ᱴᱮᱱᱴᱚᱯᱳᱥᱤ ᱞᱟ.ᱰᱷᱟ.ᱭ
ᱴᱮᱱᱴᱚᱯᱳᱥᱤ ᱞᱟ.ᱰᱷᱟ.ᱭ-:᱑᱘᱑᱑ ᱥᱟᱞ ᱠᱷᱚᱱ ᱑᱘᱒᱙ ᱥᱟᱞᱮ ᱫᱷᱟ.ᱵᱤᱡ ᱫᱚ ᱢᱚᱭᱩᱨ ᱵᱷᱚᱸᱡᱽ ᱨᱮᱫᱚ ᱢᱚᱦᱟᱨᱟᱡᱟ ᱛᱨᱤᱵᱤᱠᱨᱚᱢ ᱵᱷᱚᱸᱡᱽ ᱮ ᱥᱟᱥᱚᱱ ᱮᱫ ᱛᱟᱦᱮᱸᱫ|ᱚᱱᱟ ᱚᱠᱛᱚ ᱨᱮ ᱵᱟᱵᱚᱱᱜᱷᱟ.ᱴᱤ ᱨᱮᱫᱚ ᱫᱷᱚᱨᱩᱣᱟ. ᱵᱚᱸᱥᱚ ᱨᱤᱱᱤᱡ ᱢᱩᱪᱟ.ᱫ ᱨᱟᱡᱟ ᱢᱟᱫᱷᱚᱵ ᱫᱟᱥ ᱱᱚᱨᱮᱱᱫᱨᱚ ᱢᱚᱦᱟᱯᱟᱛᱨᱚ ᱮ ᱛᱟᱜᱮᱸ ᱠᱟᱱᱟ|ᱫᱷᱚᱨᱩᱣᱟ. ᱨᱟᱡᱟ ᱫᱚ ᱪᱟᱱᱰᱟᱞ ᱠᱷᱮᱪᱚᱲ ᱮ ᱛᱟᱦᱮᱸ ᱠᱟᱱᱟ|ᱢᱚᱱ ᱠᱩᱥᱤ ᱯᱚᱨᱡᱟ ᱠᱚᱭ ᱥᱟᱥᱚᱱ ᱮᱫ ᱠᱚ ᱛᱟᱦᱮᱸᱫ|ᱵᱟ.ᱲᱤᱡ ᱠᱟ.ᱢᱤ ᱠᱷᱟ.ᱛᱤᱨ ᱯᱚᱨᱡᱟ ᱠᱚ ᱥᱩᱠ ᱥᱟ.ᱱᱛᱤ ᱵᱟᱠᱚ ᱧᱟᱢ ᱮᱫ ᱠᱟᱱᱟ|ᱵᱷᱚᱸᱡᱽ ᱨᱟᱡᱟ ᱩᱱᱫᱚ ᱡᱚᱫᱩᱱᱟᱛᱷ ᱵᱷᱚᱸᱡᱽ ᱛᱟᱦᱮᱸ ᱠᱟᱱᱟ|ᱩᱱᱤ ᱦᱚᱸ ᱟᱡᱟᱜ ᱠᱟ.ᱢᱤ ᱵᱟᱭ ᱧᱮᱞ ᱥᱟᱦᱟᱣ ᱞᱮᱜ-ᱟ|ᱵᱷᱚᱸᱡᱽ ᱨᱟᱡᱟ ᱟᱨ ᱫᱷᱚᱨᱩᱣᱟ. ᱨᱟᱡᱟ ᱛᱟᱞᱟ ᱨᱮ ᱮᱯᱮᱨᱦᱮᱸᱰᱮ ᱱᱟᱭᱟᱶ ᱡᱟ.ᱥᱛᱤ ᱤᱫᱤ ᱮᱱᱟ,ᱟᱨ ᱵᱷᱚᱸᱡᱽ ᱨᱟᱡᱟ ᱟ.ᱰᱤ ᱫᱚᱲ ᱮ ᱨᱟᱸᱜᱟᱣ ᱮᱱᱟ|ᱚᱱᱟᱛᱮ ᱫᱷᱚᱨᱩᱣᱟ. ᱨᱟᱡᱟ ᱟᱡᱟᱜ ᱵᱟ.ᱲᱤᱡ ᱠᱟ.