ᱯᱨᱤᱛᱤᱞᱚᱛᱟ ᱣᱟᱫ-ᱫᱮᱫᱟᱨ
ᱯᱨᱤᱛᱤᱞᱚᱛᱟ ᱣᱟᱫ-ᱫᱮᱫᱟᱨ ᱫᱚ ᱣᱟᱫ-ᱫᱮᱨ ᱧᱩᱛᱩᱢ ᱛᱮ ᱦᱚᱸᱭ ᱩᱨᱩᱢ ᱜᱮᱭᱟ (ᱡᱟᱱᱟᱢᱺ ᱕ ᱢᱮ ᱑᱙᱑᱑; ᱜᱩᱨᱺ ᱒᱔ ᱥᱮᱯᱴᱮᱢᱵᱨ ᱑᱙᱓᱒)[᱑] , ᱦᱚᱦᱚ ᱧᱩᱛᱩᱢ ᱨᱟᱱᱤ,[᱒] ᱪᱷᱚᱫ-ᱫᱚ ᱧᱩᱛᱩᱢ ᱯᱷᱩᱞᱛᱟᱨᱟ, ᱢᱤᱫ ᱵᱟᱸᱜᱟᱞᱤ ᱠᱩᱲᱤ ᱦᱚᱯᱚᱱ, ᱡᱟᱦᱟᱭ ᱫᱚ ᱵᱨᱤᱴᱤᱥ ᱵᱤᱨᱳᱫᱷᱤ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ[᱓][᱔] ᱨᱮᱱ ᱢᱤᱫ ᱡᱳᱫ-ᱫᱷᱟ ᱟᱨ ᱯᱳᱭᱞᱳ ᱠᱩᱲᱤ ᱦᱚᱯᱚᱱ ᱥᱚᱦᱚᱫ ᱮ ᱛᱟᱦᱮᱸ ᱠᱟᱱᱟ| ᱩᱱ ᱚᱠᱛᱚ ᱨᱮ ᱯᱩᱨᱵᱚ ᱵᱚᱝᱜᱚ ᱨᱮᱭ ᱡᱟᱱᱟᱢ ᱞᱮᱱ ᱱᱩᱭ ᱵᱟᱸᱜᱟᱞᱤ ᱫᱚ ᱵᱤᱯᱞᱚᱵᱤ ᱥᱩᱨᱡᱟ ᱥᱮᱱ ᱵᱮᱥᱨᱟ ᱟᱜ ᱟᱹᱭᱩᱨ ᱛᱮ ᱵᱨᱤᱴᱤᱥ ᱵᱤᱨᱩᱫᱷ ᱞᱟᱲᱟᱣᱱᱟ ᱨᱮᱭ ᱡᱚᱯᱲᱟᱣ ᱞᱮᱱᱟ ᱟᱨ ᱟᱭᱟᱜ ᱡᱤᱣᱤ ᱦᱚᱸᱭ ᱟᱞᱟᱭ ᱞᱮᱫ ᱛᱟᱭᱟ| ᱑᱙᱓᱒ ᱥᱟᱞᱮ ᱨᱮ ᱯᱟᱦᱟᱲᱛᱚᱞᱤ ᱤᱭᱩᱨᱳᱯᱤᱭᱟᱱ ᱠᱞᱟᱵ[᱕][᱖] ᱫᱚᱠᱷᱚᱞ ᱚᱠᱛᱚ ᱩᱱᱤ ᱫᱚ ᱑᱕ ᱦᱚᱲ ᱟᱜ ᱢᱤᱫ ᱴᱟᱝ ᱫᱚᱞ ᱮ ᱯᱚᱨᱤᱪᱟᱞᱚᱱᱟ ᱞᱮᱫᱟ| ᱱᱚᱣᱟ ᱠᱞᱟᱵ ᱨᱮ ᱢᱤᱫ ᱴᱟᱝ ᱥᱟᱭᱤᱱ ᱵᱳᱲᱰ ᱞᱟᱜᱟᱣ ᱛᱟᱦᱮᱸ ᱠᱟᱱᱟ ᱡᱟᱦᱟ ᱨᱮ ᱚᱞ ᱛᱟᱦᱮ ᱠᱟᱱᱟ " ᱥᱮᱛᱟ ᱟᱨ ᱥᱤᱧᱚᱛᱤᱭᱟᱹ ᱠᱚ ᱫᱚ ᱵᱟᱝ ᱠᱚ ᱵᱚᱞᱚ ᱫᱟᱲᱮᱭᱟᱜ ᱟ| ᱯᱨᱤᱛᱤᱞᱚᱛᱟ ᱟᱜ ᱫᱚᱞ ᱫᱚ ᱚᱱᱟ ᱠᱞᱟᱵ ᱠᱚ ᱡᱟᱨᱯᱟ ᱞᱮᱫᱟᱭ ᱟᱨ ᱚᱱᱟ ᱠᱷᱟᱹᱛᱤᱨ ᱛᱮ ᱯᱩᱞᱤᱥ ᱠᱚ ᱡᱟᱸᱜᱮ ᱫᱟᱨᱟᱢ ᱠᱮᱫ ᱠᱚᱣᱟ| ᱯᱩᱞᱤᱥ ᱠᱚᱣᱟᱜ ᱡᱟᱸᱜᱮ ᱫᱟᱨᱟᱢ ᱠᱷᱚᱱ ᱥᱟᱦᱟᱜ ᱞᱟᱹᱜᱤᱫ ᱛᱮ ᱥᱟᱭᱱᱟᱭᱤᱰ ᱮ ᱡᱚᱢ ᱞᱮᱫᱟ ᱟᱨ ᱮ ᱜᱚᱡ ᱞᱮᱱᱟ᱾[᱗]
