ᱰᱚᱞᱤ ᱡᱳᱦᱩᱨ
ᱰᱚᱞᱤ ᱡᱳᱦᱩᱨ (ᱡᱟᱱᱟᱢ: ᱑᱙᱕᱓) ᱫᱚ ᱵᱟᱝᱞᱟᱫᱮᱥ ᱨᱮᱱ ᱢᱤᱫ ᱧᱩᱛᱩᱢᱟᱱ ᱠᱷᱮᱞᱚᱰᱟᱹᱱᱤ ᱠᱟᱱᱟᱭ᱾ ᱩᱱᱤ ᱫᱚ ᱢᱚᱸᱪᱚ, ᱴᱮᱞᱤᱵᱷᱤᱥᱚᱱ ᱟᱨ ᱥᱤᱱᱮᱢᱟ ᱨᱮᱭ ᱚᱵᱷᱤᱱᱚᱭ ᱵᱟᱲᱟᱭᱟ᱾ ᱑᱙᱗᱔-᱗᱕ ᱥᱮᱨᱢᱟ ᱥᱮᱡ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱜ ᱚᱠᱛᱚᱨᱮ ᱰᱚᱞᱤ ᱡᱳᱦᱩᱨ ᱫᱚ ᱚᱵᱷᱤᱱᱚᱭᱮ ᱮᱛᱦᱚᱵ ᱞᱮᱫᱟ᱾ ᱮᱛᱦᱚᱵ ᱥᱮᱡ ᱫᱚ ᱢᱚᱸᱪᱚ ᱨᱮ ᱛᱟᱭᱚᱢ ᱫᱟᱨᱟᱢᱛᱮ ᱴᱮᱞᱤᱵᱷᱤᱥᱚᱱ ᱟᱨ ᱥᱤᱱᱮᱢᱟ ᱨᱮ ᱦᱚᱸ ᱚᱵᱷᱤᱱᱚᱭᱮ ᱮᱛᱦᱚᱵ ᱠᱮᱫᱟ᱾ ᱩᱱᱤ ᱫᱚ ᱑᱖᱐ ᱜᱚᱴᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱥᱤᱱᱮᱢᱟ ᱨᱮᱭ ᱚᱵᱷᱤᱱᱚᱭ ᱟᱠᱟᱫᱟ᱾ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱠᱟᱠᱷᱟᱱᱟᱜ ᱛᱮ ᱵᱟᱨ ᱫᱷᱟᱣ ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹᱭ ᱦᱟᱢᱮᱴ ᱟᱠᱟᱫᱟ᱾ ᱩᱱᱤ ᱫᱚ 'ᱥᱚᱝᱠᱷᱚᱱᱤᱞ ᱠᱟᱨᱟᱜᱟᱨ' (᱑᱙᱙᱒) ᱨᱮ ᱚᱵᱷᱤᱱᱚᱭ ᱠᱷᱟᱹᱛᱤᱨ ᱥᱮᱨᱟ ᱠᱷᱮᱞᱚᱰᱟᱹᱱᱤ ᱟᱨ ᱒᱐᱐᱖ ᱥᱮᱨᱢᱟ ᱨᱮ 'ᱜᱷᱟᱱᱤ' ᱥᱤᱱᱮᱢᱟ ᱨᱮ ᱥᱮᱨᱟ ᱯᱟᱨᱥᱚ ᱠᱷᱮᱞᱚᱰᱟᱹᱱᱤ ᱵᱤᱵᱷᱟᱜᱽ ᱨᱮ ᱥᱤᱨᱯᱟᱹᱭ ᱦᱟᱢᱮᱴ ᱟᱠᱟᱫᱟ᱾
| ᱰᱚᱞᱤ ᱡᱳᱦᱩᱨ | |
|---|---|
| ᱢᱩᱬ ᱧᱩᱛᱩᱢ | ডলি জহুর |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱞᱟᱭ ᱑᱓, ᱑᱙᱕᱓ ᱫᱷᱟᱱᱢᱚᱱᱰᱤ, ᱰᱷᱟᱡᱟ ᱵᱟᱝᱞᱟᱫᱮᱥ |
