ᱯᱳᱭᱟ
ᱯᱳᱭᱟ ᱺ ᱥᱨᱤᱞᱚᱸᱠᱟ ᱩᱯᱳᱥᱚᱛᱷᱟ ᱨᱮᱸᱟᱜ ᱡᱷᱚᱛᱚ ᱪᱟᱸᱫᱚ ᱠᱩᱱᱟᱹᱢᱤ ᱫᱚ ᱯᱚᱭᱟ ᱠᱚ ᱢᱮᱛᱟ ᱦᱟᱜᱼᱟ ᱾ ᱱᱚᱣᱟ ᱫᱤᱱ ᱨᱮ ᱥᱨᱤᱞᱚᱸᱠᱟ ᱨᱮ ᱥᱚᱨᱠᱟᱨᱤ ᱵᱮ ᱥᱚᱨᱠᱟᱨᱤ ᱡᱷᱚᱛᱚ ᱟᱥᱲᱟ ᱠᱟᱨᱜᱟᱲ ᱠᱟᱢᱤᱞᱟ ᱪᱷᱩᱴᱤ ᱛᱟᱦᱮᱱᱼᱟ ᱾ ᱒᱐᱑᱘ ᱥᱟᱞ ᱨᱮ ᱡᱟᱱᱩᱣᱟᱨᱤ ᱑, ᱢᱟᱨᱪ ᱑ ᱢᱟᱨᱪ ᱓᱑, ᱟᱯᱨᱤᱞ ᱒᱙, ᱢᱮ ᱒᱙, ᱡᱩᱱ ᱒᱗, ᱡᱩᱞᱟᱭ ᱒᱗, ᱚᱜᱚᱥᱴ ᱒᱕, ᱥᱮᱯᱴᱮᱢᱵᱚᱨ ᱒᱔ ,ᱚᱠᱴᱚᱵᱚᱨ ᱒᱔ ,ᱱᱚᱵᱷᱮᱢᱵᱚᱨ ᱒᱒ ᱟᱨ ᱰᱮᱥᱮᱢᱵᱚᱨ ᱒᱒ ᱨᱮ ᱯᱳᱭᱟ ᱢᱟᱦᱟᱸ ᱯᱟᱲᱟᱣ ᱠᱟᱱᱟ ᱾ ᱩᱯᱳᱥᱛᱷᱟ ᱦᱟᱜ ᱱᱚᱣᱟ ᱢᱟᱦᱟᱸ ᱵᱩᱫᱷᱤᱥᱴ ᱠᱩᱱᱟᱹᱢᱤ ᱢᱟᱦᱟᱸ ᱦᱚᱸᱠᱚ ᱢᱮᱛᱟ ᱦᱟᱜᱼᱟ ᱾[᱑]
ᱯᱳᱭᱟ ᱥᱟᱯᱲᱟᱣ
ᱡᱷᱚᱛᱚ ᱠᱩᱱᱟᱹᱢᱤ[᱒] ᱨᱮ ᱯᱳᱭᱟ ᱯᱟᱲᱟᱣᱼᱟ ᱾ᱫᱷᱟᱹᱨᱛᱤ ᱡᱟᱠᱟᱛ ᱨᱮ ᱢᱮᱱᱟᱜ ᱠᱚ ᱡᱟᱦᱟᱸᱭ ᱵᱩᱫᱷᱤᱥᱴ ᱠᱚ ᱫᱷᱚᱨᱚᱢ ᱨᱮᱱᱟᱜ ᱞᱟᱠᱪᱟᱨ ᱯᱟᱨᱟᱵ ᱢᱟᱱᱟᱣ ᱞᱟᱹᱜᱤᱫ ᱪᱟᱸᱫᱚ ᱞᱮᱠᱷᱟ ᱨᱮᱱᱟᱜ ᱠᱠᱮᱞᱮᱱᱰᱚᱨ ᱠᱚ ᱵᱮᱵᱷᱟᱨ ᱮᱫᱼᱟ ᱩᱱᱠᱩ ᱞᱟᱜᱤᱫ ᱩᱯᱳᱥᱛᱷᱟ ᱦᱚᱸ ᱟᱹᱰᱤ ᱢᱟᱱᱟᱣ ᱵᱟᱛᱟᱣᱟᱱ ᱢᱟᱦᱟᱸ ᱠᱟᱱᱟ ᱾ ᱠᱩᱱᱟᱹᱢᱤ ᱪᱟᱸᱫᱚ ᱛᱤᱱᱟᱹᱜ ᱮ ᱜᱩᱞᱼᱟ ᱛᱤᱱᱟᱹᱜ ᱮ ᱟᱨᱥᱟᱞᱼᱟ ᱚᱱᱰᱮ ᱠᱷᱚᱱ ᱜᱮ ᱚᱠᱚᱭ ᱠᱩᱱᱟᱢᱤ ᱛᱤᱱᱟᱹᱜ ᱮ ᱥᱟᱹᱜᱩᱱᱼᱟ ᱢᱮᱱᱛᱮᱫ ᱠᱚ ᱵᱟᱰᱟᱭᱟᱼᱟ ᱿