| Pritilata Waddedar | |
|---|---|
 | |
| ᱢᱩᱬ ᱧᱩᱛᱩᱢ | ᱯᱨᱤᱛᱤᱞᱚᱛᱟ ᱣᱟᱫ-ᱫᱮᱫᱟᱨ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱕ ᱢᱮ ᱑᱙᱑᱑ ᱫᱷᱚᱞᱜᱷᱟᱴ, ᱯᱟᱴᱤᱭᱟ, ᱪᱚᱴ-ᱴᱚᱜᱨᱟᱢ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛ ᱫᱚ ᱵᱟᱝᱞᱟᱫᱮᱥ) |
| ᱜᱩᱨ | ᱒᱓ ᱥᱮᱯᱴᱮᱢᱵᱚᱨ ᱑᱙᱓᱒ (᱒᱑ ᱵᱚᱭᱚᱥ) ᱪᱚᱴ-ᱴᱚᱜᱨᱟᱢ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛ ᱫᱚ ᱵᱟᱝᱞᱟᱫᱮᱥ) |
| ᱜᱩᱨ ᱨᱮᱱᱟᱜ ᱚᱡᱮ | ᱯᱚᱴᱟᱥᱤᱭᱟᱢ ᱥᱟᱭᱱᱟᱭᱤᱰ ᱧᱩ ᱠᱟᱛᱮᱭ ᱜᱩᱨ ᱞᱮᱱᱟ |
| ᱫᱤᱥᱚᱢᱤᱭᱟᱹ | ᱵᱨᱤᱴᱤᱥ ᱥᱤᱧᱚᱛᱤᱭᱟᱹ |
| ᱮᱴᱟᱜ ᱧᱩᱛᱩᱢ | ᱨᱟᱱᱤ (ᱦᱚᱦᱚ ᱧᱩᱛᱩᱢ) |
| ᱥᱮᱪᱮᱫ ᱟᱠᱷᱲᱟ | ᱵᱮᱛᱷᱩᱱ ᱠᱚᱞᱮᱡ |
| ᱠᱟᱹᱢᱤ | ᱢᱟᱪᱮᱫ |
| ᱧᱩᱢᱱᱟᱢ | ᱯᱟᱦᱟᱲᱛᱚᱞᱤ ᱤᱭᱩᱨᱳᱯᱤᱭᱟᱱ ᱠᱞᱟᱵ ᱟᱠᱨᱚᱢᱚᱱ (᱑᱙᱓᱒) |
| ᱟᱯᱟᱛ ᱮᱸᱜᱟᱛ |
|
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱢᱚᱫᱷᱩᱥᱩᱫᱚᱱ (ᱢᱟᱨᱟᱝ ᱫᱟᱫᱟ) ᱠᱚᱱᱚᱠᱞᱚᱛᱟ (ᱵᱚᱠᱚᱛ ᱠᱩᱲᱤ) ᱥᱟᱱᱛᱤᱞᱚᱛᱟ (ᱵᱚᱠᱚᱛ ᱠᱩᱲᱤ) ᱟᱥᱟᱞᱚᱛᱟ (ᱵᱚᱠᱚᱛ ᱠᱩᱲᱤ) ᱥᱚᱱᱛᱳᱥ (ᱵᱚᱠᱚᱛ ᱠᱚᱲᱟ) |
ᱜᱤᱫᱽᱨᱟᱹ ᱡᱤᱭᱚᱱ
ᱥᱟᱯᱲᱟᱣᱯᱨᱤᱛᱤᱞᱚᱛᱟ ᱣᱟᱫ-ᱫᱮᱫᱟᱨ ᱑᱙᱑᱑ ᱥᱟᱞᱮ ᱨᱮ ᱕ ᱢᱮ[᱘] ᱵᱟᱞᱮ ᱢᱟᱦᱟ ᱦᱤᱞᱳᱜ ᱪᱚᱴ-ᱴᱚᱜᱨᱟᱢ ᱨᱮᱱᱟᱜ ᱱᱤᱛ ᱞᱚᱴᱤᱭᱟ ᱩᱯᱚ ᱦᱚᱱᱚᱛ ᱨᱮᱱᱟᱜ ᱫᱷᱚᱞᱜᱷᱟᱴ ᱟᱛᱳ ᱨᱮᱭ ᱡᱟᱱᱟᱢ ᱞᱮᱱᱟ᱾[᱙] ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱫᱚ ᱢᱤᱭᱩᱱᱤᱥᱤᱯᱮᱞ ᱚᱯᱷᱤᱥ ᱨᱮᱱ ᱦᱮᱰ ᱠᱮᱨᱟᱱᱤ ᱡᱚᱜᱚᱫᱵᱚᱱᱫᱷᱩ ᱣᱟᱫ-ᱫᱮᱫᱟᱨ[᱓] ᱟᱨ ᱟᱭᱳ ᱫᱚ ᱯᱨᱚᱛᱤᱵᱷᱟ ᱫᱮᱵᱤ᱾[᱒] ᱩᱱᱠᱤᱱ ᱨᱮᱱ ᱛᱩᱨᱩᱭ ᱜᱚᱴᱟᱝ ᱜᱤᱫᱽᱨᱟᱹ ᱢᱚᱫᱷᱩᱥᱩᱫᱚᱱ, ᱯᱨᱤᱛᱤᱞᱚᱛᱟ, ᱠᱚᱱᱚᱠᱞᱚᱛᱟ, ᱥᱟᱱᱛᱤᱞᱚᱛᱟ, ᱟᱥᱟᱞᱚᱛᱟ, ᱟᱨ ᱥᱚᱱᱛᱳᱥ᱾ ᱩᱱᱠᱩᱣᱟᱨ ᱯᱚᱨᱤᱵᱟᱨ ᱨᱮᱱᱟᱜ ᱢᱟᱲᱟᱝ ᱛᱮ ᱫᱚ ᱫᱟᱥᱜᱩᱯᱛᱚ ᱯᱟ.ᱨᱤᱥ ᱛᱟᱦᱮᱸ ᱠᱟᱱ ᱛᱟᱠᱚᱣᱟ᱾ ᱟᱠᱚ ᱯᱚᱨᱤᱵᱟᱨ ᱨᱮᱱ ᱡᱟᱦᱟᱭ ᱯᱩᱨᱩᱫᱷᱩᱞ ᱦᱟᱲᱟᱢ ᱱᱚᱵᱟᱵᱤ ᱟᱢᱚᱞ ᱨᱮ "ᱣᱟᱦᱮᱫᱮᱫᱟᱨ" ᱩᱯᱟ.ᱫᱷᱤᱭ ᱧᱟᱢ ᱞᱮᱫᱟ, ᱚᱱᱟ ᱣᱟᱦᱮᱫᱮᱫᱟᱨᱜᱮ ᱛᱟᱭᱚᱢ ᱛᱮ ᱣᱟᱫ-ᱫᱮᱫᱟᱨ ᱥᱮ ᱣᱟᱫ-ᱫᱟᱨ ᱦᱳᱭ ᱟᱠᱟᱱᱟ᱾ ᱜᱤᱫᱽᱨᱟᱹ ᱡᱤᱭᱚᱱ ᱨᱮ ᱟᱡ ᱵᱟᱵᱟ ᱟᱜ ᱜᱩᱨ ᱛᱟᱭᱚᱱ ᱡᱚᱜᱚᱫᱵᱚᱱᱫᱷᱩ ᱣᱟᱫ-ᱫᱮᱫᱟᱨ ᱟᱡᱟᱜ ᱟᱜ ᱡᱟᱦᱟ ᱟᱯᱟᱛ ᱵᱷᱤᱴᱟ. ᱛᱟᱦᱮ ᱠᱟᱱᱟ ᱚᱱᱟ ᱫᱚ ᱠᱚ ᱵᱟ.