| ᱫᱤᱥᱚᱢᱤᱭᱟᱹ | ᱵᱟᱝᱞᱟᱫᱮᱥᱤ |
| ᱠᱟᱹᱢᱤ | ᱠᱷᱮᱞᱚᱰᱟᱹᱱᱤ |
| ᱠᱟᱹᱢᱤ ᱚᱠᱛᱚ | ᱑᱙᱘᱕-ᱱᱤᱛ ᱫᱷᱟᱹᱵᱤᱡ |
ᱮᱛᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱰᱚᱞᱤ ᱡᱳᱦᱩᱨ ᱫᱚ ᱰᱷᱟᱠᱟ ᱨᱮᱱᱟᱜ ᱜᱨᱤᱱ ᱨᱳᱰ ᱨᱮᱭ ᱦᱟᱨᱟᱣ ᱟᱠᱟᱱᱟ᱾ ᱩᱱᱤ ᱫᱚ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱚᱢᱟᱡᱽ ᱵᱤᱜᱜᱟᱱ ᱵᱤᱵᱷᱟᱜᱽ ᱠᱷᱚᱱᱮ ᱚᱞ ᱯᱟᱲᱦᱟᱣ ᱟᱠᱟᱱᱟ᱾ ᱯᱟᱲᱦᱟᱣ ᱚᱠᱛᱚᱨᱮ ᱩᱱᱤ ᱫᱚ ᱚᱵᱷᱤᱱᱚᱭ ᱥᱟᱶᱛᱮᱭ ᱡᱚᱲᱟᱣ ᱟᱠᱟᱱᱟ᱾
ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ
ᱜᱷᱟᱸᱨᱚᱡᱽ ᱡᱤᱭᱚᱱ ᱥᱟᱯᱲᱟᱣ
ᱰᱚᱞᱤ ᱡᱳᱦᱩᱨ ᱑᱙᱗᱖ ᱥᱮᱨᱢᱟ ᱨᱮᱱᱟ ᱕ ᱱᱚᱵᱷᱮᱢᱵᱚᱨ ᱡᱳᱦᱩᱨᱩᱞ ᱤᱥᱞᱟᱢ ᱥᱟᱶᱛᱮᱭ ᱵᱟᱯᱞᱟ ᱞᱮᱱᱟ᱾ ᱟᱡ ᱡᱟᱸᱣᱟᱸᱭ ᱦᱚᱸ ᱠᱷᱮᱞᱚᱰᱤᱭᱟᱹᱭ ᱛᱚᱸᱦᱮᱸᱠᱟᱱᱟ᱾ ᱵᱟᱯᱞᱟ ᱠᱟᱛᱮᱜ ᱙ ᱥᱮᱨᱢᱟ ᱛᱟᱭᱚᱢ ᱩᱱᱠᱤᱱ ᱨᱮᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹᱭ ᱦᱩᱭᱞᱮᱱᱟ᱾ ᱑᱐ ᱱᱚᱵᱷᱮᱢᱵᱚᱨ ᱒᱐᱐᱖ ᱥᱮᱨᱢᱟ ᱨᱮ ᱟᱡ ᱡᱟᱸᱣᱟᱸᱭᱮ ᱵᱚᱸᱜᱟᱛᱟᱞᱟ ᱟᱠᱟᱱᱟ᱾
ᱥᱤᱱᱮᱢᱟ ᱨᱮᱱᱟᱜ ᱛᱟᱹᱞᱠᱟᱹ ᱥᱟᱯᱲᱟᱣ
ᱥᱤᱨᱯᱟᱹ ᱠᱚ ᱥᱟᱯᱲᱟᱣ
- ᱡᱟᱹᱛᱤᱭᱟᱹᱨᱤ ᱥᱤᱱᱮᱢᱟ ᱥᱤᱨᱯᱟᱹ
- ᱡᱤᱛᱟᱹᱣ: ᱥᱮᱨᱟ ᱠᱷᱮᱞᱚᱰᱟᱹᱱᱤ - ᱥᱚᱝᱠᱷᱚᱱᱤᱞ ᱠᱟᱨᱟᱜᱟᱨ (᱑᱙᱙᱒)
- ᱡᱤᱛᱟᱹᱣ: ᱥᱮᱨᱟ ᱯᱟᱨᱥᱚ ᱠᱷᱮᱞᱚᱰᱟᱹᱱᱤ - ᱜᱷᱟᱱᱤ (᱒᱐᱐᱖)