ᱰᱚᱠᱞᱟᱢ ᱵᱤᱵᱟᱹᱫᱽ ᱒᱐᱑᱗
᱒᱐᱑᱗ ᱥᱟᱹᱦᱤᱛ ᱨᱮ ᱥᱤᱧᱚᱛ ᱯᱷᱟᱹᱫᱽ ᱟᱨ ᱪᱤᱱ ᱯᱤᱯᱩᱞᱥ ᱞᱤᱵᱚᱨᱮᱥᱚᱱ ᱟᱨᱢᱤ ᱢᱩᱫᱽ ᱨᱮ ᱰᱚᱠᱞᱟᱢ ᱮᱞᱟᱠᱟ ᱨᱮ ᱦᱩᱭ ᱞᱮᱱ ᱢᱤᱫ ᱵᱤᱵᱟᱹᱫᱽ ᱜᱮ ᱰᱚᱠᱞᱟᱢ ᱵᱤᱵᱟᱹᱫᱽ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱮᱞᱟᱠᱟ ᱨᱮ ᱪᱤᱱ ᱨᱤᱱ ᱯᱷᱟᱹᱫᱽ ᱢᱤᱫ ᱰᱟᱦᱟᱨ ᱚᱥᱟᱨ ᱨᱮᱱᱟᱜ ᱠᱟᱹᱢᱤ ᱠᱚ ᱥᱟᱵ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱵᱤᱵᱟᱹᱫᱽ ᱨᱮᱱᱟᱜ ᱢᱩᱬ ᱚᱡᱮ (reason) ᱛᱟᱦᱮᱸ ᱠᱟᱱᱟ ᱾ ᱰᱚᱠᱞᱟᱢ ᱮᱞᱟᱠᱟ ᱫᱚ ᱰᱚᱝᱜᱽᱞᱟᱝᱜᱽ ᱟᱨᱵᱟᱝ ᱰᱚᱝᱜᱽᱞᱟᱝᱜᱽ ᱪᱟᱣᱪᱟᱝᱜᱽ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱪᱟᱝᱜᱽᱣᱟᱝᱜᱽ ᱢᱮᱱ ᱫᱚ ᱦᱩᱭᱩᱜ ᱠᱟᱱᱟ ᱛᱟᱥᱟᱫ ᱚᱛ ᱟᱨᱵᱟᱝ ᱯᱩᱲᱤᱭᱟᱹ ᱚᱛ ᱾ ᱑᱖ ᱡᱩᱱ ᱒᱐᱑᱗ ᱨᱮ ᱪᱤᱱ ᱨᱤᱱ ᱯᱷᱟᱹᱫᱽ ᱱᱤᱡᱚᱨ ᱰᱟᱦᱟᱨ ᱛᱮᱭᱟᱨ ᱞᱟᱹᱜᱤᱫ ᱦᱟᱹᱛᱭᱟᱹᱨ ᱠᱚ ᱥᱟᱵ ᱠᱟᱛᱮ ᱰᱚᱠᱞᱟᱢ ᱛᱮ ᱥᱮᱴᱮᱨ ᱞᱮᱱ ᱛᱟᱦᱮᱸᱫ, ᱚᱸᱰᱮ ᱢᱟᱬᱟᱝ ᱰᱟᱦᱟᱨ ᱫᱚ ᱠᱚᱧᱮ ᱥᱮᱫ ᱚᱥᱟᱨ ᱞᱟᱹᱜᱤᱫ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱰᱚᱠᱞᱟᱢ ᱮᱞᱟᱠᱟ ᱨᱮ ᱪᱤᱱ ᱟᱨ ᱵᱷᱩᱴᱟᱱ ( ᱥᱤᱧᱚᱛ ᱯᱩᱲᱥᱤ ᱟᱨ ᱜᱟᱛᱮ ᱫᱤᱥᱚᱢ) ᱟᱯᱱᱟᱨᱟᱜ ᱟᱹᱭᱫᱟᱹᱨ ᱠᱤᱱ ᱢᱮᱱᱮᱫ ᱠᱷᱟᱹᱛᱤᱨ ᱱᱚᱶᱟ ᱫᱚ ᱵᱤᱵᱟᱹᱫᱽ ᱴᱷᱟᱶ ᱠᱟᱱᱟ ᱾ ᱑᱘ ᱡᱩᱱ ᱒᱐᱑᱗ ᱨᱮ ᱒᱗᱐ ᱜᱟᱱ ᱥᱤᱧᱚᱛ ᱨᱤᱱ ᱯᱷᱟᱹᱫᱽ ᱦᱟᱹᱛᱭᱟᱹᱨ ᱟᱨ ᱥᱰᱟᱦᱟᱨ ᱨᱟᱹᱯᱩᱫ ᱵᱩᱞᱰᱚᱡᱚᱨ ᱥᱟᱵ ᱠᱟᱛᱮ ᱰᱚᱠᱞᱟᱢ ᱠᱚ ᱵᱚᱞᱚ ᱞᱮᱱ ᱛᱟᱦᱮᱸᱫ ᱾ ᱒᱘ ᱚᱜᱚᱥᱴ ᱒᱐᱑᱗ ᱦᱤᱞᱚᱜ ᱥᱤᱧᱚᱛ ᱟᱨ ᱤᱱ ᱟᱯᱟᱱᱟᱹᱯᱤᱱ ᱨᱤᱱ ᱯᱷᱟᱹᱫᱽ ᱠᱚ ᱚᱱᱟ ᱮᱞᱟᱠᱟ ᱠᱷᱚᱱ ᱠᱤᱱ ᱥᱟᱦᱟ ᱠᱮᱫ ᱠᱚᱣᱟ ᱢᱮᱱᱛᱮ ᱵᱟᱰᱟᱭᱞᱮᱱᱟ ᱾
ᱴᱷᱟᱶ ᱥᱟᱯᱲᱟᱣ
