ᱴᱳᱴᱳ ᱦᱚᱲ
ᱴᱳᱴᱳ [᱑] ᱦᱚᱲᱠᱚ ᱦᱩᱭᱩᱜ ᱠᱟᱱᱟ ᱡᱮᱜᱮᱫ ᱨᱮᱭᱟᱜ ᱦᱩᱰᱤᱧ ᱠᱷᱚᱱ ᱦᱩᱰᱤᱧ ᱛᱷᱟᱭᱤ ᱟᱹᱫᱤᱵᱟᱹᱥᱤ ᱜᱟᱫᱮᱞ ᱢᱩᱫᱽᱨᱮ ᱢᱤᱫᱴᱟᱝ, ᱡᱟᱦᱟᱸᱭ ᱫᱚ ᱵᱷᱩᱴᱟᱱ ᱥᱟᱶᱛᱮ ᱵᱷᱟᱨᱚᱛ ᱨᱮᱭᱟᱜ ᱥᱤᱢᱟᱹ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱴᱳᱴᱳᱯᱟᱨᱟ ᱟᱛᱳ ᱨᱮᱠᱚ ᱛᱟᱦᱮᱸᱱᱟ᱾ ᱑᱙᱕᱐ ᱜᱮᱞᱟᱝ ᱨᱮ ᱴᱳᱴᱳ ᱠᱚ ᱯᱨᱟᱭ ᱜᱮ ᱢᱩᱪᱟᱹᱫᱚᱜ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱠᱚ ᱴᱚᱴᱷᱟ ᱠᱚ ᱵᱟᱨᱦᱮ ᱦᱚᱲ ᱠᱚ ᱫᱟᱨᱟᱭ ᱛᱮ ᱫᱚᱠᱷᱚᱞ ᱠᱷᱚᱱ ᱨᱩᱠᱷᱟᱹᱭ ᱞᱟᱹᱜᱤᱫ ᱱᱟᱦᱟᱜ ᱦᱚᱨᱟᱠᱚ ᱩᱱᱠᱩᱣᱟᱜ ᱵᱷᱮᱱᱮᱜᱟᱨ ᱥᱮᱨᱣᱟ ᱫᱚᱦᱚ ᱨᱮ ᱜᱚᱲᱚ ᱮᱢ ᱟᱠᱟᱫᱟ ᱟᱨ ᱦᱚᱲ ᱞᱮᱠᱷᱟ ᱵᱟᱹᱲᱛᱤ ᱨᱮ ᱜᱚᱲᱚ ᱮᱢ ᱟᱠᱟᱫᱟᱭ᱾ ᱑᱙᱕᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱴᱳᱴᱳ ᱨᱮᱭᱟᱜ ᱜᱩᱴ ᱦᱚᱲ ᱞᱮᱠᱷᱟ ᱛᱟᱦᱮᱸ ᱠᱟᱱᱟ ᱓᱒᱑ ᱦᱚᱲ, ᱡᱟᱦᱟᱸᱭ ᱫᱚ ᱴᱳᱴᱳᱯᱟᱨᱟᱨᱮ ᱖᱙ ᱜᱚᱴᱟᱝ ᱵᱷᱮᱜᱟᱨ ᱚᱲᱟᱜ ᱨᱮᱭ ᱛᱟᱦᱮᱸ ᱠᱟᱱᱟ᱾ ᱑᱙᱙᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ, ᱴᱳᱴᱳ ᱦᱚᱲ ᱞᱮᱠᱷᱟ ᱰᱷᱮᱨ ᱠᱟᱛᱮ ᱙᱒᱖ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱠᱚ ᱑᱘᱐ ᱜᱚᱴᱟᱝ ᱵᱷᱮᱜᱟᱨ ᱚᱲᱟᱜ ᱨᱮ ᱛᱟᱦᱮᱸ ᱠᱟᱱᱟ᱾ ᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ, ᱩᱱᱠᱩᱣᱟᱜ ᱮᱞ ᱰᱷᱮᱨ ᱠᱟᱛᱮ ᱑᱑᱘᱔ ᱨᱮ ᱥᱮᱴᱮᱨ ᱞᱮᱱᱟᱼ ᱥᱟᱱᱟᱢ ᱠᱚ ᱴᱳᱴᱳᱯᱟᱨᱟᱨᱮ ᱠᱚ ᱛᱟᱦᱮᱸᱱ ᱠᱟᱱᱟ᱾
ᱢᱟᱹᱱᱢᱤ ᱥᱟᱬᱮᱥᱤᱭᱟᱹ ᱠᱚ ᱢᱤᱫᱢᱚᱛᱚᱜ ᱠᱟᱱᱟ ᱡᱮ ᱴᱳᱴᱳ ᱞᱟᱠᱪᱟᱨ ᱟᱨ ᱯᱟᱹᱨᱥᱤ ᱫᱚ ᱟᱹᱫᱤᱵᱟᱹᱥᱤ ᱜᱟᱫᱮᱞ ᱞᱟᱹᱜᱤᱫ ᱥᱟᱱᱟᱢᱟᱜ ᱵᱷᱮᱜᱟᱨ ᱟᱨ ᱥᱩᱨᱼᱥᱩᱯᱩᱨ ᱨᱟᱡᱽᱵᱟᱝᱥᱤ, ᱢᱮᱪ ᱥᱮ ᱵᱷᱩᱴᱟᱱᱤ ᱥᱮᱨᱯᱟ ᱟᱹᱫᱤᱵᱟᱹᱥᱤ ᱜᱟᱫᱮᱞ ᱠᱷᱚᱱ ᱫᱚ ᱵᱷᱮᱜᱟᱨ ᱜᱮᱭᱟ᱾
ᱴᱳᱴᱳ ᱞᱟᱠᱪᱟᱨ
ᱥᱟᱯᱲᱟᱣᱴᱳᱴᱳ ᱯᱟᱹᱨᱥᱤ ᱫᱚ ᱩᱯᱼᱦᱮᱦᱟᱞ ᱜᱟᱫᱮᱞ ᱨᱮᱭᱟᱜ ᱛᱤᱵᱮᱛᱳᱼᱵᱟᱨᱢᱟᱱ ᱜᱷᱟᱨᱚᱸᱡᱽ ᱨᱮ ᱥᱮᱞᱮᱫ ᱟᱠᱟᱱᱟ, ᱡᱟᱦᱟᱸ ᱫᱚ ᱦᱳᱰᱥᱚᱱ ᱟᱨ ᱜᱨᱤᱭᱟᱨᱥᱚᱱ ᱫᱟᱨᱟᱭ ᱛᱮ ᱦᱟᱹᱴᱤᱧ ᱟᱠᱟᱱᱟ᱾ ᱒᱐᱑᱕[᱒] ᱥᱮᱨᱢᱟ [᱓] ᱜᱟᱫᱮᱞ ᱨᱮᱱ ᱢᱟᱨᱟᱝ ᱫᱟᱱᱤᱨᱟᱢ ᱴᱳᱴᱳ ᱱᱚᱣᱟ ᱯᱟᱹᱨᱥᱤ ᱞᱟᱹᱜᱤᱫ ᱢᱤᱫᱴᱟᱝ ᱞᱤᱯᱤ ᱵᱮᱱᱟᱣ ᱞᱮᱫᱟᱭ ᱟᱨ ᱥᱟᱶᱦᱮᱫ, ᱥᱮᱪᱮᱫ ᱟᱨ ᱠᱚᱢᱯᱤᱭᱩᱴ ᱨᱮ ᱠᱚᱢ ᱢᱮᱱᱠᱷᱟᱱ ᱵᱟᱹᱲᱛᱤᱜ ᱠᱟᱱ ᱵᱮᱣᱦᱟᱨ ᱧᱮᱞ ᱟᱠᱟᱱᱟ᱾ ᱘ ᱚᱠᱴᱳᱵᱚᱨ, ᱒᱐᱑᱙ ᱨᱮ ᱤᱭᱩᱱᱤᱠᱳᱰ ᱴᱮᱠᱱᱤᱠᱮᱞ ᱠᱚᱢᱤᱴᱤ ᱱᱚᱣᱟ ᱞᱤᱴᱤ ᱮᱱᱠᱳᱰᱤᱝ ᱞᱟᱹᱜᱤᱫ ᱢᱤᱫᱴᱟᱝ ᱯᱚᱨᱟᱢᱚᱥ ᱦᱟᱛᱟᱣ ᱞᱮᱫᱟ᱾ ᱒᱐᱒᱑ ᱥᱮᱨᱢᱟ [᱔] ᱥᱮᱯᱴᱮᱢᱵᱚᱨ ᱨᱮ ᱑᱔ᱹ᱐ ᱨᱮ ᱩᱪᱷᱟᱹᱱ ᱥᱟᱶᱛᱮ ᱱᱚᱣᱟ ᱫᱚ ᱤᱭᱩᱱᱤᱠᱳᱰ ᱥᱴᱮᱱᱰᱟᱨᱰ ᱨᱮ ᱥᱮᱞᱮᱫ ᱦᱩᱭ ᱞᱮᱱᱟ᱾
ᱴᱳᱴᱳ ᱜᱷᱟᱨᱚᱸᱡᱽ ᱫᱚ ᱦᱩᱭᱩᱜ ᱠᱟᱱᱟ ᱚᱛᱢᱚᱱᱛᱟᱹᱨᱤ ᱞᱮᱠᱟᱛᱮ ᱱᱟᱠᱞᱤᱭᱩᱠᱟᱨ ᱞᱮᱠᱟᱱ ᱫᱟᱨᱟᱭ ᱛᱮ ᱮᱥᱮᱨᱟᱱ᱾ ᱮᱱᱠᱷᱟᱱ, ᱡᱳᱴ ᱜᱷᱟᱨᱚᱸᱡᱽ ᱫᱚ ᱟᱹᱰᱤ ᱠᱚᱢ ᱵᱟᱝ ᱠᱟᱱᱟ᱾ ᱴᱳᱴᱳ ᱠᱚ ᱢᱩᱫᱽᱨᱮ ᱢᱤᱫ ᱦᱚᱲᱜᱮ ᱵᱟᱯᱞᱟ ᱨᱮᱭᱟᱜ ᱥᱟᱫᱷᱟᱨᱚᱱ ᱨᱩᱯ ᱠᱟᱱᱟ, ᱢᱮᱱᱠᱷᱟᱱ ᱥᱟᱸᱜᱮ ᱦᱚᱲ ᱵᱟᱯᱞᱟ ᱫᱚ ᱵᱟᱝ ᱢᱟᱱᱟᱣᱟ᱾ ᱡᱚᱫᱤ ᱢᱤᱫᱦᱚᱲ ᱠᱚᱲᱟ ᱨᱮᱱ ᱮᱨᱟ ᱜᱚᱡ ᱮᱱᱟ, ᱮᱱᱠᱷᱟᱱ ᱩᱱᱤ ᱫᱚ ᱜᱚᱡ ᱮᱨᱟ ᱨᱮᱱ ᱦᱩᱰᱤᱧ ᱵᱚᱭᱦᱟ ᱮ ᱵᱟᱯᱞᱟ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱢᱤᱫᱦᱚᱲ ᱛᱤᱨᱞᱟᱹ ᱫᱚ ᱟᱡ ᱜᱚᱡ ᱡᱟᱶᱟᱭ ᱨᱮᱱ ᱵᱚᱭᱦᱟ ᱫᱚ ᱵᱟᱭ ᱵᱟᱯᱞᱟ ᱫᱟᱲᱮᱭᱟᱭᱟ᱾ ᱡᱩᱨᱤᱭᱟᱜ ᱜᱩᱨ ᱛᱟᱭᱚᱢ, ᱩᱱᱤ ᱫᱚ ᱫᱚᱥᱟᱨ ᱵᱟᱯᱞᱟ ᱞᱟᱹᱜᱤᱫ ᱪᱷᱟᱹᱲ ᱧᱟᱢ ᱞᱟᱦᱟᱛᱮ, ᱵᱟᱯᱞᱟᱭᱤᱡ ᱫᱚ ᱜᱮᱼᱵᱟᱨ ᱪᱟᱸᱫᱳ ᱞᱟᱹᱜᱤᱫ ᱮᱠᱞᱟ (ᱪᱷᱟᱹᱰᱣᱤ) ᱛᱟᱦᱮᱱ ᱦᱩᱭᱩᱜ ᱛᱟᱭᱟ᱾ ᱡᱩᱨᱤ ᱧᱟᱢ ᱨᱮᱭᱟᱜ ᱟᱭᱢᱟ ᱩᱯᱟᱹᱭ ᱢᱮᱱᱟᱜᱼᱟ, ᱡᱮᱞᱮᱠᱟ, (᱑) ᱨᱚᱯᱚᱲ ᱜᱟᱞᱢᱟᱨᱟᱣ ᱛᱟᱞᱟᱛᱮ ᱵᱟᱯᱞᱟ (ᱛᱩᱞᱵᱮᱦᱳᱭᱟ) (᱒) ᱧᱤᱨ ᱠᱟᱛᱮ ᱵᱟᱯᱞᱟ (ᱪᱳᱨᱼᱵᱮᱦᱳᱭᱮ) (᱓) ᱤᱛᱩᱫ ᱵᱟᱯᱞᱟ (ᱥᱟᱢᱵᱮᱦᱳᱭ) ᱟᱨ (᱔) ᱫᱩᱞᱟᱹᱲ ᱵᱟᱯᱞᱟ (ᱞᱟᱢᱟᱞᱟᱢᱤ) ᱾ ᱴᱳᱴᱳ ᱠᱚ ᱢᱩᱫᱽᱨᱮ ᱥᱟᱠᱟᱢ ᱚᱲᱮᱡ ᱨᱮᱭᱟᱜ ᱡᱟᱦᱟᱱ ᱟᱹᱨᱤ ᱫᱚ ᱵᱟᱹᱱᱩᱜᱼᱟ᱾
ᱴᱳᱴᱳ ᱠᱚᱫᱚ ᱟᱯᱱᱟᱨ ᱛᱮ ᱥᱟᱪᱟᱨᱦᱮ ᱨᱮᱭᱟᱜ ᱥᱩᱨ ᱨᱮ ᱢᱮᱱᱟᱜ ᱠᱚᱞᱮᱠᱟᱛᱮ ᱵᱟᱰᱟᱭᱚᱜᱼᱟ, ᱩᱱᱠᱩ ᱫᱚ ᱢᱩᱬᱩᱫ ᱞᱮᱠᱟᱛᱮ ᱥᱟᱪᱟᱨᱦᱮ ᱯᱩᱡᱟᱹ ᱠᱚ ᱠᱚᱨᱟᱣᱼᱟ᱾ ᱴᱳᱴᱳ ᱠᱚᱣᱟᱜ ᱵᱟᱨᱭᱟ ᱢᱩᱲᱩᱫ ᱵᱚᱸᱜᱟ ᱢᱮᱱᱟᱜ ᱠᱤᱱᱟ ᱡᱟᱦᱟᱭ ᱠᱤᱱ ᱩᱱᱠᱩ ᱠᱚ ᱵᱟᱸᱜᱟ ᱟᱹᱠᱤᱱᱟ᱾
- ᱤᱥᱯᱟᱼ ᱩᱱᱤ ᱫᱚ ᱵᱷᱩᱴᱟᱱ ᱵᱩᱨᱩ ᱨᱮ ᱛᱟᱦᱮᱸᱱ ᱨᱮᱭᱟᱜ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱟᱨ ᱵᱟᱝ ᱠᱚ ᱚᱥᱟᱣ ᱞᱮᱱᱠᱷᱟᱱ ᱩᱱᱤ ᱫᱚ ᱜᱷᱟᱹᱞ ᱞᱮᱱᱟ ᱾ ᱴᱳᱴᱳ ᱠᱚᱫᱚ ᱩᱱᱤ ᱡᱤᱭᱟᱹᱞᱤ ᱠᱚ ᱟᱨ ᱤᱭᱩ ᱠᱚ ᱥᱟᱨᱵᱷᱟᱨ ᱠᱚ ᱮᱢ ᱞᱮᱫᱟ ᱾
- ᱪᱮᱢᱟᱼ ᱩᱱᱤ ᱟᱛᱳ ᱟᱨ ᱚᱱᱟ ᱨᱮᱱ ᱦᱚᱲᱠᱚ ᱫᱚ ᱟᱱᱟᱴ ᱟᱨ ᱜᱷᱟᱹᱞ ᱠᱷᱚᱱ ᱨᱩᱠᱷᱟᱹᱭᱟᱹ ᱫᱚᱦᱚ ᱠᱚᱣᱟᱭ᱾ ᱩᱱᱤ ᱫᱚ ᱪᱟᱣᱞᱮ, ᱪᱮᱬᱮ ᱟᱨ ᱤᱭᱩ ᱦᱚᱸ ᱠᱚ ᱮᱢᱟᱭᱟ᱾ ᱴᱳᱴᱳ ᱠᱚ ᱨᱮᱱ ᱱᱟᱭᱠᱮ ᱠᱚ ᱢᱮᱱᱟᱜ ᱠᱚᱣᱟ, ᱩᱱᱠᱩ ᱟᱡᱛᱮ ᱩᱱᱠᱩᱨᱮᱱ ᱯᱩᱡᱟᱹ ᱟᱨ ᱫᱟᱲᱮ ᱠᱚ ᱮᱢᱟ ᱠᱚᱣᱟ᱾ ᱚᱲᱟᱜ ᱨᱮᱭᱟᱜ ᱵᱟᱦᱨᱮ ᱨᱮ ᱤᱥᱯᱟ ᱟᱨ ᱚᱲᱟᱜ ᱢᱩᱫᱨᱮ ᱪᱮᱢᱟ ᱠᱚ ᱯᱩᱡᱟᱹ ᱦᱩᱭᱩᱜᱼᱟ᱾ ᱱᱟᱦᱟᱜ ᱚᱠᱛᱚ ᱨᱮ, ᱱᱚᱣᱟ ᱟᱹᱫᱤᱵᱟᱹᱥᱤ ᱜᱟᱫᱮᱞ ᱢᱩᱫᱽᱨᱮ ᱠᱟᱹᱥᱴᱟᱱ ᱫᱷᱚᱨᱚᱢ ᱵᱚᱱᱚᱫᱚᱞ ᱟᱠᱟᱱ ᱤᱥᱟᱹᱭ ᱠᱚ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱡᱟᱹᱥᱛᱤᱠᱟᱭᱛᱮ ᱤᱥᱟᱹᱭ ᱢᱚᱱᱤᱥᱱᱟᱨᱤ ᱠᱟᱹᱢᱤ ᱞᱟᱹᱜᱤᱫ ᱠᱚ ᱢᱟᱱᱟᱣ ᱞᱮᱫᱟ᱾
ᱠᱟᱹᱣᱰᱤ ᱟᱹᱨᱤ ᱠᱟᱹᱢᱤ ᱦᱚᱨᱟᱠᱚ
ᱥᱟᱯᱲᱟᱣᱴᱳᱴᱳ ᱠᱚᱫᱚ ᱚᱛᱢᱚᱱ ᱠᱚ ᱪᱟᱥᱼᱟ ᱾ ᱴᱳᱴᱳ ᱠᱚᱫᱚ ᱠᱟᱹᱢᱤᱣᱟᱱ ᱪᱟᱥᱤᱭᱟᱹ ᱵᱟᱝ ᱠᱟᱱᱟ ᱠᱚ ᱟᱨ ᱚᱱᱟᱛᱮ ᱢᱤᱫᱴᱟᱝ ᱜᱚᱴᱟᱵᱩᱴᱟᱹ ᱪᱟᱥ ᱟᱹᱰᱤ ᱡᱟᱹᱥᱛᱤ ᱵᱟᱝ ᱠᱚ ᱪᱟᱥᱼᱟ᱾ ᱥᱟᱱᱟᱢ ᱚᱲᱟᱜ ᱨᱮ ᱢᱤᱫᱴᱟᱝ ᱚᱲᱟᱜ ᱵᱟᱜᱣᱟᱱ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱟᱫ ᱵᱟᱛᱟ ᱛᱮ ᱮᱥᱮᱫ ᱢᱮᱱᱟᱜᱼᱟ, ᱱᱚᱣᱟ ᱵᱟᱜᱣᱟᱱ ᱠᱚ ᱢᱩᱫᱽᱨᱮ ᱩᱱᱠᱩ ᱫᱚ ᱟᱨ ᱦᱚᱸ ᱟᱭᱢᱟ ᱞᱮᱠᱟᱱ ᱪᱟᱥ, ᱟᱞᱩ ᱟᱨ ᱠᱟᱭᱨᱟ ᱠᱚ ᱪᱟᱥᱟ᱾ ᱠᱤᱪᱷᱩ ᱚᱠᱛᱚ ᱩᱱᱠᱩ ᱫᱚ ᱵᱟᱦᱨᱮ ᱡᱮᱜᱮᱫ ᱨᱮᱱ ᱵᱮᱯᱟᱨᱤᱭᱟᱹ ᱠᱚ ᱥᱟᱶ ᱵᱮᱯᱟᱨ ᱠᱚ ᱠᱚᱨᱟᱣᱼᱟ ᱾ ᱠᱤᱪᱷᱩ ᱴᱳᱴᱳ ᱫᱚ ᱠᱟᱹᱢᱤ ᱞᱮᱠᱟᱛᱮ ᱜᱟᱹᱭ ᱟᱨ ᱥᱩᱠᱨᱤ ᱠᱚ ᱟᱹᱥᱩᱞ ᱠᱚᱣᱟ᱾
