ᱱᱟᱭᱠᱮ ᱢᱚᱸᱜᱚᱞ ᱪᱚᱸᱱᱫᱨᱚ ᱥᱚᱨᱮᱱ
ᱱᱟᱭᱠᱮ ᱢᱚᱸᱜᱚᱞ ᱪᱚᱸᱱᱫᱨᱟ ᱥᱚᱨᱮᱱ ᱫᱚ ᱯᱚᱸᱰᱮᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱥᱚᱢᱚᱭ ᱨᱮᱱ ᱚᱱᱚᱸᱬᱦᱤᱭᱟ.
ᱜᱮᱭᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱵᱟᱝᱜᱟᱞᱤ ᱟᱨ ᱥᱟᱱᱛᱟᱲᱤ ᱵᱟᱱᱟᱨ ᱥᱳᱢᱟᱡ ᱨᱮᱜᱮ ᱟ.ᱰᱤ ᱡᱚᱹᱥ ᱢᱟ.ᱱᱢᱤ ᱜᱮᱭᱮ ᱛᱟᱦᱮᱸ ᱞᱮᱱᱟ᱾ ᱥᱟᱱᱛᱟᱲᱤ ᱞᱟᱭ ᱞᱟᱠᱪᱟᱨ ᱟ.ᱨᱤᱪᱟᱹᱞᱤ ᱪᱮᱛᱟᱱ ᱵᱟᱝᱞᱟ ᱵᱷᱟᱥᱟ ᱛᱮ ᱩᱱᱤᱭᱟᱜ ᱯᱳᱴᱳᱵ ᱢᱮᱱᱟᱜ ᱟᱱᱮᱪ᱾ ᱩᱱᱤ ᱫᱚ ᱟᱭᱢᱟ ᱞᱮᱠᱟᱱ ᱥᱳᱢᱟᱡ ᱥᱮᱵᱟ ᱛᱩᱞᱩᱪ ᱡᱚᱲᱟᱣ ᱭᱮ ᱛᱟᱦᱮᱸ ᱠᱟᱱᱟ᱾ ᱨᱟᱡᱽᱱᱤᱛᱤ ᱨᱮᱦᱚᱸ ᱩᱱᱤ ᱫᱚ ᱵᱮᱥ ᱪᱷᱩᱴᱟᱹᱣ ᱮ ᱛᱟᱦᱮᱸ ᱞᱮᱱᱟ᱾
ᱡᱟᱱᱟᱢ ᱢᱟᱦᱟᱸ ː ᱑᱙᱐᱖
ᱪᱟᱸᱱᱮᱱ ᱢᱟᱦᱟᱸ ː ᱑᱙᱙᱒
ᱚᱞᱚᱜ ᱯᱟᱲᱦᱟᱸᱣ ː ᱠᱚᱞᱤᱠᱟᱛᱟ ᱵᱤᱥᱭᱚᱵᱤᱫᱷᱭᱟᱞᱚᱭ
ᱠᱟ.ᱵᱵᱚ ᱜᱨᱚᱱᱛᱷᱚ ː ᱪᱷᱤᱛᱟ., ᱵᱷᱮᱴᱚᱠ, ᱩᱯᱚᱞ ᱵᱟᱦᱟ, ᱡᱚᱢ ᱥᱤᱢ ᱵᱤᱱᱛᱤ
