᱟᱨᱜᱟᱱᱟ ᱵᱤᱪᱟᱹᱨ ᱫᱚ ᱫᱮᱥ ᱨᱤᱱ ᱯᱚᱨᱡᱟ ᱠᱚ ᱛᱩᱞᱩᱡ ᱵᱤᱪᱟᱹᱨᱚᱜᱼᱟ ᱾ ᱚᱱᱠᱟ ᱜᱷᱟᱴ ᱨᱮᱱᱟᱜ ᱵᱤᱪᱟᱹᱨ ᱫᱚ ᱫᱮᱥ ᱨᱤᱱ ᱯᱚᱨᱡᱟ ᱟᱱ ᱛᱮᱜᱮ ᱵᱤᱪᱟᱹᱨᱚᱜᱼᱟ ᱾ ᱱᱚᱶᱟ ᱠᱚᱨᱮ ᱵᱟᱭ ᱵᱤᱪᱟᱹᱨ ᱜᱚᱴᱟᱜ ᱠᱷᱟᱱ ᱚᱱᱟ ᱞᱚᱻᱵᱤᱨ ᱨᱮ ᱵᱤᱪᱟᱹᱨᱚᱜᱼᱟ ᱾
ᱱᱟᱭᱠᱟ
ᱥᱟᱯᱲᱟᱣᱟᱵᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱵᱤᱪᱟᱹᱨ ᱫᱚ ᱟᱹᱛᱩ ᱴᱚᱞᱟ ᱨᱮ ᱢᱟᱹᱡᱷᱤ ᱵᱤᱪᱟᱹᱨ, ᱯᱤᱲ ᱨᱮ ᱯᱤᱲ ᱯᱟᱨᱜᱟᱱᱟ ᱵᱤᱪᱟᱹᱨ ᱟᱨ ᱫᱮᱥ ᱨᱮ ᱫᱮᱥ ᱯᱟᱨᱜᱟᱱᱟ ᱵᱤᱪᱟᱹᱨ, ᱚᱱᱠᱟᱜᱚ ᱞᱚᱻᱵᱤᱨ ᱵᱤᱪᱟᱹᱨ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚ ᱵᱤᱪᱟᱹᱨ ᱜᱮ ᱟᱵᱚᱣᱟᱜ ᱥᱚᱨᱮᱥ ᱵᱤᱪᱟᱹᱨ ᱫᱚ ᱾ ᱚᱸᱰᱮ ᱡᱚᱛᱚ ᱯᱚᱨᱡᱟ ᱠᱚᱣᱟᱜ ᱵᱤᱪᱟᱹᱨ ᱜᱮ ᱟᱵᱚᱣᱟᱜ ᱥᱚᱞᱦᱮ ᱫᱚ ᱾
ᱠᱟᱭᱠᱟ
ᱥᱟᱯᱲᱟᱣᱟᱵᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱵᱤᱪᱟᱹᱨ ᱵᱟᱹᱜᱤ ᱠᱟᱛᱮ ᱫᱤᱠᱩ ᱫᱩᱣᱟᱹᱨ ᱵᱤᱪᱟᱹᱨ ᱨᱮᱫᱚ ᱟᱵᱚ ᱞᱮᱠᱟ ᱵᱤᱪᱟᱹᱨ ᱫᱚ ᱵᱟᱵᱚ ᱧᱟᱢ ᱠᱮᱭᱟ ᱾ ᱚᱱᱟ ᱛᱮ ᱟᱵᱚᱨᱤᱱ ᱦᱟᱯᱲᱟᱢ ᱠᱚ ᱟᱵᱚ ᱞᱮᱠᱟᱛᱮ ᱵᱤᱪᱟᱹᱨ ᱵᱮᱵᱚᱥᱛᱟ ᱠᱚ ᱡᱩᱛ ᱚᱴᱚ ᱟᱠᱟᱜᱼᱟ ᱾
ᱢᱩᱪᱟᱹᱫ
ᱥᱟᱯᱲᱟᱣᱯᱟᱨᱜᱟᱱᱟ ᱵᱤᱪᱟᱹᱨ ᱜᱮ ᱟᱵᱚᱣᱟᱜ ᱥᱚᱨᱮᱥ ᱵᱤᱪᱟᱹᱨ ᱠᱟᱱᱟ ᱾ ᱚᱱᱟᱛᱮ ᱟᱵᱚ ᱡᱚᱛᱚ ᱵᱚᱱ ᱵᱤᱪᱟᱹᱨᱹᱞᱮᱠᱷᱟᱱ ᱟᱵᱚ ᱞᱮᱠᱟ ᱵᱤᱪᱟᱹᱨ ᱛᱟᱵᱚᱱ ᱛᱚᱯᱟᱜᱚᱜᱼᱟ ᱟᱨ ᱵᱷᱟᱹᱜᱤ ᱱᱟᱭ ᱵᱚᱱ ᱧᱟᱢᱟ ᱾
ᱛᱩᱢᱟᱹᱞ
ᱥᱟᱯᱲᱟᱣ- [ᱯᱚᱛᱚᱵ=ᱜᱟᱱᱟᱝ ᱟᱨ ᱪᱤᱴᱷᱤ ᱥᱟᱠᱟᱢ | ᱚᱱᱚᱞᱤᱭᱟᱹ=ᱦᱟᱡᱟᱢ ᱵᱟᱥᱠᱮ |ᱯᱟᱨᱥᱟᱞ ᱠᱮᱫᱤᱡ= ᱦᱟᱸᱥ ᱦᱟᱺᱥᱞᱤ ᱯᱟᱨᱥᱟᱞᱮᱛ, ᱵᱟᱹᱨᱯᱟᱫᱟ |ᱥᱟᱦᱴᱟ=᱒᱖]