| Location of Doklam and border of Bhutan on OpenStreetMap; Sikkim to the west and Chumbi Valley to the north |
ᱥᱤᱧᱚᱛ, ᱪᱤᱱ ᱟᱨ ᱵᱷᱩᱴᱟᱱ ᱨᱮᱱᱟᱜ ᱯᱮᱭᱟ ᱫᱤᱥᱚᱢ ᱨᱮᱱᱟᱜ ᱢᱤᱞᱚᱱ ᱴᱤᱰᱟᱹᱜ ᱨᱮ ᱢᱮᱱᱟᱜ ᱰᱚᱠᱞᱟᱢ ᱮᱞᱟᱠᱟ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱪᱤᱱ ᱟᱨ ᱵᱷᱩᱴᱟᱱ ᱛᱟᱞᱟ ᱨᱮᱱᱟᱜ ᱥᱤᱢᱟᱹᱜᱷᱟᱸᱭ ᱨᱮ ᱵᱟᱱᱟᱨ ᱫᱤᱥᱚᱢ ᱨᱮᱱᱟᱜ ᱵᱤᱵᱟᱹᱫᱽ ᱮᱞᱟᱠᱟ ᱾[᱑][᱒] ᱥᱤᱧᱚᱛ ᱫᱚ ᱰᱚᱠᱞᱟᱢ ᱨᱮᱱᱟᱜ ᱟᱹᱭᱫᱟᱹᱨ ᱫᱚ ᱵᱟᱭ ᱫᱚᱦᱚᱭᱮᱫᱼᱟ, ᱢᱮᱱᱠᱷᱟᱱ ᱟᱡᱤᱡ ᱜᱟᱛᱮ ᱫᱤᱥᱚᱢ ᱵᱷᱩᱴᱟᱱ ᱨᱮᱱᱟᱜ ᱟᱹᱭᱫᱟᱹᱨ ᱮ ᱥᱟᱨᱦᱟᱣ ᱮᱫᱼᱟ ᱾[᱓][᱔][᱕]
᱑᱘᱙᱐ ᱨᱮ ᱪᱤᱱ ᱟᱨ ᱵᱨᱤᱴᱮᱱ ᱢᱩᱸᱫᱽ ᱨᱮ ᱠᱚᱞᱠᱟᱛᱟ ᱨᱮ ᱦᱩᱭᱞᱮᱱ ᱢᱤᱫ ᱥᱩᱦᱤᱥᱟᱠᱟᱢ ᱨᱮᱱᱟᱜ ᱯᱩᱭᱞᱩ ᱫᱷᱟᱯ ᱞᱮᱠᱟᱛᱮ ᱪᱤᱱ ᱫᱚ ᱰᱚᱠᱞᱟᱢ ᱨᱮ ᱥᱟᱢᱵᱽᱲᱟᱣ ᱟᱹᱭᱫᱟᱹᱨ ᱮ ᱠᱷᱚᱡᱽ ᱮᱫᱟ ᱾ ᱱᱶᱟ ᱥᱩᱦᱤᱥᱟᱠᱟᱢ ᱞᱮᱠᱟᱛᱮ ᱺ ᱥᱤᱠᱤᱢ ᱥᱮᱫ ᱞᱤᱸᱡᱤᱱ ᱠᱟᱱ ᱛᱤᱥᱛᱟ ᱜᱟᱰᱟ ᱟᱨ ᱛᱤᱵᱽᱵᱚᱛ ᱨᱮᱱᱟᱜ ᱢᱚᱪᱩ ᱟᱨ ᱥᱟᱢᱟᱝ ᱥᱮᱦᱮᱫ ᱨᱮᱱᱟᱜ ᱮᱴᱟᱜ ᱜᱟᱰᱟ ᱠᱚ ᱫᱟᱜ ᱥᱚᱢᱯᱚᱫᱽ ᱦᱟᱹᱴᱤᱧᱮᱫ ᱵᱩᱨᱩ ᱠᱚ ᱥᱤᱠᱤᱢ ᱟᱨ ᱛᱤᱵᱽᱵᱚᱛ ᱨᱮᱱᱟᱜ ᱥᱤᱢᱟᱹᱜᱷᱟᱸᱭ ᱞᱮᱠᱟᱛᱮ ᱞᱮᱠᱷᱟᱜᱼᱟ ᱾ ᱱᱚᱶᱟ ᱥᱤᱢᱟᱹᱜᱷᱟᱸᱭ ᱵᱷᱩᱴᱟᱱ ᱮᱞᱟᱠᱟ ᱨᱮᱱᱟᱜ ᱜᱤᱢᱚᱪᱤ ᱵᱩᱨᱩ ᱠᱷᱚᱱ ᱮᱦᱚᱵ ᱠᱟᱛᱮ ᱱᱚᱶᱟ ᱫᱟᱜᱦ ᱦᱟᱹᱴᱤᱧᱟᱜ ᱵᱩᱨᱩ ᱥᱮᱫ ᱛᱮ ᱱᱮᱯᱟᱞ ᱨᱮᱱᱟᱜ ᱥᱤᱢᱟᱹᱜᱷᱟᱱᱭ ᱨᱮ ᱢᱩᱪᱟᱹᱫ ᱟᱠᱟᱱᱟ ᱾
ᱱᱚᱶᱟ ᱥᱩᱦᱤᱥᱟᱠᱟᱢ ᱞᱮᱠᱟᱛᱮ ᱪᱤᱱ ᱟᱯᱱᱟᱨᱟᱜ ᱡᱩᱠᱛᱤ ᱮᱢᱟᱭ ᱵᱟᱝᱢᱟ ᱵᱷᱩᱴᱟᱱ ᱨᱮᱱᱟᱜ ᱜᱤᱯᱢᱚᱪᱤ ᱵᱩᱨᱩ ᱠᱷᱚᱱ ᱥᱤᱠᱤᱢ-ᱛᱤᱵᱽᱵᱚᱛ ᱨᱮᱱᱟᱜ ᱥᱤᱢᱟᱹ ᱮᱦᱚᱵᱚᱜ ᱠᱟᱱᱟ ᱟᱨ ᱱᱚᱶᱟ ᱠᱷᱚᱱ ᱯᱮᱭᱟ ᱫᱤᱥᱚᱢ ᱨᱮᱱᱟᱜ ᱢᱤᱞᱚᱱ ᱴᱤᱰᱟᱹᱜ ᱢᱮᱱᱟᱜ ᱨᱮᱱᱟᱜ ᱴᱷᱟᱹᱣᱠᱟᱹᱜ ᱠᱟᱱᱟ ᱾[᱖] ᱪᱤᱱ ᱨᱮᱱᱟᱜ ᱡᱩᱠᱛᱤ ᱞᱮᱠᱟᱛᱮ ᱥᱤᱠᱤᱢ ᱨᱮᱱᱟᱜ ᱥᱤᱢᱟᱹ ᱨᱮ ᱢᱮᱱᱟᱜ ᱛᱤᱵᱽᱵᱚᱛ ᱨᱮᱱᱟᱜ ᱡᱤᱜᱟᱡᱮ ᱮᱞᱟᱠᱟ ᱨᱮ ᱰᱚᱠᱞᱟᱢ ᱢᱮᱱᱟᱜᱼᱟ ᱾[᱗] ᱵᱷᱩᱴᱟᱱ ᱱᱚᱶᱟ ᱥᱩᱦᱤ ᱥᱟᱠᱟᱢ ᱨᱮ ᱵᱷᱟᱹᱜᱤᱫᱟᱨ ᱫᱚ ᱵᱟᱭ ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Doklam Standoff: Beyond Border Dispute - Mainstream Weekly". www.mainstreamweekly.net. Retrieved 10 August 2017.
- ↑ Mitra, Devirupa (5 July 2017). "Expert Gyan: On India, China Stand-Off At Border Tri-Junction With Bhutan". The Wire. Retrieved 11 August 2017.
- ↑ Barry, Steven Lee Myers, Ellen; Fisher, Max (26 July 2017). "How India and China Have Come to the Brink Over a Remote Mountain Pass". The New York Times. Retrieved 11 August 2017 – via NYTimes.com.
- ↑ "Sikkim standoff: Beijing should realise Bhutan is as important to India as North Korea is to China". Firstpost. 30 June 2017. Retrieved 11 August 2017.
- ↑ Staff (28 June 2017). "Indian bunker in Sikkim removed by China: Sources". The Times of India. Archived from the original on 6 July 2017.
{{cite news}}: Unknown parameter|dead-url=ignored (help) - ↑ CGTN (2017-08-14), 'The Border': A debate between China & India, retrieved 2017-08-19
- ↑ "关系：洞郎地区 (3964647)S". OpenStreetMap. Retrieved 7 August 2017.