ᱴᱮᱴᱥᱮᱣᱳ ᱵᱩᱦᱤᱱᱠᱚ

ᱴᱮᱴᱥᱮᱣᱳ ᱵᱩᱦᱤᱱᱠᱚ ᱠᱚᱫᱚ ᱮᱛᱚᱢ-ᱥᱟᱢᱟᱝ ᱥᱤᱧᱚᱛ,ᱱᱟᱜᱟᱞᱟᱸᱰ ᱯᱚᱱᱚᱛ ᱨᱤᱱ ᱯᱩᱱ ᱵᱩᱦᱤᱱ ᱠᱟᱱᱟ ᱠᱚ ᱾ ᱱᱩᱠᱩ ᱵᱩᱦᱤᱱᱠᱚ ᱜᱤᱫᱟ.ᱨ ᱩᱢᱮᱨ ᱠᱷᱚᱱᱜᱮ ᱢᱮᱞᱟᱝᱠᱤ ᱪᱮᱛᱟᱱ ᱨᱮ ᱦᱚᱨ/ᱦᱚᱲ ᱥᱮᱨᱮᱧ ᱠᱚ ᱥᱮᱨᱮᱧ ᱟ.ᱜᱩᱭᱮᱫᱟ ᱾[᱑]

ᱡᱤᱭᱚᱱ ᱟᱨ ᱠᱮᱨᱤᱭᱚᱨ ᱥᱟᱯᱲᱟᱣ

ᱱᱩᱠᱩ ᱴᱮᱴᱥᱮᱣᱚ ᱵᱩᱦᱤᱱ ᱠᱚᱣᱟᱜ ᱧᱩᱛᱩᱢ ᱠᱚᱫᱚ ᱦᱩᱭᱩᱜ ᱠᱟᱱᱟ, ᱑/ᱢᱩᱛᱥᱮᱵᱷᱮᱞᱩ (ᱢᱮᱨᱥᱤ) Mütsevelü (Mercy), ᱒/ᱟᱡᱤᱱ (ᱟᱡᱤ) Azine (Azi) ᱓/ᱠᱩᱵᱷᱮᱞᱩ (ᱠᱩᱠᱩ)Kuvelü (Kuku), ᱟᱨ ᱔/ᱟᱞᱩᱱ (ᱞᱩᱞᱩ)Alüne (Lulu) ᱡᱮᱛᱮᱜᱮ ᱱᱟᱜᱟᱞᱟᱸᱰ ᱨᱮᱭᱟᱜ ᱨᱟᱡᱽᱜᱟᱲ ᱠᱳᱦᱤᱢᱟ ᱨᱮᱠᱚ ᱦᱟᱨᱟᱨᱟᱛᱟ ᱞᱮᱱᱟ ᱾ ᱱᱩᱠᱩ ᱫᱚ ᱪᱟᱠᱷᱮᱥᱟᱝ (Chakhesang) ᱱᱟᱜᱟ ᱟ.ᱫᱤᱵᱟ.ᱥᱤ ᱠᱷᱩᱴ ᱨᱤᱱ ᱠᱟᱱᱟᱠᱚ ᱾ ᱟᱨ ᱪᱳᱠᱨᱤ (chokri) ᱯᱟ.ᱨᱥᱤ ᱛᱮᱠᱚ ᱨᱚᱲᱟ ᱾[᱒] ᱠᱟ.ᱴᱤᱡ ᱩᱢᱮᱨ ᱨᱮᱜᱮ ᱚᱸᱰᱮᱱᱟᱜ "ᱞᱤ" ᱯᱟ.ᱨᱥᱤ ᱛᱮ ᱥᱮᱨᱮᱧ ᱞᱟ.ᱜᱤᱫ ᱟᱭᱚ-ᱵᱟᱵᱟ ᱴᱷᱮᱱ ᱠᱷᱚᱱ ᱥᱤᱷᱱᱟ.