ᱯᱟᱨᱠᱚᱢ
ᱯᱟᱨᱠᱚᱢ (Hindi : चारपाई, Bengali: চারপায়া, Urdu, Saraiki, Punjabi; char "four" + paya "footed") ᱫᱚ ᱵᱷᱟᱨᱚᱛ ᱩᱯᱚᱢᱟᱦᱟᱫᱮᱥ ᱨᱮᱱᱟᱜ ᱢᱤᱫ ᱞᱮᱠᱟᱱᱟᱜ ᱛᱚᱠᱛᱟ ᱠᱟᱱᱟ᱾ ᱯᱩᱱᱭᱟ ᱠᱷᱩᱨᱟᱹ ᱥᱮ ᱠᱟᱴᱟ ᱪᱮᱛᱟᱱ ᱯᱟᱨᱭᱟᱲᱮ ᱞᱟᱜᱟᱣ ᱠᱟᱛᱮᱡ ᱚᱱᱟ ᱨᱮ ᱵᱟᱵᱮᱨ ᱛᱮᱧ ᱠᱟᱛᱮᱡ ᱱᱩᱭᱟ ᱯᱟᱨᱠᱚᱢ ᱠᱚ ᱵᱮᱱᱟᱣᱼᱟ᱾ ᱱᱩᱭᱟ ᱠᱷᱩᱨᱟᱹ ᱥᱮ ᱠᱟᱴᱟ ᱟᱨ ᱯᱟᱨᱭᱟᱲᱮ ᱫᱚ ᱢᱟᱜ ᱵᱟᱝᱠᱷᱟᱱ ᱠᱟᱴ ᱛᱮᱠᱚ ᱵᱮᱱᱟᱣᱼᱟ ᱟᱨ ᱞᱟᱭᱞᱚᱱ,ᱥᱩᱛᱞᱤ,ᱱᱟᱨᱠᱚᱲ ᱮᱢᱟᱱ ᱵᱟᱵᱮᱨ ᱛᱮ ᱠᱚ ᱛᱮᱧᱼᱟ᱾ ᱯᱟᱨᱠᱚᱢ ᱫᱚ ᱮᱴᱟᱜ ᱮᱴᱟᱜ ᱡᱟᱜᱟ ᱨᱮ ᱮᱴᱟᱜ ᱞᱮᱠᱟᱱᱟᱜ ᱱᱚᱝᱥᱟ ᱛᱮ ᱠᱚ ᱛᱮᱧᱼᱟ᱾ ᱛᱚᱵᱮ ᱱᱮᱛᱟᱨ ᱫᱤᱱ ᱫᱚ ᱯᱟᱨᱠᱚᱢ ᱫᱚ ᱢᱮᱨᱦᱮᱫ ᱟᱨ ᱯᱮᱞᱟᱥᱴᱤᱠ ᱛᱮᱦᱚ ᱠᱚ ᱵᱮᱱᱟᱣᱮᱫᱟ᱾
-
ᱛᱮᱧ ᱯᱟᱨᱠᱚᱢ
ᱵᱷᱤᱱᱟᱹ ᱵᱷᱤᱱᱟᱹ ᱵᱷᱟᱜ ᱠᱚ ᱥᱟᱯᱲᱟᱣ
- ᱠᱚᱴᱷᱮ
- ᱯᱟᱨᱭᱟᱲᱮ
- ᱛᱮᱧ ᱟᱴᱮᱫ
- ᱡᱟᱝᱜᱟ ᱯᱟᱦᱴᱟ ᱨᱮᱱᱟᱜ ᱛᱟᱱᱟᱣ ᱦᱟᱯᱟ
- ᱴᱟᱱᱟᱣ ᱵᱟᱵᱮᱨ