ᱢᱤ ᱯᱚᱨᱢᱟᱬ ᱮ ᱞᱟ.ᱜᱤᱫ ᱵᱷᱚᱸᱡᱽ ᱨᱟᱡᱟ ᱛᱟᱬᱟᱜ ᱨᱮ ᱛᱟᱦᱮᱸ ᱮᱱᱟᱭ ᱟᱨ ᱫᱷᱚᱨᱩᱣᱟ. ᱨᱟᱡᱟ ᱦᱟᱜ ᱪᱟᱱᱰᱟᱞ ᱵᱩᱫᱷᱤ ᱥᱚᱫᱚᱨ ᱞᱟ.ᱜᱤᱫ ᱛᱮ ᱵᱩᱫᱷᱤ ᱜᱟᱜ ᱮ ᱪᱷᱩᱴᱟ.ᱣ ᱮᱱᱟ|ᱵᱷᱚᱸᱡᱽ ᱨᱟᱡᱟ ᱢᱤᱫ ᱫᱤᱱ ᱫᱚ ᱫᱷᱩᱨᱣᱟ. ᱨᱟᱡᱟ ᱴᱷᱮᱱ ᱮ ᱥᱮᱱ ᱮᱱᱛᱮ ᱢᱮᱛᱟᱭ ᱠᱟᱱᱟᱭ-'ᱟᱯᱮᱭᱤᱡ ᱫᱮᱵᱤ ᱵᱚᱸᱜᱟ ᱟᱭᱳ ᱪᱮᱞᱮᱱ ᱟ.ᱰᱤ ᱥᱚᱛ ᱜᱮᱭᱟᱭ|ᱡᱚᱛᱚ ᱠᱟᱛᱷᱟᱭ ᱟᱸᱡᱚᱢᱟ ᱯᱮ ᱞᱟ.ᱭ ᱵᱟᱲᱟᱭᱟ,'ᱚᱱᱟᱛᱮ ᱟᱯᱮᱭᱤᱡ ᱫᱮᱵᱤ ᱟᱭᱳ ᱴᱷᱮᱱ ᱤᱧ ᱤᱧᱟᱜ ᱫᱩᱠ ᱢᱩᱦᱤᱢ ᱠᱚ ᱱᱚᱦᱚᱨᱟᱭ ᱥᱟ.ᱱᱟ.ᱧ ᱠᱟᱱᱟ|'ᱱᱚᱶᱟ ᱪᱷᱚᱞ ᱠᱟᱛᱷᱟ ᱫᱚ ᱫᱷᱚᱨᱩᱣᱟ. ᱨᱟᱡᱟ ᱵᱟᱭ ᱴᱷᱤᱠᱟ. ᱞᱮᱜ-ᱟ|ᱟᱨ ᱫᱷᱚᱨᱤᱣᱟ. ᱨᱟᱡᱟ ᱫᱚ ᱟᱡᱤᱡ ᱫᱮᱵᱤ ᱴᱷᱮᱱ ᱵᱚᱸᱜᱟ ᱵᱟᱦᱟᱭ ᱠᱚᱭ ᱠᱮᱫᱮᱭᱟ|ᱛᱚᱵᱮ ᱚᱱᱟ ᱫᱚ ᱮᱲᱮ ᱠᱟᱛᱷᱟ ᱠᱟᱱ ᱠᱷᱟ.ᱛᱤᱨ ᱫᱮᱵᱤᱭᱟᱜ ᱛᱤ ᱠᱷᱚᱱ ᱵᱟᱦᱟ ᱵᱟᱝ ᱧᱩᱨ ᱞᱮᱱᱟ|ᱩᱱᱨᱮ ᱵᱷᱚᱸᱡᱽ ᱨᱟᱡᱟ ᱫᱚ ᱫᱷᱩᱨᱣᱟ. ᱨᱟᱡᱟ ᱞᱟᱸᱫᱟ ᱦᱟᱛᱮ ᱱᱤᱥᱲᱟ.