ᱯᱳᱭᱟ ᱟᱹᱲᱟᱹ ᱫᱚ ᱢᱤᱫ ᱥᱤᱸᱦᱚᱲᱤ ᱯᱟᱹᱨᱥᱤ ᱠᱟᱱᱟ ᱾ ᱞᱟᱹᱭ ᱛᱟᱨᱟ ᱜᱟᱱᱚᱜᱼᱟ ᱥᱤᱸᱦᱚᱲᱤ ᱯᱟᱹᱨᱥᱤ ᱫᱚ ᱥᱨᱤᱞᱚᱸᱠᱟ ᱨᱮᱱᱟᱜ ᱨᱟᱡ ᱯᱟᱹᱨᱥᱤ ᱠᱟᱱᱟ ᱾ ᱚᱱᱠᱟ ᱜᱮ ᱩᱯᱳᱥᱛᱷᱟ ᱫᱚ ᱯᱟᱞᱤ ᱟᱨ ᱥᱚᱸᱥᱠᱨᱩᱛ ᱟᱹᱲᱟᱹ ᱠᱷᱚᱱ ᱦᱮᱡ ᱦᱟᱠᱟᱱᱟ (ᱩᱯᱚ+ᱵᱟᱥ=ᱩᱯᱚᱵᱟᱥ)[᱓] , ᱡᱟᱦᱟᱸ ᱫᱚᱱᱦᱟᱜ ᱨᱮᱸᱜᱮᱡ ᱛᱮ ᱫᱤᱱ ᱠᱷᱟᱱᱰᱟᱣ ᱵᱚᱱ ᱢᱮᱱ ᱮᱫᱼᱟ ᱾᱾ ᱥᱟᱱᱛᱟᱲ ᱛᱮ ᱱᱚᱣᱟᱜᱮ ᱟᱵᱚ ᱫᱚ ᱩᱯᱟᱹᱥ ᱵᱚᱱ ᱢᱮᱱ ᱮᱫᱼᱟ ᱾ ᱯᱳᱭᱟ ᱢᱟᱦᱟᱸ ᱨᱮ ᱫᱚᱠᱟᱱ ᱵᱟᱡᱟᱨ ᱵᱚᱸᱫ ᱜᱮ ᱛᱟᱦᱮᱱᱟ ᱟᱨ ᱯᱟᱹᱨᱣᱟᱹ ᱡᱤᱞ ᱟᱹᱠᱷᱨᱤᱧ ᱵᱟᱨᱚᱱ ᱜᱮᱭᱟ ᱾ ᱱᱚᱣᱟ ᱢᱟᱦᱟᱸ ᱨᱮ ᱫᱷᱚᱨᱚᱢ ᱯᱟᱹᱛᱭᱟᱹᱣ ᱦᱚᱲ ᱢᱩᱸᱫᱨᱤ ᱠᱚ ᱪᱟᱞᱟᱣᱼᱟ ᱾ ᱥᱮᱨᱢᱟ ᱨᱮ ᱑᱓ ᱠᱷᱚᱱ ᱑᱔ ᱜᱚᱴᱟᱝ ᱯᱳᱭᱟ ᱯᱟᱲᱟᱣᱼᱟ ᱾
ᱡᱷᱚᱛᱚ ᱪᱟᱸᱫᱚ ᱯᱳᱭᱟ ᱢᱟᱦᱟᱸ ᱜᱨᱮᱜᱚᱨᱤᱭᱟᱱ ᱢᱟᱹᱦᱤᱛ ᱨᱮᱜᱮ ᱯᱟᱲᱟᱣᱼᱟ ᱟᱨ ᱚᱠᱟ ᱡᱚᱠᱷᱟᱛ ᱪᱟᱸᱫᱚ ᱞᱮᱠᱷᱟ ᱛᱮ ᱥᱟᱯᱲᱟᱣ ᱷᱟᱠᱟᱸ ᱯᱟᱺᱡᱤ ᱢᱟᱹᱦᱤᱛ ᱨᱮ ᱯᱟᱲᱟᱣᱼᱟ ᱾ ᱫᱤᱱ ᱨᱮᱱᱟᱜ ᱴᱷᱤᱠ ᱛᱤᱠᱤᱱ ᱚᱠᱛᱚ ᱨᱮ ᱪᱟᱸᱫᱚ ᱚᱠᱟ ᱯᱟᱦᱟᱴᱟ ᱨᱮ ᱛᱟᱦᱮᱸᱱᱟᱭ ᱚᱱᱟ ᱦᱤᱥᱟᱹᱵ ᱛᱮ ᱵᱟᱨ ᱞᱮᱠᱟᱱ ᱜᱷᱚᱛᱤᱠᱟ ᱨᱤᱱᱤᱡ ᱯᱳᱭᱟ ᱧᱟᱢᱚᱜᱼᱟ ᱾ ᱡᱟᱦᱟᱸ ᱞᱮᱠᱟ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱜᱚᱬᱮᱥ ᱪᱚᱛᱩᱨᱛᱷᱤ ᱢᱮᱱᱟᱜᱼᱟ ᱚᱱᱠᱟ ᱾
ᱯᱳᱭᱟ ᱠᱳᱨᱮᱱᱟᱜ ᱧᱩᱛᱩᱢ ᱥᱟᱯᱲᱟᱣ
| ᱪᱟᱸᱫᱚ | ᱯᱳᱭᱟ ᱧᱩᱛᱩᱢ |
|---|---|
| ᱡᱟᱱᱩᱣᱟᱨᱤ | ᱫᱩᱨᱩᱛᱷᱩ ᱯᱳᱭᱟ |
| ᱯᱷᱮᱵᱨᱩᱣᱟᱨᱤ | ᱱᱚᱵᱷᱚᱢ ᱯᱳᱭᱟ |
| ᱢᱟᱨᱪ | ᱢᱮᱫᱤᱱ ᱯᱳᱭᱟ |
| ᱟᱯᱨᱤᱞ | ᱵᱟᱠ ᱯᱳᱭᱟ |
| ᱢᱮ | ᱵᱮᱥᱚᱠ ᱯᱳᱭᱟ |
| ᱡᱩᱱ | ᱯᱳᱥᱳᱱ ᱯᱳᱭᱟ |
| ᱡᱩᱞᱟᱭ | ᱮᱥᱚᱞᱟ ᱯᱳᱭᱟ |
| ᱚᱜᱚᱥᱴ | ᱱᱤᱠᱤᱱᱤ ᱯᱳᱭᱟ |
| ᱥᱮᱯᱴᱮᱢᱵᱚᱨ | ᱵᱤᱱᱚᱨᱟ ᱯᱳᱭᱟ |
| ᱳᱠᱴᱳᱵᱚᱨ | ᱵᱷᱟᱯ ᱯᱳᱭᱟ |
| ᱱᱚᱵᱷᱮᱢᱵᱚᱨ | ᱤᱞ ᱯᱳᱭᱟ |
| ᱰᱤᱥᱮᱢᱵᱚᱨ | ᱩᱱᱰᱩᱵᱷᱳᱯ ᱯᱳᱭᱟ |
ᱢᱤᱫ ᱪᱟᱸᱫᱚ ᱨᱮ ᱵᱟᱨᱭᱟ ᱯᱳᱭᱟ ᱯᱟᱲᱟᱣ ᱞᱮᱱᱠᱷᱟᱱ ᱢᱤᱫᱴᱟᱝ ᱯᱚᱭᱟ ᱦᱟᱜ ᱧᱩᱛᱩᱢ ᱢᱟᱬᱟᱝ ᱨᱮ "ᱟᱫᱷᱤ" ᱠᱚ ᱵᱟᱹᱭᱥᱟᱣᱼᱟ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱥᱤᱸᱦᱚᱲᱤ ᱵᱚᱱ ᱢᱮᱛᱟᱦᱟᱜᱼᱠᱟᱱᱟ ᱾
