ᱯᱟᱴᱱᱟ ᱠᱚᱞᱮᱡᱽ
ᱯᱟᱴᱱᱟ ᱠᱚᱞᱮᱡᱽ ᱫᱚ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱢᱤᱫᱴᱟᱹᱝ ᱯᱚᱱᱚᱛ ᱜᱚᱲᱚ ᱟᱠᱟᱱ ᱠᱚᱞᱮᱡᱽ ᱠᱟᱱᱟ,[᱒] ᱡᱟᱦᱟᱸ ᱫᱚ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱑᱘᱖᱓ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱫᱚ ᱥᱟᱬᱮᱥ, ᱱᱟᱱᱟ-ᱦᱩᱱᱟᱹᱨ ᱟᱨ ᱵᱮᱯᱟᱨ ᱨᱮ ᱟᱱᱰᱟᱨᱜᱨᱮᱡᱩᱭᱮᱴ ᱟᱨ ᱯᱚᱥᱴ ᱜᱨᱮᱡᱩᱮᱴ ᱠᱚᱨᱥ ᱥᱟᱶᱛᱮ ᱵᱤ.ᱵᱤ.ᱮ., ᱵᱤ.ᱮᱢ.ᱥᱤ. ᱟᱨ ᱟᱨ ᱵᱤ.ᱥᱤ.ᱮ. ᱞᱮᱠᱟᱱ ᱠᱟᱹᱢᱤ ᱠᱚᱨᱥ ᱦᱚᱸ ᱮᱢᱚᱜᱼᱟ ᱾ ᱱᱚᱣᱟ ᱠᱚᱞᱮᱡᱽ ᱫᱚ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ ᱾[᱓] ᱱᱚᱣᱟ ᱫᱚ ᱵᱤᱦᱟᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱠᱚᱞᱮᱡᱽ ᱞᱮᱠᱟᱛᱮ ᱦᱚᱸ ᱠᱚ ᱢᱟᱱᱟᱣᱟ ᱾[᱔]
| ᱯᱟᱴᱱᱟ ᱠᱚᱞᱮᱡᱽ | |
|---|---|
| Seal of Patna College.png ᱯᱟᱴᱱᱟ ᱠᱚᱞᱮᱡᱽ ᱨᱮᱱᱟᱜ ᱢᱚᱦᱚᱨ | |
| ᱛᱷᱟᱯᱚᱱ | 9 ᱡᱟᱱᱩᱣᱟᱨᱤ 1863 |
| ᱞᱮᱠᱟᱱ | ᱫᱤᱥᱩᱣᱟᱹ |
| ᱫᱚᱨᱚᱢ ᱢᱟᱱᱚᱛ | ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱯᱨᱤᱱᱥᱤᱯᱟᱞ | ᱯᱨᱚᱯᱷᱮᱥᱚᱨ ᱰᱨ. ᱥᱚᱸᱡᱚᱭ ᱠᱩᱢᱟᱨ ᱥᱤᱝᱦᱚ[᱑] |
| ᱴᱷᱟᱶ | ᱯᱟᱴᱱᱟ, ᱵᱤᱦᱟᱨ, ᱥᱤᱧᱚᱛ |
| ᱠᱮᱢᱯᱚᱥ | ᱥᱚᱦᱨᱤ |
| ᱣᱮᱵᱽᱥᱟᱭᱤᱴ | patnacollege |
| Emblem Patna College.png | |
ᱱᱟᱜᱟᱢ
ᱥᱟᱯᱲᱟᱣᱯᱟᱴᱱᱟ ᱠᱚᱞᱮᱡᱽ ᱫᱚ ᱵᱤᱦᱟᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱤᱱᱥᱴᱤᱴᱭᱩᱴ ᱠᱟᱱᱟ ᱾ ᱯᱟᱴᱱᱟ ᱨᱮᱱᱟᱜ ᱡᱚᱛᱚ ᱢᱩᱬᱩᱛ ᱠᱚᱞᱮᱡᱽ ᱠᱚ ᱢᱩᱫᱽ ᱨᱮ ᱯᱟᱴᱱᱟ ᱞᱚ ᱠᱚᱞᱮᱡᱽ, ᱤᱱᱡᱤᱱᱤᱭᱚᱨᱤᱝ ᱠᱚᱞᱮᱡᱽ (ᱱᱤᱛᱚᱜ ᱫᱚ ᱡᱟᱹᱛᱤᱭᱟᱹᱨᱤ ᱴᱮᱠᱱᱚᱞᱚᱡᱤ ᱤᱱᱥᱴᱤᱴᱭᱩᱴ, ᱯᱟᱴᱱᱟ), ᱯᱟᱴᱱᱟ ᱥᱟᱭᱤᱱᱥ ᱠᱚᱞᱮᱡᱽ ᱟᱨ ᱠᱚᱢᱚᱨᱥ ᱠᱚᱞᱮᱡᱽ ᱠᱚᱫᱚ ᱱᱚᱣᱟ ᱠᱚᱞᱮᱡᱽ ᱠᱷᱚᱱ ᱜᱮ ᱦᱮᱡ ᱟᱠᱟᱱᱟ ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱙ ᱡᱟᱱᱩᱣᱟᱨᱤ ᱑᱘᱖᱓ ᱨᱮ ᱯᱟᱴᱱᱟ ᱠᱚᱞᱮᱡᱽ ᱫᱚ ᱛᱷᱟᱯᱚᱱ ᱞᱮᱱᱟ ᱾
᱒ ᱡᱟᱱᱩᱣᱟᱨᱤ ᱑᱙᱕᱒ ᱥᱮᱨᱢᱟ ᱨᱮ ᱢᱟᱨᱮ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱵᱤᱦᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱷᱮᱜᱟᱨ ᱠᱟᱛᱮ ᱛᱟᱭᱚᱢ, ᱤᱱᱥᱴᱤᱴᱭᱩᱴ ᱨᱮ ᱢᱤᱫ ᱞᱟᱹᱠᱛᱤᱭᱟᱱ ᱵᱚᱫᱚᱞ ᱨᱮ ᱧᱮᱞ ᱮᱱᱟ ᱾ ᱡᱟᱱᱩᱣᱟᱨᱤ ᱑᱙᱕᱒ ᱫᱷᱟᱹᱨᱤᱡ ᱠᱚᱞᱮᱡᱽ ᱫᱚ ᱢᱤᱫ ᱥᱚᱨᱠᱟᱨᱤ ᱠᱚᱞᱮᱡᱽ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱫᱚ ᱢᱤᱫ ᱯᱷᱩᱨᱜᱟᱹᱞ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱱᱚᱣᱟ ᱫᱚ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱢᱤᱫ ᱱᱤᱥᱛᱷ ᱠᱚᱞᱮᱡᱽ ᱦᱩᱭ ᱮᱱᱟ ᱟᱨ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱚᱥᱴ ᱜᱨᱮᱡᱩᱮᱴ ᱥᱮᱪᱮᱫ ᱨᱮᱱᱟᱜ ᱵᱤᱥᱚᱭ ᱦᱮᱡ ᱟᱠᱟᱱ ᱠᱷᱟᱹᱛᱤᱨ ᱱᱚᱣᱟ ᱫᱚ ᱜᱨᱮᱡᱩᱮᱴ ᱥᱮᱪᱮᱫ ᱞᱟᱹᱜᱤᱫ ᱜᱮ ᱦᱩᱱᱟᱹᱨ ᱮᱱᱟ ᱾ ᱵᱟᱨ ᱥᱮᱨᱢᱟ ᱫᱷᱟᱹᱨᱤᱡ ᱜᱨᱮᱡᱩᱮᱴ ᱥᱮᱪᱮᱫ ᱨᱮᱱᱟᱜ ᱛᱟᱞᱢᱟ ᱵᱮᱱᱟᱣ ᱮᱱ ᱛᱟᱭᱚᱢ ᱥᱟᱱᱟᱢ ᱠᱚᱞᱮᱡᱽ ᱨᱮᱱᱟᱜ ᱜᱨᱮᱡᱩᱮᱴ ᱥᱮᱪᱮᱫ ᱫᱚ ᱱᱚᱣᱟ ᱠᱚᱞᱮᱡᱽ ᱨᱮᱜᱮ ᱫᱚᱦᱚ ᱮᱱᱟ ᱾ ᱚᱱᱚᱨᱥ ᱥᱮᱪᱮᱫ ᱨᱮᱱᱟᱜ ᱠᱟᱹᱢᱤ ᱫᱚ ᱡᱚᱛᱚ ᱠᱚᱞᱮᱡᱽ ᱠᱷᱚᱱ ᱟᱨᱥᱴ ᱵᱤᱵᱷᱟᱜᱽ ᱨᱤᱱ ᱧᱩᱛᱩᱢᱟᱱ ᱥᱮᱪᱮᱫᱤᱭᱟᱹ ᱠᱚ ᱦᱚᱛᱮᱛᱮ ᱦᱩᱭ ᱟᱠᱟᱱᱟ ᱾ ᱯᱩᱭᱞᱩ ᱵᱟᱨ ᱫᱤᱱ ᱨᱮ ᱱᱚᱣᱟ ᱠᱚᱞᱮᱡᱽ ᱨᱮ ᱮᱴᱟᱜ ᱠᱚᱞᱮᱡᱽ ᱨᱮᱱᱟᱜ ᱟᱨᱴᱥ ᱚᱯᱷ ᱚᱱᱚᱨᱥ ᱠᱞᱟᱥ ᱨᱤᱱ ᱯᱚᱲᱦᱚᱱᱤᱭᱟᱹ ᱠᱚᱦᱚᱸ ᱠᱚ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾
᱑᱙᱕᱗ ᱥᱮᱨᱢᱟ ᱨᱮ ᱚᱛᱱᱚᱜ, ᱥᱟᱶᱛᱟ ᱥᱟᱬᱮᱥ ᱟᱨ ᱥᱟᱭᱠᱚᱞᱚᱡᱤ ᱯᱳᱥᱴ ᱜᱨᱮᱡᱩᱮᱴ ᱰᱤᱯᱟᱨᱴᱢᱮᱱᱴ ᱠᱚ ᱪᱷᱟᱰᱟ ᱠᱟᱛᱮ ᱡᱚᱛᱚ ᱫᱚᱨᱵᱷᱚᱝᱜᱟ ᱦᱟᱣᱩᱥ ᱨᱮ ᱠᱚ ᱦᱮᱡ ᱮᱱᱟ ᱾ ᱢᱮᱱᱠᱷᱟᱱ ᱯᱟᱴᱱᱟ ᱠᱚᱞᱮᱡᱽ ᱨᱤᱱ ᱟᱭᱢᱟ ᱢᱟᱪᱮᱛ ᱫᱚ ᱫᱚᱨᱵᱷᱚᱝᱜᱟ ᱦᱟᱣᱩᱥ ᱨᱤᱱ ᱰᱤᱯᱟᱨᱴᱢᱮᱱᱴ ᱨᱮ ᱥᱮᱞᱮᱫ ᱠᱟᱛᱮ ᱯᱚᱥᱴ ᱜᱨᱮᱡᱩᱮᱴ ᱮᱡᱩᱠᱮᱥᱚᱱ ᱨᱮᱱᱟᱜ ᱢᱚᱱᱮ ᱫᱚᱦᱚ ᱟᱠᱟᱫ ᱠᱚᱣᱟ ᱾
ᱯᱳᱥᱴ ᱚᱯᱚᱨᱮᱴᱤᱵᱽ ᱠᱟᱹᱢᱤ ᱨᱮ ᱟᱹᱰᱤ ᱠᱚᱢ ᱜᱮ ᱵᱚᱫᱚᱞ ᱢᱮᱱᱟᱜᱼᱟ ᱾ ᱡᱟᱹᱥᱛᱤ ᱜᱟᱱ ᱠᱚᱱᱥᱤᱞ, ᱠᱞᱟᱵᱽ ᱟᱨ ᱦᱚᱥᱴᱮᱞ ᱠᱚᱫᱚ ᱱᱤᱛ ᱦᱚᱸ ᱯᱨᱤᱱᱥᱤᱯᱟᱞ ᱟᱜ ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱾
᱑᱙᱗᱔ ᱥᱮᱨᱢᱟ ᱨᱮᱱᱟᱜ ᱙ ᱥᱮᱯᱴᱮᱢᱵᱚᱨ ᱦᱤᱞᱚᱜ ᱯᱟᱴᱱᱟ ᱠᱚᱞᱮᱡᱽ ᱠᱷᱚᱱ ᱤᱠᱟᱱᱟᱱᱤᱠᱥ ᱰᱤᱯᱟᱨᱴᱢᱮᱱᱴ ᱫᱚ ᱵᱷᱮᱜᱟᱨ ᱠᱟᱛᱮ ᱵᱟᱱᱤᱡᱚᱭ ᱢᱚᱦᱟᱵᱤᱫᱽᱭᱟᱞᱚᱭ ᱨᱮ ᱵᱮᱱᱟᱣ ᱮᱱᱟ ᱾ ᱱᱤᱛᱚᱜ ᱵᱷᱟᱱᱤᱡᱚᱭ ᱢᱚᱦᱟᱵᱤᱫᱽᱭᱟᱞᱚᱭ ᱫᱚ ᱠᱚᱞᱮᱡᱽ ᱨᱮᱱᱟᱜ ᱚᱛ ᱦᱟᱥᱟ ᱨᱮᱜᱮ ᱢᱮᱱᱟᱜᱼᱟ ᱾
ᱯᱟᱴᱱᱟ ᱠᱚᱞᱮᱡᱽ ᱫᱚ ᱵᱤᱦᱟᱨ ᱨᱮᱱᱟᱜ ᱯᱩᱭᱞᱩ ᱠᱚᱞᱮᱡᱽ ᱠᱟᱱᱟ ᱡᱟᱦᱟᱸ ᱫᱚ ᱑᱙᱖᱓ ᱥᱟᱞᱮ ᱨᱮ ᱜᱮ ᱥᱮᱨᱢᱟ ᱯᱩᱨᱟᱹᱣ ᱢᱟᱦᱟᱸ ᱠᱚ ᱢᱟᱱᱟᱣ ᱮᱱᱟ ᱾
ᱠᱚᱞᱮᱡᱽ ᱫᱚ ᱤ. ᱮᱢ. ᱯᱷᱚᱨᱥᱴᱚᱨ ᱟᱜ ᱚᱱᱚᱬᱦᱮ ᱮ ᱯᱟᱥᱮᱡᱽ ᱴᱩ ᱤᱱᱰᱤᱭᱟ ᱥᱟᱶ ᱦᱚᱸ ᱡᱩᱲᱟᱹᱣ ᱢᱮᱱᱟᱜᱼᱟ ᱾ ᱟᱰᱣᱟᱭᱛ ᱯᱤ. ᱜᱟᱝᱜᱩᱞᱤ, ᱚᱱᱚᱬᱦᱮ ᱨᱮ ᱪᱚᱱᱫᱽᱨᱚᱯᱩᱨ ᱠᱚᱞᱮᱡᱽ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱤᱱᱥᱴᱤᱴᱭᱩᱥᱚᱱ ᱫᱚ "ᱯᱟᱴᱱᱟ ᱠᱚᱞᱮᱡᱽ ᱨᱮᱱᱟᱜ ᱢᱤᱫ ᱨᱤᱯᱞᱤᱠᱟ" ᱠᱟᱱᱟ ᱾ ᱯᱷᱳᱨᱥᱴᱚᱨ ᱟᱡᱟᱜ ᱚᱱᱚᱬᱦᱮ 'ᱮ ᱯᱟᱥᱮᱡᱽ ᱴᱩ ᱤᱱᱰᱤᱭᱟ' ᱚᱞ ᱚᱠᱛᱚ ᱨᱮ ᱪᱟᱨᱞᱥ ᱨᱟᱥᱥᱮᱞ ᱟᱨ ᱵᱷᱤ.