ᱜᱤᱭᱟᱫ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱯᱚᱴᱤᱭᱟ ᱦᱚᱱᱚᱛ ᱨᱮᱱᱟᱜ ᱫᱷᱚᱞᱜᱷᱚᱴ ᱟᱛᱳ ᱨᱮᱱᱟᱜ ᱢᱟᱢᱟ ᱚᱲᱟᱜ ᱨᱮᱭ ᱦᱟᱨᱟ ᱞᱮᱱᱟ᱾ ᱱᱚᱣᱟ ᱚᱲᱟᱜ ᱨᱮᱜᱮ ᱯᱨᱤᱛᱤᱞᱚᱛᱟ ᱫᱚᱭ ᱡᱟᱱᱟᱢ ᱞᱮᱱᱟ᱾ ᱟᱫᱚᱨ ᱠᱟᱛᱮᱫ ᱟᱡ ᱟᱭᱳ ᱯᱨᱚᱛᱤᱵᱷᱟ ᱫᱚ ᱩᱱᱤ "ᱨᱟᱱᱤ" ᱢᱮᱱ ᱛᱮᱭ ᱦᱚᱦᱚ ᱟᱭ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱛᱟᱭᱚᱢ ᱛᱮ ᱪᱚᱴ-ᱴᱚᱜᱨᱟᱢ ᱵᱟᱡᱟᱨ ᱨᱮ ᱟᱥᱠᱟᱨ ᱠᱷᱟᱱ ᱵᱟᱸᱫᱷ ᱫᱷᱟᱨᱮ ᱴᱷᱮᱱ ᱮᱛᱟᱢ ᱯᱟᱪᱷᱮ ᱥᱮᱫ ᱨᱮ ᱴᱤᱱ ᱨᱮᱱᱟᱜ ᱥᱟᱲᱤᱢ ᱵᱮᱱᱟᱣ ᱠᱟᱛᱮᱫ ᱦᱟᱥᱟ ᱨᱮᱱᱟᱜ ᱢᱤᱫᱴᱟᱝ ᱵᱟᱨ ᱛᱟᱞᱟ ᱚᱲᱟᱜ ᱨᱮ ᱛᱟᱦᱮᱱ ᱠᱚ ᱮᱦᱚᱵ ᱞᱮᱫᱟ ᱩᱱᱠᱩ ᱣᱟᱫ-ᱫᱮᱫᱟᱨ ᱯᱚᱨᱤᱵᱟᱨ ᱫᱚ᱾ ᱯᱨᱤᱛᱤᱞᱚᱛᱟ ᱫᱚ ᱦᱩᱰᱤᱧ ᱩᱢᱮᱨ ᱨᱮ ᱚᱲᱟᱜ ᱡᱚᱜ ᱠᱚ, ᱛᱷᱟ.ᱨᱤ ᱵᱟ.ᱴᱤ ᱠᱚ ᱜᱟᱥᱟᱣ ᱨᱮ ᱮᱢᱟᱱᱟᱜ ᱠᱚ ᱨᱮ ᱟᱡ ᱟᱭᱳᱭ ᱜᱚᱲᱚ ᱟᱭ ᱠᱟᱱ ᱛᱟᱦᱮᱸ ᱠᱟᱱᱟ᱾
- ↑ "Pritilata's 100th birthday today". The Daily Star. 5 ᱢᱮ 2011. Retrieved 18 ᱰᱤᱥᱮᱢᱵᱚᱨ 2012.
- ↑ ᱒.᱐ ᱒.᱑ "Agnijuger Agnikanya Pritilata". BDNews (in Bengali). 5 ᱢᱮ 2011. Archived from the original on 17 ᱚᱠᱴᱚᱵᱚᱨ 2014. Retrieved 19 ᱰᱤᱥᱮᱢᱵᱚᱨ 2012.
- ↑ ᱓.᱐ ᱓.᱑ "Pritilata Waddedar (1911–1932)". News Today. Archived from the original on 26 ᱡᱟᱱᱩᱣᱟᱨᱤ 2012. Retrieved 18 ᱰᱤᱥᱮᱢᱵᱚᱨ 2012.
