ᱯᱟᱹᱨᱥᱤ ᱟᱨ ᱨᱚᱱᱚᱲ

ᱮᱛᱚᱦᱚᱵ (Introduction) :

ᱢᱟᱹᱱᱢᱤ ᱜᱮ ᱫᱷᱟᱹᱨᱛᱤ ᱨᱮᱱ ᱡᱚᱛᱚ ᱠᱷᱚᱱ ᱥᱚᱨᱮᱥ ᱥᱤᱨᱡᱚᱱ । ᱢᱟᱹᱱᱢᱤ ᱫᱚ ᱵᱚ ᱩᱭᱦᱟᱹᱨ ᱫᱟᱲᱮᱭᱟᱜ-ᱟ,ᱡᱟᱦᱟᱱᱟᱜ ᱧᱮᱞ ᱠᱟᱛᱮ ᱵᱟᱝᱠᱷᱟᱱ ᱟᱸᱡᱚᱢ ᱠᱟᱛᱮ ᱵᱚ ᱥᱮᱬᱟ ᱫᱟᱲᱮᱭᱟᱜ-ᱟ। ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱛᱷᱟ ᱢᱟᱹᱱᱢᱤ ᱫᱚ ᱵᱚᱱ ᱨᱚᱲ ᱫᱟᱲᱮᱭᱟᱜ-ᱟ । ᱱᱚᱣᱟ ᱩᱭᱦᱟᱹᱨ,ᱥᱮᱬᱟ ᱟᱨ ᱦᱟᱛᱟᱝ ᱫᱟᱲᱮ ᱛᱮ ᱜᱮ ᱢᱟᱱᱢᱤ ᱫᱚ ᱮᱴᱟᱜ ᱡᱤᱭᱟᱹᱞᱤ ᱠᱷᱚᱱ ᱵᱚ ᱥᱚᱨᱮᱥ ᱟᱠᱟᱱᱟ । ᱢᱟᱹᱱᱢᱤ ᱵᱮᱜᱚᱨ ᱵᱚᱱᱟ ᱪᱮᱬᱮ, ᱢᱟᱭᱱᱚ, ᱢᱤᱨᱩ ᱮᱢᱟᱱ ᱪᱮᱬᱮ ᱫᱚ ᱦᱚᱲ ᱞᱮᱠᱟ ᱠᱚ ᱟᱲᱟᱝ ᱫᱟᱲᱮᱭᱟᱜ-ᱟ । ᱢᱮᱱᱠᱷᱟᱱ ᱩᱱᱠᱩᱣᱟᱜ ᱚᱱᱟ ᱟᱲᱟᱝ ᱫᱚ ᱨᱚᱱᱚᱲ ᱟᱹᱨᱤ ᱞᱮᱠᱟᱛᱮ ᱯᱟᱹᱨᱥᱤ ᱫᱚ ᱵᱟᱝ ᱵᱚᱱ ᱢᱮᱱ ᱫᱟᱲᱮᱭᱟᱜ-ᱟ। ᱪᱮᱫᱟᱜ ᱥᱮ ᱩᱱᱠᱩᱣᱟᱜ ᱚᱱᱟ ᱟᱲᱟᱝ ᱛᱮ ᱢᱚᱱᱮ ᱨᱮᱱᱟᱜ ᱟᱹᱭᱠᱟᱹᱣ ᱥᱮ ᱵᱷᱟᱵᱽ ᱫᱚ ᱵᱟᱝ ᱯᱷᱳᱴᱮᱞᱚᱜ-ᱟ । ᱩᱱᱠᱩ ᱫᱚ ᱮᱠᱷᱮᱱ ᱥᱮᱬᱟ ᱟᱠᱟᱫ ᱵᱩᱞᱤ (ᱠᱟᱛᱷᱟ) ᱜᱮᱠᱚ ᱞᱟᱹᱭ ᱫᱟᱲᱮᱭᱟᱜ-ᱟ। ᱚᱱᱟ ᱛᱮ ᱩᱱᱠᱩᱣᱟᱜ ᱚᱱᱟ ᱨᱚᱲ ᱫᱚ ᱟᱯᱱᱟᱨᱟᱜ ᱯᱟᱹᱨᱥᱤ ᱵᱟᱝ ᱵᱚᱱ ᱢᱮᱛᱟᱜ-ᱟ ।

ᱨᱚᱲ (Speech) :

ᱢᱚᱱᱮ ᱨᱮᱭᱟᱜ ᱟᱹᱭᱠᱟᱹᱣ ᱥᱮ ᱵᱷᱟᱵᱽ ᱛᱮᱫ ᱯᱷᱳᱴᱮᱞ ᱦᱚᱪᱚᱭ ᱞᱟᱹᱜᱤᱫ ᱞᱩᱛᱩᱨᱛᱮ ᱟᱸᱡᱚᱢᱚᱜ ᱢᱚᱪᱟ ᱨᱮᱭᱟᱜ ᱢᱮᱱᱮᱛ ᱟᱱᱟᱜ ᱥᱟᱰᱮ ᱜᱮ ᱨᱚᱲ ᱵᱚ ᱢᱮᱛᱟᱜ-ᱟ। ᱡᱮᱞᱮᱠᱟ - (᱑) ᱟᱻᱦ, ᱱᱚᱣᱟ ᱫᱟᱨᱮ ᱵᱩᱴᱟᱹ ᱟᱹᱰᱤ ᱪᱮᱦᱨᱟ ᱦᱮᱢᱟᱞ ᱜᱮ ᱟᱹᱭᱠᱟᱹᱣᱮᱱᱟ ।