ᱛ ᱠᱚ ᱧᱟᱢ ᱞᱮᱫᱟ ᱾ᱟᱠᱚ ᱫᱚ ᱑᱙᱙᱔ ᱥᱟᱞ ᱠᱷᱚᱱ ᱢᱤᱫ ᱫᱚᱞ ᱛᱮᱠᱚ ᱫᱮᱠᱷᱟᱣ ᱠᱮᱫᱟ ᱟᱨ ᱒᱐᱐᱐ ᱥᱟᱞ ᱠᱷᱚᱱ ᱫᱚ ᱱᱟᱜᱟᱞᱟᱸᱰ ᱨᱮᱭᱟᱜ ᱥᱮᱨᱢᱟ ᱠᱤᱭᱟ. ᱦᱳᱨᱱᱵᱤᱞᱞ ᱯᱷᱮᱥᱴᱤᱵᱷᱟᱞ (en:Hornbill festival) ᱨᱮ ᱞᱮᱛᱟᱲᱜᱮ ᱮᱱᱮᱡ,ᱥᱮᱨᱮᱧ ᱠᱚ ᱩᱫᱩᱜ ᱥᱤᱫᱚᱨ ᱟ.ᱜᱩᱭᱮᱫᱟ ᱾ ᱱᱩᱠᱩᱣᱟᱜ ᱯᱚᱯᱩᱞᱟᱨᱤᱴᱤ ᱧᱮᱞᱛᱮ ᱟᱭᱢᱟ ᱯᱚᱱᱚᱛ ᱠᱚᱨᱤᱱ ᱦᱚᱲᱠᱚ ᱱᱮᱣᱛᱟ ᱮᱫ ᱠᱚᱣᱟ,ᱟᱱᱟ ᱠᱚᱨᱮ ᱟᱠᱚᱣᱟᱜ ᱦᱩᱱᱟ.ᱨ ᱥᱚᱫᱚᱨ ᱞᱟ.ᱜᱤᱫ ᱾ ᱫᱤᱞᱞᱤ ᱨᱮ ᱯᱚᱲᱦᱚᱱ ᱚᱠᱛᱮ ᱢᱮᱨᱥᱤ ᱟᱨ ᱟᱡᱤ ᱢᱮᱥᱟ ᱠᱟᱛᱮ ᱱᱚᱸᱰᱮ ᱟᱭᱢᱟ ᱢᱮᱞᱟᱝᱠᱤ ᱨᱮ ᱥᱚᱫᱚᱨᱚᱜ ᱫᱟᱣ ᱠᱤᱱ ᱧᱟᱢ ᱞᱮᱫᱟ ᱾ ᱚᱱᱟ ᱵᱮᱲᱟ ᱠᱩᱠᱩ ᱟᱨ ᱞᱩᱞᱩ ᱫᱚ ᱠᱳᱦᱤᱢᱟ ᱨᱮ ᱟ.ᱠᱤᱱᱟᱜ ᱯᱚᱨᱯᱷᱚᱨᱢᱟᱸᱱᱥ ᱛᱚᱝᱜᱮ ᱫᱚᱦᱚ ᱞᱮᱫᱟ ᱠᱤᱱ ᱾ ᱱᱟᱜᱟᱞᱟᱸᱰ ᱨᱮ ᱱᱩᱠᱩᱜᱮ ᱦᱚᱲ/ᱦᱚᱨ ᱥᱮᱨᱮᱧ ᱨᱤᱱ ᱞᱟ.ᱣᱲᱤᱭᱟ ᱢᱮᱱᱛᱮ ᱢᱟ.ᱱᱠᱚ ᱪᱟᱞ ᱟᱠᱟᱫ ᱠᱚᱣᱟ ᱾ ᱥᱤᱧᱚᱛ ᱯᱚᱱᱚᱛ ᱠᱚᱨᱮ ᱟᱨ ᱫᱤᱥᱚᱢ ᱵᱟᱦᱨᱮ ᱠᱚᱨᱮ ᱱᱟᱜᱟᱞᱟᱸᱰ ᱨᱮᱭᱟᱜ ᱞᱟᱠᱪᱟᱨ ᱥᱚᱫᱚᱨ ᱞᱟ.ᱜᱤᱫ ᱨᱥᱴᱨᱚᱫᱩᱛᱚ/ᱯᱨᱚᱛᱤᱱᱤᱫᱷᱤ ᱞᱮᱠᱟᱛᱮᱠᱚ ᱥᱮᱱ ᱦᱮᱡ ᱟᱠᱟᱱᱟ ᱾[᱓],[᱔]

