ᱰᱷᱟᱠᱟ
ᱰᱷᱟᱠᱟ (ᱤᱝᱨᱟᱡᱤ: Dhaka) ᱫᱚ ᱥᱮᱫᱟᱭ Dacca ᱵᱟᱱᱟᱱ ᱦᱚᱸ ᱠᱚ ᱚᱞᱮᱜ ᱛᱟᱦᱮᱱᱟ᱾[᱑] ᱱᱚᱶᱟ ᱫᱚ ᱵᱟᱝᱞᱟᱫᱮᱥ (ᱵᱟᱝᱞᱟᱫᱤᱥᱟᱹᱢ) ᱨᱮᱱᱟᱜ ᱨᱟᱡᱽᱫᱷᱟᱹᱱᱤ ᱠᱟᱱᱟ᱾ ᱰᱷᱟᱠᱟ ᱫᱚ ᱢᱮᱜᱟᱥᱤᱴᱤ ᱠᱟᱱᱟ ᱚᱱᱟ ᱥᱟᱶ ᱫᱟᱠᱷᱤᱱ ᱮᱥᱤᱭᱟ ᱨᱮᱱᱟᱜ ᱢᱟᱨᱟᱝ ᱥᱚᱦᱚᱨ ᱦᱚᱸ ᱠᱟᱱᱟ᱾ ᱱᱤᱭᱟᱹ ᱥᱚᱦᱚᱨ ᱫᱚ ᱵᱩᱲᱤᱜᱚᱝᱜᱟ ᱧᱤᱛᱩᱢᱟᱱ ᱜᱟᱰᱟ ᱟᱲᱮᱨᱮ ᱢᱮᱱᱟᱜᱼᱟ᱾ᱰᱷᱟᱠᱟ ᱥᱚᱦᱚᱨ ᱨᱮ ᱫᱚ ᱑ ᱥᱟᱥᱟᱥᱟᱭ ᱕᱐ ᱥᱟᱥᱟᱭ(᱑᱕᱐᱐᱐᱐᱐᱐) ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱰᱷᱟᱠᱟ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱙(ᱟᱨᱮ) ᱦᱚᱲ ᱛᱮ ᱜᱟᱫᱮᱞ ᱥᱚᱦᱚᱨ ᱠᱟᱱᱟ᱾ᱰᱷᱟᱠᱟ ᱥᱦᱚᱨ ᱫᱚ ‘ᱢᱚᱥᱡᱤᱫᱽ ᱨᱮᱱᱟᱜ ᱥᱚᱦᱚᱨ’ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ᱾ ᱱᱚᱸᱰᱮ ᱫᱷᱟᱹᱨᱛᱤ ᱨᱮᱱᱟᱜ ᱥᱚᱨᱮᱥᱟᱱ ᱢᱚᱥᱚᱞᱤᱱ ᱠᱤᱪᱨᱤᱡ ᱛᱮᱭᱟᱨᱚᱜ ᱠᱟᱱ ᱛᱟᱦᱮᱱᱟ᱾ ᱰᱷᱟᱠᱟ ᱫᱚ ‘ᱨᱤᱠᱥᱟᱹ ᱨᱮᱱᱟᱜ ᱥᱚᱦᱚᱨ’ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ᱾ ᱱᱚᱸᱰᱮ ᱫᱤᱱᱟᱹᱢ ᱔᱐᱐,᱐᱐᱐ ᱠᱷᱚᱱ ᱔᱕᱐,᱐᱐᱐ ᱜᱟᱱ ᱨᱤᱠᱥᱟᱹ ᱪᱟᱞᱟᱜᱼᱟ᱾ ᱱᱟᱦᱟᱜ ᱫᱚ ᱫᱚᱠᱠᱷᱤᱱ ᱮᱥᱤᱭᱟ ᱨᱟᱱᱜ ᱞᱟᱠᱪᱟᱨ, ᱥᱤᱠᱷᱱᱟᱹᱛᱷ ᱟᱨ ᱵᱮᱯᱟᱨᱤ ᱨᱮᱱᱟᱜ ᱥᱚᱦᱚᱨ ᱦᱚᱸ ᱠᱟᱱᱟ᱾