ᱮᱪ. ᱡᱮᱠᱥᱚᱱ ᱥᱟᱶ ᱧᱟᱯᱟᱢ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱠᱚᱞᱮᱡᱽ ᱨᱤᱱᱤᱡ ᱯᱨᱚᱯᱷᱮᱥᱚᱨ ᱠᱟᱱᱟᱭ ᱾ ᱯᱷᱳᱨᱥᱴᱚᱨ ᱫᱚ ᱵᱟᱨᱵᱟᱨ ᱠᱮᱵᱽ ᱠᱚᱨᱮ ᱪᱟᱞᱟᱜ ᱢᱟᱬᱟᱝ ᱨᱮ ᱨᱟᱥᱮᱞ ᱠᱷᱚᱱ ᱦᱣᱮᱱ ᱛᱥᱚᱝ ᱟᱜ ᱤᱱᱰᱤᱭᱟᱱ ᱰᱟᱭᱨᱤ ᱠᱚᱭ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱱᱚᱵᱷᱮᱞ ᱨᱮ ᱢᱤᱫ ᱢᱩᱬ ᱴᱷᱟᱶ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱡᱮᱠᱥᱚᱱ ᱟᱜ ᱧᱩᱛᱩᱢ ᱛᱮ ᱠᱚᱞᱮᱡᱽ ᱨᱮ ᱢᱤᱫ ᱦᱳᱥᱴᱮᱞ ᱧᱩᱛᱩᱢ ᱟᱠᱟᱱᱟ ᱾
ᱢᱟᱨᱟᱝ ᱯᱷᱤᱞᱢ ᱵᱮᱱᱟᱣᱤᱡ ᱥᱚᱛᱭᱚᱡᱤᱛ ᱨᱟᱭ ᱟᱡᱟᱜ ᱥᱤᱨᱯᱷᱟᱹ ᱡᱤᱛᱠᱟᱹᱨ ᱟᱠᱟᱱ ᱯᱷᱤᱞᱢ ᱥᱤᱢᱟᱵᱟᱫᱫᱷᱟ ᱞᱟᱹᱜᱤᱫ ᱛᱮ ᱠᱚᱞᱮᱡᱽ ᱨᱮᱱᱟᱜ ᱪᱤᱛᱟᱹᱨᱤᱭᱟᱹ ᱠᱮᱢᱯᱟᱥ ᱵᱮᱵᱷᱟᱨ ᱞᱮᱫ ᱛᱟᱦᱮᱸᱫ ᱾[᱕]
ᱠᱮᱢᱯᱟᱥ ᱟᱨ ᱵᱤᱞᱰᱤᱝ
ᱥᱟᱯᱲᱟᱣ
ᱠᱚᱞᱮᱡᱽ ᱨᱮᱭᱟᱜ ᱥᱟᱥᱚᱱ ᱪᱟᱪᱞᱟᱣ ᱵᱞᱚᱠ ᱫᱚ ᱡᱚᱛᱚ ᱵᱤᱞᱰᱤᱝ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱢᱟᱨᱮ ᱵᱤᱞᱰᱤᱝ ᱠᱟᱱᱟ ᱾ ᱠᱚᱞᱮᱡᱽ ᱮᱛᱚᱦᱚᱵᱚᱜ ᱠᱷᱚᱱ ᱟᱹᱰᱤ ᱢᱟᱲᱟᱝ ᱑᱗ ᱥᱟᱭ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱢᱤᱫ ᱟᱯᱷᱤᱭᱚᱢ ᱵᱤᱨᱫᱟᱹᱜᱟᱲ ᱟᱨ ᱢᱤᱫ ᱰᱟᱪ ᱯᱷᱮᱠᱴᱨᱤ ᱨᱮᱱᱟᱜ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ᱚᱠᱛᱚ ᱥᱟᱶᱛᱮ ᱮᱴᱟᱜ ᱚᱲᱟᱜ ᱠᱚᱦᱚᱸ ᱵᱮᱱᱟᱣ ᱮᱱᱟ ᱾
ᱱᱚᱣᱟ ᱠᱚ ᱢᱩᱸᱫᱽ ᱠᱷᱚᱱ ᱠᱤᱪᱷᱩ ᱯᱟᱪᱮ ᱣᱤᱝ (᱑᱘᱗᱑), ᱥᱟᱢᱟᱝ (᱑᱘᱘᱐), ᱯᱳᱨᱴᱤᱠᱳ ᱟᱨ ᱱᱤᱛᱚᱜᱟᱜ ᱵᱤ.ᱮ. ᱞᱮᱠᱪᱟᱨ ᱛᱷᱤᱭᱮᱴᱚᱨ (᱑᱘᱘᱒) ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱨᱤᱱᱥᱤᱯᱟᱞ ᱤᱵᱽᱵᱚᱸᱠ ᱧᱩᱛᱩᱢ ᱛᱮ ᱟᱹᱰᱤ ᱟᱭᱢᱟ ᱯᱟᱪᱮ ᱠᱚᱨᱤᱰᱚᱨ ᱛᱮ ᱢᱩᱬ ᱵᱷᱚᱵᱚᱱ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾ ᱛᱟᱭᱚᱢ ᱛᱮ ᱡᱮᱠᱥᱚᱱ, ᱢᱤᱸᱴᱳ, ᱱᱤᱭᱩ ᱟᱨ ᱤᱠᱵᱟᱞ ᱞᱮᱠᱟᱱ ᱦᱳᱥᱴᱮᱞ ᱟᱨ ᱯᱨᱤᱱᱥᱤᱯᱟᱞ ᱟᱨ ᱯᱨᱳᱯᱷᱮᱥᱚᱨ ᱠᱚ ᱞᱟᱹᱜᱤᱫ ᱠᱣᱟᱴᱚᱨ ᱵᱮᱱᱟᱣ ᱮᱱᱟ ᱾[᱖]
