ᱯᱩᱥᱤ
ᱯᱩᱥᱤ ᱫᱚᱠᱩ ᱦᱩᱭᱩᱜ ᱠᱟᱱᱟ ᱛᱚᱭᱟ ᱧᱩ ᱡᱤᱵᱽ᱾ ᱱᱩᱠᱩ ᱫᱚᱠᱩ ᱟᱹᱥᱩᱞ ᱠᱩ ᱜᱮᱭᱟ᱾ ᱱᱩᱠᱩᱭᱟᱜ ᱥᱟᱬᱮᱥ (scientific) ᱧᱤᱛᱩᱢ ᱦᱩᱭᱩᱜ ᱠᱟᱱᱟ Felis silvestris catus ᱟᱨ Felis catus[᱑]᱾ ᱦᱚᱲ ᱟᱰᱮᱯᱟᱥᱮ ᱛᱟᱸᱦᱮᱱ ᱟᱨ ᱚᱲᱟᱜ ᱨᱮᱱ ᱠᱟᱹᱴᱤᱡ ᱡᱤᱱᱛᱤ ᱯᱤᱯᱤᱲᱤᱠᱩ (insects) ᱟᱨ ᱪᱩᱸᱴᱤᱭᱟᱹ ᱥᱮ ᱜᱩᱰᱩ ᱠᱩ ᱥᱟᱵ ᱠᱩᱭᱟ᱾ ᱙᱕᱐᱐ ᱥᱮᱨᱢᱟ ᱠᱷᱚᱱ ᱯᱩᱥᱤ ᱫᱚ ᱟᱹᱥᱩᱞ ᱡᱟᱱᱚᱭᱟᱨ ᱞᱮᱠᱟᱛᱮᱠᱩ ᱞᱮᱠᱷᱟᱜ-ᱟ᱾ ᱜᱚᱴᱟ ᱫᱷᱟᱹᱨᱛᱤᱨᱮᱜᱮ ᱯᱩᱥᱤ ᱫᱚ ᱟᱹᱰᱤ ᱫᱩᱞᱟᱹᱲ ᱡᱟᱱᱚᱭᱟᱨ ᱞᱮᱠᱟᱛᱮᱜᱮᱠᱚ ᱟᱹᱥᱩᱞᱮᱛ ᱠᱚᱭᱟ᱾
ᱯᱩᱥᱤ ᱠᱩ ᱛᱟᱲᱟᱢ ᱡᱚᱠᱷᱚᱡ ᱱᱟᱥᱮᱭᱟ ᱦᱚᱸ ᱩᱝᱠᱩᱭᱟᱜ ᱠᱟᱴᱟ ᱨᱮᱱᱟᱜ ᱥᱟᱰᱮ ᱵᱟᱝ ᱟᱸᱡᱚᱢᱚᱜ ᱛᱟᱠᱩᱭᱟ᱾ ᱱᱩᱠᱩᱭᱟᱜ ᱠᱟᱴᱟ ᱞᱟᱛᱟᱨ ᱨᱮ ᱮᱠᱮᱱ ᱡᱤᱞ ᱛᱟᱦᱮᱱ ᱠᱷᱟᱹᱛᱤᱨ ᱯᱩᱥᱤᱠᱩ ᱫᱟᱲᱟᱱ ᱡᱚᱠᱷᱚᱡ ᱵᱟᱝ ᱥᱟᱰᱮᱜ-ᱟ᱾ ᱯᱩᱥᱤ ᱫᱚ ᱑᱐-᱑᱒ " ᱩᱥᱩᱞ ᱟᱨ ᱑᱔-᱑᱘ " ᱡᱤᱞᱤᱧ ᱠᱩ ᱦᱩᱭᱩᱜ-ᱟ᱾ ᱯᱩᱥᱤᱭᱟᱜ ᱧᱮᱠ ᱨᱮᱱᱟᱜ ᱫᱟᱲᱮ ᱦᱚᱲ ᱠᱷᱚᱱ ᱫᱚ ᱟᱹᱰᱤ ᱵᱮᱥᱜᱮᱭᱟ᱾ ᱧᱤᱫᱟᱹ ᱟᱹᱛᱤᱧ ᱡᱟᱱᱚᱭᱟᱨ ᱠᱟᱠᱷᱟᱱᱟᱜ ᱛᱮ ᱥᱤᱧ ᱢᱟᱨᱥᱟᱞ ᱫᱚ ᱯᱩᱥᱤ ᱠᱚᱢᱜᱮᱠᱚ ᱧᱮᱧᱮᱞᱟ᱾