ᱮᱭᱟᱭ ᱥᱟᱭ ᱥᱮᱨᱢᱟ ᱥᱮᱡ ᱢᱟᱨᱮ ᱰᱷᱟᱠᱟ ᱫᱚ ᱢᱩᱜᱷᱚᱱ ᱥᱟᱢᱨᱟᱡᱡᱚ ᱨᱮᱱᱟᱜ ᱯᱨᱟᱫᱮᱥᱤᱠ ᱨᱟᱡᱽᱫᱷᱟᱹᱱᱤ ᱛᱟᱦᱮ ᱠᱟᱱᱟ᱾ᱢᱩᱜᱷᱚᱞ ᱥᱚᱢᱨᱟᱴ ᱡᱟᱦᱟᱝᱜᱤᱨ ᱚᱠᱛᱮ ᱨᱮ ᱱᱤᱭᱟᱹ ᱨᱟᱱᱟᱜ ᱧᱤᱛᱩᱢ ᱫᱚ ᱡᱟᱦᱟᱝᱜᱤᱨ ᱱᱚᱜᱚᱨ ᱛᱟᱦᱮ ᱠᱟᱱᱟ᱾ ᱟᱭᱢᱟ ᱫᱤᱥᱟᱹᱢ ᱨᱮᱱ ᱵᱮᱯᱟᱨᱤ ᱠᱚ ᱱᱚᱸᱰᱮ ᱵᱮᱯᱟᱨᱤ ᱞᱟᱹᱜᱤᱫ ᱠᱚ ᱦᱟᱹᱡᱩᱜ ᱠᱟᱱ ᱛᱟᱦᱮᱱᱟ᱾ ᱱᱟᱦᱟᱜ ᱡᱩᱜᱽ ᱨᱮᱱᱟᱜ ᱰᱷᱟᱠᱟ ᱫᱚ ᱤᱝᱨᱟᱹᱡᱤ ᱜᱮᱞ ᱟᱨᱮ ᱥᱟᱭ ᱥᱮᱡ ᱛᱮᱭᱟᱨ ᱨᱟᱠᱟᱵ ᱟᱠᱟᱱᱟ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱮ ᱑᱙᱐᱕ ᱥᱮᱨᱢᱟ ᱨᱮ ᱵᱚᱝᱜᱚᱵᱷᱚᱝᱜᱚ ᱠᱚᱛᱮ ᱯᱩᱨᱩᱵᱽ ᱵᱟᱝᱞᱟ ᱟᱨ ᱟᱥᱟᱢ ᱨᱟᱱᱟᱜ ᱨᱟᱡᱽᱫᱷᱟᱹᱱᱤ ᱫᱚ ᱛᱟᱦᱮ ᱠᱟᱱᱟ ᱰᱷᱟᱠᱟ᱾ ᱑᱙᱔᱗ ᱥᱮᱨᱢᱟ ᱨᱮ ᱵᱷᱟᱨᱚᱛ ᱦᱟᱹᱴᱤᱧᱮᱱ ᱠᱷᱟᱱ ᱯᱩᱨᱩᱵᱽ ᱯᱟᱠᱤᱥᱛᱟᱱ ᱨᱮᱱᱟᱜ ᱨᱟᱡᱽᱫᱷᱟᱹᱱᱤ ᱦᱩᱭᱮᱱᱟ ᱰᱷᱟᱠᱟ᱾ ᱟᱨ ᱑᱙᱗᱑ ᱥᱮᱨᱢᱟ ᱨᱮ ᱯᱷᱩᱨᱜᱟᱹᱞ ᱵᱟᱝᱞᱟᱫᱤᱥᱟᱹᱢ ᱨᱟᱱᱟᱜ ᱨᱟᱡᱽᱫᱷᱟᱹᱱᱤ ᱦᱩᱭᱮᱱᱟ ᱰᱷᱟᱠᱟ᱾
ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱥᱚᱝᱵᱤᱫᱷᱟᱱ ᱨᱮ ᱕(ᱚ) ᱚᱱᱩᱪᱷᱮᱫᱽ ᱞᱮᱠᱟᱛᱮ ᱰᱷᱟᱠᱟ ᱫᱚ ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱨᱟᱡᱽᱫᱷᱟᱹᱱᱤ ᱠᱟᱱᱟ᱾ ᱱᱟᱦᱟᱜ ᱰᱷᱟᱠᱟ ᱫᱚ ᱵᱟᱝᱞᱟᱫᱤᱥᱟᱹᱢ ᱨᱮᱱᱜ ᱨᱟᱡᱽᱟᱹᱨᱤ, ᱞᱟᱠᱪᱟᱨ ᱟᱨ ᱠᱟᱹᱣᱰᱤᱟᱹᱨᱤ ᱥᱮᱡ ᱞᱮᱠᱟᱛᱮ ᱛᱟᱞᱟᱢᱟᱞᱟᱨᱮ ᱢᱮᱱᱟᱜᱼᱟ᱾ ᱰᱷᱟᱠᱟ ᱥᱚᱦᱚᱨ ᱨᱮ ᱧᱮᱞ ᱡᱚᱝ ᱞᱮᱠᱟᱱ ᱟᱭᱢᱟ ᱡᱟᱜᱟ ᱢᱮᱱᱟᱜᱼᱟ ᱡᱮᱹᱞᱮᱠᱟ ᱡᱟᱛᱤᱭᱚ ᱥᱚᱝᱥᱚᱫᱽ, ᱰᱷᱟᱠᱟ ᱵᱤᱥᱥᱚᱵᱤᱫᱫᱟᱞᱚᱭ, ᱢᱩᱠᱛᱤᱡᱩᱫᱫᱷᱚ ᱡᱟᱫᱩᱜᱷᱚᱨ, ᱞᱟᱞᱵᱟᱜᱽ ᱨᱮᱱᱟᱜ ᱠᱮᱞᱞᱟ ᱮᱢᱟᱱᱛᱮᱜ᱾
ᱧᱤᱛᱩᱢ ᱨᱮᱱᱟᱜ ᱱᱟᱜᱟᱢ
ᱥᱟᱯᱲᱟᱣᱰᱷᱟᱠᱟ ᱧᱩᱛᱩᱢ ᱨᱮᱭᱟᱜ ᱚᱨᱥᱚᱝ ᱫᱚ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱱᱚᱶᱟ ᱫᱚ ᱫᱷᱟᱠ ᱫᱟᱨᱮ (dhak tree) ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱚᱠᱛᱚ ᱱᱚᱶᱟ ᱴᱚᱴᱷᱟ ᱨᱮ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ, ᱟᱨᱵᱟᱝ ᱫᱷᱚᱠᱮᱥᱣᱚᱨᱤ ᱠᱷᱚᱱ, ᱡᱟᱦᱟᱸ ᱫᱚ ᱱᱚᱶᱟ ᱴᱚᱴᱷᱟ ᱨᱮᱱᱟᱜ 'ᱯᱚᱴᱨᱚᱱ ᱫᱮᱵᱤ' ᱠᱟᱱᱟᱭ ᱾ ᱑᱖᱑᱐ ᱥᱮᱨᱢᱟ ᱨᱮ ᱵᱮᱝᱜᱚᱞ ᱨᱟᱡᱽᱜᱟᱲ ᱨᱮᱭᱟᱜ ᱩᱪᱷᱟᱹᱱ ᱚᱠᱛᱚ ᱨᱮ ᱥᱩᱵᱷᱟᱫᱚᱨ ᱤᱥᱞᱟᱢ ᱠᱷᱟᱱ ᱤᱧ ᱟᱜ ᱦᱚᱛᱮᱛᱮ ᱠᱷᱮᱞ ᱟᱠᱟᱱ ᱢᱤᱫ ᱢᱮᱢᱵᱽᱨᱟᱱᱳᱯᱷᱳᱱ ᱤᱱᱥᱴᱨᱚᱢᱮᱱᱴ, ᱫᱷᱟᱠ ᱨᱮᱭᱟᱜ ᱢᱮᱱᱮᱛ ᱫᱚ ᱫᱷᱟᱠᱟ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ-ᱟ᱾
ᱟᱫᱚᱢ ᱚᱞ ᱠᱚᱨᱮ ᱱᱚᱣᱟ ᱫᱚ ᱯᱨᱚᱠᱨᱤᱛ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱡᱟᱦᱟᱸ ᱫᱚ ᱰᱷᱟᱠᱟ ᱵᱷᱟᱥᱟ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱟᱨᱵᱟᱝ ᱰᱷᱟᱠᱟ, ᱡᱟᱦᱟᱸ ᱫᱚ ᱨᱟᱡᱽᱛᱚᱨᱚᱝᱜᱤᱱᱤ ᱨᱮ ᱢᱤᱫ ᱧᱮᱞ ᱥᱴᱮᱥᱚᱱ ᱞᱟᱹᱜᱤᱫ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾ ᱟᱨᱵᱟᱝ ᱫᱟᱵᱚᱠᱟ ᱞᱮᱠᱟ ᱜᱮ ᱱᱚᱣᱟ ᱫᱚ ᱢᱮᱱᱚᱜᱼᱟ, ᱡᱟᱦᱟᱸ ᱫᱚ ᱥᱟᱢᱩᱫᱨᱚᱜᱩᱯᱛᱟ ᱟᱜ ᱟᱞᱞᱟᱦᱟᱵᱟᱫᱽ ᱯᱤᱞᱟᱨ ᱚᱞ ᱨᱮ ᱮᱛᱚᱢ ᱥᱤᱢᱟᱹ ᱨᱟᱡᱽ ᱞᱮᱠᱟᱛᱮ ᱚᱞ ᱟᱠᱟᱱᱟ ᱾ ᱨᱟᱡᱟᱛᱟᱨᱟᱜᱤᱱᱤ ᱞᱮᱠᱟᱛᱮ ᱠᱟᱥᱢᱤᱨᱤ ᱵᱽᱨᱟᱦᱢᱟᱱ ᱠᱚᱞᱦᱟᱱᱚ ᱦᱚᱛᱮᱛᱮ ᱚᱞ ᱟᱠᱟᱱᱟ, ᱱᱚᱣᱟ ᱴᱚᱴᱷᱟ ᱫᱚ ᱢᱟᱲᱟᱝ ᱫᱚ ᱫᱷᱟᱠᱠᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱰᱷᱟᱠᱟ ᱟᱹᱲᱟᱹ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱧᱮᱧᱮᱞ ᱴᱟᱣᱟᱨ ᱾ ᱵᱤᱠᱨᱟᱢᱯᱩᱨ ᱟᱨ ᱥᱳᱱᱟᱨᱜᱚᱸᱡᱽ, ᱵᱚᱝᱜᱟ ᱨᱟᱡᱟ ᱠᱚᱣᱟᱜ ᱯᱩᱭᱞᱩ ᱟᱹᱰᱤ ᱢᱟᱨᱟᱝ ᱵᱟᱡᱟᱨ ᱠᱚ ᱱᱚᱶᱟ ᱥᱩᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱰᱷᱟᱠᱟ ᱫᱚ ᱟᱹᱰᱤ ᱫᱟᱨᱟᱭ ᱛᱮ ᱯᱷᱚᱨᱴᱤᱯᱷᱤᱠᱮᱥᱚᱱ ᱞᱟᱹᱜᱤᱫ ᱣᱟᱴᱪᱴᱚᱣᱟᱨ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Choguill, C.L. (2012).https://books.google.com/books?id=slvlBwAAQBAJ&pg=PR8 Springer Science & Business Media. p. viii.