ᱠᱚᱞᱮᱡᱽ ᱵᱷᱚᱵᱚᱱ ᱫᱚ ᱥᱤᱧᱚᱛᱤᱭᱟᱹ ᱟᱨᱠᱤᱣᱚᱞᱚᱡᱤ ᱥᱟᱨᱵᱷᱮ ᱦᱚᱛᱮᱛᱮ ᱢᱤᱫ ᱦᱮᱨᱤᱴᱮᱡᱽ ᱴᱚᱴᱷᱟ ᱢᱮᱱᱛᱮ ᱠᱚ ᱵᱟᱰᱟᱭ ᱟᱠᱟᱫᱼᱟ ᱾[᱖]
ᱵᱤᱵᱷᱟᱜᱽ ᱠᱚ
ᱥᱟᱯᱲᱟᱣᱟᱨᱥᱴ ᱟᱨ ᱠᱚᱢᱟᱨᱥ
ᱥᱟᱯᱲᱟᱣ- ᱤᱝᱞᱤᱥ
- ᱦᱤᱱᱫᱤ
- ᱩᱨᱫᱩ
- ᱢᱟᱭᱛᱷᱤᱞᱤ
- ᱵᱟᱝᱞᱟ
- ᱥᱚᱸᱥᱠᱨᱤᱛ
- ᱟᱨᱟᱵᱤ
- ᱯᱷᱟᱨᱥᱤ (ᱯᱟᱨᱥᱤᱭᱟᱱ)
- ᱱᱟᱜᱟᱢ
- ᱞᱟᱠᱪᱟᱨ ᱥᱟᱬᱮᱥ
- ᱠᱟᱹᱣᱰᱤ ᱟᱹᱨᱤ
- ᱢᱚᱱ ᱥᱟᱬᱮᱥ
- ᱯᱷᱤᱞᱳᱥᱚᱯᱷᱤ
- ᱥᱟᱶᱛᱟ ᱥᱟᱬᱮᱥ
- ᱚᱛᱱᱚᱜ
- ᱢᱟᱥ ᱠᱚᱢᱭᱩᱱᱤᱠᱮᱥᱚᱱ
- ᱢᱟᱨᱮ ᱥᱤᱧᱚᱛᱤᱭᱟᱹ ᱱᱟᱜᱟᱢ ᱟᱨ ᱫᱷᱚᱨᱚᱢ
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Patna College celebrates 161st Foundation Day with fervor". The Times of India. January 10, 2023. Retrieved March 5, 2023.
- ↑ Chaudhary, Uday Narayan (8 January 2012). "Patna College turns 150". The Times of India. Patna. Archived from the original on 1 July 2012. Retrieved 2012-01-29.
- ↑ "Colleges of Patna University". Patna University. Archived from the original on 2016-08-09. Retrieved 2024-05-23.
- ↑ "CM promises all help to Patna College for growth". The Times of India. Patna. TNN. 10 January 2012. Retrieved 30 January 2012.
