ᱯᱷᱨᱮᱱᱡ ᱵᱷᱤᱦᱵᱚᱠ
ᱯᱷᱨᱟᱱᱡᱽ ᱟᱨᱛᱩᱨ ᱵᱷᱤ ᱦᱵᱚᱠ (ᱡᱟᱱᱟᱢ ᱒᱔ ᱚᱜᱚᱥᱴ ᱑᱙᱖᱐) ᱫᱚ ᱢᱤᱫ ᱚᱥᱴᱨᱤᱭᱟᱱ ᱤᱞᱮᱠᱴᱨᱤᱠᱚᱞ ᱤᱱᱡᱤᱱᱤᱭᱟᱨ ᱟᱨ ᱠᱚᱥᱢᱳᱱᱟᱣᱴ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱯᱩᱭᱞᱩ ᱚᱥᱴᱨᱤᱭᱟᱱ ᱠᱟᱱᱟᱭ ᱡᱟᱦᱟᱸᱭ ᱫᱚ ᱵᱷᱮᱜᱮᱫ ᱨᱮᱭ ᱩᱰᱟᱹᱣ ᱞᱮᱱᱟ ᱾ ᱩᱱᱤ ᱫᱚ ᱑᱙᱙᱑ ᱥᱟᱞᱮ ᱨᱮ Soyuz TM-13 ᱨᱮ ᱢᱤᱨ ᱡᱟᱭᱜᱟ ᱥᱴᱮᱥᱚᱱ ᱨᱮᱭ ᱥᱮᱴᱮᱨ ᱞᱮᱱᱟ, ᱡᱟᱦᱟᱸ ᱫᱚ Soyuz TM-12 ᱨᱮᱭ ᱨᱩᱣᱟ.ᱲ ᱞᱮᱱᱟ ᱾
| Franz Viehböck | |
|---|---|
| ASA Astronaut | |
| ᱡᱟᱹᱛᱤᱭᱟᱹ | Austrian |
| ᱡᱟᱱᱟᱢ | ᱒᱔ ᱚᱜᱚᱥᱴ ᱑᱙᱖᱐ Vienna, Austria |
| ᱮᱴᱟᱜ ᱡᱩᱭᱚᱱ | Electrical engineer |
| ᱯᱷᱟᱝ ᱨᱮ ᱚᱠᱛᱚ (Time in space) | 7d 22h 12m |
| ᱵᱟᱪᱷᱚᱱ | 1989 |
| ᱢᱤᱥᱚᱱ | Soyuz TM-13, Soyuz TM-12 |
| Mission insignia |  |
ᱠᱮᱨᱤᱭᱚᱨ
ᱥᱟᱯᱲᱟᱣᱠᱞᱮᱢᱮᱱᱥ ᱞᱳᱛᱷᱚᱞᱟᱨ ᱥᱟᱶᱛᱮ ᱩᱱᱤ ᱫᱚ ᱥᱳᱵᱷᱤᱭᱮᱛ-ᱚᱥᱴᱨᱤᱭᱟᱱ ᱡᱟᱭᱜᱟ ᱯᱨᱚᱡᱮᱠᱴ ᱚᱥᱴᱨᱳᱢᱤᱨ ᱙᱑ ᱨᱮ ᱵᱟᱪᱷᱚᱱ ᱞᱮᱱᱟᱭ ᱾ ᱵᱟᱨ ᱥᱮᱨᱢᱟ ᱥᱮᱪᱮᱫ ᱛᱟᱭᱚᱢ ᱩᱱᱤ ᱫᱚ ᱢᱤᱥᱚᱱ ᱞᱟᱹᱜᱤᱫ ᱛᱮ ᱵᱟᱪᱷᱟᱣ ᱮᱱᱟ, ᱟᱨ ᱒ ᱚᱠᱴᱚᱵᱚᱨ ᱑᱙᱙᱑ ᱨᱮ ᱨᱟᱥᱤᱭᱟᱱ ᱠᱳᱥᱢᱳᱱᱟᱣᱴ ᱟᱞᱮᱠᱡᱟᱱᱰᱟᱨ ᱮ. ᱵᱷᱚᱞᱠᱳᱵᱷ ᱟᱨ ᱠᱟᱡᱟᱠ ᱴᱳᱠᱛᱟᱨ ᱚᱵᱟᱠᱤᱨᱳᱵ ᱫᱚ ᱵᱟᱭᱠᱳᱱᱩᱨ ᱠᱳᱥᱢᱳᱰᱨᱳᱢ ᱠᱷᱚᱱ ᱥᱳᱭᱩᱡ ᱴᱤᱹᱮᱢᱹ-᱑᱓ ᱨᱮᱠᱚ ᱦᱮᱡ ᱮᱱᱟ ᱾