ᱱᱟᱜᱟᱢ ᱨᱮᱭᱟᱜ ᱟᱭᱢᱟ ᱴᱷᱟᱶᱨᱮ, ᱴᱳᱴᱳ ᱠᱚᱫᱚ ᱡᱤᱭᱚᱱᱼᱠᱷᱟᱸᱰᱟᱣ ᱠᱟᱹᱣᱰᱤ ᱟᱹᱨᱤ ᱠᱷᱚᱱ ᱵᱟᱡᱟᱨ ᱠᱟᱹᱣᱰᱤ ᱟᱹᱨᱤ ᱥᱮᱫ ᱠᱚ ᱪᱟᱞᱟᱜ ᱠᱟᱱᱟ᱾ ᱚᱱᱟ ᱵᱮᱜᱚᱨ, ᱱᱟᱦᱟᱜ ᱚᱠᱛᱮ ᱨᱮ ᱟᱛᱳ ᱫᱚ ᱡᱳᱴ ᱨᱮᱭᱟᱜ ᱢᱟᱹᱞᱤᱠ ᱠᱷᱚᱱ ᱵᱷᱮᱜᱟᱨ ᱡᱳᱞ ᱨᱮ ᱟᱨ ᱵᱷᱮᱜᱟᱨ ᱩᱯᱚᱡᱟᱹᱛᱤ ᱜᱩᱴ ᱠᱷᱚᱱ ᱟᱭᱢᱟᱼᱟᱱᱛᱟᱹᱨᱤ ᱛᱟᱦᱮᱸᱱ ᱴᱷᱟᱶ ᱨᱮ ᱵᱚᱱᱚᱫᱚᱞ ᱦᱩᱭ ᱟᱠᱟᱱᱟ ᱾
ᱴᱳᱴᱳᱯᱟᱨᱟ: ᱴᱳᱴᱳ ᱟᱛᱳ
ᱥᱟᱯᱲᱟᱣᱴᱳᱴᱳᱯᱟᱨᱟ ᱥᱟᱱᱟᱢ ᱴᱳᱴᱳ ᱫᱤᱥᱚᱢ ᱨᱮᱭᱟᱜ ᱴᱚᱴᱷᱟ ᱫᱚ ᱦᱩᱭᱩᱜ ᱠᱟᱱᱟ ᱑,᱙᱙᱖.᱙᱖ ᱮᱠᱚᱨ (᱘.᱐᱘᱑᱔ ᱪᱟᱹᱣᱠᱟᱹ ᱠᱤᱞᱳᱢᱤᱴᱟᱨ) ᱱᱚᱣᱟ ᱡᱟᱞᱫᱚᱯᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱣᱟᱱ ᱨᱮᱭᱟᱜ ᱮᱛᱚᱦᱚᱵ ᱰᱟᱦᱟᱨ ᱢᱟᱫᱟᱨᱤᱦᱟᱴ ᱠᱷᱚᱱ ᱒᱒ ᱠᱤᱞᱳᱢᱤᱴᱟᱨ ᱥᱟᱹᱜᱤᱧ ᱨᱮ ᱢᱮᱱᱟᱜᱼᱟ᱾ ᱚᱱᱟᱛᱮ, ᱱᱚᱣᱟ ᱫᱚ ᱱᱟᱯᱟᱭ ᱞᱮᱠᱟᱛᱮ ᱢᱚᱱᱮ ᱦᱩᱭ ᱫᱟᱲᱮᱭᱟᱜᱼᱟ ᱡᱮ ᱴᱳᱴᱳ ᱠᱚ ᱱᱚᱣᱟ ᱵᱤᱨ ᱨᱮᱭᱟᱜ ᱠᱚᱧᱮ ᱥᱮᱫ ᱥᱩᱨ ᱨᱮ ᱛᱟᱦᱮᱸᱱᱟ᱾ ᱟᱛᱳ ᱨᱮᱭᱟᱜ ᱴᱳᱴᱳ ᱴᱚᱴᱷᱟ ᱫᱚ ᱛᱩᱨᱩᱭ ᱜᱚᱴᱟᱝ ᱪᱟᱸᱜᱟ ᱨᱮ ᱦᱟᱹᱴᱤᱧ ᱟᱠᱟᱱᱟ ᱼ ᱯᱟᱱᱪᱟᱭᱛᱟᱶ, ᱢᱟᱱᱰᱳᱞᱜᱟᱣᱚᱱ, ᱥᱩᱵᱽᱵᱟᱜᱟᱣᱚᱱ, ᱢᱤᱛᱨᱟᱝᱜᱟᱣᱚᱱ ᱟᱨ ᱰᱩᱢᱪᱤᱜᱟᱣᱚᱱ ᱾ ᱴᱳᱴᱳᱯᱟᱨᱟᱨᱮ ᱱᱮᱯᱟᱞᱤ ᱯᱟᱹᱨᱥᱤ ᱦᱚᱲ ᱠᱚᱣᱟᱜ ᱢᱤᱫᱴᱟᱝ ᱴᱷᱟᱶ ᱢᱮᱱᱟᱜᱼᱟ᱾ ᱑᱙᱙᱐ ᱥᱮᱨᱢᱟ ᱨᱮ ᱟᱛᱳ ᱨᱮ ᱢᱤᱫᱴᱟᱝ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱛᱷᱟᱯᱚᱱ ᱞᱮᱱᱟ ᱾ ᱛᱟᱭᱚᱢ ᱫᱟᱨᱟᱢ ᱑᱙᱙᱕ ᱥᱮᱨᱢᱟ ᱨᱮ, ᱦᱳᱥᱴᱮᱞ ᱨᱮᱭᱟᱜ ᱥᱩᱵᱤᱫᱷᱟ ᱥᱟᱶᱛᱮ ᱢᱤᱫᱴᱟᱝ ᱩᱥᱩᱞ ᱵᱤᱨᱫᱟᱹᱜᱟᱲ ᱦᱚᱸ ᱛᱷᱟᱯᱚᱱ ᱞᱮᱱᱟ ᱾ ᱴᱳᱴᱳᱯᱟᱨᱟ ᱨᱮ ᱢᱤᱫᱴᱟᱝ ᱮᱛᱚᱦᱚᱵ ᱦᱚᱲ ᱥᱟᱶᱟᱨ ᱛᱟᱞᱢᱟ ᱢᱮᱱᱟᱜᱼᱟ᱾
ᱱᱚᱶᱟ ᱦᱚᱸ ᱧᱮᱞ ᱢᱮ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Padma for Toto alphabet creator brings hope for community". The Times of India. 2023-01-28. ISSN 0971-8257. Retrieved 2023-12-13.
- ↑ "Proposed New Characters: The Pipeline". Unicode Consortium. Retrieved 18 December 2019.
- ↑ Anderson, Deborah (27 September 2019). "L2/19-330: Proposal for encoding the Toto script in the SMP of the UCS" (PDF). Retrieved 18 December 2019.
- ↑ "Unicode 14.0.0".
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱪᱷᱟᱸᱪ:Bhutanese societyᱪᱷᱟᱸᱪ:Scheduled tribes of West Bengal