ᱛᱤᱱᱟᱹᱜ ᱜᱟᱱ ᱯᱳᱭᱟ ᱠᱚᱨᱮᱱᱟᱜ ᱵᱟᱰᱟᱭ ᱡᱚᱸ ᱠᱟᱛᱷᱟ ᱥᱟᱯᱲᱟᱣ
ᱱᱚᱵᱷᱚᱢ ᱯᱳᱭᱟ ᱥᱟᱯᱲᱟᱣ
ᱱᱚᱣᱟ ᱯᱳᱭᱟ ᱫᱚ ᱯᱷᱮᱵᱨᱩᱣᱟᱨᱤ ᱪᱟᱸᱫᱚ ᱨᱮ ᱯᱟᱲᱟᱣ ᱠᱟᱱ ᱯᱳᱭᱟ ᱠᱟᱱᱟ, ᱱᱚᱣᱟ ᱫᱚ ᱢᱟᱜᱷᱚ ᱯᱩᱡᱟ ᱦᱚᱸ ᱠᱚ ᱢᱮᱛᱟ ᱦᱟᱜ ᱜᱮᱭᱟ ᱾ ᱵᱩᱫᱷᱤᱥᱴ ᱠᱚᱣᱟᱜ ᱱᱚᱣᱟ ᱫᱚ ᱫᱳᱥᱟᱨ ᱥᱮᱬᱟ ᱯᱟᱨᱟᱵ ᱠᱟᱱ ᱛᱟᱠᱚᱣᱟ ᱾ ᱠᱟᱢᱵᱚᱰᱤᱭᱟ, ᱞᱟᱣᱥ, ᱛᱷᱟᱭᱞᱟᱸᱰ ᱥᱨᱤᱞᱚᱸᱠᱟ ᱮᱢᱟᱱ ᱵᱩᱫᱷᱤᱥᱴ ᱠᱚ ᱢᱮᱱᱟᱜ ᱫᱤᱥᱚᱢ ᱠᱚᱨᱮ ᱱᱚᱣᱟ ᱠᱚ ᱢᱟᱱᱟᱣ ᱵᱟᱲᱟᱭᱟ ᱾
ᱢᱮᱫᱤᱱ ᱯᱳᱭᱟ ᱥᱟᱯᱲᱟᱣ
ᱱᱚᱣᱟ ᱯᱳᱭᱟ ᱫᱚ ᱢᱟᱨᱪ ᱪᱟᱸᱫᱚ ᱨᱮ ᱯᱟᱲᱟᱣ ᱠᱟᱱ ᱯᱳᱭᱟ ᱠᱟᱱᱟ, ᱱᱚᱣᱟ ᱫᱚ ᱵᱮᱥᱟᱱᱛᱚᱨᱚ ᱡᱟᱛᱳᱠᱚ ᱦᱚᱸ ᱠᱚ ᱢᱮᱛᱟ ᱦᱟᱜ ᱜᱮᱭᱟ ᱾ ᱱᱚᱣᱟ ᱯᱳᱭᱟ ᱜᱚᱣᱛᱚᱢ ᱵᱩᱫᱷᱚ ᱪᱮᱫ ᱞᱮᱠᱟᱨᱮ ᱥᱚᱸᱥᱟᱨ ᱨᱮᱱᱟᱜ ᱥᱟᱱᱟᱢ ᱠᱚᱣᱟᱜ ᱵᱟᱹᱜᱤ ᱠᱟᱛᱮᱫ ᱱᱤᱨᱵᱟᱬ ᱞᱟᱹᱜᱤᱫ ᱮ ᱩᱰᱩᱠ ᱞᱮᱱᱟᱭ ᱚᱱᱟ ᱩᱭᱟᱦᱹᱨ ᱛᱮ ᱱᱚᱣᱟ ᱠᱚ ᱢᱟᱱᱟᱣᱼᱟ ᱾ ᱱᱚᱣᱟ ᱦᱚᱸ ᱠᱟᱢᱵᱚᱰᱤᱭᱟ, ᱞᱟᱣᱥ, ᱛᱷᱟᱭᱞᱟᱸᱰ ᱥᱨᱤᱞᱚᱸᱠᱟ ᱮᱢᱟᱱ ᱵᱩᱫᱷᱤᱥᱴ ᱠᱚ ᱢᱮᱱᱟᱜ ᱫᱤᱥᱚᱢ ᱠᱚᱨᱮ ᱠᱚ ᱢᱟᱱᱟᱣ ᱵᱟᱲᱟᱭᱟ ᱿