ᱢᱤᱨ ᱡᱟᱭᱜᱟ ᱥᱴᱮᱥᱚᱱ ᱨᱮ ᱩᱱᱤ ᱫᱚ ᱮᱱᱟᱴᱚᱞᱤ ᱟᱨᱴᱥᱮᱵᱟᱨᱥᱠᱤ ᱟᱨ ᱥᱮᱨᱜᱮᱭ ᱠᱨᱤᱠᱚᱞᱮᱵᱽ ᱥᱟᱶᱛᱮ ᱡᱟᱭᱜᱟ ᱢᱮᱰᱤᱥᱤᱱ, ᱯᱷᱤᱡᱤᱠᱥ ᱟᱨ ᱡᱟᱭᱜᱟ ᱴᱮᱠᱱᱚᱞᱚᱡᱤ ᱨᱮ ᱑᱕ ᱜᱚᱴᱟᱝ ᱮᱠᱥᱯᱮᱨᱢᱮᱱᱴ ᱮ ᱪᱟᱞ ᱟᱫᱮᱭᱟ ᱾ ᱣᱤᱦᱮᱵᱮᱠ ᱫᱚ ᱗ ᱫᱤᱱ ᱟᱨ ᱒᱒ ᱚᱠᱛᱚ ᱛᱟᱭᱚᱢ ᱥᱳᱭᱩᱡ ᱴᱤ. ᱮᱢ. ᱑᱒ ᱨᱮᱭ ᱨᱩᱣᱟ.ᱲ ᱮᱱᱟ ᱟᱨ ᱑᱐ ᱚᱠᱴᱚᱵᱚᱨ ᱨᱮ ᱠᱟᱡᱟᱠᱥᱛᱟᱱ ᱨᱮᱭ ᱦᱮᱡ ᱮᱱᱟ ᱾
ᱤᱱᱟᱹ ᱛᱟᱭᱚᱢ ᱵᱟᱨ ᱥᱮᱨᱢᱟ ᱞᱟᱦᱟ ᱨᱮ ᱩᱱᱤ ᱫᱚ ᱢᱤᱥᱚᱱ ᱨᱮ ᱟᱹᱰᱤ ᱜᱟᱱ ᱚᱱᱚᱬᱦᱮᱭ ᱯᱟᱲᱦᱟᱣ ᱞᱮᱫ-ᱟ, ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱟᱢᱮᱨᱤᱠᱟ ᱛᱮᱭ ᱪᱟᱞᱟᱣ ᱮᱱᱟ ᱟᱨ ᱨᱚᱠᱣᱮᱞ ᱞᱟᱹᱜᱤᱫ ᱮ ᱠᱟᱹᱢᱤ ᱞᱮᱫ-ᱟ ᱾ ᱡᱚᱠᱷᱚᱱ ᱨᱚᱠᱣᱮᱞ ᱫᱚ ᱵᱳᱭᱤᱝ ᱦᱚᱛᱮᱛᱮ ᱦᱟᱛᱟᱣ ᱞᱮᱱᱟ ᱩᱱᱤ ᱫᱚ ᱵᱷᱤᱭᱮᱱᱟ ᱨᱮ ᱤᱱᱴᱟᱨᱱᱮᱥᱱᱟᱞ ᱵᱤᱡᱱᱮᱥ ᱰᱮᱵᱷᱮᱞᱚᱯᱢᱮᱱᱴ ᱨᱮ ᱰᱟᱭᱨᱮᱠᱴᱚᱨ ᱮ ᱵᱮᱱᱟᱣ ᱮᱱᱟ ᱾ ᱛᱟᱭᱚᱢ ᱩᱱᱤ ᱫᱚ ᱞᱟᱛᱟᱨ ᱚᱥᱴᱨᱤᱭᱟ ᱨᱮᱭᱟᱜ ᱴᱮᱠᱱᱚᱞᱚᱡᱤ ᱵᱮᱣᱨᱩᱯᱷᱭᱩᱴᱚᱨ (ᱴᱮᱠᱱᱚᱞᱚᱡᱤ ᱠᱳᱨᱰᱤᱱᱮᱴᱚᱨ) ᱞᱮᱠᱟᱛᱮᱭ ᱛᱟᱦᱮᱸ ᱮᱱᱟ ᱾
ᱵᱷᱤᱭᱮᱦᱵᱮᱠ ᱫᱚ ᱵᱚᱨᱱᱰᱚᱨᱯ, ᱞᱟᱛᱟᱨ ᱚᱥᱴᱨᱤᱭᱟ ᱨᱮᱭ ᱛᱟᱦᱮᱸᱱᱟ ᱾ ᱩᱱᱤ ᱫᱚ ᱵᱟᱯᱞᱟ ᱞᱮᱱᱟᱭ, ᱟᱨ ᱟᱡᱟᱜ ᱠᱩᱲᱤ ᱠᱟᱨᱤᱱᱟ ᱫᱚ ᱟᱡᱟᱜ ᱡᱟᱭᱜᱟ ᱢᱤᱥᱚᱱ ᱚᱠᱛᱚ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱢᱟᱭᱠ ᱯᱷᱤᱱᱠᱮ ᱟᱨ ᱨᱟᱱᱰᱚᱞᱯᱷ ᱵᱨᱮᱥᱱᱤᱠ (NASA) ᱫᱚ ᱵᱟᱨᱭᱟ ᱮᱴᱟᱜ ᱵᱷᱮᱜᱮᱫ ᱡᱟᱭᱜᱟ ᱥᱮᱵᱟ ᱦᱚᱲ ᱠᱟᱱᱟ ᱠᱚ ᱡᱟᱦᱟᱸᱭ ᱫᱚ ᱵᱷᱮᱜᱮᱫ ᱡᱟᱭᱜᱟ ᱨᱮ ᱛᱟᱦᱮᱸᱱ ᱚᱠᱛᱚ ᱨᱮ ᱟᱭᱳ-ᱵᱟᱵᱟ ᱮ ᱦᱩᱭ ᱞᱮᱱᱟ ᱾