ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
ᱵᱟᱜᱟᱱ ᱵᱟᱦᱟ ᱱᱣᱨᱚᱱ ᱨᱤᱛᱩ ᱨᱮ

ᱱᱤᱨᱚᱱ ᱨᱤᱛᱩ ᱫᱚ ᱯᱷᱟᱹᱜᱩᱱ ᱟᱨ ᱪᱟᱹᱛ ᱵᱚᱸᱜᱟ ᱨᱮ ᱦᱯᱭᱩᱜ-ᱟ ᱾ ᱨᱟᱵᱟᱝ ᱨᱤᱛᱩ ᱪᱟᱵᱟᱜ ᱥᱟᱶ ᱥᱟᱶᱛᱮ ᱱᱤᱨᱚᱱ ᱨᱤᱛᱩ ᱫᱚ ᱟᱹᱭᱠᱟᱹᱣᱜ-ᱟ ᱾ ᱱᱚᱶᱟ ᱨᱤᱛᱩ ᱫᱚ ᱨᱟᱵᱟᱝ ᱢᱮᱥᱟ ᱥᱤᱛᱩᱝ ᱵᱩᱡᱷᱟᱹᱣᱜ-ᱟ ᱾

ᱡᱟᱭᱛᱮᱫᱥᱟᱯᱲᱟᱣ

ᱱᱤᱨᱚᱱ ᱨᱤᱛᱩ ᱫᱚ ᱟᱹᱰᱤ ᱥᱚᱨᱚᱥᱟᱱ ᱨᱤᱛᱩ ᱠᱟᱱᱟ ᱾ ᱱᱚᱶᱟ ᱨᱤᱛᱩ ᱨᱮ ᱟᱹᱰᱤ ᱞᱮᱠᱟᱱ ᱵᱟᱦᱟ ᱛᱮ ᱫᱷᱟᱹᱨᱛᱤ ᱡᱟᱠᱟᱛ ᱥᱟᱡᱟᱣ ᱠᱚᱜ-ᱟ ᱾ ᱥᱟᱲ ᱵᱟᱦᱟ ᱧᱮᱞᱛᱮ ᱩᱨᱩ ᱵᱷᱟᱶᱟᱨ ᱠᱚ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱫ ᱦᱟᱱᱟ ᱰᱟᱹᱨ ᱠᱷᱚᱱ ᱱᱚᱣᱟ ᱰᱟᱹᱨ ᱠᱚ ᱩᱰᱟᱹᱣ ᱵᱟᱲᱟᱭᱟ ᱾ ᱟᱹᱰᱤ ᱞᱮᱠᱟᱱ ᱪᱤᱛᱟᱹᱨ ᱠᱟᱵᱟᱨ ᱯᱤᱯᱤᱲᱤᱭᱟᱹᱝ ᱩᱰᱟᱹᱣ ᱵᱟᱲᱟᱭᱟᱠᱚ ᱦᱟᱱᱟ ᱵᱟᱦᱟ ᱠᱷᱚᱱ ᱱᱷᱟᱣᱟ ᱵᱟᱦᱟ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱫ ᱾ ᱱᱤᱨᱚᱱ ᱦᱚᱭ ᱛᱮ ᱵᱟᱦᱟ ᱰᱟᱹᱨ ᱦᱤᱞᱟᱹᱣᱜ-ᱟ ᱞᱤᱠᱤᱫ ᱞᱩᱠᱤᱫ ᱮᱱᱮᱡ ᱡᱚᱝ ᱠᱟᱱ ᱞᱮᱠᱟ ᱾ ᱱᱚᱣᱟ ᱨᱤᱛᱩ ᱨᱮ ᱵᱟᱹᱫᱽ ᱵᱟᱹᱭᱦᱟᱹᱲ ᱠᱟᱹᱢᱤ ᱠᱚ ᱵᱟᱭ ᱛᱟᱦᱮᱸᱱᱟ ᱾ ᱚᱱᱟᱛᱮ ᱡᱚᱛᱚ ᱦᱚᱲ ᱟᱹᱰᱤ ᱨᱟᱣᱟᱞ ᱜᱮ ᱠᱚ ᱟᱹᱭᱠᱟᱹᱣᱟ ᱾ ᱫᱷᱟᱹᱨᱛᱤ ᱨᱮᱱᱟᱜ ᱨᱩᱯᱨᱚᱝ ᱧᱮᱞᱛᱮ ᱠᱚᱭᱮᱞᱟᱜ ᱠᱩᱦᱩ ᱟᱨ ᱱᱟᱥᱮ ᱦᱤᱥᱤᱫ ᱦᱚᱭᱛᱮ ᱢᱚᱱᱮ ᱡᱤᱣᱤ ᱛᱟᱹᱦᱩᱸ ᱡᱤᱭᱟᱹᱲ ᱨᱟᱠᱟᱵ-ᱟ ᱾ ᱵᱩᱨᱩ ᱨᱮ ᱠᱚᱲ-ᱯᱟᱠᱚᱲ ᱠᱚ ᱡᱚ ᱠᱚᱜ-ᱟ ᱾ ᱥᱮᱸᱫᱽᱨᱟ ᱠᱟᱨᱠᱟ ᱦᱚᱸ ᱟᱹᱰᱤ ᱠᱚ ᱫᱟᱬᱟᱱᱟ ᱾