ᱣ ᱚᱪᱚ ᱮᱱᱟᱭ|ᱫᱷᱩᱨᱣᱟ. ᱨᱟᱡᱟ ᱟᱡᱤᱡ ᱫᱮᱵᱤ ᱟᱨ ᱦᱚᱸ ᱱᱮᱦᱚᱨ ᱟᱛᱮ ᱢᱮᱛᱟᱫ ᱫᱮᱭᱟᱭ ,'ᱢᱟ ᱟᱡᱟᱜ ᱟᱸᱥ ᱯᱩᱨᱩᱱ ᱠᱟᱜ ᱢᱮ'|ᱚᱱᱟ ᱛᱟᱭᱚᱢ ᱵᱚᱸᱜᱟ ᱛᱤ ᱠᱷᱚᱱ ᱵᱟᱦᱟ ᱧᱩᱨ ᱮᱱ ᱥᱟᱶᱛᱮ ᱫᱷᱩᱨᱣᱟ. ᱨᱟᱡᱟ ᱚᱲᱟᱜ ᱵᱷᱤᱛᱨᱤ ᱨᱮ ᱨᱟᱜ ᱟᱸᱡᱚᱢ ᱮᱱᱟ ᱵᱟᱝ ᱢᱟ ᱫᱷᱩᱨᱣᱟ. ᱨᱟᱡᱟ ᱤᱡ ᱦᱚᱯᱚᱱ ᱢᱟᱭᱟᱢ ᱜᱮ ᱩᱞᱟ. ᱠᱟᱛᱮ ᱚᱸᱰᱮ ᱜᱮ ᱜᱚᱡ ᱮᱱᱟᱭ| ᱟᱨ ᱱᱚᱶᱟ ᱫᱚ ᱵᱷᱚᱸᱡᱽ ᱨᱟᱡᱟ ᱡᱚᱫᱩᱱᱟᱛᱷ ᱵᱷᱚᱸᱡᱟᱜ-ᱟᱜ ᱜᱮ ᱪᱟᱞ ᱫᱷᱚᱨᱩᱣᱟ. ᱨᱟᱡᱟᱭ ᱴᱷᱤᱠᱟ.ᱧᱟᱢ ᱠᱮᱫ ᱠᱷᱟᱱ ᱟᱡᱟᱜ ᱢᱟᱨᱟᱝ ᱠᱷᱟᱱᱰᱟ ᱛᱮ ᱵᱷᱚᱸᱡᱽ ᱨᱟᱡᱟ ᱢᱟᱜ ᱜᱚᱡᱮᱭᱟ ᱢᱮᱱᱛᱮ ᱠᱩᱫᱟ.ᱣ ᱠᱮᱫᱮᱭᱟᱭ|ᱚᱸᱰᱮ ᱠᱷᱚᱱ ᱜᱮ ᱟ.ᱠᱤᱱ ᱛᱟ.ᱦᱩᱸ ᱠᱤᱱ ᱵᱟ.ᱭᱨᱤ ᱮᱱᱟ|ᱚᱱᱟ ᱠᱷᱟ.ᱛᱤᱨ ᱫᱷᱚᱨᱩᱣᱟ.ᱨᱟᱡᱟ ᱑᱘᱓᱔ ᱨᱮ ᱞᱟᱜᱟ ᱚᱪᱚ ᱮᱱᱟᱭ ᱟᱨ ᱑᱘᱓᱕ ᱨᱮᱫᱚ ᱴᱮᱱᱴᱚᱯᱳᱥᱤ ᱨᱮ ᱞᱟ.ᱰᱷᱟ.ᱭ ᱦᱩᱭ ᱞᱮᱱᱟ|ᱫᱷᱚᱨᱩᱣᱟ. ᱨᱟᱡᱟ ᱢᱟᱫᱷᱚᱵ ᱫᱟᱥ ᱢᱚᱦᱟᱯᱟᱛᱨᱚ ᱦᱟᱨᱟᱣ ᱮᱱᱛᱮ ᱵᱟᱵᱚᱱ ᱜᱷᱟ.ᱴᱤ ᱠᱷᱚᱱ ᱧᱤᱨ ᱠᱟᱛᱮ ᱥᱚᱰᱷᱮᱭᱤᱠᱚᱲᱟ ᱨᱮ ᱟᱥᱨᱟ ᱞᱮᱱᱟᱭ|ᱱᱚᱶᱟ ᱜᱮ ᱴᱮᱱᱴᱚᱯᱳᱥᱤ ᱞᱟ.ᱰᱷᱟ.ᱭ ᱫᱚ|