ᱠᱚᱞᱤᱠᱟᱛᱟ ᱵᱤᱥᱭᱚᱵᱤᱫᱷᱭᱟᱞᱚᱭ ᱨᱮ ᱚᱞᱚᱜ ᱯᱟᱲᱦᱟᱣ ᱠᱷᱟ.ᱛᱤᱨ ᱩᱱᱤ ᱫᱚ ᱰᱨᱹ ᱥᱮᱢᱟ ᱯᱨᱚᱥᱟᱫᱽ ᱨᱮᱱ ᱟ.ᱰᱤ ᱯᱨᱤᱭᱚ ᱪᱷᱟᱛᱨᱚ ᱭᱮ ᱛᱟᱦᱮᱸ ᱞᱮᱱᱟ᱾ ᱟᱪᱟᱨᱡᱭᱚ ᱥᱩᱱᱤᱛᱤ ᱠᱩᱢᱟᱨ ᱦᱚᱸ ᱩᱱᱤ ᱫᱚ ᱟ.ᱰᱤ ᱛᱮᱭᱮ ᱫᱩᱞᱟ.ᱲ ᱫᱤ ᱛᱟᱦᱮᱸ ᱱᱟ᱾ ᱜᱤᱫᱽᱨᱟᱹ ᱡᱚᱠᱷᱟᱱ ᱩᱱᱤ ᱫᱚ ᱥᱟᱱᱜᱥᱠᱨᱤᱴᱤᱠ ᱴᱚᱞ ᱨᱮᱭᱮ ᱯᱟᱲᱦᱟᱣ ᱞᱮᱱ ᱛᱮ, ᱦᱤᱱᱫᱩᱹ ᱯᱩᱨᱟᱱ ᱟᱨ ᱛᱚᱱᱛᱨᱚ ᱥᱟᱥᱛᱨᱚ ᱨᱮ ᱩᱱᱤᱭᱟᱜ ᱟ.ᱰᱤ ᱵᱷᱤᱛᱨᱤ ᱜᱭᱟᱹᱱ ᱛᱟᱦᱮᱸ ᱞᱮᱱ ᱛᱟᱭᱟ᱾ ᱥᱟᱱᱛᱟᱲ ᱞᱟᱭ ᱞᱟᱠᱪᱟᱹᱨ ᱥᱚᱸᱜᱮ ᱦᱤᱱᱫᱩ ᱥᱟᱥᱛᱨᱚ ᱨᱮᱱᱟᱝ ᱢᱤᱞ, ᱩᱱᱤ ᱫᱚ ᱟ.ᱰᱤ ᱢᱚᱡᱽ ᱛᱮᱭᱮ ᱞᱟ.ᱭ ᱫᱟᱨᱮᱭᱟᱜ ᱠᱟᱱ ᱛᱟᱦᱮᱸ ᱭᱟ᱾
ᱟ.ᱰᱤ ᱦᱟᱨᱟᱢ ᱠᱟᱛᱮ ᱦᱚᱸ ᱩᱱᱤ ᱫᱚ ᱥᱟᱱᱛᱟᱲ ᱠᱚᱣᱟᱜ ᱫᱷᱚᱨᱚᱢ ᱟᱥᱲᱟ ᱨᱮ ᱯᱩᱡᱟᱭᱮᱛ ᱛᱟᱦᱮᱸᱭᱟᱭ᱾ ᱚᱱᱟ ᱠᱷᱟ.ᱛᱤᱨ ᱩᱱᱤ ᱫᱚ ᱟ.ᱰᱤ ᱢᱚᱡᱽ ᱮ ᱵᱩᱡᱷᱟᱹᱣ ᱮᱛ ᱛᱟᱦᱮᱸᱭᱟ᱾ ᱥᱤᱫᱷᱩᱼᱠᱟᱱᱩ ᱦᱩᱹᱞ ᱫᱤᱥᱟ. ᱞᱟᱹᱜᱤᱫ ᱟ.ᱰᱤ ᱪᱚᱨᱚᱠ ᱚᱱᱚᱬᱦᱮᱸ ᱩᱱᱤᱭᱮ ᱚᱞ ᱚᱴᱚ ᱣᱟᱠᱟᱫᱟ᱾ᱱᱟᱦᱟᱠ ᱡᱩᱜᱽ ᱨᱮᱱ ᱠᱚᱲᱟ ᱠᱩᱲᱤ ᱫᱷᱚᱨᱚᱢ ᱥᱮᱱ ᱦᱤᱡᱩᱠ ᱞᱟ.ᱜᱤᱫ ᱟᱭᱢᱟ ᱪᱮᱛᱚᱱᱟ ᱨᱟᱠᱟᱵ ᱚᱱᱚᱸᱬᱦᱮ ᱜᱮ ᱩᱱᱤ ᱫᱚᱭᱮ ᱚᱞ ᱛᱚᱞ ᱳᱴᱚ ᱟᱠᱟᱫᱟᱹᱭᱮ᱾