- ↑ "'Oxford of the East' badly in need of restoration". The Hindu. 9 January 2014. Retrieved 2018-05-18.
- ↑ ᱖.᱐ ᱖.᱑ "Of Dutch factory and Patna College". The Times of India. Patna. TNN. 7 January 2012. Archived from the original on 3 January 2013. Retrieved 2012-01-30.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱟᱴᱱᱟ ᱠᱚᱞᱮᱡᱽ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- S K Sinha (1992). A Soldier Recalls. Lancer International, New Delhi. ISBN 9788170621614. Retrieved 2 August 2012.
- Sujit Mukherjee (1996). Autobiography Of An Unknown Cricketer. Ravi Dayal Publisher, New Delhi. ISBN 9788175300019. Retrieved 2 August 2012.
- Justice Harihar Mahapatra (2011). My Life, My Work. Allied Publishers Private Limited. ISBN 9788184246407. Retrieved 2 August 2012.
- Sudhir Kumar Jha (2005). A new dawn: Patna reincarnated. Sudhir Kumar Jha. ISBN 978-81-7525-621-7. Retrieved 2 August 2012.
- Shreedhar Narayan Pandey (1975). Education and social changes in Bihar, 1900–1921: a survey of social history of Bihar from Lord Curzon to noncooperation movement. Motilal Banarsidass. ISBN 978-0-8426-0986-9. Retrieved 2 August 2012.