ᱯᱟᱨᱟᱵᱽ ᱯᱩᱱᱟᱹᱭᱥᱟᱯᱲᱟᱣ

ᱱᱚᱶᱟ ᱚᱠᱛᱚ ᱨᱮᱦᱚᱸ ᱯᱟᱨᱟᱵᱽ ᱯᱩᱱᱟᱹᱭ ᱦᱩᱭᱩᱜ ᱜᱮᱭᱟ ᱾ ᱚᱱᱟ ᱠᱚ ᱢᱩᱸᱫᱽ ᱠᱷᱚᱱ ᱵᱟᱦᱟ ᱯᱟᱨᱟᱵᱽ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱟᱨᱟᱵᱽ ᱠᱟᱱᱟ ᱾ ᱱᱚᱶᱟ ᱯᱟᱨᱟᱵᱽ ᱫᱚ ᱟᱹᱰᱤ ᱡᱟᱠᱡᱚᱢᱚᱠ ᱦᱩᱭᱩᱜ-ᱟ ᱾ ᱵᱟᱦᱟ ᱵᱚᱸᱜᱟ ᱨᱮ ᱫᱚ ᱥᱟᱨᱡᱚᱢ ᱵᱟᱦᱟ ᱠᱚ ᱵᱚᱸᱜᱟᱭᱟ ᱟᱨ ᱠᱚ ᱵᱟᱦᱟᱭᱟ ᱾ ᱵᱚᱭᱦᱟ ᱢᱤᱥᱨᱟ ᱠᱚ ᱦᱚᱸᱠᱚ ᱱᱮᱣᱛᱟ ᱠᱟᱠᱚᱣᱟ ᱟᱹᱰᱤ ᱨᱚᱢᱚᱡᱽ ᱜᱮ ᱾

ᱵᱟᱹᱲᱛᱤᱥᱟᱯᱲᱟᱣ

ᱱᱤᱨᱚᱱ ᱨᱤᱛᱩ ᱫᱚ ᱟᱹᱰᱤ ᱱᱟᱯᱟᱭ ᱨᱤᱛᱩ ᱠᱟᱱᱟ ᱚᱱᱟ ᱛᱮ ᱱᱚᱣᱟ ᱨᱤᱛᱩ ᱫᱚ ᱨᱩᱛᱩ ᱨᱟᱡᱽ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱣᱟ ᱨᱩᱛᱩ ᱪᱟᱵᱟᱜ ᱥᱟᱶ ᱥᱟᱶᱛᱮ ᱵᱚᱞᱚ ᱦᱤᱡᱩᱜ-ᱟᱭ ᱥᱤᱛᱩᱝ ᱨᱩᱛᱩ ᱾

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