- ↑ "After 80 yrs, posthumous degrees for revolutionaries". The Times of India. 22 ᱢᱟᱨᱪ 2012. Retrieved 18 ᱰᱤᱥᱮᱢᱵᱚᱨ 2012.
- ↑ "Remembering the Legendary Heroes of Chittagong". NIC. Retrieved 6 ᱡᱟᱱᱩᱣᱟᱨᱤ 2013.
- ↑ "Indian Independence" (PDF). Archived from the original (PDF) on 19 ᱱᱚᱵᱷᱮᱢᱵᱚᱨ 2012. Retrieved 5 ᱡᱟᱱᱩᱣᱟᱨᱤ 2013.
- ↑ Craig A. Lockard (1 ᱡᱟᱱᱩᱣᱟᱨᱤ 2010). Societies, Networks, and Transitions: A Global History: Since 1750. Cengage Learning. pp. 699–. ISBN 978-1-4390-8534-9. Retrieved 18 ᱰᱤᱥᱮᱢᱵᱚᱨ 2012.
- ↑ "A fearless female freedom-fighter". Rising Stars. The Daily Star. Archived from the original on 7 ᱚᱜᱚᱥᱴ 2016. Retrieved 18 ᱰᱤᱥᱮᱢᱵᱚᱨ 2012.
- ↑ "Pritilata's birth anniversary observed at CU". New Age. Archived from the original on 29 ᱡᱟᱱᱩᱣᱟᱨᱤ 2013. Retrieved 19 ᱰᱤᱥᱮᱢᱵᱚᱨ 2012.