ᱥᱮᱪᱮᱫ ᱥᱟᱯᱲᱟᱣ

ᱢᱮᱨᱥᱤ ᱴᱮᱴᱥᱮᱣᱚ ᱫᱚ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱠᱷᱚᱱ ᱢᱚᱱ-ᱥᱟᱬᱮᱥ (Psychology) ᱨᱮ ᱰᱤᱜᱽᱨᱤ ᱟᱠᱟᱫᱟᱭ ᱾ ᱟᱡᱟᱜ ᱫᱚ ᱴᱨᱟᱵᱷᱮᱞ,ᱚᱞᱚᱜ ᱟᱨ ᱡᱚᱢ-ᱧᱩ ᱨᱮ ᱨᱩᱪᱤ ᱢᱮᱱᱟᱜ ᱛᱟᱭᱟ ᱾ ᱟᱡᱤ ᱵᱷᱮᱡᱤᱵᱷᱳᱞᱩ (Azi Vezivolü) ᱦᱚᱸ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱠᱷᱚᱱ ᱨᱟᱡᱽᱟ.ᱨᱤ ᱥᱟᱬᱮᱥ ᱨᱮ ᱰᱤᱜᱽᱨᱤ ᱟᱠᱟᱫᱟᱭ ᱾ ᱟᱡ ᱫᱚ ᱮᱴᱟᱜ ᱥᱚᱢᱚᱭ ᱠᱚᱨᱮ ᱢᱚᱰᱮᱞᱤᱝ, ᱥᱮᱨᱮᱧ ᱟᱨ ᱵᱟᱯᱞᱟ ᱛᱟᱭᱚᱢ ᱫᱚ ᱟᱡ ᱨᱤᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟ. ᱦᱟᱜ ᱡᱚᱜᱟᱣ ᱡᱚᱛᱚᱱ ᱨᱮ ᱫᱤᱱ ᱠᱷᱮᱢᱟᱣ ᱛᱟᱦᱮᱸᱱ ᱾[᱕] ᱠᱩᱠᱩ ᱴᱮᱴᱥᱮᱣᱳ (Kuku Tetseo) ᱦᱚᱸ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱛᱟ.ᱨᱤᱨᱮ ᱢᱮᱱᱟᱜ ᱞᱮᱰᱤ ᱥᱨᱤ ᱨᱟᱢ ᱠᱚᱞᱮᱡᱽ ᱯᱷᱳᱨ ᱣᱳᱢᱮᱱ (Lady Shri Ram College for Women) ᱠᱷᱚᱱ ᱯᱚᱲᱦᱚᱱ ᱥᱟ.ᱛ ᱟᱠᱟᱫᱟᱭ ᱾ ᱱᱩᱭ ᱫᱚ ᱢᱟᱭ ᱥᱟᱞᱟᱰ ᱰᱮᱭᱡᱽ (My Salad Days) ᱨᱮ ᱢᱤᱫ ᱯᱷᱮᱥᱳᱱ ᱵᱞᱳᱜᱚᱨ ᱥᱟᱶᱛᱮ ᱥᱚᱥᱤᱭᱟᱞ ᱢᱮᱰᱤᱭᱟ ᱪᱟᱪᱞᱟᱣᱤᱡ ᱛᱟᱦᱮᱸ ᱠᱟᱱᱟ,ᱡᱟᱦᱟᱸ ᱫᱚ ᱱᱤᱛᱚᱜ ᱱᱟᱜᱟᱱᱮᱥ (Naganess) ᱧᱩᱛᱩᱢᱛᱮ ᱪᱟ.ᱞᱩ ᱟᱠᱟᱱᱟ ᱾[᱖] ᱞᱩᱞᱩ ᱴᱮᱴᱥᱮᱣᱳ (Lulu Tetseo) ᱫᱚ ᱟᱠᱚ ᱵᱩᱦᱤᱱ ᱠᱚ ᱢᱩᱸᱫᱽᱨᱮ ᱡᱮᱛᱮ ᱠᱷᱚᱱ ᱦᱩᱰᱤᱧᱤᱡᱽ ᱠᱟᱱᱟᱭ ᱾ ᱟᱡ ᱫᱚ ᱱᱟᱜᱽᱯᱩᱨ (Nagpur) ᱨᱮᱭᱟᱜ ᱤᱱᱫᱤᱨᱟ ᱜᱟᱱᱫᱷᱤ ᱥᱚᱨᱠᱟᱨᱤ ᱢᱮᱰᱤᱠᱟᱞ ᱠᱚᱞᱮᱡᱽ (Indira Gandhi Government Medical College) ᱠᱷᱚᱱ ᱯᱚᱲᱦᱚᱱ ᱥᱟ.ᱛ ᱟᱠᱟᱫᱟᱭ ᱾[᱗]

ᱯᱷᱮᱰᱟᱛ ᱡᱚᱱᱚᱲ ᱥᱟᱯᱲᱟᱣ

https://en.wikipedia.org/wiki/Tetseo_Sisters

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ

  1. "Archive copy". Archived from the original on 2013-06-19. Retrieved 2020-03-15.{{cite web}}: CS1 maint: archived copy as title (link)
  2. http://www.easternmirrornagaland.com/index.php?option=com_content&view=article&id=3465:tetseo-sisters-cultural-ambassadors-extraordinaire&catid=18:mirror-spotlight
  3. "Archive copy". Archived from the original on 2014-07-13. Retrieved 2020-03-15.{{cite web}}: CS1 maint: archived copy as title (link)
  4. "Archive copy". Archived from the original on 2014-07-28. Retrieved 2020-03-15.{{cite web}}: CS1 maint: archived copy as title (link)
  5. "Archive copy". Archived from the original on 2016-07-08. Retrieved 2020-03-15.{{cite web}}: CS1 maint: archived copy as title (link)
  6. https://en.wikipedia.org/wiki/Tetseo_Sisters#cite_note-21
  7. https://en.wikipedia.org/wiki/Tetseo_Sisters#cite_note-Vish%C3%BC1-2