ᱯᱨᱚᱢᱚᱫᱽ ᱵᱚᱨᱚ
ᱯᱨᱚᱢᱚᱫᱽ ᱵᱚᱨᱚ (ᱡᱟᱱᱟᱢ ᱑ ᱢᱟᱨᱪ ᱑᱙᱕᱗) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱝᱴᱮᱱ ᱨᱟᱡᱟᱨᱤᱭᱟᱹ ᱠᱟᱱᱟᱭᱟ, ᱚᱠᱚᱭ ᱫᱚ ᱒᱕ ᱯᱷᱮᱵᱽᱨᱩᱣᱥᱨᱤ ᱒᱐᱒᱐ ᱢᱟᱹᱦᱤᱛ ᱠᱷᱚᱱ ᱭᱩ.ᱯᱤ.ᱯᱤ.ᱮᱞ. ᱯᱟᱨᱴᱤ ᱨᱮᱱ ᱯᱟᱨᱥᱮᱛ ᱨᱮᱭᱟᱜ ᱫᱟᱭᱤᱠ ᱵᱷᱟᱨᱮ ᱜᱚᱜ ᱟᱠᱟᱫ ᱟᱨ ᱑᱕ ᱰᱤᱥᱮᱢᱵᱚᱨ ᱒᱐᱒᱐ ᱢᱟᱹᱦᱤᱛ ᱠᱷᱚᱱ ᱵᱟᱰᱚᱞᱮᱱᱰ ᱟᱹᱯᱟᱹᱱᱟᱹᱛ ᱴᱚᱴᱷᱟ ᱨᱮᱱ ᱢᱩᱠᱷᱭᱟᱹ ᱠᱟᱹᱡᱽᱣᱟᱹ ᱨᱟᱹᱥᱤᱭᱟᱹ (Chief Executive Member of Bodoland Territorial Region) ᱠᱟᱱᱮ, ᱚᱠᱟ ᱫᱚ ᱟᱥᱟᱢ ᱨᱮᱭᱟᱜ ᱢᱤᱫᱴᱮᱱ ᱟᱹᱯᱟᱹᱱᱟᱹᱛ ᱴᱚᱴᱷᱟ ᱠᱟᱱ᱾ ᱩᱱᱤ ᱫᱚ ᱥᱟᱱᱟᱢ ᱵᱟᱰᱚ ᱯᱟᱹᱴᱷᱩᱣᱟᱹ ᱜᱟᱶᱛᱟ ᱨᱮᱱ ᱢᱟᱨᱮ ᱯᱟᱨᱥᱮᱛᱮ ᱛᱟᱦᱮᱠᱟᱱᱟ᱾ ᱩᱱᱤ ᱫᱚ ᱵᱟᱝᱜᱟ ᱛᱟᱞᱟ ᱜᱷᱚᱱᱚᱥᱟᱢ ᱵᱚᱨᱚ ᱨᱮᱱ ᱦᱚᱯᱚᱱ ᱠᱟᱱᱟᱭ᱾ ᱩᱱᱤᱭᱟᱜ ᱟᱛᱩ ᱚᱲᱟᱜ ᱫᱚ ᱟᱥᱟᱢ ᱨᱮᱭᱟᱜ ᱵᱟᱠᱥᱟ ᱦᱚᱱᱚᱛ ᱨᱮᱭᱟᱜ ᱛᱟᱢᱩᱞᱯᱩᱨ ᱨᱮ᱾
| ᱯᱨᱚᱢᱚᱫᱽ ᱵᱚᱨᱚ | |
|---|---|
 ᱯᱨᱚᱢᱚᱫᱽ ᱵᱚᱨᱚᱣᱟᱜ ᱪᱤᱛᱟᱹᱨ | |
| ᱵᱚᱵᱚᱞᱮᱱᱰ ᱟᱹᱯᱟᱹᱱᱟᱹᱛ ᱴᱚᱴᱷᱟ ᱵᱟᱹᱭᱥᱤ ᱨᱮᱱ ᱢᱩᱠᱷᱭᱟᱹ ᱠᱟᱹᱡᱽᱣᱟᱹ ᱨᱟᱹᱥᱤᱭᱟᱹ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱑᱕ ᱰᱤᱥᱮᱢᱵᱚᱨ ᱒᱐᱒᱐ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱦᱟᱜᱨᱟᱢᱟ ᱢᱚᱦᱤᱞᱟᱨᱤ |
| ᱵᱟᱪᱱᱟᱣ ᱮᱞᱮᱠᱟ | ᱠᱚᱠᱞᱟᱵᱟᱨᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑ ᱢᱟᱨᱪ ᱑᱙᱗᱕ |
| ᱨᱟᱡᱽᱟᱹᱨᱤ ᱫᱚᱞ | ᱭᱩ.ᱯᱤ.ᱯᱤ.ᱮᱞ. |
| ᱣᱮᱵᱽᱥᱟᱭᱤᱴ | upplofficial |
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