ᱩᱱᱫᱩᱵᱷᱚᱯ ᱯᱳᱭᱟ ᱥᱟᱯᱲᱟᱣ
ᱱᱚᱣᱟ ᱯᱳᱭᱟ ᱫᱚ ᱢᱟᱨᱪ ᱰᱤᱥᱮᱢᱵᱚᱨ ᱨᱮ ᱯᱟᱲᱟᱣ ᱠᱟᱱ ᱯᱳᱭᱟ ᱠᱟᱱᱟ, ᱱᱚᱣᱟ ᱫᱚ ᱥᱚᱸᱷᱚᱢᱤᱛᱚ ᱦᱚᱸ ᱠᱚ ᱢᱮᱛᱟ ᱦᱟᱜ ᱜᱮᱭᱟ ᱿ᱥᱚᱢᱨᱟᱴ ᱳᱥᱳᱠ ᱤᱡ ᱦᱚᱯᱚᱱ ᱮᱨᱟ ᱥᱚᱦᱚᱸᱢᱤᱛᱟ ᱟᱨ ᱟᱡ ᱵᱟᱹᱦᱩ ᱫᱮᱵᱤ ᱱᱚᱣᱟ ᱢᱟᱦᱟᱨᱮ ᱵᱩᱫᱷᱤᱥᱴ ᱜᱩᱨᱩ ᱴᱷᱮᱫ ᱠᱷᱚᱱ ᱵᱩᱫᱷᱤᱥᱴ ᱨᱟᱭ ᱠᱤᱱ ᱟᱸᱡᱚᱢ ᱞᱮᱫᱼᱟ, ᱱᱚᱣᱟ ᱯᱳᱭᱟ ᱚᱱᱟ ᱩᱭᱦᱟᱹᱨ ᱛᱮ ᱥᱟᱱᱟᱢ ᱵᱩᱫᱷᱤᱥᱴ ᱠᱚ ᱢᱟᱱᱟᱣᱼᱟ ᱾
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ https://publicholidays.lk/2018-dates/
- ↑ "Archive copy". Archived from the original on 2011-03-01. Retrieved 2018-11-03.
{{cite web}}: CS1 maint: archived copy as title (link) - ↑ https://www.accesstoinsight.org/lib/authors/kariyawasam/wheel402.html