ᱥᱟᱯᱲᱟᱣ᱑᱙᱗᱕ ᱥᱮᱨᱢᱟ ᱨᱮᱭᱟᱜ ᱑ ᱢᱟᱨᱪ ᱢᱟᱹᱦᱤᱛ ᱦᱤᱞᱚᱜ ᱵᱤᱱ ᱠᱮᱪᱮᱰ ᱱᱚᱞᱵᱟᱲᱤ ᱦᱚᱱᱚᱛ ᱟᱨ ᱱᱟᱦᱟᱜ ᱵᱟᱠᱥᱟ ᱦᱚᱱᱚᱛ ᱨᱮᱭᱟᱜ ᱛᱟᱹᱢᱩᱞᱯᱩᱨ ᱦᱚᱭᱟᱵᱟᱨᱤ ᱨᱮ ᱢᱤᱫᱴᱮᱱ ᱪᱟᱹᱥᱤ ᱚᱲᱟᱜ ᱨᱮ ᱯᱨᱚᱢᱚᱫᱽ ᱵᱚᱨᱚ ᱫᱚᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱟᱡ ᱵᱟᱵᱟᱣᱟᱜ ᱧᱩᱛᱩᱢ ᱫᱚ ᱜᱚᱱᱚᱥᱟᱢ ᱵᱚᱨᱚ᱾ ᱜᱷᱟᱨᱚᱧᱡᱽ ᱨᱮᱱ ᱢᱚᱬᱮ ᱜᱚᱴᱮᱡ ᱢᱤᱥᱨᱟ ᱥᱟᱶ ᱯᱨᱚᱢᱚᱫᱽ ᱵᱚᱨᱚ ᱫᱚ ᱮᱥᱠᱟᱨ ᱠᱚᱲᱟ ᱦᱚᱯᱚᱱᱮ ᱛᱟᱦᱮᱠᱟᱱᱟ᱾ ᱩᱱᱤ ᱫᱚ ᱯᱟᱹᱦᱤᱞ ᱟᱹᱠᱤᱞ ᱢᱟᱨᱥᱟᱞ ᱥᱚᱣᱨᱟᱜᱩᱲᱤ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱨᱮᱭᱮ ᱦᱟᱢᱮᱴ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱛᱟᱢᱩᱞᱯᱩᱨ ᱞᱟᱛᱷᱟᱝ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱬᱮᱥ ᱛᱷᱚᱠ ᱭᱛᱮ ᱟᱭᱹᱮᱹ ᱯᱟᱥ ᱠᱟᱛᱮ ᱞᱟᱯᱷᱟᱝ ᱥᱮᱪᱮᱫ ᱞᱟᱹᱜᱤᱫ ᱜᱩᱣᱟᱦᱟᱴᱤ ᱨᱮᱭᱟᱜ ᱦᱩᱣᱟᱦᱟᱴᱤ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱧᱩᱛᱩᱢᱮ ᱚᱞ ᱚᱪᱚᱞᱮᱫᱟ᱾ ᱢᱮᱱᱠᱷᱟᱱ ᱠᱟᱹᱣᱰᱤ ᱨᱮᱭᱟᱜ ᱟᱱᱟᱴ ᱠᱷᱟᱹᱛᱤᱨ ᱨᱩᱣᱟᱹᱲ ᱦᱮᱡ ᱦᱩᱭ ᱞᱮᱱ ᱛᱟᱭᱟ| ᱟᱥᱲᱟ ᱪᱟᱞᱟᱜ ᱥᱟᱶ ᱥᱟᱶᱛᱮ ᱠᱷᱮᱛ ᱵᱟᱲᱜᱮ ᱨᱮᱦᱚᱸᱭ ᱠᱟᱹᱢᱤᱭᱮᱫ ᱠᱟᱱ ᱛᱟᱦᱮᱸᱠᱟᱱᱟ| ᱠᱟᱹᱣᱰᱤ ᱟᱱᱟᱴ ᱠᱷᱟᱹᱛᱤᱨ ᱛᱷᱚᱲᱟ ᱫᱤᱱ ᱢᱩᱱᱤᱥ ᱠᱟᱹᱢᱤ ᱦᱚᱭ ᱠᱷᱟᱴᱟᱣ ᱞᱮᱱᱟ ᱥᱟᱶᱛᱮ ᱨᱤᱠᱥᱟ ᱦᱚᱸᱭ ᱪᱟᱞᱟᱣ ᱞᱮᱫᱟ| ᱟᱡ ᱨᱮᱱ ᱜᱟᱛᱮ ᱠᱚᱥᱟᱶᱛᱮ ᱢᱮᱜᱷᱟᱞᱚᱭ ᱨᱮᱭᱟᱜ ᱠᱚᱭᱞᱟ ᱠᱷᱟᱫᱟᱱ ᱨᱮᱦᱚᱸ ᱢᱩᱱᱤᱥᱮ ᱠᱷᱟᱴᱟᱣ ᱞᱮᱱᱟ᱾ ᱜᱩᱣᱟᱦᱟᱴᱤ ᱠᱷᱚᱱ ᱨᱩᱣᱟᱹᱲ ᱦᱮᱡ ᱠᱟᱛᱮ ᱯᱨᱚᱢᱚᱫᱽ ᱵᱚᱨᱚ ᱫᱚ ᱨᱚᱝᱤᱭᱟ ᱠᱚ,ᱠᱮᱡᱽ ᱨᱮ ᱥᱟᱬᱮᱥ ᱛᱷᱚᱠ ᱨᱮᱭᱮ ᱵᱷᱩᱨᱛᱤ ᱞᱮᱱᱟ|